مين الغلطان انا ولا زوجي

د

دلع الجنوب 2

New member
إنضم
2010/11/02
المشاركات
19
بسم الله الرحمن الرحيم
راح ادخل في الموضوع ع طول انا مو فاهمه زوجي ابدا نفسي افهمه بس ماادري كيف راح اقولكم هو دايما يقول انتي الغلطانه انتي مغروره انتي شايفه نفسك ومتكبره وعنيده ليه راح اقولكم
مثلا مره رحنا مطعم انا احبه وهو كمان وطلبت فيليه سمك وصياديه وهو كمان مثلي جا الطلب حلو كنت جوعاااااااانه مره وهو كمان لانه احنا في سفر ومااكلنا شي وهو اذا جيعان يعصب مره الموهيم انا بديت اكل الا اشوف في الرز عظم سمك وكان احد قبلي اكل من الرز قلت واو شوف ايش في الرز شكله احد اكل منه ياربي ماابغى خلاص راح نادى المسؤول وسوى مشكله وضرب ولدي لان ولدي جوعان ويبغى ياكل وهو يضرب فيه كفوووووووف وانا ساكته بس اتفرج فيه بعدين عصب عليه قال اصلا انتي متكبره ومغروره الرز مافيه شي بس انتي انا اوديك افخم المطاعم وانتي لازم تحطين عيب فيها مايعجبك العجب ولاشي تبغين ايش تبغين تصيرين اميره ولا ملكه عشان ترضين غرورك وانا وربي مافتحت فمي بكلمه ساكته طيب بالله انا غلط وبعدين قلت خلاص اذا يزعلك راح اكل واكلت وانا متقرفه راح رمى الاكل ع الارض وقال مافي تاكلين يامغروره الله ياخذك الله لايوفقك الله يقطعك من يوم اخذتك وانا مو مرتاح حتى امي تقول انك مغروره يامغروره :8:مين الغلطان للعلم مارديت عليه ولابكلمه وربي شاهد
 
شوفي يالغلا انا وحده من خواتي كذا كل شي تخليه سالفه وتتقرف منه مثل لو تطبخ اي خدامه شي تطلع فيه عله وتسوي مشكله الجد وحنا خواتها الكل يتهرب منها واذا سوت مشكله نمل ونطفش من جلستها ونطلع مباشره من المكان اللي هي فيه
هذا الطبع مره شين ان كل مكان تروحين له تطلعين فيه عله وكانه مايرضيك شي والله اني فاهمه زوجك حتى شوفي قالك اوديك لافضل المطاعم ولازم تطلعين شي لان هالنوعيه يطفشون ومايشوفون الا الشي السلبي
انا مااقصدك انتي لان هالموقف بس مايوضحلنا شخصيتك انا اقصد اختي لكن اذا انتي كذا كل مارحتوا لمكان طلعتي فيه شي فطبيعي الرجال بيقرف ويمل واحس انه مجمع لك اللي سواه هذا مو عشان هالموقف بس والدليل انه قالك دايم وقالك امي تقول بعد فتصرفه هذا كانه يقولك وين ماوديك تطفشيني اتركي هالطبع ارجوك لان اختي كلن تركها من هالطبع
الله يوفقك ياختي خليك فلاويه وانبسطي ولا تدققين في كل شي ترا اللي دقووا الالماس وجدوه فحما
 
ومره كنت انظف في البيت وتعبانه وهو جالس ياكل مكسرات ويرمي القشور وانا اقول حرام عليك لاترمي ساعدني لاتنظف معايه بس لاتزيد الوسخ وربي تعبت من التنظيف قال انا تزوجت ليه عشان تخدميني وتنظفين البيت وبس وماتتتحكمين فيه انا رجال وانا اسوي اللي ابغى مو حرمه تحكمني انا صراحه عصبت ورديت عليه وقلت لا انا ياقلبي مو خدامه لك ولا شي ولاتزوجت عشان اخدمك ولا شي واخترمني افضلك لان انت ماتحترمني كزوجه قال لا محترمك اكل وتاكلي ولبس وتلبسين وكل شي اوفره لك وفعلا هو مو مقصر بس شوي حريص ع الفلوس مو بخل لا يحب التوفير الموهيم تخيلو قلت اذا متزوجني عشان اكون خدامه طلقني ادري انا غلطت بس كنت وقتها صغيره وماافهم توي متزوجه وعمري 18 وهو اكبر مني بعشر سنين قام طلقني مره وحده انا انصدمت وبكيت واغمى عليه وهو خاف وقام يعتذر ويبوسني ويقول انا احبك ويبكي زي الاطفال بس انتي مغروره بالله في ايش مغروره عشان قلت انا مو خدامه بس ياربي وقبلت اعتذاره وهذا اكبر غلط سويته في حياتي وماقلت لاهلي ولاشي
لكن بعدها بكم شهر وفي رمضان كنا معزومين ع الفطور عند اهلي وتجهزت وكل شي وهو ماقام من النوم الا ع المغرب يعني مارحنا انا بينت اني زعلانه ماتكلمت معاه ولاشي ع السفره جالسه ساكته قام يقول انتي ليه زعلانه ع ايه قلت والله انت واعدني نروح نفطر عند اهلي وع فكره اهلي فوق في نفس العماره يعني ولاتعب ولاشي عليه قام عصب ورجع قال انتي مغروره ومتكبره لانك ماتراعين تعب زوجك انا ماابغى اروح لاهلك ولاشي اصلا ماني راح وانا وربي ساكته قام كسر صينيه الحلى وكسر كم صحن ع السفره انا هنا عصبت قلت ليه ليه تسوي كذا انت مجنون قال كيفي انا حر ع كيفي وقام وضربني ضرب وربي كاني حيرانه رفس برجوله وكفوووووووف ومو اول مره انضرب بس دايما اسكت ومااقول لاهلي لانه يقول ليه اذا قلتي والله احرمك من ولدك وارميك رميه الكلاب واعذبك واسكت الموهيم انا ماسكت هذه المره طلعت لاهلي وقلت لهم وكنت حامل وقتها ومن الزعل والضرب سقطت وقلت لهم هو اصلا مطلقني مره وحده وانكر وحلف ع المصحف انه ماطلقني واني كذابه وحطني في موقف الكذابه عند اهلي ابوي سالني وقال يابنتي لاتكذبين كل شي اكذبي فيه الا هذا الكلام وقلت والله يابوي طلقني وضربني والله هو اعترف بالضرب بس بالطلاق لا وقال انا ضربتها لانها مغروره حتى امي تقول انها مغروره ياربي كرهت نفسي وكرهت غروري اعطوني حل افهم فيه زوجي هو طيب بس اذا عصب مااشوف الا الضرب والاهانات والسب والشتم اول كنت ارد ذحين لا اخاف ارد يطلق وانا ماابغى اخسر بيتي وولدي
 
هلا اختي سعاد لا وربي انا مو كذا بالعكس انا مااقرف من اي شي وبالعكس اشكره ع كل شي
يسويه ليه ودايما امدحه واقول له انت ماتقصر بس هو حاط في باله ان اي تصرف مني يعتبر غرور ماادري ليه نفسي افهم وللعلم هذا المطعم احبه ودايما اكل فيه لليوم عادي يعني ماتاثرت بالسالفه هذيك بالعكس وربي ومااحب اعيب الاكل ابدا حتى اكل من الشغاله عادي بس والله الاكل هذاك اليوم فيه عظم فاهمه فيه راس سمكه ماكول يعني عظم بس فهمتي الحمدلله ع النعمه مع ان الفيليه طبق لوحده والرز لحاله فهمتي ومشكوره ع الرد
 
دائما أقولها وأرجع اكررها..أكبر غلطتين بالزواج..هي الزواج بسن صغير يعني تحت ال25 والغلطه الثانيه الزواج التقليدي..الي اعتبرها أكشط واربح..
واضح عزيزتي أنو مابينكم تفاهم..هدي هي مشكلتك معه التفاهم بينكم معدوم حاولي تخلقي جو من التفاهم..افهميه ادرسيه وهوا كدلك..والاحظ من كلام زوجك انو فكرته اللي مصورها عن الزواج جدااا غلط برغم انو كبير يفترض تكون فكرته بالزواج ارقى من كدا ايش اللي (انا تزوجت عشان تخدميني) قوليله يتزوج خدامه احسن له دام هدا تفكيره
 
ربي اراد انه اتزوج وانا صغيره وايش اسوي ولاهم من هذا كله صرت اخاف منه خوف مو طبيعي وربي بس اسمع صوته ارجف اخاف يضربني بالرغم انه ماعاد يضربني خلاص ابوي قاله لو ضربتها ماعاد تشوفها وهو من يومها ماعاد يضربني بس كذا اخاف منه مرررررررره
 
استغرب من الرجاجيل اللي ماخدين الحريم
في الفتره الصباحيه خاادمه وحاضنة اطفال
وفي الفتره المسائية بنت ليل يفرغ فيها طاقته الجنسيه

الله يعينك على ما ابتلاكي ما ادري ايش اقول غير كده​
 
وراح اقولكم ع موقف طازج امس حصل راح نام وانا مانمت جالسه ع النت طبعا قال يالله ننام
\قلت مافيني نوم وبعدين ولدي مو راضي ينام قمت قلت وش رايك نسهر مع بعض عشان نقوم مع بعض قال لا فيني نوم قلت خلاص انا جايه وراك بس انوم ولدي واجي قال خلاص ولدي متعلق في امي بشكل ماتتصورونه وامي مسافره ولدي تذكر انها مسافره وجلس يبكي يقول ابغى جده وانا اسكته واهزه ابغاه ينام عشان انام الموهيم مو فراسه ينام ولدي كبير مو صغير عمره 6 سنين يعني يفهم رحت ابغاه ينام لوحده ونمت ع السرير سمعته يبكي قمت قلت بصوت واطي خلاص حبيبي تعال نام عندي هو وحيدي ماعندي غيره عشان كذا مدلع قام ابوه قال انتي قليله حيا وانتي الله ياخذك جبتيلي حاله نفسيه من يوم اخذتك وانا عندي حاله نفسيه منك ومن دلعك ماخليتيني انام الله ياخذك الله لايوفقك الله لا يوفقك بالله ليه هذا كله ولدي قال يابابا انا ابغى جده بروح عندها قال الله يقطع جدتك
قلت ليه تتكلم ع امي قال الله يقطعك انتي وامك انا سكت وماتكلمت لاني لو راح اتكلم راح تكبر المشكله ورحت نومت ولدي ونمت قام جا واخذ اللحاف مني وقال مافي نوم مثل ماطيرتي مني النوم قومي وانا ساكته لمن زودها قمت قلت حقير وتافه هذه حركات بزوره مو رجال مثلك كذا تسوي اصلا مافيني نوم بس ماابغى اجلس معاك بجلس لحالي راح وتركني رجع بعد شوي واعتذر ويبوس ويحضن وانا ادفه مو طايقته ياناس وربي كرهته لاتلوموني قام قال قولي اللي في خاطرك من ايش زعلانه قلت مو وقته انا زعلانه وانت زعلان خليه اذا هدينا بعدين قام قال يامغروره هههههه صارت تضحكني الكلمه
ونمت حسيت فيه كل شوي يجي يبوسني ويحظني ويقومني يقول بكره بمشيك ومانام الا اليوم الظهر ماادري ليه جالس ع النت والتي في
 
الله يعينك والله للامانه تصرفك ما في شي من الغلط بس شكله اهو معصب بس انتي حاولي تضحكين وما تعصبي وتقوليله مشكور ما قصرت ولا تردين عليه ولمن تطلعين معاه مكان جربي ان يكون الاختيار اختياره واشوف ردة فعله
واكثري من الدعاء والاستغفار لمن يكون معصب
 
نسيت اقول انه دايما يقول ليه والله لسه ماشفتي شي والله لاعذبك وربي لاوريك
القهر صح ماادري ليه يابنات قولولي اعتبروني مثل اختكم انا تصرفاتي فيها عناد لان دايما يقول انتي عنيده وراسك يابس وع فكره دايما يدق ع امي يقولها بكل مشاكلنا حتى لو تافهه المشكله ودايما يقول انتي مافي احد يقدر عليك وانا عندي فلوس راح اتزوج عليك واقهرك بالله قولولي انا غلطانه عادي نوروني يمكن انا ماافهم او ماعندي اسلوب ماادري ياناس راح انجن انا اول مره اشكي واكتب معاناتي والله ابكي من القهر كل يوم
 
الله يكون بعونك
بصراحه الحركات اللي يسويها زوجك
مو للي في عمره
مايستحمل كل ذا
انا لو يسوي لي شي
طوااااااااااالي اعلم اهلي عشان يخاف
ومايكررها
وكل شي ولا الضرب
لاتسكتين عليه لو سوى لك اي شي علمي اهلك
عشان يحط في باله انه يحترمك مو كذا

الله يفرج همك
 
حبيبتي اذا شفتيه معصب وزعلان لا تجادليه نهائيا ...واصبري عليه ترى مابعد الصبر الا الفرج >>>والله يوفقك.
 
الله يسهل عليك امورك ياارب ويحنن قلب زوجك عليك...

اول حاجه اصبري...وعرفي شنو اسبااب عصبيه زوجك ولا تسوينها وحاولي تجذبينه لك وللبيت..
شوفيه اذا اهو يبي منك حاجات ومو عارف يعبر عنها ساليه بوقت هادئ شنو سبب معاملته لك بهالطريقه..

واي موقف بينك وبينه او قدامه يصير بيني له انك متواضعه وبنفس الوقت ناظريه وقولي له شفت الموقف شفت كيف انا متواضعه واحبك ...>>ومن هالكلام ..ترا الرجال مثل البيبي سمعيه كلام ويصدق..
حتي لو كان الكلام اكثر من الفعل هذا لايعني انعدام الفعل...والله يوووفقك
 
حبيبتي حاولي بهالطريقه اللي بقولك عليها وشوفي ..
خذيه على جنب وقولي له أنا داريه إن تصرفاتي غريبه وتحس فيها أني مغروره (حتى لو ماكنتي مغروره ) بس علشان يفهمك وقولي أنا أعتذر عن كل يوم أخطيت في حقك فيه بس أبي منك شي واحد ..
إنك تقول لي وش اللي تبيني أسويه بالضبط ..؟؟
يعني قولي بالحرف الواحد على التصرفات اللي تبيها مني وأنا أنفذها مو تقول مغروره وتمشي ..
بعدين ياقلبووو لا تزعلين أنا أعرف واحد تقريباً نفس حركات زوجك ..
حاولة معاه زوجته بشتى الطرق مانفع وفي النهايه (الله لايبلانا ) طلع عنده أزمه أو حاله نفسيه ؟؟يعني زوجك يمكن فيه ويمكن لا؟
ولاتنسين قلبو أن في وحده كل مازعلها زوجها وطلع تستغفر لحد مايجي غصب عنه ويراضيها ؟؟ أنتي لاتستغفرين بس علشان مشكلتك ..
لا أستغفري دائم حتى لو أنحلت مشكلتك
... موفقه حبيبتي ...
 
الله يصبرك ويصبرني على هالازواج بس زوجك فيه ميزه حلوه انه لما تزعلي بيراضيك على طريقته ترا هذا شي حلو فيه انا زوجي لو ازعل واموت من الزعل مايتعذر ولا يعبرني يمكن زوجي فيه ميزه احسن من زوجك انه موعصبي لدرجة تكسير الصحون وانا مثلك كان يضربني بس الحين ماعاد يضربني واحسن حل اذا زعل حاولي تروحين من قدامه خليه يعصب وانت بعيده عنه وبنسبه للالفاظ حدث ولا حرج ساعات امشيها وساعات اعصب منها معليش طولت عليك كتبت مشكلتي هههههههه​
 
اخ بس كلنا نعاني من عصبية الزوج وانا مثلك يقولي انت شايفه نفسك ومن ذا الكلام
انا حسيت يقولي كذا عشاني اصغرمنه ومايباني اتكبر عليه واشوف حالي

صرت اقوله ياتاج راسي
يامولاي
يعني اتوددله زي ماوصانا رسولنا الكريم


ومن قراءتي لبعض مواضيع هذا المنتدى الرائع
تعلمت لازم نتغير عشان نغير
ولازم نصبر عشان عشان تفرج

بدعا والاستغفار وقراءة الاذكار والقراءن
تنير البيوت ونبني بيوت
مطمئنه

انتي مثلا لما ماعجبك الاكل سوي نفسك انك اكلتي وماتبي الباقي وكلي اي شي تاني سكتي جوع وسكتي غضب زوجك

ودايمن قوليله من عيوني اخدمك يلغالي

انا خادمتك يامولاي
احبك من راسك لرجولك ومن ذا الكلام الي يلين القلب
عامليه باحسان وحب

على فكره شوفي نمط زوجك اولا وهل ينفع معه الحب والطاعه

وغير كذا
وانتي تشتغلي اقعدي استغفري

اذا زوجك مداوم على صلاته وطيب
حاولي تكسبيه

والله يهدينا ويهدي ازواجنا جميعا
 
مشكورين والله لايحرمكم الاجر يارب
والله يجعلها في ميزان حسناتكم
بس عندي سؤال ادري زودتها بس مالي غيركم بعد الله
كيف اعرف شخصيه زوجي مثل ماتقولون يعني شمالي ولاغربي ولا جنوبي ولكم مني خالص الدعوات ويعلم الله ان ردوركم خففت عليه حمل ثقيل الله يسعدكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل