موقفي وربي صعب جداً جداً اعيش صراع ساااااااعدوني

[اميرة نفسه]

بسم الله الرحمن الرحيم​

لا أحب أطيل عليكم بدخل بالموضوع طوالي ​

حبيباتي :​

بشرح لكم السالفة وشاركوني بذمتكم ​

اخوي متزوج صار له خمس سنوات بعد مرور 8 شهور من زواجه أصاب زوجته مرض خطير في الرحم ومن ذاك الوقت وهو يركض به الله يشفيها تحليل وعمليات وحاله الله اعلم به​

حتى أنهم قالوا له مستحيل يجيك أطفال لأنه صار فيه استئصال وشغلات كبيره​

مو بس استحالة الأطفال الرجال اخبرني انه حتى المعاشرة لا يستطيع ومن ألسنه الأولى وهو بحكم الغير متزوج ​

في الحقيقة نحن لا نعلم وش ضروفه ​

إلي نعرفه انه يراجع به بكل مكان داخل المملكة وخارجها ​

وقبل يومين سهر عندنا وجلس معي ​

وتجذبنا الحديث إلا الرجال يعيش صراااااااااااااااااع يقول :​

كل احد يقول تزوج وآمكن عمرك وجب أطفال وهو يقول زوجتي مريضه وحالته حاله ومو ناقصه هم على همه اخوي إنسان حنووووون ومشاعره حساسة بس مشكلته الآن ​

1- وده يتزوج يتزوج ثانية بس بالمقابل يقول صعبه اجرح شعور زوجتي ومو وقته​

2- ابو زوجته قاله تزوج لانه يعلم بأستحاله الأنجاب​

3- اخوي يبي الستر لانه انسان محااااااافظ مره ​

4-امي وابوي ضاغطين عليه تزوج تزوج​

5-المشكله الكبيررررررررررررررررررررررررررررررررررررره انه يبيني ادور له لان كل من حوله رفض وتخلى عنه​

وانا مقدره ضروف زوجته وحالته واحط نفسي بمكانه ..... بس بالمقابل الرجال قاعد يصارع العزوبية ؟؟؟؟؟​

ساعات اقول بدور له ....... وساعات اقول لا صعبه اجيب على زوجته ​

وساعات اقول اخاف يوصي غيري ويوهقه ؟؟؟؟؟؟؟؟؟؟؟؟​

بعدين زاد النقاش حتى طلعنا بحل وسط ​

انه يتزوج مسيار او زواج مخفي ويكون بتدرج ​

اتفقت معه على كذا ​

وبعده طلعت لي مشكله كيف احصل له عاد مسيار ؟؟​

وصرت اسئل الا كلهن 30 و35 ووووو وهو توه صغير ​

وابحث حتى الأن دون جدوى​

وش رايكن بالي سويت هل اخطيت بحق زوجته ​

هل الحل الوسط بريكن هو الحل ​

بليزززز انتظر اجاباتكن​

 

[رازيا]

انا من راي انه اخوك انسان مخلص ووفي جدا الله يحفظه وياليت كل الرجال مثله
والله احل للرجل يعدد علشان هذا سبب من ضمن الاسباب اللي زوجته فيه
خليها زوجته العزيزة والمكرمة والغالية ويعطيها كل حقوقها ويخيرها بين انها
تبقى معاه وهو يتزوج وحدة ثانية لانه من حقه يتزوج ويجيب اولاد او انه اذا زوجته
رفضت زواجه وهذا مو من حقها خلاص هي تقرر شو راح تعمل هل راح تستمر معاه
وتظل العزيزة والغاليه وهو يتزوج او اذا ما قدرت تتركه يتزوج وهي تشوف نصيبها
لكن انا من راي انه اخوك من حقه يتزوج بالعلن وليس بالسر او ميسار
وزوجته يخيرها ان تبقى معاه او لا
الله يوفقه امين

 

[اميرة نفسه]

المشكله اختي رازايا
انه مستحيل بيخيره لانه يحترمه ويقدره جداً وقائم به عنده مثل الكبير يكدمه ووووو
لانه تعبانه مرررره
بس هل يتزوج بهدواء ولا يخبره

لانه يقول بعلم الي بتزوجه بوضعي
وبكون واضح من البدايه​

 

[غربيه شماليه]

والله الموقف صعب
لكن خليه هو يقرر اذا يبي او لأ
واذا يبي مسيار او غيره اكثر لا كثر الله الخطابات
مع اني اقول الكلام هذا وانا ما ودي انه يتزوج عليها ما دامه صغير خله مع حرمته لا حق على العيال
بس الشكوى لله

 

[جوهرةقطر]

كتبت كلام وانقطع اتصالي ’’’’’ حبيبتي دوري لخوك وحده بنت حلال ولاتزوجونه بسر ولا شي تتورطون وبعدين اخوك مسوى شي غلط,,,,, عشان ينخش زواجه

وجزاه الله خير على خوفه على مشاعرها’’’’’ البنت الي بتخطبونها,,, قولوها كل شي’’’’ والله يوفقه’’’’ دمتم بخير وسعاده

 

[شبح الفراق]

صبر 5 سنوات؟ ونعم الرجال اخوك والله يخليه لزوجته يارب
والله يعين زوجته ويصبرها ويشفيها
انا رائي يتزوج زواج عادي لكن لا يخبرها ويخبر اهلها

 

[حيرني آمرگ]

يااااقلبي عليه الله يحفظه ويكثر من امثاله
صدقيني لوقال لزوجته ماراح تزعل لانه صبر عليها
وحتى لو زعلت بيكون من غلا اخوك في قلبها
صراحه انسان رااااقي في تفكيره الله يسخرله بنت الحلال

 

[simsim86]

والله حاسه بيج والموضوع مو هين ومتعب بس شنو زواج مسيار وشنو زواج سر الزواج زواج وبس يعني مستوفي الشروط وبالعلن
الله يعين زوجته
والي مو فاهمته ليش تزوجوه انتوا؟؟ يعني ليش ماهو الي يتزوج؟ اقصد انو هو يدور على وخده اذا هو جبيرة وواعي وحتى متزوج قبل يعني هو اعرف بالي يريده
والله يصبر زوجته

 

[اميرة نفسه]

اختي غريية شمالية : وهذا الي ذابحني اني بموقف صعب وانا معك ماودي يتزوج بس الان مو سنه ولا ثنين ولا ثلاث وهو عزوبي يعني ماعنده الا زوجته وتعبانه وفوق هذا خادمه وقايم به


اختي جوهرة قطر : هو الي مخليني ابحث له خوافي يطيح على له عله مستعله نبلش فيها لانه عرض عليه بعض زملائه خواتهم وخايفه يوافق ونبلش
بس هو تهمه زوجته مايبي يصله خبر مو خوف ابداً بس يقول دائماً (( عنه انه مسكينه وادعوا له )) لان المشكله مو بس على الانجاب فيه خطر على حياته بسبت مرضه


الله يعين بس​

 

[مهره أصيلة]

أخطيتي يالغلا
كيف تزوجينه مسيار
الله حلل التعدد صح مافي وحده ترضى بضره ع راسها
بس ذا أمر الله لا أعتراض عليه ماهو باليد حيله
لازم نؤمن بقضاء الله وقدره ونسلم أمرنا للي ما تنام عينه

أبحثي له عن زوجة تقية وتخاف الله ومن بيئة بسيطة لأنها راح تحمد الله وأن شاء الله تكون مسالمه
بالزواج بيكون عف حاله بالحلال عن الحرام وأن شاء الله ربي يكرمه بالذرية الصالحة
بس أهم حاجة العدل ثم العدل ثم العدل ذكريه بهذا الشي وأنه لو يوم ما عدل بين البيتين أنه أنتي ماراح تسامحينه ليوم الدين أنتي وقفتي معه بشرط أنه يعدل ولا يظلم أحد
ويثق أن الزوجة الأولى ما يقدر يعيش حياته كامله معها إلا أنه بيلقى عندها الهدوء والتفرغ الكامل له .. الثانية بيعيش حياته وبيكرمه ربي بالذرية أن شاء الله ... بمعنى كل وحده لها ميزتها ودورها بحياته

تبين أدور لك ع عروس ​

 

[اميرة نفسه]

اخواتي : شبح الفراق - حيرني امرك
المشكله ان ابو زوجته قاله تزوج اكثر من مره بس مشكلته يحس انه خاين
مع العلم ان الظروف هي الي حدته

انا لو مو خايفه عليه ورحمته من تزوج وهو بالمستشفيات وحالته حاله كان صبرته لكن الرجال عزوبي وفوق هذا دوام وخدمه لزوجته الله يشفيها احسه ماتهنى بحياته بس نظرته دئم يقوله لو انا مريض بأي مرض وقالت لي بتزوج غيرك طلقني ؟؟؟
كان اقول عنه خاينه وووووو وكل شيء مو زين
طيب الان العكس ؟؟؟؟
مترسخه براسه بس مع مرور السنوات وكلام ابو زوجته واخوان زوجته
يالله اقتنع بالسر ويبي يخبرهم بوضعه وضروفه بعد​

 

[انسانه متفائله]

والله مدري وش اقول ماقصروا البنات بس انا ماحب اللي يتزوج على زوجته قههههههههههههههههر بس الشكوى لله هو بعد يبي عيال

 

[رنـــــدا]

ربي يوفقه ماقصر واللي مثله قليل شوفي انتبهي واياكي تفكرين ادورين له مسيار اصلا المسيار مافيه بنت توافق عليه الا فيها شي ياكبر بالسن الخ وانتي اخوك يبي زوجه تجيب له عيال يعني استقرار اول شي يسويه يكلم ابو زوجته يعطيه خبر وانتي قومي ودوري له الزوجه المناسبه لااخوك والاهم الاخلااااااااق ولا يقصر مع زوجته يراضيها واذا هي الحين تعبانه يصبر اللي صبره السنين اللي قبل يصبر الين تتحسن نفسيتها يختار الوقت المناسب وارجع اكرر لك اختاري لااخوك ودوري له وركزي على اخلاقها ودينها وكل شي معلن قدام الكل مخفي لااااااا بالاخير ربي حلل التعدد ... واسأل الله ان يسهل امره ويووفقه ويرزقه بالذريه الصالحه ويشافي زووجته

 

[مهره أصيلة]

أخالف الرأي للأخت (( جوهرةقطر ))
الزوجة الثانية وأهلها من حقهم يعرفون سبب زواجه
لا تقولون لها ظروف الأولى واللي تمر به وأنه مافي مجال تنجب ما تدرين يمكن الزوجة الثانية ما تكون طيبة وقلبها وسيع ويمكن يقلبها الكيد النسائي ولو تقابلت مع الأولى ممكن تدقها بالكلام أو تسم لها بدنها حرام ​

 

[اميرة نفسه]

اختي انسانه: متفائله : انا والله معك بس الي بالموقف غير عن المتفرج
اختي مهره :اصيله ماعندك مشاكل ع يدك
اختي رندا : كلامك واقعي بس هو يعتبر الزواج خياااااانه له يالله اقتنع بمسيار كاحل مرضي له ولا يجرحها
يعني يتزوج زواج معلن بس بشرط انه لا تعلم هي فقط ولا تطالبه اذا بيراجع به او زادت حالته

 

[انثى تعشق رجل]

بامكانه يكلم اهل زوجته يقنعوها ويطيبوا خاطرها
وهي مهما كابرت الا بترضى بالاخير
ووقتها يتزوج زواج علني زيه زي غيره من الناس
هذا لانه خايف على مشاعرها
وللاسف لو ماوافقت اخوك لازم يتزوج وهي مصيرها بترضى

 

[زهوووور الريف]

طيب وينكم عن الاستخارة انتي وياه ؟

هو يستخير الله في الزواج الثاني
وانتي تستخيرين الله في انك تخطبين له او لا

والحمد لله

اسال الله لكم التوفيق .

 

[saniaend]

مع رازيا وأنثي تعشق رجل
نفس الرأي

 

[زوجة رومانسية]

آآآه أسأل الله لزوجة أخيك بالشفاء العاجل ياااااااارب

أولا : لا تزوجزه الا اذا هو طلب مدام مرتاح مع زوجته
ثانيا : ارجوك ارجوك اذا بحثتي له عن زوجة ثانية ابحثي عن جمال أقل من جمال الزوجة الاولى حتى لاتظلمها يااختي كثيييير من الزوجات الثانيات لمن تكون اجمل سبحان الله تتباهى وتقهر الاولى والزوج يسحب على الاولى
انا اقول من خلال مانراه في المجتمع وطبعا تذكر ان زوجته الاولى في امس الحاجة له
ثالثا؛ أوصي اخوك قبل لايفكر في الزواج ان يقوم هو وزوجته بسورة البقرة والاستشفاء بالعسل وايات الرقية وماء زمزم فكثير من الحالات أسوا حال منهم وفرج الله عليهم وفقك الله

 

[ليتك تفهميني]

حبيبتي لو تزوج بـ السر رح يظلم الثنتين ..و با العكس زوجته رح تزعل لانه تزوج و لانه خبى الموضوع عنه
.. و صدقيني زوجته لو صارحها مرح تزعل يختي الرجال يتزوجون بدون سبب و لا اخوك له عذره .. و صدقيني لو كانت انسانه ينفع بها الطيب كان تقول تزوج .. و ان شاء الله اخوك رح يحترمه و يقدره و اذا مو عاجبه بكيفه بس صدقيني رح ترضى لانه عارفه ان ما لها الا اخوك او بيت ابوه .. اخوك ما قصر خليه يشوف حياته .. و الله لو مكانه كان انا اشير عليه يتزوج و يحط لي بيت لحالي ...