مين قد حست بنفس هالاحساس ,,

غ

غربة وطن

New member
إنضم
2007/12/28
المشاركات
16
مسائكم عطر

وجمعه مباركه على الجميع

سبق لي كتابة مشكلتي مع زوجي هنا واننا انفصلنا وترك البيت لكن مش بشكل رسمي

اول الايام افتقدته كثير

وبعدها بفتره صار عادي

الغريب الان كل ماصليت ودعيت ربي انه يفرج همي احس بكره لزوجي ونفور لايوصف ..

ومن بعد يوم عرفه وانا نفسي طابت منه ومن عياله

ومااعرف سر التحول الرهيب في مشاعري نحوه ونحو ابنائي


طول يوم عرفه وانا على سجادتي ادعوا الله الفرج وان يختار لي الخيره المباركه فحياتي اصبحت لاتطاق

ومن بعدها وانا اشعر بكره ونفور وحقد تجاه زوجي
واطفالي اللي اعشقهم صاروا عادي عندي وصرت اتقبل فكره اني اتركهم عند ابوهم وامشي
واشوف حياتي ..

بعد ماكان الموت اهون من مجرد التفكير بفراقهم

حاسه اني ابي ابدا حياتي من جديد مع رجال يقدرني ويعوضني اللي ضاع من سنيني

ابي ارتب نفسي ماديا ومعنويا واكمل دراستي واهتم بشكلي ..

صرت انتظر ولادتي بفارغ الصبر عشان ارمي كل شي ورا ظهري وامشي ..

ماابيه ولاابي عياله ولاابي اي ذكرى تذكرني فيه ..


ياترا فيه وحده منكم مرت بنفس حالتي ونفس شعوري ​
 
الله يقدملك اللي فيه الخير
هو ممكن تكرهيه بس اطفالك مافيه ام بتكره وبترك اولادها
انا بحياتي مو مستعدة ضحي مشان الزوج بس الاولاد كل حياتي وعايشة مشانهم
فاانت من كتر المشاكل قرفتي من كل شي ومليتي
صابك يأس واستسلام
فا عم تعالجي هالشي بالهروب وترك كل شي ورائك معلق
لن يصينا الا ماكتب الله لنا وكل شي مقدر مكتوب
قولي الله يقدملي اللي فيه الخير
​
 
لاتتعجلى بارك اللة فيك هذى وساوس شيطان ووواضح اللى تمرى فية ضائقة نفسية وبتعدى بأذن اللة بدليل انك حتى العيال متغيرة نفسيتك عليهم حرام وش ذنبهم ضغار مايستاهلون اهدئى وروقى واتركى الأمور تمشى بسهالة الرحمان
 
والله يا اختي ما ادري ايش اقول لك بس الحيوان ما رمى اولاده!!!
ممكن تقولين ايش ذنب اطفالك
حطي نفسك مكانهم!!
اصلا احنا نتوج عشان الله يرزقنا اطفال تقومين ترمينهم؟؟؟؟ عشان رجل!!!؟؟؟
انا تطلقت واخذت اطفالي معي وصدقيني وحق هاليوم الفضيل ما فيه انذل من زوجي الاول !! بس عيالي مالهم دخل بالمشاكل الي بيننا! تعوذي من ابليس وخلي عيالك معاك تراك بتحتاجينهم لا كبرتي لا تخلينها حسرة بقلوبهم ارجوك
 
الشعور هذا توقيته ممكن يؤثر عليه انتى حامل وهرمونات الحامل تختل وتتعرض لمشاعر عديده وغالبا الحامل فى نهايه حملها وبدايته تكون زاهده فى كل شى وتحس انها بس تبى راحتها هى
لذا اتركى الموضوع الى مابعد النفاس بشهرين على الاقل ثم اعيدى التفكير
ترى الموضوع ماهو بهين هذا تفكك اسره كامله ونهايه عشره وعلاقه روحيه
نور الله قلبك ودربك
رى
 
ماشاء الله حامل وتحلمين ان الله يعوضج بزوج ثاني ؟؟ يعني اللي في بطنج بتقطينه بعد ؟؟ اختي هاي هلوسه شيطان خاصه انج حامل بس مجرد ما تولدين بيرجع حبج لعيالج وبترجع النفسيه نفس قبل ..
 


خليهم عند أبوهم يتورط فيهم و يرعاهم، ما راح يجيهم سوء بإذن الله
بس حبيهم و اسألي عنهم و كلميهم
راح تنسي مع النونو الجديد

إذا جاك نصيب تزوجي
بس لاتنسي أولادك و فلذة كبدك اللي عاشوا بداخلك
وإذا أمهم مارحمتهم ، مين يرحمهم في هالدنيا؟


​
 
تقارنين رعاية الاب برعاية الام الي وصى الني عليها ثلاث مرات؟
يا قسوة قلوب بعض الحريم
يعني حضن الاب زي حضن الام؟؟؟ لا وتبون بر بالامهات بعد؟؟؟؟ والله لو امي ترميني ما اسامحها طول العمر:11:
 
انا ماراح ارمي عيالي ولا شي

انا اقصد اني بخليهم لابوهم يربيهم .. ومااعتقد حضن الاب يعتبر شارع رميت عيالي فيه ,,

يمكن يصير رجال ويتعلم ع المسؤولية

هو عنده بيت ويقدر يجيب لهم بدال الشغاله 10

او حتى زوجة اب

لكن اني اب وام وجد وجده وخاله وعمه وسواق وشغاله معليش تعببببببببببت

والاخت اللي تقول حامل وتفكرين باالزواج انا بعدي صغيره 27 سنه

بس حاسه نفسي 100 سنه من الهم

10 سنين عشتها مع هاليهودي كنت فيها مسخ لاني حرمه ولاطفله ولاشابه ولاادري وش وضعي

قتل انوثتي وقتل شبابي وبخسر ديني ونفسي لااااا الى هنا وخلاص يختي مليت حطي نفسك مكاني

انا اللي اربي عيالي واناظر بيتي واوكلهم واشربهم واناظر صحتهم وخواطرهم ونفسياتهم

غير همي انا لي 6 شهور ماحط يده ع بطني ماقال كيف الحمل معك ماقال تتنسى

حرمني من كل شي كلللللل شي

الليل يمر وكل زوجه بحضن زوجها وانا فاتحه الشباك اتسمع لايطب علينا حرامي وخصوصا اني اشهر زوجه عزباء فالحاره والكل مايدري وش قصة هالزوجه اللي صغيره وماعندها رجال

هي متزوجه مسيار ولا مطلقه ولا وش وضعها

تخيلوا وحده من جاراتي اللي امون عليهم تسالني باحراج انا مسيار ولا شرعي ..


على ايش كل ذا ياخوات ..

الرجال حتى لو اني طالق وورقتي بيدي مايترك عياله وبيته وكل شي فوق راس الحرمه

الا هذي خسه وحقارة ومايسوي هالحركات حتى الحريم

الله لايحلله ولايبيحه ويوريه عقوبته باالدنيا قبل الاخره هالنذل
 
انا زوجي اردى من زوجك وينام مع شغالتي وانا قدامه ما راح امدح بنفسي بس صدقيني اقل شي احلى من الشغاله وما يجي للبيت وما يصرف علينا وسكرجي ولوطي وكل البلاوي فيه راح وبيسألني ربي عن الي كتبته فيه ولو ابغى ببسي قال هاتي ريال قبل لا يسير بريال ونص ولو الحين اخذ مني النص خخخخخخخخ ومع هذا اموت بعيالي لانهم بينفعوني ان شاء الله وبيردون لي الجميل هم محتاجين لي وهم صغار وانا محتاجتهم وهم كبار الله يصلحهم بس
اما بالنسبة لزوجك صعبة تعاقبينه او تمرجلينه على حساب اطفالك وانتي حره
اما تقولين انا ام واب ومدرسة وخدامه لاطفالي والا بعد اجل كيف الامومه عندك ترمينهم على الشغاله تربيهم ؟؟؟ كل الامهات كذا لا وعلى قولتك سواق انا البس عبايتي واودي عيالي يوم كانوا صغار للمسجد واجلس انتظرهم لين يطلعون من الصلاة لاني خايفه عليهم
 
اختي اقري سورة البقرة كل يوم او اقري الرقيه الشرعيه الصبح والمسا او اسمعيها ،،، لمده اسبوع وخبريني اللي يصير معاج لانه امي صار معاها نفس الشي كانت تعاني من ضغوط من ابووي وكانت تكتم وايد في اشيا ترمس عنها بس في شي مثل احاسيسها كانت تكتمها لين مانفجرت وصار لها نفور ( نصيحتي جربي هالشيئين المفروض تستمرين لمده شهر عللى الاقل بس انا قلت كبدايه يمكن تكون عين او ضغط نفسي ومافي شي فالدنيا بيحله غير القرآن ( سورة البقرة أو الرقيه ) واذا انتي وايد مضايجه من زوجج حاولي هالفترة تبتعدين عنه شوي ،، كوني نفسج بانج تكملين دراستج وتتوضفين وتحسنين وضعج وبعد لاتقصرين فبيتج وفعيالج لانهم يتأثرون وخاصة فهالمرحله وهم صغار والله اذا كبروا بتندمين لانج ما بتقدرين اتسيطرين عليهم ,
 
يمكن بتمري بمرحلة اكتئاب نفسي والوحده اصلا وهيه حامل ماطيق نفسها وانشاء الله بعد ماتولدي

وتكملي الاربعين تتحسن نفسيتك​
 
 
تنتظرين تولدين عشان تبدين حياه جديده؟ بصراحه انتي ماعندك احساس بالمسؤليه وانانيه..كملي دراستك اهتمي بشكلك ع قولتك ابدي حياه جديده مع اطفالك وزوجك هدا هو التفكير الايجابي ..
بعدين سؤال ..مين المجهول اللي راح تبدين حياه معه؟ هل هو من نسج خيالك او مادا؟
 
حبيبتي كل الرجال فترة الحمل يتغيروا ويصيروا بعيدين بس تولدي بيرجع شوي بس لا تتركي عيالج لاتجي وحده تتحكم فيهم حتى شربة المي بتحاسبهم عليها وما حد يربي ولد احد
 
عمرى انتى ام
ومع ذلك محد يفرض عليك التضحيه
ومحد يقدر يقول لك اصبرى وانتى ماتبين
الله اعلم باللى خلاك تطلبين الطلاق
لكن اعرف الام توطى فى الجمر لاجل عيالها وانتى اول ماقلتى انك بتتركينهم له مهما وفر لهم حضنك مايعدله كنوز الارض
لكن وجودك معهم وانتى ماتشعرين تجاههم بانك مستعده للتحمل لاجلهم لافائده منه
ستظلين تمنين عليهم انك رعيتيهم وخدمتيهم
التضحيه لاتصدر من انسان ينتظر المقابل
انا اعرف انه ليس كل ام تستطيع ان تضحى ولكن هناك امهات ضربن اروع المثل فى التضحيه ولم يضع الله اجرهن ولم يعدمهن الجزاء الناس يختلفون فى ترتيب من يحبون اكثر قدتكونين من النوع الذى ليس لديه اولويه الا نفسه
تريدينه ان يمسح على بطنك من اجل من؟
من اجلك اذن انتى تطلبين شئ لنفسك وتعتذرين بانه لايرحم ابنه
من اجل ابنه لماذا ؟ رحمه به ؟
انتى اولى بهذاالاحساس
انتى التى تضعينه فى احشائك
انتى التى تشاركينه النفس ونبضات القلب والدم وكل شئ
اما هو فقد وضعه نطفه بامكانه اراقتها فى اى مكان
خرج منه ماء واستقر فيك روحا وجسدا
احدانا تجعل الرجل كل شئ فان خان او بااع انقلبت على عقبيها وارخصت كل شئ
اول ماتبادر لعقلك ان تعوضى حرمانك انتى
وهم من يعوضهم
ولماذا تهتمين بما يقوله الناس
الامر اعظم من ذلك
فعلا انتى صغيره وعندما ستكبرين
ستعلمين مقدار الخساره التى خسرتها
نظره واحده لاحد اولادك بدون كلام بعد سنوات وعندما تنتظرين منه العطاء ستجعلك تحتقرين نفسك اذلم تستطيعين ان تكونى تلك الام التى ملا الكتب والقصائد وصفها وذكرها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل