مو قهر ...؟؟

[دانة*الكويت]

تخيلي من الساعه 6 المغرب زوجي بالمخيم مع اصحابه رجعلي توه الساعه 2الليل اكل عشا و قالي يالله انا رايح المخيم هم راح لهم و يقعد لي الساعه 6 الفجر واللي يحر و اهو ياكل العشا يقول لازم نضبط نومنا و انام عدل و انا مستانسه و كاشخه حدي تحبطت يوم قالي بروح المخيم .... بدزله مسج ابي يحس ان ماله داعي سهر لي الفجر بره البيت و انا بس كذا قاعده ولا يبيني انام انطره لي الصبح وانا مثل القطوة بالدريشه...... شنو اكتب له ؟؟
وللعلم ماخذه اجازة على حسابي علشانه علشان اسهر معاه و اونسه .... مو قهر؟​

 

[رب احفظ من أحب]

خخخ
ههههههههههههههههههههه

والله الرجال مثل اليهال

زوجي يقول يبي يضبط نومه ,,, و يبيني أساعده
فصرت أجلس بدري بعد صلاة الفجر مباشرة ما تيجي الساعة 8 إلا و ميتتتتتة نعاس

أقول له يلا ننام
جلس يعايب و يقول لي : تنامين بدري مثل الدجاجة ؟؟
طنشته و رحت أنام وتميت على هالحال أسبوووع ,,,,,

بشوف آخرتها وياه
طلع عيار ما يبي ينام بدري و لا يحزنون

خخخ

والله يهال

دزي له مسج شووووق خاص

يسخر لك ربي

 

[اخر طموحاتي ~]

الله يعينك وييسر امورك يارب

 

[دانة*الكويت]

وياج يا رب

 

[يفداني بقلبه]

حبيبتي خليه يروح المخيم بس اذا راح
لاتنسين ترسلين له رسايل حلوة غزل وكلام حلو
وتلميحات بالشوق وكذا
يجيك طااااااير

 

[دانة*الكويت]

لا هو مافي هالطبع و يبيني اسهر له لي الصبح
مشكورة يالغلا

 

[شمعة تضئ للغير]

عادي نامي في الليل ترا افود لك واصحي في الصباح على جيته والله يعينك0

 

[دانة*الكويت]

وييييه المشكله يدق يجيك :/ (حكم فرعووووووووووووون)

 

[بسمه مجروحه]

قهر قهر..كله كوم والكشخه كوووووووووم..الله يعينك ..اتصلي عليه..قوليه..انك بتنامين ومشتاقه لك موقادره انام,,واه واه..ان شاء الله يستجييييييييب

 

[غاية في الأنوثه]

إذا اهو متعود عالسهر في المخيم لاتتوقعين بيوم وليله بيبطل اتفقي وياه بوقت أو يوم محدد تسهرون ويا بعض بروحكم وطرشيله مسجات شوق وجريئه وانتي زوجته اكيد بتكونين متوقعه متى يبي علاقه خاصه ساعتها طرشيله مسجات جريئه وقوليله بصراحه إذا بتطلع برا بنام ماراح انطرك وخليج عادي بس انتبهي متى يكون حاب يقعد وياج وكوني جاهزتله علشان مويتعذر ويقول قعدتوياج وآخرتها موفاضيتيلي ولا وبعدين كاني قاعد مومسويه شي أروح لربعي أحسن

على فكره هالايام أيام مخيمات ماتتعوض واذا اهو ماعنده دوام إخذولكم مخيم عائلي لو3أيام

والله شوقتيني عالمخيمات بس الشكوى لله ماقمت أشوفها من بعد الزواج

 

[حبيبة ناصر]

هو كل يوم يسهر بالمخيم ولا احيان ؟

 

[زوجةاسير]

والله شيء يقهر الزوجه اخر اهتمامات الزوج نامي حبيبتي وخليه

 

[ظفيريه شقرديه]

حبيبتي قوليله انج تخافييييييين وانج تبينه يمج وانج مليتي من غيابه ومشتاقتله بس باسلوب دلع وبيني وبينج خليه بالمخيم احسن مايتخم بالشواااااااااااارع عند هالاحتفالات وهالبناات واللبس شلووون ويخطفون الرجال وهو يمشي حسبي الله عليهم

 

[حبك بعثر الدنيا]

الله يكون بعونج ياقلبي ...
كرية الانتظار ولا القعدة اكرة اكل ومشى وخلاج بحسرتج ...
لو انة كان قلبتها مناحة متأخر ومستعيل يبي يروح يلحق ...
الله يصبر قلبج ويعينج ويردة لج سالم غانم ...
تقبلي مروري

 

[دانة*الكويت]

تسلمون يالغوالي