نار جوتي..ودي احد يطفيها..الله ينتقم منه

[ام خالد2015]

السلام عليكم
انا زوجه ثانيه ...و اكثر من مره كتبت عن علاقتي الزوجيه بزوجي حسبي الله عليه دنيا واخره وبينت اني عدلت من تصرفاتي وان اموري الى حد ما بدات تتحسن ولكن اليوم صارت مشكله كبيره جدا..اتمنى تسمحون افضفض هنا لاني حنفجر والله اني اتمنى اذبحه حتى لو فيها قصاصي
طبعا انا رجعت لزوجي بداية شهر 8 بعد مشكله كبيره جدا وكنت اقوم بواجباتي ع اكمل وجه واتجنب الاحتكاك معاه ايش ماسوى وهو لاحظ هذا الشي ولكن باقي شايل عليه وحاقد وقبل رمضان بليلتين سوا ليه مشكله وش كبرها وصياح وسب عشان لقاني اضفت شباب في الانستجرام وحاولت اوضح انه ممكن الصوره تغيرت واني مستحيل اضيفهم ولافهم وحذف حسابي وكل شي حسبي عليه ولا قلة شي غير دمعه من عيني نزلت غصب لاني مظلومه المهم وليلة رمضان رضاني وقال لو بقيتي كذا انا اسعد انسان ..الخ الخ المهم ورضيت ولا كان شي صار
بدانا رمضان ولا احلى ..وكان افضل شهر وافضل رمضان اقضيه معاه حسبي الله عليه الين جا نهاية رمضان واكتشف انه راح مكه مع حرمته وانا طلبته قبل رمضان وبداية رمضان وقبل مايطلع انه يوديني مكه ومره يوافق ومره يتعذر وزعلت ماقلتله شي بس لمحت اني بغيت اروح مع اخويه وسحب عليه وانا مقهوره منه المهم فهم هو اني اقصده مااقصد اخويه.. راضاني وبعدها قلب 360 درجه للان ..وانا مااكذب عليكم شلت بقلبي وحسيت باهانه انه ضحك علي وكرر فعايله اذا طلبته شي يرفض ويقوم يسوي معاها نفس الشي..ووالله ماوجهته ولا شي بالعكس حاولت اكون طبيعيه بس هو حاس اني عتبانه وجلست 3 ايام الاخيره من رمضان وانا احاول اراضيه عشان العيد ولاسويت شي بالعكس محل مايبغى معاه ومر العيد بسلام لكن فيه زعل واضح من النظرات وكان انكسر شي جديد بيننا انا عادي كملت واتصرف عادي هو يقول لا انت متغيره وقالب عليه وكلب في تصرفاته معي ...المهم
لقيت فرصه ورحت مع اخوالي لمكه واخذت عمره الحمدلله بس غصه والله بحلقي انه ماوداني واني مع الناس وخلاني..رجعت عادي وسوا مشكله جديده وافتعل زعل رحت اراضيه بكل ذوق واعتذر منه قلت اسفه لو صدر مني شي زعلك بس والله بدون قصد ايش فيه حبيبي زعلان...رد عليه وقال : عارفه اتمنى لو اعطيك بالجزمه ع وجهك واطردك برى .. ولاخليته يكمل قمت بسرعه وطلعت لاني ماعاد اتحمل اهاناته وظلمه وزعلت بقوه لدرجة ارتفع الضغط عندي وطنشته يوم كامل ولا نمت بجنبه فجا اليوم الثاني يكلمني ويعتذى ويقول انت متغيره قالبه وجهك قلت انا تعبانه من العمره وقلتلك اني منتهيه وابغى ارتاح قال لا فيك شي لاتتعاملين معايه كذا وزعل من صورة خالي اللي حطيتها بالواتس وعبارة شكر انه وداني مكه مره زعل وقال اي احد يسويلك شي ياكبرها عندك..ماعلقت كثير معاه بس وضحت اني جاده بزعلي لان الكلام اللي قاله اهانه لي ولاغلطت عليه عشان يقول كذا وتركته وطلع من عندي وانا مارضيت جا اليوم الثاني من الدوام وانا عادي استقبلته كويس جهزت الغدا وخلاص ومرت الايام هذا كان يوم الثلوث اللي فات ..

طبعا طول الفتره من زعله نهاية رمضان للان ماقرب مني الا 3 مرات ممكن مع انه حتى اوقات الدوره ينام معي او يلمسني بس المرهوهذي واضح قد ايش حاقد وكارهني
المهم انا عندي جمعة حريم واليومين اللي فاتو طلبته اغراض للجمعه وشكله زعلان مني عشان كذا لانه صرف كثير ومشورته اكثر من مره بس والله من رمضان ماحد جاني ولا احد عيدني ودخل بيتي الا هذا اليوم ...
المهم جا امس الليل قالب وجهه شوي ويالله يتكلم معي ومايبغى يقرب مني وعينه في الجوال ومطنشني انا تعبانه وماخذه برد وطلبته دوا ولا جاب..قربت منه واضمه وكاني مو حاسه بشي لكن واضح فيه انه بس يجامل مافي اي مبادره منه وهذا مو طبعه ابد..المهم نومت عيالي وجيت لقيته نايم وصحينا بدري للفجر ورجع من الصلاه وقعدنا نسولف ويامحلانا ووالله من زمان ماجلسنا زي كذا لحالنا الين قرب دوامه وراح لبس طلب مني ثيابه يكويها جهزتها وبقي ثوب قال هذا لا ماعاد بلبسه ..(قصة هذا الثوب ايش..انا زمان اهديته قماشين دنهل وجيفينشي وقبل 5 شهور سالته عنها قال انه رماها خلاص ماعاد تنلبس استهلكها زعلت وقلت كيف ترميها هذي هديه مني كان جبتها انا احتفظ فيها عندي ليش تخلي حرمتك ترميه وتتشفى فيه ولا خلتها خرقه تمسح فيها)..المهم مشكله وعدت طبعا انا قلتله قلبي ترى هذا مهو الثوب اللي اهديتك اياه اذا تبغى ارميه قال كيف مو هو الا هو قلت والله مو هو انا تاكدت من الازرار في النت مو نفسها وهو يحلف انها هي وانا اقول طيب بوريك بكل هدوء هو زعل ياناس ووالله لو شفتوه وكاني تكلمت في عرض حرمته او اخواته او سبيت امه او شي كبير انفجر وتركته لمن رفض يشوف اللي يقهر انه طلع فعلا هو اللي اهديته .. رحت اجهز ملابس لبناتي عشان الجمعه الليله وابغى اتجنبه خرج من الحمام معصب وناداني ماسك الثوب ورحت وانا اتعوذ منه ويدوب لفيت ابغى اقول اني غلطت وعادي ترى الا رامي الثوب بوجههي انا خلااااااص والله اني اكتب وابكي من الحرقه والاهانه ولاخلى شي ماقاله وقال ها بتطلعين بسالفه جديده الحين عشان تقولين اني خليتها خرقه لحرمتي وهذا هو القماش وووووووو وخليتيني احلفلك انه هو يالواطيه شفتي لوين وصلتيني ابغى اقنعك لعنت الله ع ذا الوجه وجلس يلعن ويسب وانا محلي مقدر لااجلس ولااقول شي واقفه مذهوله مقهوره من الكلام والعصبيه وطلع من الغرفه وخرجت لغرفة عيالي ورجع ناداني وقام يكمل خصام وتهزيء وضرب طاوله برجله لدرجة طار القزاز حقها وكان فيه بلونه ويفقعها برجله بكل قوتها تخيلت حتى الجيران صحيو وهو مستمر يتحسبن ويدعي ويسب فيني ... وانا بس ماسكه اعصابي وعيني بالارض مو قادره اطالع فيه من الحقد كرهته وحقدت عليه وخفت انفجر فيه.. وجلس واقف ع راسي من العصبيه والغيض حول 15 دقيقه وهو شوي يسكت شوي يتكلم ويسب وانا دموعي خانقتني وساكته ضاغطه ع اعصابي من القهر الين الله كتب انه يطلع وهو بلسان واحد حسبي الله عليك...وقعدت مذهوله ايش صار عشان كذا ... ادري انه مو عشان الثوب والله باقي شايل وحاقد وكارهني ومو مصدق يلقى مدخل عشان يرجع يهزئني ويمد يده او يرمي عليه شي..الواطي الزباله الله ياخذ عمره اللعين حسبي الله عليه.. والله اني اموت من القهر ولا ابين عشان بس اكتفي شره

 

[ام خالد2015]

وقعدت ابكي وابكي لين تنفخت عيوني من القهر والظلم مكاني وقمت ع الثوب وقصقصته وكرهت اللحظه اللي جبته فيها وكرهتني وحسبي الله عليه واقوم اشوف جوالي الا هو راسل رسالتين يسب ويتحسبن ويلعن فيني .. ولا رديت للان ولا ابغى اكلمه او اشوفه حسبي الله عليه ونعم الوكيل الهي ينصرني عليه نصر عزيز مقتدر

 

[ام خالد2015]

اقسم بالله مدري كيف عاد اعيش مع شخص للدرجه هذي كارهني وحاقد عليه..دايم يكرر عليه انه انا سبب تعاسته وانا بس اللي مو مريحته ويحسسني ويدق في الكلام انها افضل مني ولا شاف معاها اللي شافه معي...طب بالله ليش هذا كله بليز بنات تعبانه مررررره مقهوره منه من يوم رجعت وانا شايله بصدري واقدم تنازلات وارضى واقبل اهاناته عشان اغير من طريقتي القديمه ولافي فايده بالعكس احسه تعالى عليه اكثر وصار اكثر قسوه وجاف معي ... والله لو اقولكم ايش اسوي معاه لتتفاجؤون فيه زوجه اهانها زوجها اكثر من مره ويحب غيرها ويفضل غيرها عليها تسوي معاه كذا شي ماينشرح ولا فاد فيه شي ...ولا هو راضي يتغير ويهدا يزعل مو مشكله لكن ليه الاحتقار والاهانه والذل ليش الحقاره في التعامل لمن يزعل مني واقسم بالله تقريبا 3 شهور مازعل الا مني وع شي هو يطلعه الله ينتقم منه ويكفيني فيه حسبي الله عليه ...مقهوره يابنات ..بس وين يروح من دعاي الله فوق وكله مسجل ومحسوب وووالله لو تنطبق السما ع الارض لااسامحه لادنيا ولا اخره حاولت اتنازل وتغاضيت ومشيت عشان اكسبه واكتفي شره لكن دام هو مايبغاني ايش بيدي ... الحمدلله ع كل حال

 

[ام خالد2015]

ارسل دوبه ..كنت حاطه صورته في الواتس من 4 ايام عشان ارضيه يوم زعل من صورة خالي وشلتها ..فرسل يقول اصلا ماتشرف وحده زيك تحط صورتي...الله لايردك


هيا ايش اسوي ...؟؟؟؟؟؟؟؟؟!!!!!!

 

[ماجدة العلي]

حبيبتي انا معاكي بس والله ما كان في داعي للنقاش بخصوص الثوب
كان عادي طنشي
وبما انك زوجة ثانية خلي عندك الجنة وخلي الرياحة كلها عندك
لا تدايقي حالك وتدايقيه
حبيبتي زوجك غلط عليكي من العصبية يلي فيه الا هو ما يكون متقصد يجرحك

 

[ماجدة العلي]

خليكي طبيعية وعادية قدامه
ولا تنقهري لان نحن رجالنا بنقلهم على غرض يجيبوه صدقيني ما بجيبوه وبطنشونا
بس معلش اتحملي شوي كرمال الولاد
وهو بس يهدء بحس بغلطو

 

[ماجدة العلي]

قومي الليل واستغفري وادعي عشى الله يهديه ويوفقك بحياته
بس لا بقى تفتحي الموضوع معه لان بدايقه عن الثوب
خلص خليكي عااااديه قدامه ومرتبه حالك وبيتك
الله يهديه يا رب ويصبر قلبك

 

[كنت حيآته]

حياتي ام خالد

اذكري الله وتعوذي من الشيطان اول

وبعدين تدرين اشوف اللي مقونه عليج انج

معطتنه اكبر من حجمه ع كثر ماتاخذين عطي

لا تتلزقين فيه وايد تعاملي معاه ع نمطه

يعني يوم شلتي صوره خالج ليش حطيتي صورته ؟

من زيين افعاله يعني كفايه سحب عليج وودا زوجته

انتي حطي نفسج في مكانه وحده ان اهنتها ولا سبيتها

عادي رجعت بكل سهوله شو بتسوين ؟ في كل مره

بيزعلج ويهينج وويقول بترضى مايهم

لازم يكون لج موقف قوي يا ام خالد لااازم

 

[نور1406]

غلط انك ناقشتيه ع الثوب واكبر غلط انك بينتي له انك تغارين من زوجته لمن قلتي انها بتتشفى منك وتستخدمه ممسحه للارض المفروض ما تذكرين زوجته ابد
بالنسبه للزوج يتكبر على زوجته ويعاملها بجفاء لمن ما تحسب لنفسها قيمه
اذا غلط لا تعتذرين انتي لكن مو مشكله انك تتصرفين عادي

 

[ام خالد2015]

انا ماناقشته اليوم ع الثوب ابدا هذا الموضوع صار من زمان ...اليوم بس قلت اذا تبغى ارميه ترى مو هو اللي اهديته لك وهو جاب المشكله القديمه وذكرني بكلامي اول ...انا من يوم جيت ابد ماجبت سيرتها ولاعاد اغار منها ع الرغم اني متاكده من تفضيله لها بس مشكلة الثوب صار لها 6 شهور تقريبا قديمه واليوم انفجر عليه يوم طلب ثيابه كلها الا هذا القوب فقلت انه لو تبغى ارميه والله تكلمت عادي لعفويه دوبنا كنا سوالف وسمن ع عسل ياناس كيف اراقب كلامي كل مره قبل اتكلم معاه عشان مايكون يضابقه ويسوي فيني كذا والله مو عيشه ...ااااه بس ماتدرون كيف عايشه معاه الكلام بحساب الافعال بحساب اخاف من اي شي قبل اسويه خوف منه اتقي شره ...الله يسلط عليه الي اقوى منه يهينه ويذله لعنة ربي عليه لو عاد اتنازل له مره ثانيه قسم بالله مارجعني الا بناتي وكان عندي شك انه باقي يبغاني بس تصرفاتي اتجاه اغلاطه وتقصيره كانت غلط فقلت اصلح من نفسي اشوف لكن بعد 3 الشهور هذي كنت عروس كنت زي مايبغى واحسن وبرضه سيء واكثر فلا والله اني صح وهو الغلط الزباله الواطي حسبي الله عليه نكد عليه اليوم مدري كيف اقابل الناس والله لو مو البنات قسم لاكنسل كل شي واطلق من عافني عفته ولو كان غالي مني من الشارع ولا ناقصني شي ...اللي مريحني اني الحمدلله ماغلط عليه ولاقصرت باي شي من يوم رجعت لكن هو اللي قصر وهو اللي يبغاني 24 اضحك واحب فيه وهو منتى مابغى ينبسط معايه جا ومتى مابغة يبوز بوز

 

[ام سوسو55]

حبيبتي ام خالد

ياقلبي عليك اسمحيلي ياعمري ابي انصحك لله تعالى ولا تزعلين مني والله قصدي مصلحتك يشهد الله شوفي هذا كلامك ..

( الواطي الزباله الله ياخذ عمره اللعين حسبي الله عليه.. )

هذا آخـر كلامك الي قلتيه , هذا ايش اسمه الكلام هذا ايش اسمه وش تبين نرد عليك او ننصحك وانت تلعني وتدعي وتسبي وتقولي هو يلعن ويسب ويعصب طيب انت مو عصبيه ولا تسبي ولا تلعني سبحان الله كيف الشيطان يجري من الانسان مجرى الدم بالعروق , يزين لك عملك ويبعث فيك العزة والانفة وانك الافضل وانك الاجمل وانك الاكمل وهو العصبي والمتجبر واللعان و . و . و .
ماعلينا ننسى الي فات ونبداء صفحة جديدة اذا احببتي .
من كــلامك انت غيورة جدا جدا جدا وعصبية جدا جدا جدا وعندية جدا جدا جدا وهناك من يحرضك على زوجك ويدعي انه يحب مصلحتك وهو يدمر حياتك دون ان تعلمين ويقول ان الحق معك وان زوجك عدو لك ويكرهك ويوغل صدرك على زوجك حتى وصلت بك الجرآة على ان تقولي اقتل والعياد بالله من شياطين الانس والجن .
زوجك رجل طيب جدا ولم يقصر معك بشيء كل ما تطلبينه مجاب وان ذهب بزوجته الى مكة ان شاء الله يذهب بك السنة القادمة وانت وضعتي صورة خالك على الواتس ليس من باب حب خالك ولاكن من باب اغاضة زوجك وعدوتك الاولى الرجل ليس آلة كل ليلة فرض الا ان يعمل معك ويعمل معها الشغلة هذي مزاج لو عمل لك مرة بالاسبوع بهدواء ورغبة منك وكنه احلى من عشرين مرة باليوم وما يحدث معك يحدث معها تماما العناد سوف يهدم بيتك والغيرة والعصبية امسكي الارض الرجال ماسك اعصابه بالقوة لو كان صغير او طائش طلقكي من ثاني مشكلة اذا كان زوجك زعلان امسكي الارض ولا تتكلمي حتى تمر العاصفة كوني مرنه لا تكوني كالعصى اليابسة فتكسرك العاصفة اذا لم يحضر لك قولي على راحتك ياقلبي وربي حسك بس عندي بالدنيا كلها بس انت طيب هذا المهم والله غير يلزق فيك وتقولي كيف اخلص منه كل ماقال شي قولي براحتك وناقشي بهدواء وحاولي تنفذي كل ما يطلب حتى وان كان عكس هواكَ واحذري ان تقارني بينك وبين زوجته الاولى ولا تحاولي ان تظهريها بالمظهر السيء امامه واثني عليها وعلى طيب اخلاقها وانها سمحت له ان ينزوجك والله اني نفسي اكون جنبك الحين من شان اعطيك درس ماتنسينه انا من اسباب الحريم وكيدهن انفضحت وتطلقت وطليقي والله من اطيب واكرم وأنبل الرجال كان بي رحوم جدا والله اني اكتبلك وابكي لان قصتك تشبه قصتي كنت عمياء عن الحقيقة كنت ارى زوجي بعين الناس لا بعيني نغصت عليه عيشته والنتيجة دمرت حياتي الى الابد البنات الان كثير بالبيوت لا تصدقي لما يقولن ما اتزوج رجال معاه حرمه كذابات بالعكس الوحده تقول بينها وبين نفسها اخذ رجال عاقل يدللني احسن من مراهق يذلني وسلامتك ياقلبي

 

[ام خالد2015]

ام سوسو مع احترامي لك ارجعي اقري كلامي من جديد واضح انك غلطانه بالموضوع كلامك غلط ميه بالميه ايش دخل الغيره في اللي صار اذا قصدك ع مكه فاعتقد اني طلبته اكثر من مره وسحب عليه ولا وداني ودايم هو يسوي نفس الشي يبديها لانها الاولى ولانها الافضل وانا لا في شي انا طلبته مو شي ماطلبته واذا كان عصبيه فوالله مدري ايش اقول الا حسبي يالله ونعم الوكيل اقولك مارديت ولا نطقت بكلمه تقولي عصبيه اقولك ماتعرفي كيف جاف ونقاد وتقولي عصبيه اشوف واسكت وتقولي عصبيه واللعن والسب هذا قلته عندكم بس ماقد خرجت مني والله الشاهد لكن حسبي الله عليه ونعم الوكيل اللي خلاني انفجر كل اللي قريتيه ويطلع هو الصح وانا الغلط..شاكره مرورك بس ارجع واقولك شكلك غلطانه بجد بس نرفزتيني اكثر مدري ليه

 

[واثقة بالله 1]

انتي تبين تصلحين وضعك معه بس تصلحينه بالغلط
انتي لما رجعتي له بعد الفراق حاولتي تسوي اشياء غصب عنك
عشان تصلحي الأوضاع
مو بطيبة خاطر لذا ما راح تنجحي نهائي
زوجك جارحك كثير بس انتي لما تلقي فرصة تردي عليه بكلام الي شايلته من زمان في قلبك
كلمة ارميه عندها معنى قد السماء معناها :
ان هديتي ولا شي ولا تهمك ولو كانت تهمك لاحتفظتي بها وووووووووووووووو
وكلام كثير

 

[واثقة بالله 1]

ثاني حاجة انتي تتقربي منه غصبا عنه
مثال الاحتضان والكلام الحلو
عاد هو يسفهك ويتحقرك اكثر
لا لا لا ما يصير
ابتعدي عنه خليه هو الي يقرب مو انتي
قومي بواجباتك فقط وحتى الجنس لا تبادري ابدا
حتى هو لو تجلسي سنة معك
وعشان تصير عندك حكمة ويتعدل كلامك
اقرئي قرآن كثير واكثري من الاستغفار
حتى هو يصير ما يشبع من كلامك وجلسك

 

[ام خالد2015]

((
ان هديتي ولا شي ولا تهمك ولو كانت تهمك لاحتفظتي بها وووووووووووووووو
وكلام كثير))

ياختي واثقه تسلمين ع الرد بقولك نفس الكلام اللي قلته لام سوسو اقري موضوعي كويس هو يلخبط صح بس بينت ايش قلت من اول مارجعت وايش سويت وبالعكس لو اسوي شي بدون نفس ماكان زعلت لكن الين سفرت مكه اقسم بالله اني طايره وبكل رضا اتصرف حتى شريت له عيديه وانبسط منها ومن قلبي وبحب اخذتها .. بالعكس انا حتى سفرت مكه مادققت فيها ولا لمته انه ماوداني ولاجبت سيرة اي شي صار من قبل و ((
ان هديتي ولا شي ولا تهمك ولو كانت تهمك لاحتفظتي بها وووووووووووووووو
وكلام كثير)) هذي فديتك قلتها يوم صارت المشكله من 6 شهور اكرر قلتها قبل ماارجع لمن رجعت تغيرت معاه 180 درجه بس هو باقي شايل مجرد قلت مو هو الثوب تجنن ... فهمتو علي

 

[ام سوسو55]

حبيبتي ام خالد يارب يحفظك ويحفظلك خالد وتشوفينه طيار يارب

الله يكون بعونك يارب والله احنا سمعنا كلامك ومنه حكمنا عليك من كلامك , اسمعي الكلام اذا تبين مصلحتك الحين بردك عليه تقولين هي ( الاولى ويبديها علي ) ولا انا غلطانة , هذي مي غيرة ياقلبي
لوكان يبديها عليك ان كان ماتزوجك من اساسه بس انت مو راضيه تستوعبي الكلام .
بعدين انا اسفه من كل قلبي اني نرفزتك وزعلتك لاكن تدرين ليه زعلتي عشان الصحيح هو الي يزعل ام الغلط مااحد يزعل منه ويقول المثل ( الله يخلي من بكاني ولا ضحك عليه الناس ) صحيح اني
قاسيه معك مره بس ماعليش دائما ما يكون العلاج طعمه مر ولا تتقبله النفس ( الصبر كالصبر مر مذاقه ولاكن عاقبته احلى من العسل ) اصبري وتحملي بكل رضا العبوس يدل على عدم الرضا
وان لم تتكلمي , والله لو تسمعين الكلام وتسيبيكي من ركوب راسك غير ربي يسعدك ان شاء الله كوني لزوجك جنه الرجال تمتلكهم المرآة الرزينة بالادب وعدم المقارنة تصدقي ان بعض الحريم الله
يهديهم تحطم بناتها وعيالها بكلمة شوفو ولد فلانه وبنت علانه احسن واشطر منكم ولو هداها الله قالت انتم احسن واشطر عيال بالدنيا ان كان صارو صناع صواريخ ,
مره اخري اكرر اسفي واعتذر منك وتذكري كلامي العلاج طعمه مــــر جدا .....

 

[فيزو]

يتويةؤةثةق

 

[فيزو]

انا مع الواثقة بالله الله يسر امورك

 

[أحب حبك]

يا اختي كم مرة خبرتك ونصحتك وانت طبقتي شوي من ملامي وشفتي نتائجة
تعرفي ليش يحتقرك؟ لانك تذلي نفسك له اذا زعل راضيتيه بتذلل واذا انت زعلتي هو يتنرفز وانت تراضيه وكل مرة تتنازلي وتراعيه انت سهلة المنال وبكلمة يخليك فرحانة وبكلمة يزعلك انت تبحثين عن الحب فقط والاحضان والرومانسية اللي مو موجودة في قاموس الشمالي
لان زوجته ما تركض وراه وماتتنازلزعن حقوقها واذا شافته زعل طنشته واذا تريد تعتذر بس تقول اسفة مرة وحده بدون تذلل زوجته ما سمحت له ان يذلها عطت نفسها قيمة اكبر وهي قوية ومغروره فهو يحترم قوانينها عند اي مشكلة ما تجلس تبكي وتشكي تفكر بعقلها وتعيش حياتها وتستمتع

يعني لو هي مكانك كانت استمتعت بدعوتها للبنات ولا همها كم صرفت لان فلوس زوجها حلالها وهي ابدى في نظرها وكشخة عند ربيعاتها وهو معطتنه طناش


شو تسوين الحين صوري الاكلات او اي شي من العزيمة لصحباتك واشكريهن وباكر اذا جاك سلمي عليه عادي وروحي خلصي اشغالك او اي حاجه المهم لا تجلسي معاه ولا تنتظري منه اعتذار وغيره طنشيه وادي واجباتك كلها وابغاك تكوني كاشخه مرررره وتضحكي مع بناتك وتلعبي معاهم وهو ولا كأن موجود عامليه برسمية
كذا تزعلي مع الشمالي مو تبكين وتبينين ضعفك وتتنازلي وتحضنيه لا تخليه اول واحد في حياتك انت اهم اصلحي علاقتك مع الله لتصلح حياتك

وحركة خالك كانت ناجحة ولكن انت ذليتي نفسك ورحتي تخوزين صورت خالك ومره رحتي ترضينه بصورته اكيد راح يحتقر ضعفك وكيف انت تراضيه اي واحد مكانه راح يحس انت انت كل ما ذلك زتي حب له وتراضيه وتدلليه ولكن لو حس ان هو راح يفقد وانك ما تحبيه راح يجن ويحاول يرجعك مثل قبل
عشان تبعدي هالحزن والتوتر والاحساس بالظلم التجيء لله الحين تتوضين و تفرشين سجادتك وصلي لله ركعتين واقري سورة يوسف تدبري اياتها وبعدها اقري سورة الانشراح وتصدقي وحاولي تستغفري كثير وادعي الله بيقين وانت متأكدة ان ربنا راح يستجيب
ادعي اللهم انصرني وخذ بحقاللهم امكر لي ولا تمكر علي واعني ولا تعن علي وانصرني ولا تنصر علي
اللهم من اراد بي بشرا فاشغله في نفسه ومن اراد بي مكرا فامكر به بقوته ومن اراد بي كيدا فرد كيده في نحره

لا تراضيه لان هو مافكر في طلباتك في كل مرة يتنازل عنهن ويمكن يكون زوجك عارف ان هو ظلمك من كذا متوتر ولما خالك شلك غار بس هو تعود منك تتنازلي وما تخسريه من كذا ما شلك العمرة ونرفته ممكن احساسه بالذنب ولكن انت ضعفتي له وهو ماهذ من حقوقك راضيتيه يا اختي اذا مو غلطانه لا تعتذري واصبري الحياة مو احبك ورومانسية خصوصا مع الشمالي

 

[ام خالد2015]

تسلمون بنات ع الردود وانا احترم رايك احب حبك بس ياختي انا بطبعي لينه ومااحب اكون جافه او رسمي في التعامل مع احد فما بالك زوجي توقعت لمن اغدق عليه بالاهتمام والحب حيزبط الوضع ويلين اكثر ...مو معقوله انا عندي مشاعر برضه اذا ماحطيتها بزوجي لمين تكون