موقف مخل بالآداب في مبزره....

[ريمان1981]

أمس سرنا مبزره الموجودة في مدينة العين وطبعا كانت زحمة موووت كالعادة ، قعدنا في مكان كل إلي حولينا من الجنسيات العربية .​

فجأة انتبهنا إن إلي قاعدين جدامنا (4) شباب من الجنسية العربية ومعاهم وحده فلبينية ... الله لا يروايكم المنظر ما في حركه طفسه ماسوها وكل مره الحبيبة عند واحد منهم مره يتسدحون على ظهورهم..... ومره على بطونهم .....ومره تحط راسها فوق واحد منهم ومره تتمسح فيهم ....والحبيبة لابسه شورت لين فوق الركبه ...​

كل إلي حولينهم كانوا مضايجين من الموقف كان يلوع بالجبد لدرجه إن بعض الناس غيروا مكانهم بسببهم ...​

بيت القصيد : أختي الكبيرة تمت تتحرطم بصوت عالي..... وهم لا حياة لمن تنادي وبصراحة أضايقت وايد وقالت ان الرسول وصانا (( من رأى منكم منكرا فليغيره ))
وان هذي دولتنا والمفروض مانسمح لمثل هالناس أنهم يتمادون جدام العالم والخلق. ​

أهم إلي صار :
قررنا نتصل بالشرطه ونسألهم اذا هاشي عادي ولا لا ... وبالفعل اتصلت وسألتهم ورد علي معصب قال شو عادي طبعا مب عادي واستأذن ان بيعطي رقمي للتحريات القريبين من المنطقة وقتله ماعندي مانع ...​

بعد ( 10 ) دقايق اتصل فيني واحد من التحريات وقتله السالفه ... وسألني عن جنسياتهم وخبرته وقال ماشاء الله (( مضبطينها عدل )) ..​

وشوفوا الصدف قبل مايوصلون التحريات بدقيقه قاموا الشباب إلي عند الفليبينيه و ساروا ايبون أكل من السيارة فهذا الوقت كان منظرهم جدا عادي ...​

المهم انا خبرت راعي التحريات انهم في الحزه منظرهم عادي قالي مب مبهم ..​

نزلوا وسارولهم دايركت وطلبوا منهم البطاقات ولو شفتوا اشكالهم ماتوا من الزيغه.... و هي الحبيبة تمت تتغطى بالشرشف ..​

قعدوا معاهم ((ربع )) ساعه تقريبا ... وعقب ساروا ...المهم انا دقيتله مره ثانيه وسألته شو صار .. وبس هاي هي الاجراءات ...
وقال ان هزأهم وتموا يستسمحون ويترجوه ... وسألني اذا كنت اريد بيشلهم بكبرهم ويفرهم في المركز فهو ماعنده مانع ... فقتله مب لازم مافيني اكبر الموضوع اهم شي يتأدبون ...​

وع فكره نزل راعي التحريات مره ثانيه لان الحبيبه قامت تتمخطر لين سياره حبايبها فشاف لبسها بعد مانبهته وطلب منها تتستر ...وبالفعل واحد من ربعها عطاها شرشف من السياره ... ولو شفتوا شكلها مصخره عقب مالفت الشرشف عليها ....
وفي النهايه طلب منهم يغيرون مكانهم علشان ناخذ راحتنا وبالفعل لو شفتوهم عقب صاروا في قمة الأدب والاحترام وبعدين توكلوا الحبايب بس كانوا يغزونا ومقهورين ..​

بس بصراحه التحريات كانوا قمة في التعاون وماشاء الله عليهم أول ما اتصلنا يو وما قصروا وأدبوهم (( الله يحفظهم ))​

ياخواتي إلي اباه منكم إن لما اتشوفون موقف (( مخل بالأدب )) لا تسكتون وبلغوا وماشاء الله شرطتنا ماتقصر رفعوا راسنا جدام العالم إلي كانوا موجودين ومضايقين ومستغربين ان هالمنظر كيف يستوي في مثل دولتنا ..وأذكر ان في استديو (1)قالوا لما اتشوفون هالمناظر بلغوا ع طول.​

ولا تخافون حتى اسماءكم مارح يسألونكم ولا رح يدخلونكم في الموضوع ابدااا ​

بس لا تسكتون ولا تخلون هاالنوعيه من الناس يتمادون في دولتنا ....
ولا تنسون قول الرسول صلى الله عليه وسلم (( من رأى منكم منكرا فليغيره ))..
وسلامتكم ​

 

[(( نبأ ))]

والله ماشاءالله عليكم عجبتوني

احسن ما سويييتووواااا

بس عندي سؤال عزيزتي .. ماكان في بالمكان رجل عنده غاريه ويهب فيهم ويهاوشهم ويأدبهم

ياخزيا بس من الله

وجزاهم الله كل خير التحري وسرعة ايجابتهم

وانتي تشكرين على حسن تصرفك وغاريتك

وربي يستر علينا ويبعد السوء واهل السوء عن كل بلد مسلم

 

[ريمان1981]

تسلمين اختي نبأ ع المشاركه

بالعكس فديتج كان فيه ريايل بس مثل ماقلت قبل كلهم تقريبا من الجنسيه العربيه بس كانوا مضايجين وإلي غير كانه بس محد اتجرأ يسير عندهم

 

[زهره الجنه]

ما شاء الله انا اغبطكم حبيبتى على سرعه الاستجابه
اما نحن بلد الالف ماذنه والازهر الشريف لا حياه لمن تنادى الفتيات يجلسون ملاصقين للشباب على السلالم فى الجامعه والمطاعم والحرس يحاولون السيطره على الوضع ولكن لا فائده ابداااااااااااا .
وحتى الناس زهقت من كتر المناظر الغلط واتكلموا وللاسف البنات بترد بكل بجااااااحه .
حسبنا الله ونعم الوكيل

 

[طيف حالم]

حسبنا الله ونعم الوكيل يستاهلون

 

[غموض الغيم]

بعدي والله
ريمان مافيج حييلة
عيبتيني

 

[طعم الماء]

....يعطيك العافية ,زين سويتي فيهم....
:a115:

 

[اتيت من بعيد]

ماشاء الله عليكم
ويجزاكم خير على غيرتكم

 

[محبة الاخره]

مشاء الله عليكم نعم التصرف

ولو كل واحد منا شاف مثل ها التصرفات وانكرها مكان تمادو بصوره الي نشوفها

جزاك الله خير وبارك فيك
​

 

[lovely1]

من رأى منكم منكرا فليغيره ................... فجزاك الله خيرا

 

[m000g]

ماشاء الله عليج بارك الله فيج
عطيتيني فكره ماكانت في بالي
موقف يتكرر بعد في المراكز والله يهدى الشباب
زين سويتي فيهم والله يثبتج على ماأنتي فيه وللخير مستمره
والله يكثر من أمثالج يارب

 

[bashboosha]

الله يرحم حالنا يااااااااااااااارب.
ياما نشوف مناظر الله يكفينا الشر.​

 

[ريمان1981]

تسلمون خواتي ع الردود إلي تثلج الصدور ..... وهذا اقل شي نسويه​

 

[العذوبة]

يازين ماسويتي فيهم ونعمه التصرف والله

بصراحه بعد ماقريت قصتك عرفت ولاول مره

انه عادي نجدر انبلغ عن هاي الاشكال

يعطيج العافيه والله يقويج دووم علي فعل الخير

 

[ريمان1981]

تسلمين اختي (( العذوبه )) وهذا هدف الموضوع ...والله يقدرنا ع فعل الخير

 

[اخت الذيب]

الله يكثر من امثالك

 

[مقدامة]

ينصر دينك
ريمان انتي واختك
الله يكثر من امثالكم​

 

[مرجانه نادره]

اسميج ادبتيهم خربتي جوهم اشكرج

 

[طموحي القمة]

موقفك جدا رائع وموضوعك اروع وانشالله انه يخلي الجميع يغير اي منكر يشوفه لو بأضعف الإيمان
قال ص(من رأى منكم منكرا فليغيره بيــده فإن لم يستطع فبلسانــــه فإن لم يستطع في بقلبــــــــه وذلك أضعف الإيمان)
مشكور اختي موضوعك وسلمت يداك أثابك الله الأجر..

تحياتــــ:
اختكم
طموحي القمـــــــــة

 

[روح الوفى]

جزاك اللة خير ياريت كل الناس مثلك