ناني الشاميه .. هدؤ قبل العاصفه .. ام عواصفي انتهت

[ناني الشاميه]

السلام عليكم ...

بنات طمنوني عن نفسي ..

انا من اسبوع
بعد شهرين من البكاء المتواصل

فجاءه ..هدت نفسي
صرت ما ابكي ..

وحتى زوجي لوجرحني بكلامه ..
اجي ابغى ابكي
يجيني صووت من الداخل يقول لي
لاااء لاتبكي وصدق
ما ابكي وانسى
واقول وليش ابكي وش يصير ؟؟يعني لابكيت


وحتى لو اشوفه جالس على اي فونه ومنعزل بالزاويه عن عالمنا ومنغمس بالعالم حقه
اخذ بعضي ..واروح انااا م ما ادري ليش اروح انااام

من قبل اطب فوقه
ويغير الصفحه بسرعه
واقوله ليش وش كنت تشوف ..وووو ونتهاااوش ويضل البيت مطرب ايام واسابيع


اذا تاخر بالليل ما صرت اتصل اقوله وينك



من قبل ارسله وادق له واتفقده .


ليش بنات انا صايره كذا هل فيني شي

هذا موطبعي

احس ماعندي احساااس
صاير .. لا مبالاااه


الصباح كان نايم ..

جيت انا ابنام وجلست جنبه على السرير وصرت اطالع فيه


وصرت اتخيل انه ميت وجالسه ابكي انا عليه
عند قبره

فبكيت بدووون صوووت من كل قلبي



وما ادري سكت فجئه
ونمت

بنات انا خايفه على نفسي ...


اخاف بعدها يصير فيني شي ...

هل هذا استسلااام

ام تعودت على الحال




بس اليوم العصر قلتله لمانروح الاسبوع الجاي لرياض ابعزمك على كافيه روووعه


فكان يلعب بالجوال ولما قتله كوفي شوب روعه رفع راسه وعيونه متبحلقه ....

وقالي وش اسمه وين موقعه اصر علي بس ماعلمته


انا عارفه يبيه عشان يواعد له زبَالَه من زبَالات الرياض ان حرق قلبي وغصيت بالدمع
بس مابكيت

انا ابي اعزمك
على هالمكان الراقي

وانت همك تعزم غيري
وهم سكت ..

بس ما اعرف لما ينزلني عند اهلي الاسبوع الجاي ويرووح لشغله
الكذابي ويرجع لمي
ما اعرف كيف ابقضي هالساعات

بنات انا خايفه

............


احد ينصحني
يفسرلي حالتي

يامشرفات
ساعدوني هل انا في خطر ؟؟
....................


​

 

[شامخة بذاتي]

الله يفرج همك

حالتك محد يفسرها غيرك

اكيد تعبتي من المشاكل والمناقرات

والحين صار الوضع عندك عادي بدأتي تتأقلمي على الوضع

وبما انك صرتي كذا احسن واقرأي مواضيع عن اغراء الزوج وكسبه

وعليك بالدعاء وان شاءالله ربي يقنع قلبه ومايشوف غيرك

والمصيبه التقنيه وتتطور العالم وبرامج المحادثه هي السبب
حسبي الله على من صنعها

 

[بقايا امراه]

ياماما قللللللللللللللللللعت الرجال الله لايردهم الزم ماعلينا صحتنا ماادري ليش الحريم صار شلهم الشاغل رجالهم عيش وانبسطي واصنعي لك عالم لازو يشوف قوتك وانك مشغوله ومستغنيه عنه راح يجن وياخاف ومرده يرجع لك ادرسي اشتغلي اتسوقي اتلذذي بحياتك ودلعي عمرك وهو بالطقااااااااااق

 

[حبيب قلبي123]

اهلين خيتو الله يصبر قلبك ان شاء الله ماعندك الا العافيه اتوقع انك اتأقلمتي مع وضعك وماقدامك الا العافيه وخليكي على ضعك ووطنشي ولا تنبشي ورى زوجك وعيشي نفسك ولا تجيبي لنفسك الهم صدقيني ماحد بيخسر غيرك واهو زوجك اقصد مطرب نفسه وعايشه لحاله انتي عيشي وطنشي والله معاكي

 

[ناني الشاميه]

تعبت اشكي...تعبت ابكي ...تعبت احكي مآسي الروح..

تعبت اشكي...تعبت ابكي ...تعبت احكي مآسي الروح..
قتلني الوقت بضروفه
ذبحني وجففت نهاري..
أخبي علتي واسكت
وانا في داخلي مذبوح..
أجامل وارسم الضحكه وانا قلبي على ناري..
أحاول والله يعلم بي اداري دمعتي لاابوح
اداري الجرح واتجاهل عن اللي ينشد اخباري..
اقول بخير لكني
جريح وفي حشاي جروح.
صداها لودفنته يوم يبين سنين بأنطاري.
صرخت بحسرتي يكفي
صرخت بصوتي
المبحوح.
الاياوقت وش ذنبي عشان الفيك باعذاري. تبعثر حلمي قدامي
وغديت بدنيتي منزوح
وقفت ولاقدرت اجمع مغيرمشتت افكاري
امني النفس واخدعها واقول ان كربتي بتروح
وهي والله مولوده
قدرفأرحم اقداري
قتيل والبقا براسي
في دنيا مابها مصلوح
قتيل والقهرقاتل من اللي ياخذ بثاري
اباببقى ضحية وقت اعاني والعنا مجروح
دعيت اللي خلق يرحم رجيته ربي الباري
ابي اسعد انا بلحظه
قبل نزعه توافي الروح
قبل مارحل عن الدنيا واروح لآخر دياري
انابحمل صديد الجرح
في باقي وقتي المسموح
وإذا وافتني القدره
ترى هالبيت تذكاري
رثاني دمعي الطاهر في صمته مارضي بالنوح
رثتني قسوة الدنيا
ورثتني حتى اشعاري
وجزت اللي ذبح قلبي وعشته بالخفا مشروح
لجل ماضعف بعين اللي نشدني كيفها اخباري​

 

[حيرني آمرگ]

ياااااقلبي ياناني تراك طبيعيه بس جاتك حالة تبلد مااااعد يهمك وش يصير حولك
وصدقيني هذا الحل احسن لك عيشي حياتك وطننننننننننشي وعيشي ولاتفكرين في زوجك ولا الحثالات اللي يكلمهم
حاولي تشغلي نفسك وانتي عند اهلك روحي واخرجي واستانسي وونسي اطفالك وعسى ربي يبرد قلبك وقلب كل وحده
مجروحه

 

[@@ترانيم الهوى]

هي بدايه للاستقلال العاطفي
كانت عاطفتك مرتبطه بزوجك فاذا رضي عنك سعدتي
واذا جافاك شقيتي
ولكن الان انتي من تصنعي سعادتك واصبحتي تتحكمين في مشاعرك
وليست هي من يتحكم فيك
فتغضبي متى مااردتي وترضي متى مااردتي
وتحبي من تريدين بحكمه وعقل وليست عاطفتك هي من يجرفك الى الحب
فهنيئا لك
حققتي مالم تستطيع تحقيقه الكثيرمن النساء

اضاء الله لك طريقك وازال همك وملاء قلبك بحبه وحده لا سواه

 

[حياه اجمل]

الله يعينك مالك الا الصلاة بالليل والاستغفار والدعاء صدقيني يتغير حاله كمان لازم تخوفينه من رب العالمين والموت المفاجئ وذكريه بالله وانه يخون ربه قبل ان يخونك
حالتك يمكن تاقلمتي مع الوضع فصار عندك عادي
اشغلي نفسك واهتمي بنفسك وبالبيت واولادك

 

[غربة احساس]

اه ياقلبي عليك وربي مرت علي نفس حالتك قبل سنه الله لايعيدها
بس لقيتني اتقرب لله واحس براحه فضيعه
قربي لربك
الله يجبر قلبك ويسعدك بحياتك

 

[ناني الشاميه]

هي بدايه للاستقلال العاطفي
كانت عاطفتك مرتبطه بزوجك فاذا رضي عنك سعدتي
واذا جافاك شقيتي
ولكن الان انتي من تصنعي سعادتك واصبحتي تتحكمين في مشاعرك
وليست هي من يتحكم فيك
فتغضبي متى مااردتي وترضي متى مااردتي
وتحبي من تريدين بحكمه وعقل وليست عاطفتك هي من يجرفك الى الحب
فهنيئا لك
حققتي مالم تستطيع تحقيقه الكثيرمن النساء

اضاء الله لك طريقك وازال همك وملاء قلبك بحبه وحده لا سواه



كلامك فرحني كثير .....

 

[زوجة الناظر]

الله يصبرك

 

[اولادي كل حياتي]

[/SIZEكل يوم أدخل ادور على موضوع لك وارسلت لك على الخاص اطمن عليكي
ـ وأخيرررراً وصلت لهه المرحلة مرحلة الاستقلال العاطفي عن زوجك بعد ماانحرق دمك حبيبتي واعصابك من دون فايدة عليه او تغير من ناحيته
ـ الان انتبهي على نفسك وصحتك واستمري بتقوية قلبك وتعلقك بزوجك
ـ وبرااافو عليكي ماشاالله الله يقويكي أكثر ويبرد على قلبك وهذه نتائج الاستغفار والتقرب لله الحمدلله
ـ ولما تسافرين انبسطي مع اهلك واولادك واخرجي كل يوم وابسطي عمرك وهو منه لربه لاتفكري وين يروح ووين يجي
ـ وحطي ببالك ربنا يمهل ولايهمل ويجيله يوم ربي يهديه او يعاقبه في الدنيا
ـ اهم شي انتي لاتقصري مه الله وربنا راح يوفقك ويوقف معاك
ـ والله يطمنا عليكي دائماً]

 

[ساندرا]

صديقتي حكتلي نصيحه ممكن تفيدك خلي زوجك رقم 10 بحياتك يعني اخر اهتماماتك

 

[اسيره همومها]

نفس الحكايه لمااقول لزوجي بعزمك في كافيه او فندق احسه يفكر مثل زوجك او انه ينصدمووووووون منا انهم عذبونا ونكافئهم بعد والله ماعررررررررفنا لهم بس الله يهديهم

 

[سهم العشق]

انت تعبتي يا اختي من كتر ما بكيت وعانيت فصار عندك حاله من تبلد الاحساسيس انا كانت تجيني هذه الحاله لما كنت ابكي واجلس ايام ابكي واعاني في حل مشاكلي 00 انت لا تتعبي نفسك ولا تحملي حالك فوق طاقتها ووكلي امرك لله سبحانه -000​

 

[ناني الشاميه]

قبل اشوي دخل البت معصب وهزئني تهزيئ....

ما ادري ليش معصب لهذي الدرجه
مع انو الامر مايسوى ابدااااا ابداااا

بس كانه اشتاق يشوفني ابكي

كل يوم كان يناااام
على نغمات دمعاتي

فله كم يووم فاقد بكاااي

والله حسيت يابنات انه وده يبكيني تخيلو جلس يبربر يبربر يبربر
وانا ماسكه نفسي يقول كلااام حقير ومهين زيه ومن بينه انك لازم تركعين ليه

ناظرت فيه وقلتله ليش انت ربي عشان اركع لك
؟؟؟؟؟؟؟؟؟؟؟؟؟
سكت وطالع فيني

بحقد ........ وبعدين رجع يهزئ ما احتملت بكييييييييييييييت بصوت يقطع القلب انا حزنت على نفسي تخيلو يوم بكيت سكت وهدى وراح للسرير وناااام

اه حسبي الله عليه
رحت توضيت وانا ابكي وصليت وانا ابكي قدامه و دعيت عليه بالسجووود

ولا حرك ساااكن ارتاااح نزل دمعتي

يمكن انا استعجلت بكتابه هالموووضوووع

او ان صدق هاذا الهدوؤ قبل العاصفه..
وانا الحين اكتب وانا ابكي
ما ادري تعبت من البكى والله قلبي تعب من التنهيد والحسره والقهر

الله يقهره زي ما قهرني

 

[$$ألق$$]

ياقلبي عليك والله اني حاااااااااااااااااسة فيك حيل
بس ما أتوقع إنو الهدوء اللي يسبق العاصفة
لأن العاصفة هبت بشرها وبلا رجعة يارب
حاولي فعلا تعيشين سعيدة
انسجي الفرح لاجلك أنت
لانك تستحقين الفرح
لأنك مؤمنة وراضية بقضاء ربي وقدره
لأنك طاهرة
وماتستاهلين الأنجاس اللي حولك
لانك مميزة
بتفكيرك ومرحك وروحك
عيشي عالمك
ولاتطنشي زوجك
وبيجي اليوم اللي تشوفينه
وده بس يركع يعتذر لك
مجازا طبعا
يارب يارحمن
غيثا عاجلا مغيثا لقلبي وقلبها
وكل مسلمة
محبتك

 

[ناني الشاميه]

اختي الق لا اعرف كيف اشكرك على كلماااتك
جعلك الله بالفردوووس الاعلى
انتي وكل من اهتم لامري ورد علي وواساني او شجعني

 

[غرام انسانه]

حسبي الله عليه
يحمد ربه ان عنده وحده مثلك صابره عليه
حبيبتي والله طنشيييييييييه ترا الرجال تقهرهم قوة الحرمه
ودائم ادعي قولي ((اللهم اجعل الاخره همي))
والله يهديه يارب ويصلحه ومايشوف غيرك ويرده لعقله,,,​

 

[أنثى راقيه]

حسبي الله ونعم الوكيل
والله يعينك يارب
بس ما عليك منه عيشي حياتك ولا تهتمي فيه وكثري زياراتك وطلعي وانبسطي مع خواتك وصديقاتك مرده لك اهم شي عليك صحتك ونفسك مره شيخ يقول بعض الحريم تصب وتصبر وتحرم نفسها اشياء لحد ماينطق جسمها عنها(يقصد الامراض)
اسعدي نفسك وراح يجيك ايش راح يستفيد من هالمحادثات
وبالتوفيق