مو عارفة أفطمه؟؟

[طير الليالي]

مرحبا خواتي ...

ولدي عمره سنه ونص , يرضع رضاعة طبيعية , ما ياخذ لا مصاصه ولا مرضاعة ولاااااا شي!!!!
مشكلتي اني موعارفه اشلون أفطمه ؟؟؟

والمشكلة الاكبر انه في الليل يصحى وايد ! وكل مره يقوم من نومه يبغي يرضع ! :dunno:

طبعا هو للحين ما كمل السنتين , بس ابغي اعوده من ألحين, تعبت في نومي وايد . واغلب الوقت يكون نايم جنبي ! :sadwalk:

طبعا بتقولون لي تأكدي انه يكون شبعان ومتعشي زين علشان ما يقوم من نومه وهو جوعان , صدقوني
يتعشى زين وساعات آاكله بعد قبل لينام بشوي علشان يكون شبعان بس ما ادري ليش يقوم هالكثر من النوم !!!!

ساعدوني وشرحولي طريقة افطامه ؟

 

[ام زيان]

الله يعينج حبيبتي انا بنتي جذي كانت معتمده عالرضاعه اكثر شي و تقوم بالليل واااايد و ارضعها عشان ترجع تنام
و لما تقوم طول اليوم ما تاكل بس ترضع
المسأله مو سهله راح تتعبين وياها بس طلبي من الله يسهل و يعينج
ابدي شوي شوي تقلصين عدد الرضعاات لما تقطعين رضاعة الليل طبعا مو يوم ليله
راح تطول و تتعبين معاه بس ماعندج الا الصبر و طولي بالج عليه و شوي شوي انشالله
اهو راح يرجع ينام بدوم لا ترضعينه قومي دوري فيه و هزيه و اهو نايم بدلي عادة الرضاعه بعاده ثانيه
انا سويت جذي صج ظهري انقص بس شسوي
الله يعيننج و اللي يسهل الدعاء والله كريم

 

[موقدة الشموع]

اخت اذا ناوية تفطمينه خلاص اول شي زي ما قالت الاخت الي قبل قلصي عدد الرضعات

اذا ما نفع ممكن ترسمي على صدرك بالكحل او اي لون غامق حتى يقرف الطفل او يحسه شي مو حلو وانتي حاولي طبعا تعوضيه مو تمنعيه وخلاص يعني اعطيه مصادر حليب ثانية مثل الزبادي لو بنكهات
اذا ما صلح الوضع معناته مضطرة تستخدمي الصبرة (حجر طعمه يشبه المره مر الطعم من استخداماته فطام الاطفال ) انقعيه في شوي ماء وخذي الماء وامسحي على صدرك طبعا هو طعمه مر لكن سبحان الله يصبر الطفل ويخليه ما يرغب في حليبك ....... وشوي شوي راح يتعود ويضطر لاكل ثاني ....لكن لا تظنين الشغلة سهلة ترا راح يبكي ويتعب شوي من فقدان الصدر (يا حبيبي) الله يخليه لك يا رب

دعواتك

 

[حلوة فلسطين]

الى اختى الى بدها تفطم ولدها لازم تخلية على القليلة سنتين يرضع واكملو للطفل العامين ثم بعد يفطموهم تعرفى انا ام لتوأم انا ظليت ارضع هذا التوأم سنتين وثلاث شهور وبالعافية لما فطمتهو من كثر ما يتعلقو فية وحطيت على صدرى روج احمر سحرى علشان ما يروح عنهم كل ما بدو ياجى يرضع يخاف ويهرب وكمان اليوم العلم تقدم وصار فى جل بالصيدليات تحطية على صدرك وما راح يقبل يرضع تانى منهم واعانك الله وشكرا لك

 

[حلوة فلسطين]

ترى يا اختى راح تتعبى ليكى كم يوم بس راح ترتاحى بعدها

 

[أتألم ولاأتكلم!]

أنا ولدي سنتين ويرضع رضاعه صناعي طبعا موعارفه كيف أفطمه؟؟
هو أول طفل عندي!!!

 

[lovely1]

الفطام فترة حرجة للطفل لابد من التدرج في ذلك
بتقليل عدد الرضعات واستبدالها بوجبات غذائية نافعة
فمثلا ياخذ ستة رضعات تقلل لخمس ثم الاسبوع الذي يلية الى اربع رضعات وهكذاالى أن يفطم منه فترة النهار فقط
رضعة الليل لايفطم منها الا بعد أن يتعود على فطام فترة النهار ثم يعتنى بأكله واشباعه جيدا
الابتعاد عن تخويفه بوضع لون احمر على الصدر او اي طريقة فيها ترويع له
واشد فترة عليك هي فطام رضعة الليل ربما يبكي ولاينام ليلة اوليلتين الى أن ييأس ويتعود
اعانك الله