القلب الجميل
New member
- إنضم
- 2010/02/09
- المشاركات
- 65
السسلام عليكم عزيزاتي
راح اخبركم بسالفتي اليوم.
طبعا الاجازات الخميس ننزل نتغدى عند اهل زوجي والجمعه نتغدى عند بيت اهلي
يوم الاربعاء طلعنا طلعه مع اهله وتالي كلنا تسوقناوكل اهله طبعا كانوا معانا بس عنده اخت ما جت معانا لانه كانت مسافره
المهم بهاذي الطلعه يوم تسوقنا خذيت الى ماما واختي هديه المهم يوم الجمعه كان الغدى بيتنا
قبل لا اطلع من شقتي لانه ساكنه بيت اهل زوجي الا يقول لي اتحجج فيك قلت له يعنش شنو الا يقووول مااخذتي الى اختي هديه للي كانت مسافره ما جت قلت له شنووو مباشره جاوبت عليه اكا هي تسافر ما تجيب لي قال مو مشكله انه بعطيها هديه قمت تالي عندي اشياء مشترتنها وعطيتها خالتي ام زوجي تعطيهابس كنت مقهوره لانه اخته مااعتقد انها تفكر اساسا فيني عشان هو بقس اخذت الى اهلي قام يقول هالكلام طبعا لهدايا تبع ماما واختي ما اخذتها من القهر بس هو جابها وقلت له راح اودي الى اختك بس هدايهم ماابيهم بس جابهم معاه
وبنفس الوقت اتصلت عليه اختي تقول وقت تطلعي من شقتك خبريني عشان نسبقكم ولا نتاخر بحكم اختي قريبه الى بيتنا مكانها اقرب مني الا يقول شتبي اختك قلت له الا يقول ماعندها سالفه وقام يتحجج على اختي واختي يا عمري عليها على نياتها المهم واحنا بالسياره تذكرت واتصلت ع اختي وخبرتها عاد طلعنا الا تقول لسى ما طلعت سكرت التلفون وعصب الا يقول لي ليش احنا نواطير لهم يقعدون يتاخرون ماله حق يتكلم عليهم ولا يقول اي كلمه قلت له كل واحد وظروفه الا يقول هم كل اسبوع يتاخرون اصلاه عادي ما فيها شي
قلت له والله زوج اختي ولا عمره تكلم عليك ولا يجيب طاريك ولو كان هو اللي يتحجج عليك بهالكلام كنت زعلت الا يقول اوكي يعني تبين تقولين هو احسن مني قلت له يوم اتصلت اختي وقالت متى بتطلعين خبرني عشان نسبقكم زعلت وقمت تتحجج ويوم الحين قمت تعصب عليهم
.قلت له اخوانك ياما يتاخرون على الغدى ما تتكلم عليهم عادي كل واحد ما فيها شي
رغم هو ما عمره يتكلم على اخوانه رغم يعطيهم كل شي
والاخير قمت ابكي بالسياره وانه رايحة بيت اهلي لانه انجرحت يتكلم على زوج اختي واختي اللي يوم تزوجنا قدرونا بهديه ثمينه اخوانه ولا افتكروا ولا حتى وقفوا معاه
يوم قمت اصح تضايق وحسيته حس بالذنب وخاف اهلي يحسون علي وفعلا كنت داخله بيت اهلي نفسيتي تعبانه بس ما بينت لهم ويقول لي انه ما سويت كذا الا ابيك تكوني عزيزة مسكينه اخختي ما قالت شي قلت له خلاص لا تجي بيت اهلي عشان لا تكون ناطور الى احد يعني يقعد ينتظر كثير لين ما يجون وصاح بالسياره
رغم هو يحبني وانه احبه بس ليش يسوي لي هالموقفين
عاد فليل قبل لا ينام يقول انه قلبي عورني يوم جفتك تصيحي سامحتيني كل شوي يقول سامحتيني وانه اقول له ايه
بس فعلا جرحني يوم قام يعصب قدامي على زوج اختي واختي وقلت له من يوم وراح خلاص ماراح اجيب لك طاري اختي زوجها ان شاءلله ميتين لو عايشين لو مرضى
ودخلت بيتنا ما بينت الى احد شي
الحمدلله على كل حااااااااال
اشرايكم يعني يا خواتي انصحوني ابي ابين له انه ما يتكلم عليهم اول مره على فكره يسوى على اختي زوجها كذا
رغم هو طيب وحنون بس مدري ليش يسوي كذا
