مين زوجها مثل زوجي

[الحقيقه]

السلام عليكم ورحمة الله وبركاته

يابنات خلاص تعبت
زوجي تخيلوا كل ماقوله شي او يصير بينا كلام يروح ينقله لامه
وهذا الشي يسبب مشاكل مرره كثيره
اللي عنده حل لهذي المشكله ياريت تقولي كيف اتصرفت وحلتها
ومشكورررررررررين
كلكم ذوق

 

[فديت عنوني]

انا اختي مثلج ريلها مثل ريلج بالضبط بس اخر شي ماقمت اقوله اشياء عشان مايخبر اهله

 

[الحقيقه]

فديت عيوني تسلمي على اهتمامك
بس في اشياء لازم تقوليها يعني مافي حل غير هذا احس هعيش في تقيد ماقدلر اقول ولا كلمه بحرريه

 

[مزونة]

اتمنى من الاخوات يساعدونج

 

[الحقيقه]

تسلمي مزونه
على مرورك اللطيف

 

[ميم]

شكلك توك متزوجه
اصبري
وسولفي معاه بقصص بطريقه غير مباشره وعن مشاكل الناس بسبب نقل الكلام وافشاء الاسرار كانك ماتقصدينه وكيف انها تودي الى قطع الارقام والطلاق ............. الخ اضرارها
وعليك بالدعاء
ومن صبر ظفر

والله يكون في عونك

 

[تميمية(1)]

الله يصلح حاله و يهديه..
استخدمي طرق غير مباشرة في اخباره عن مضرة هذا الفعل قصي له قصص مثلا عن حريم يسوون كذا و المشاكل الي تجي من وراها و هو بعد وقت عقله الباطن راح يقبل الفكرة حتى لو ما صرح فيها وان شاء الله يبطل..
واهم شي انت لا تقولين له حاجات خاصة ما تبينها تطلع دام انه كذا..

 

[بلقيسه هانم]

يختي هونيها وتهون خليه يقول لها بدينه ورجلينه
ونتي طنشي ماعليك منه اهم شي انك ماغلطتي بأي كلام تقولينه
خليك دايم على حق والباقي ماعليك منه سواً نقل الكلام او مانقل الكلام لما
واحمدي ربك انتي يقول لامه انا لا زوجي يقول لاخته ترا بنروح ترا بنجي ترا بنسوي
ترا بنسافر كل شي يقولها عنه وازيدك من الشعر بيت اذا كنت جالسه معها وجاء ومعاه حاجه يوريها قبلي
يعني كأني مو موجوده وياختي قولي الحمدلله انا ساكنه معهم بالبيت لكن الله يحلها

 

[nonoura]

لاتخبريه باى شىء لاتريدين وصوله لامه واخبر يه بالاشياء المسموح بها وازا بدك تفشى خلقك وتحكى باى موضوع قولى لامك لااختك لرفيقتك بس مو لزوجك

 

[vip]

اتفق مع الاخوات وخاصة الاخت nonoura واذا صار موقف وصل كلام قلتيه لأمه هنيه اتكلمي معاه قوليله الحياة الزوجيه أسرار مايصير اي شي نقوله و نسويه غيرنا يعرف به..:crazy: حتى لو كان مجرد شي بسيط قوليله ودي اكلمك وانا احس بالامان ومن لي غيرك اتكلم معاه واشكيله:blushing: بس بتصرفك هذا :icon28:تخليني ما أقولك

شي واروح أقوله لشخص أثق فييه(امي..اختي..صديقاتي) قوليله هالكلام بطريقه لبقه خليه يحس بجدية الموضوع وشكثر انه هالشي مسبب لج ازعاج:sly: أتمنى أكون اني افدتج...................:icon26::icon26::icon26::icon26::icon26:

 

[ام هيونه]

انا مثلك

 

[نجم الغسق]

مافي داعي تقولين له كل شي لأنه على كلام الاستاذة ناعمه لازم تكون الوحده غامضه شوي على زوجها ويكون لهاخصوصياتها إلي مايعرفها

 

[الحقيقه]

انا يابنات اقوله اشياء تصير لي تزعجني من اهله
يعني مثال
اقوله اختك قالت ولا امك قالت شي زاعجني يروح يقول على طول بجد مااحس بالامان في الكلام

 

[الحقيقه]

ومشكورررررررررين على ردودكم

 

[احزااان]

مشكلتج بسيطة بإذن الله..
أولا: انتي صارحيه قوليله إن هالشي يضايقج وإن هالشي يخلي مافي ثقة بينكم وأنج يعني إذا هو استمر بهالشي أنج مابتثقين فيه أنج مابتقوليله أي شي
ولازم اتفهمينه أن هالشي اسمه اسرار زوجية بين الزوجين يعني لازم مايطلع الكلام لاي شخص في هالدنيا... وقوليله انت ترضاها إذا قلت لي اي شي انقله لأهلي وربيعاتي !!! وشوفي شو رده إن قال لا قوليله عيل ليش ترضاها علي..
صدقيني بيتغير..

 

[فدى حمودي]

انا ريلي كان جي فأول العرس وكان يقول كل شئ يسوييه لي وانا كنت اتضااااااااايج واعصب :busted_red:بس عقب استوت مشكلة بين ريلي واهله وامه طلعت كل اسرارنا جدام اخوانه ومن هناكي ريلي تاب ما قام يقول لها شئ عرف غلطته :clap:والحمد لله يت منهم هم مب مني :msn-wink:

 

[باقة امل]

انا رجلي افضع من هذا اسرارنا لجميع الناس موبس امه وكنت اقوله لا تقلل من شأنك قدام الناس وتتكلم عن مشاكلنا والله بسونك علج ....لين انصلح حاله وكنت اقوله ان الامهات ما يخلون شي بقلبهم وكل شي ينشرونه حق الجيران والاهل لين بدى يشغل شوي الكور الي عنده

 

[ام المختار]

الله يصلح أزواجنا اللهم أأأأأأأمين
فعلا حاولي تبينيله انه هالشئ يزعجك ويعدم الثقة بينكم
وان شاء الله مشكلتك بتنحل
والله يسعدك ويريح بالك

 

[نحول]

بما انك تقوليله عن شي صار بينك وبين اهله امه واخته فالرجل يفهمها على انها مشكله تواجهينها مع اهله ويبي يحلها بينكم علشان كذا يروح يقولهم فاذا كنتي انتي ماتبين يوصلهم هالشي ليش تقولينه له ماراح تستفيدين الا انك تغورين صدره عليهم وكذلك هم يشيلون عليك
فاذا كان لا بد ودك تفضفضين سولفي على صديقك اختك امك مب عليه لان الرجل يفهم من كلامك انك تبين حل مب انك ودك تسولفين وبس

 

[الحقيقه]

مشكورين كلكم بلقيسات
الله يسعدكم ويخليلكم ازواجكم ان شاءالله