موقف ما أنسااه .. اشرايكم !!؟؟

[قلب مكلوم]

السلام عليكم و رحم الله وبركاته

ملكات بلقيس ..

شخباركم ان شاء الله طيباات ..

حبيت افضفض عن موقف صار وعدى لكنه ما زال بالذاكرة و كأنه توه صاير هالموقف ,,

صديقتي انسانة طيبة .. و ماعليها زود في الذرابه و طريقة تعاملها مع زوجها ..

الحياة لا تخلو من منقصات و مشاكل لكن صديقتي قلبها طيب و ما تحب زوجها ينام وهو زعلان عليها لابد انها تراضيه و تحبه على راسه ..

بيوم من الايام فاجئها زوجها انه بيتزوج عليهاا .. هنا تغيرت صديقتي و قالت له بكل شموخ و اعتزاز .. ليه يا بو فلان حصل مني شيء يخليك تفكر بزواج آخر ..

وهنا كانت الصدمة قال لها انا رجال و تهمني الذرية لازم اجيب ولد وانا عندي 4 بنات صارت الناس تسميني بو البنات ..

بلعت غصتها و قالت له يا بو فلان ربي يهنيك و يسعدك مع بنت الحلال ..

ولاكأن شيء هامهاا ..

ولا كأن زوجها بيتزوج عليها .. صارت تنظف البيت وتهتم ببناتها و اهتمت بزوجها لأخر لحظة حتى ليلة زواجه حلق وجى البيت تروش وما طلع من حمامه الا مزهبة له عودة و جلست تبخره ..

انا عن نفسي انصدمت لمن قالت لي ..

المهم بليلة زواجه كلمتني وقالت لي يا ام فادي ابغييك تجين لي وجلست معها وقالت لي عن اذنك بقوم و برجع ..

المهم قامت صديقتي و تزينت .. و تزبرقت ..

وهنا كانت الطامة الأخرى قالت لي اتصلي على السواق بنروح القاعه ..

تفاجأت !!!

جلست اكلمها مالا داعي تروحين ليه تخلين الناس تطالعك و تشفق عليك ..

قالت لي وليش اصلا تشفق علي زوجي ما سوى شيء حرام
ذي حلال ليش امنعه من الحلال . .

المهم صديقتي ما نفع معها اي كلام مني قالت لي ابغيك تروحين معاي ..

المهم رحناا

الكل اللي بالقاعه انصدم من دخولها .. للقاعه .. جلست تطالع في الحريم و على وجهها ابتسامه رضا

وطالعت اهل زوجها وحده وحده و صارت تسلم عليهم و تبارك لهم ..

راحت لأم زوجها وسلمت عليها وباركت لها
بس ام زوجها ما قدرت على سلام مرة ولدها ضمتها و صارت تصيح عليها ..

صديقتي تقول وليش تصيحين ولدج ما سوى شيء حرام ..

المهم

راحت لزوجها وسلمت عليه وجنبه زوجته الثانية سلمت عليها و باركت لها .. ولمن خلصت من السلام وقفت اشوي تطالع زوجها وهو يرقص مع عروسته .. و لا حتى عبرها بس ابتسم في وجهها وعلى طول جلس يناظر زوجته الثانية

قبل ما تخرج من القاعه .. رقصت اشوي و قالت لي يلا قوومي ..

واهي بتطلع مسكوها خوات العروسة و جلسوا يعاتبونها ليش خربتي ليلة اختتنا .. ليش جيتي ليش و ليش ..

انا انصدمت اصلا ما قدرت اتكلم . .

ما ادري ليش انصدمت من الواقع واحترت بدرجة ما تتخيلونها ..

ما ادري موقف صديقتي عين العقل ؟

ليش ام زوجها بكت و اهي اللي خطبت له ؟

ليش خوات العروسة هزؤا صديقتي .. ووحدة من اخوات العروس جلست تبكي قدام صديقتي ليش جيتي ليش

حبيت افضفض خواتي اشرايكم باللي سوته صديقتي ؟
​

 

[سوما الرياض]

حركتها لايخه لأن مهما وصل فيها الكبرياء هيا مكسوره من جوا
وبعدين هي راحت عشان يتشمتون فيها الله يصلحها
اما خوات العروسه زعلوا ليش أجت يمكن لأنها لفتت انتباه المعازيم وصاروا يطالعون فيها ولاطالعوا بالعروسه
عشان كذا انقهروا هع

ماادري شقول بس حركتها أبد موحلووووه

 

[قلب مكلوم]

حركتها لايخه لأن مهما وصل فيها الكبرياء هيا مكسوره من جوا
وبعدين هي راحت عشان يتشمتون فيها الله يصلحها
اما خوات العروسه زعلوا ليش أجت يمكن لأنها لفتت انتباه المعازيم وصاروا يطالعون فيها ولاطالعوا بالعروسه
عشان كذا انقهروا هع

ماادري شقول بس حركتها أبد موحلووووه

ادري ان حركتها بايخه بس للحين تكابر ...

بس ارجع و اقول اهي قالت لي ابغي اشوف كيف ليلة زواج زوجي وقالتها بكل ثقة ..

انا مندهشة لليوم كيف قدرت على هالموقف ..

الكل بكى لحالها و اهي و لا همها ..

​

 

[القلب الحاني]

ما لو داعي من الروحه اصلا مهما حصل اهي حرمه ولها مشاعرها شوفيها بعد الزواج كيف نفسيتهاوتعامل زوجها معها وكل ما تضيقت يقول مو انتي حضرتي الله يستر عليها ويوفقها ويبعد عنها الادى

 

[زين وحلا]

الله يهديها ما له داعي الي سوته ما اتوقع انه كبرياء او رضى الله اعلم وش؟

 

[دلوعة سيمو]

أكيد صديقتك أحلى منها وأخوات العروسه زعلوا لأنه الزوج أكيد حن لزوجته بالإبتسامه وكأنها أهانت العروسه وقالت أنا ماني غيرانه منك لأني الأفضل وبينت لهم الثقه واتوقعوا انها تكون زعلانه بس هي ظهرت بأنه عادي ياليت عندي ماشاء الله مثل هالقوه..

 

[دلوعة سيمو]

لو أنا منها بسحب زوجي وأرقص معاه كمان هههههه<< الله لايوريني ذاك اليوم ويخلي لي زوجي لحالي يارب قولوا آمين..

 

[الدنياسراب]

عين الرضاء بالقضاءوالقدرماشاءالله لاقوة الابالله الله يثبتهاويجعله برداوسلامى على قلبه

 

[زورق الحب]

وبصراحه الله يعينها صديقتك بس فعلآن ماله داعي تروح للزواج وبعدين كيف ردة فعلهاوبعدالزواج وبعد ماهزءوها خوات العروسه

 

[سنكرس]

الله يهديها ما له داعي الي سوته ما اتوقع انه كبرياء او رضى الله اعلم وش؟

نفس التوقع والله أعلم ،عموماً الله يربط على قلبها ويصبرها .

 

[فراشه زرقاء]

الله يصبرها يارب ويرد لها زوجها

 

[الجروح]

آآآآآآآآآآآآآآآآآآآه قلبي عورني وأنا أقرا اللي سوته

هي كيف تحملت ؟؟؟؟؟

الله يجبر كسرها ويرد لها زوجها رداً جميلاً

ويرزقها الولد الصالح

 

[قيرون]

يمكن ماحبت تبين انها ضعيفه ...بس الله اعلم بها

 

[القمر الوحيد]

الأستاذة ناعمة ذكرت في إحدى دوراتها
أنه من الخطأ أن تفعل الزوجة مثل هذا التصرف
لأنها مهما كابرت وادعت الرضا والسعادة فالناس
كلها تعرف بأنها مجروحة وحزينة من الداخل ..
​

 

[قهرني زماني]

الصراحة عجبني تصرفهااااااا
ماااااااااااااشاء الله عليها
ليش دايما الناس تفكر في الزوجة الأولى ويقولون مسكينة و يشفقون عليها على أساس أن خاطرها مكسور لأنه زوجها فضل عليها وحدة ثانية و تزوج
والله إن تصرفها قمة في الحكمة و ماشي يمنع حضورها للقاعة
عشان الزوجة الثانية ماتشوف حالها أنها خذت زوجها منها
بالحركة هاذي كسرت خشمها و خشم زوجها
و بينت له و لها أن ماشي يكسرها
وما انتهت الحياة لأن زوجها تزوج عليها و الدليل أن خوات العروس قاموا يبكون ههههههههههههههه
أتخيل العروسة مبقة عيونها مش مصدقة ههههههههههههههه

صدمة العمر عندها مش ليلة العمر

انصدموا لأنهم يعتقدون و الله أعلم أن الزوجة الأولى في حالة يرثى لها و في قمة الإنهيار
بالله عليك لو تعرفينها بلغيلها سلامي وإعجابي الشديد بها مااااااشاء الله عليها
الله يربط على قلبها و يصبرها
و إذا على خلفة البنات فالزوج هو السبب و ليست الزوجة و علميا الزوح يحمل الحيونات المنوية الذكورية و الأنثوية
المرأة بس تحمل إذا بنت من زوجها و إذا ولد من زوجها
يعني شو الفايدة يغير الزوجة
​

 

[منى السبيعي]

معنى حركتها يعني لاتفرحي فيه انا هنا وكمان لاتحسبيني حزينه بالعكس انا قد التحدي وبكذا تسبب لها قلق وتوتر وكمان تعلمها ان المنافسه معاي صعبه يعني انا جيت وماهميتيني وانتي ماتقدري توصلي لمستواي بالتحدي مهما سويتي:20:

 

[قلب مكلوم]

ما لو داعي من الروحه اصلا مهما حصل اهي حرمه ولها مشاعرها شوفيها بعد الزواج كيف نفسيتهاوتعامل زوجها معها وكل ما تضيقت يقول مو انتي حضرتي الله يستر عليها ويوفقها ويبعد عنها الادى

لو اقولج كيف نفسيتها بعد زواج زوجها و خاصة انه جاها في اسبوع زواجه ما تصدقيين !!:30:

تقول انا وصيته على زوجته لا يظلمها و لا يجي لي لحد ما يخلص شهر عسلها .. ومستحيل تعاتبه .. تقول ما تزوج الا و يبغي الولد يعني ما في قصور فيني

الله يصبر صديقتي و يجبر خاطرها .. ​

 

[حرم محمود]

ولله مالوداعي الروحة بس الله يهديها لو انا كنت بدالها ولله لخرب عليهم الزواج

 

[قلب مكلوم]

الله يهديها ما له داعي الي سوته ما اتوقع انه كبرياء او رضى الله اعلم وش؟

اتعب و انا اقول ما ادري اهو رضاء بالقدر او كبرياء ..

بس مالها بالنيات السيئة على نياتها حيييييل

من طيبتها تفتكر حتى اعدائها اصدقائها .. :33:​

 

[قلب مكلوم]

أكيد صديقتك أحلى منها وأخوات العروسه زعلوا لأنه الزوج أكيد حن لزوجته بالإبتسامه وكأنها أهانت العروسه وقالت أنا ماني غيرانه منك لأني الأفضل وبينت لهم الثقه واتوقعوا انها تكون زعلانه بس هي ظهرت بأنه عادي ياليت عندي ماشاء الله مثل هالقوه..

صديقتي جمالها جمال عادي وزوجة زوجها جمالها اقل الحمد لله يارب على خلقتك

وخواتها كانوا يرقصون و يتريقون شفتي اشلون نهاية الزواج كيف بكو و الدنيا دوارة ..

وثقتها ماشاء الله عالية

ربي يلهمنا الصبر بس ..:33:​