البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم،
السلام عليكم ورحمة الله وبركاته،
هذا الطبق سويته البارحة، وتعشينا منه،
المهم سويته علشان أدش فيه مسابقة تخص المطبخ،
إدعوا لي أفوز،:icon30:
المهم شوفوا الطبخة
ناشف الجبدة أو الكبدة
المقادير:
كيلو جبدة طازجة ومقطعة مكعبات وشرائح
بصلة متوسطة مفرومة
4 فصوص ثوم مفرومين
4 حبات طماطم مقطعة قطع صغيرة
فلفل بارد مقطع
فلفل حار
علبة صلصة طماطم
بطاطس مقطعة مكعبات
عود دارسين
ملعقة حلبة جافة
بهارات مختلفة (دقوس + بهارات بحرينية + زنجبيل مطحون + هيل مطحون + سنوت)
ملعقة حبة السودة
كزبرة وشبت مفروم
بصلة متوسطة مفرومة
4 فصوص ثوم مفرومين
4 حبات طماطم مقطعة قطع صغيرة
فلفل بارد مقطع
فلفل حار
علبة صلصة طماطم
بطاطس مقطعة مكعبات
عود دارسين
ملعقة حلبة جافة
بهارات مختلفة (دقوس + بهارات بحرينية + زنجبيل مطحون + هيل مطحون + سنوت)
ملعقة حبة السودة
كزبرة وشبت مفروم
الطريقة:
- نخلي الجبدة + عود الدارسين + الحلبة في قدر ونحط عليه ماي ونخليه يفوح لين ما نجهز الحمصة، علشان يطلع منه نفس الزبد من فوق،
- نحمص البصل والثوم في الزيت
- بعدما يذبل البصل والثوم نضيف البطاطس علشان ينقلى شوي،
Time Out (لما كنت أحرك في البصل، شلت الكفشة ولاحظت عليها إنها على شكل ويه هههههههههههه بروحه صار ما أدري شلون):bleh:
- بعدين نضيف الطماطم والفلفل البارد والحار ونخلطهم زين،
- في هالأثناء لما ترجعين للجبدة تشوفينها صارت جذي، فشيلي الطبقة اللي قاعدة تتكون فوق،
- عقب ما يلين الطماطم شي بسيط، ضيفي البهارات والملح وصلصة الطماطم والحبة السودة،
- عقب ما تخلطين كل شي مع بعض، شوفي الجبدة صارت بهالشكل، شيليها من الماي حتى لو بعدها يابسة، أهم شي شلنا الزبد اللي تكون فوق الماي،
- شيلي الجبدة وضيفيها فوق الخليط، وزيدي كوب صغير ماي،
- صكي الغطاء وخلي الجبدة على نار هادية، بعد ربع ساعة ضيفي الكزبرة والحشيش
- خليه على الناس تقريباً ساعة إلا ربع، طبعاً نار هادئة جداً،
وهذا شكله عقب ما جهز وحطيته في صح، تقدرون تاكلونه مع رز،
- أو مع الخبز أو السندويش
التعديل الأخير بواسطة المشرف:
