حلاوة المدينة
New member
- إنضم
- 2009/05/30
- المشاركات
- 3,048
بدون مقدمات ادخل الموضوع لأني مقهههههههههههههههههههههههورة منه :
ليلة أمس حضرت قريبات لي لزيارتي وتهنئتي بزواج خوخة لأنهم لم يحضروا الزواج بسبب بحيرة المسك
المهم ابو الشباب عادي وما تكلم وانا حاطة ببطني بطيخة صيفي إنه متكي بالمجلس مستانس وحده حنا مشغولين بضيوفنا ووقت العشاء بس ادق عليه ويروح يجيب العشاء ويوم اناظر الساعة الا هي 11 الا ربع قلت يالله بادق عليه اقول له يجيب العشاء تدرون وش سوا بي لقيت مكانه قاعا صفصفا ؟؟؟؟
اثاري الحبيب خرج مع ازواج قريباتي بدون ما يقول لي ولا كلمة ولا يعطيني خبر وراحوا استراحة بعيدة عنا فيها جمعة وعشاء ووناسة وادق عليه تدرون وش قال : يعني ماعندك دجاج في الثلاجة سوي دجاج ورز قلت المشكلة ماهي اني اسوي عادي وما يأخذ مني شيء لكن انا احب اجلس معهم لأنه نادرا ما يجون ثانيا وهو المهم ان الوقت راح متى يذوب الثلج ومتى ومتى ....
صراحة صرت اطالع فوق اقرب من تحت وبدأت اشعر بغضب وقهر منه عاد تمالكت نفسي قدام ضيوفي قلت له : شوف كلم سواق اخوك ( نادرا ما نكلمه عند الظروف القاهرة جدا ) يجيب لنا البيك حل سريع وكلمه وجلست انتظر الساعة 11 وربع ونص ...ما جاني عشا صرت ابلع واغص معقولة ضيوفي بيسرون تالي الليل بدون عشاء وارجع ادق عليه والا ما اسمع الا طقطقة اوراق البلوت مع اصحابه واصواتهم وضحكاتهم بتخترق طبلة اذني المهم قلت : وين الرجال العشا ما جانا ؟؟؟ قال : كلمته ربع ساعة وهو جايكم ننتظر ننتظر شاف ولدي اللي بالمتوسط مدى حرجي قال : اجيب لكم سندوتشات من البوفيه ضحكت رغم غيضي صحيح شر البلية ما يضحك ويوم الساعة صارت 12وربع الا يتصل قال العشاء تحت ارسلي احد ياخذه لحظتها بس تنفست الصعداء وقلت الحمد لله يوه عزا الله يا كبرها من فشيلة لو ما جاني عشاء وحطيت عشاءنا والحمدلله تعشوا ضيوفي وغادروني ...وشرف حضرته الساعة 2ونصف قال : السلام عليكم تمالكت اعصابي وهدأت نفسي ورديت عليه السلام كاملا غير منقوص ثم سألته : كيف خرجتكم ان شاء الله استانست قال : الحمد لله قلت : ايش الموقف المحرج اللي حطيتني فيه ::::: بكل برود وانفة قال : ايش فيه ما جاكم عشا ؟؟ قلت : الا لكن ماكان ينبغي انت لو قلت قبل لا تخرج دبري نفسك انا خارج فقط لا غير ما بي منك غيرها اما تتركني كذا ما يسير .. رجاء لا تكررها وتركني وعطاني مقفاه وراح ينام غير مأسوفا عليه ..قمت صليت الوتر ونمت وأنا صراحة مغبونة منه ومقهوورة ولكن .الحمد لله على كل حال .......
ليلة أمس حضرت قريبات لي لزيارتي وتهنئتي بزواج خوخة لأنهم لم يحضروا الزواج بسبب بحيرة المسك
المهم ابو الشباب عادي وما تكلم وانا حاطة ببطني بطيخة صيفي إنه متكي بالمجلس مستانس وحده حنا مشغولين بضيوفنا ووقت العشاء بس ادق عليه ويروح يجيب العشاء ويوم اناظر الساعة الا هي 11 الا ربع قلت يالله بادق عليه اقول له يجيب العشاء تدرون وش سوا بي لقيت مكانه قاعا صفصفا ؟؟؟؟
اثاري الحبيب خرج مع ازواج قريباتي بدون ما يقول لي ولا كلمة ولا يعطيني خبر وراحوا استراحة بعيدة عنا فيها جمعة وعشاء ووناسة وادق عليه تدرون وش قال : يعني ماعندك دجاج في الثلاجة سوي دجاج ورز قلت المشكلة ماهي اني اسوي عادي وما يأخذ مني شيء لكن انا احب اجلس معهم لأنه نادرا ما يجون ثانيا وهو المهم ان الوقت راح متى يذوب الثلج ومتى ومتى ....
صراحة صرت اطالع فوق اقرب من تحت وبدأت اشعر بغضب وقهر منه عاد تمالكت نفسي قدام ضيوفي قلت له : شوف كلم سواق اخوك ( نادرا ما نكلمه عند الظروف القاهرة جدا ) يجيب لنا البيك حل سريع وكلمه وجلست انتظر الساعة 11 وربع ونص ...ما جاني عشا صرت ابلع واغص معقولة ضيوفي بيسرون تالي الليل بدون عشاء وارجع ادق عليه والا ما اسمع الا طقطقة اوراق البلوت مع اصحابه واصواتهم وضحكاتهم بتخترق طبلة اذني المهم قلت : وين الرجال العشا ما جانا ؟؟؟ قال : كلمته ربع ساعة وهو جايكم ننتظر ننتظر شاف ولدي اللي بالمتوسط مدى حرجي قال : اجيب لكم سندوتشات من البوفيه ضحكت رغم غيضي صحيح شر البلية ما يضحك ويوم الساعة صارت 12وربع الا يتصل قال العشاء تحت ارسلي احد ياخذه لحظتها بس تنفست الصعداء وقلت الحمد لله يوه عزا الله يا كبرها من فشيلة لو ما جاني عشاء وحطيت عشاءنا والحمدلله تعشوا ضيوفي وغادروني ...وشرف حضرته الساعة 2ونصف قال : السلام عليكم تمالكت اعصابي وهدأت نفسي ورديت عليه السلام كاملا غير منقوص ثم سألته : كيف خرجتكم ان شاء الله استانست قال : الحمد لله قلت : ايش الموقف المحرج اللي حطيتني فيه ::::: بكل برود وانفة قال : ايش فيه ما جاكم عشا ؟؟ قلت : الا لكن ماكان ينبغي انت لو قلت قبل لا تخرج دبري نفسك انا خارج فقط لا غير ما بي منك غيرها اما تتركني كذا ما يسير .. رجاء لا تكررها وتركني وعطاني مقفاه وراح ينام غير مأسوفا عليه ..قمت صليت الوتر ونمت وأنا صراحة مغبونة منه ومقهوورة ولكن .الحمد لله على كل حال .......
