موقفكم في غرفه الولاده لا تنسى تعالوا امتعونا بها

[ورده فوشيه]

السلام عليكم ورحمه الله وبركاته
اخواتي هناك مواقف في غرفه الولاده لالالالاتنسى ابدى بنفسي في ولادتي الاولى تاخرت ورحت للمستشفى ودكتورتي لم تكن موجوده فدخلت على دكتور ويوم شافنى قال انتى باقي لك شهر واطلع ضايق صدري مره بس الحمد لله طلعت ويوم جت الساعه 3 في اليل بدني الطلق ورحت للمستشفى وكشفو علي وما شاء الله 8 سانتي والحمد لله الساعه 8 صباحا شرفت بنوتي
اما الولدما استعديت للولاده ولدت بالثامن ما بعد تجهزت ولاشريت شي بس كانت ولادتي متعسره بس الحمد لله
ياله عاد امتعونا بقصصكم

 

[نورعيني]

وعليكم السلام بنوته

انا ولدت في اخر يوم بالزبط في التاسع

وولدت بطلق صناعي عشان المويه قلت على البنت

واطلقت اتخيلي 18 ساعه

موراضي يفتح الرحم

ادوني تحميلتين وبرضو يفتح بس 4 سم

تعبت مره لكن الحمدلله اهم شي البنت سليمه

يقولوا غالبا البكريه كدا

 

[شمعة الإسلام]

مشكوره على الموضوع الحلو والمر
حلو لانك ولدتي وخلصتي ومر أذا تذكرت ألآلم
الله بس ياجرنا

أنا في ولادتي الاول يوم حطة على بطني جهاز التخطيط حق البيبي
وانا اطلق
قمت أصاررررررخ
اقول بتقتل الطفل
ويجون الممرضات ويهدوني
تقول مجنونه
ههههههههههه
يله كل وحده تتحفنا بموقفها

 

[*غير الناس*]

الله يخليك اية متعه أنا ليا أكثر من سنه والده والى الأن أبكى بحرقه لما أتذكر من الوجع والعذاب اللي شفته الحمد لله وبعدين ولدت بعمليه
بس أفتكر لما دخلت غرفة العمليات وشفت الأنوار الكبيره اللي يسلطوها عليا زى المسلسلات صرت أبكى ولما جاء الدكتور جلست أقوله دكتور ماراح تخدرني وهو يضحك عليا يابروده أش عليه

 

[سنيورتا***]

الولاده وماأدراك مالولاده اهه ثم اهه ثم اهه
تخيلوا الكل يقولي مافيه تعب بس شي بسيط
زي ألم الدوره (الله يعزكم)
نجي ليوم الولاده قمت الصباح الا واحس الم بسيط جدا جدا
في ظهري ونزل معي دم قلت خلاص بروح وبولد احس الدعوه
سواليف...
لما رحت قالت يالله ولاده تخيلو من 12الظهر الي1ونص بلليل
وانا اطلق عطوني طلق تشهدة قلت بس هذا الموت ..
جت الدكتوره قالت لازم تقومين تمشين شوي علشان يفتح الرحم
قلت طيب وانا ابكي من شدة الالم.
المهم ياطويلات العمر الاوتدخل حرمه حامل بتروح لدكتوره
قلت لها وش عندك جايه قالت ابيهم يدخلوني علشان اولد دخلت العاشر ماولدة واجلس ابكي عندها حرام عليس اطلعي الولاده عذا روحي لين ربي يجيب لك الطلق قالت لا بدخل ماعلى منهم
قلت كم عندك من عيال قالت 9 وهذا 10 وانا الي اصرخ لا لا لا
وشلون حملتي حراااااام واقعد احلف ماعيده وحالتي حاله
وطول مانا اطلق افكر في الحرمه كيف حملت ...
جاوقت الولاده ونقص الاكسجين عند بنتي حسبي الله عليهم ونعم الوكيل ودخلت العنايه كله بسببهم وعشت حاله مايعلم فيها الارب العالمين..
والحمدلله ربي عافالي بنتي الله يخليها لي ويحفظها من كل
مكروهه
واسفه على الاطاله

 

[احلم بالرومنسية]

مشكورة
على الموضوع
حبيبتي انا بالشهر الثامن لما اولد بحكيلكم قصتي

 

[ام القمره]

جاااااااااتني لوعه اما انا قصتي قصه انا خلصت التاسع يعني ولدت اخر يوم بالتاسع يوم الجمعه الساعه 8 الصبح وانا كنت تعبانه من يوم الخميس وجالسه اقول لزوجي ظهري يوةجعني وشويه اقوله بطني يوجعني طول يوم الخميس وانا اقوله كذا وماكنت ادري انه طلق مغفله لاني بكريه المهم الين جاء بعد الفجر رحت بنام وقالي زوجي لو قلتيلي مره ثانيه بطنك او ظهرك يوجعك بنرلاوح المستشفي واول مانمت على السرير خرجت عفويه قالت اه ياظهري وقالي قومي ورحت وقالولي وةلاده واول مارحت المستشفلى حمي الطلق على اصووووووله شي مو طبيعي اتمنيت الارض تنشق وتبلعني من شده الالم زوجي خارج قسم الولاده وسمع النغمات الحلوه وربي حسيت رووحي بتطلع وشرفت احلى يارونه بحياتي ولما شفتها نسيت كل الاوجاع ياربي تحفظها وتسعدها

 

[دانة الزين]

حبيباتي اللي يبي الدح مايقول اح وصدقوني عوار الولاده نفس العاده بس على اقوى دبل وانا الحين دشيت شهري وصارلي 5 ايام ناطره متى اولدواشوف بنتي على احر من الجمروبصراحه انا بولاداتي اشرب الخروع لانه يسهل الولاده وبحمي الطلق وانا مجرته مافي اي مخاطر وبسلامه لكل وحده بتولد وهذي حملتي للمره الثالثه

 

[دانة الدنيه]

يحليلكم والله موضوعكم شيق ام انا قصتي احلى قصه
انا دخلت التاسع وكنت انتظر زواج اختي قلت يربي اولد قبل مايجي العرس باسبوعين ولا ثلاثه على الاقل احضره ماعلي اتعال على نفسي واحضر طبعا انا ماجهزت حق العرس شي ولا تعبت روحي
بس ماش فايده يوم عرس اختي الي يصادف اخريوم بالتاسع واول يوم بالعاشر رحت العصر ودورتلي ثوب سهره ودرت بالسوق ليم قلت بس وتكشخت باليل وحضرت العرس وزفينا اختي الى بيت زوجها وانا زفوني الى المستشفى بمكياجي وكشختي الدرجت انا كل الممرضات تجمعو علي يسالوني شالسالفه وانا حالتي حاله بس صحيح طلعت ولاده كشخه

 

[um elyas]

حبيت اشاطركم قصتي انا تأخرت عن ولادتي اسبوع وكنت اتعالج بالخاص قلت الولادة راح اولد بمستشفى حكومي
الدكتورة كتب بعض الملاحظات وقالت لي روحي ليهم وخلهم ضروري يعطونش طلق صناعي لانه وزن وحجم الجنين كبير على بطني انا كان بطني صغير نفس الكورة عاد رحت اليهم من 4 الظهر الين11 بالليل واهم ما سوو شيء حقي بس شيكو نبضات الطفل وتخطيط وبس حتى الملاحظات اللي كتبتها الدكتورة ماقروها وبعدين قالوامانقدر نسوي شيء لازم ترقدين قلت اوكي قالوا مافي غرف خاصه قلت عام مو مشكله قالوا مافيه مجال قالوا نامي بالطوارئ عاد تكرمون يابنات تحت السرير كان بيه هاف اندروير مفلوت وبيه دم قلت مقدر اتحمل الوساخه قلت بطلع لانه ماراح يسوون لي شيء بس ترقيده وخلاص قلت بطلع وخلوني اوقع على بعض الاوراق انو مسؤليتي اذا صار بيني شيء
وبس

رحت يوم ثاني الصبح حق دكتورتي وعلى طول عطوني الطلق حبتين على فترات
عانيت يابنات من الطلق والوجع خلص مفعول الحبوب يبدي معاي الطلق الطبيعي
واتوسع لين 8 سم بس مارضى راس البيبي يطلع انه حبل السري وفي الاخير
يابنات ولدت بعمليه قيصريه وولدت ولد اسميته الياس في تمام الساعه السابعه وسته وعشرون من شهر ديسمبر عام 2005
وسلامتكم
ادري مللتكم لانه طويله بس اتحملو

 

[الورد الجوري]

الله يسلمكم ولادتي ببكري

كان زوجي مسافر وكنت متروشه واقعد تحت التكيف

ويجيني عوار في روجلي وبعلي تو واصل من السفر

وروح المستشفى وماصدقو على الله شافاني اسبوع من التاسع

قالو لازم ولاده والى يومكم مادريه ليه وحطولي طلق صناعي
على قكره مامر جربت اطلق طبيعي

ولدت وجبت اجمل بنوته الله يخليها لي

 

[*صاحبة السمو *]

الله يهديكم ذكرتوني بالولادة أنا ألحين في السادس بس ما بعد خفت ولمن قريت الموضوع خوفتووووووووووووووني:shutup: أنا ولدت بولدي يوم الخميس المغرب الساعة ست إلا ربع بس أذكر وأنا في عز الألم والطلق وفي موقف لايعلم فيه إلا ربي تسألني الممرضة وتقول حواجبك حلوة بالمرة انتي مسويتهم وإلا رايحة مشغل والمشكلة اني أرد عليها أبغى أي شي ينسيني الألم ..........

 

[بنت دار زايد]

اخواتي مشكورين علي مشاركتكم الممتعه والله يحفضكم لعيالكم

 

[umm_reem]

بقولكم قصتي...طبعا بولادتي ببنتي ريم...تعبت وطولت تقريبا 18 ساعه...واخر شي طلعت بالشفط....تأدبت...ولادتي بولدي عبدالرحمن....جتني الالام الولاده...قلت لااا....ما بروح المستشفى عشان ما يصير لي نفس ولادتي الاولى...
رحت قعدت في بانيو حمام دافي عشان يهدي الاعصاب ويهدي الطلق....وطلعت وتسشورت..(كل هذا وانا فيني الوجع؟؟) اذن الفجر قمت وصليت؟؟المهم حمى الطلق..وصلت المستشفى وحالتي حاله في الشارع الله يكرمكم جدام العالم ازوع وشيلتي طايحه واصيح؟؟؟تكسر البرستيج تماما؟؟؟؟
طلعوني على طول غرفة الولاده....وما خذت عشر دقايق وولدت؟؟؟الحمدلله ما ربيت في الطريق؟؟؟

 

[ام ابراهيم 1]

ياحليلك يادانه الدنيا

 

[اميره الحب]

ياااااااااااااااااااااه الله يسهل علي وعلى كل حامل

انا الحين بالثامن الله يتمم على خير ويهون علي يارب

ولادتي الاولى وووااااااااااااااااااااااااووو

في نص التاسع بس نزل معي مويات قليله جدا يوم الخميس واقوم اشرب قرفه عشان تسهل علي وياليتني ماشربت راح الالم مررره ماعاد احس بشي عاد انقهرت ابغى اولد قبل الاحد عشان مااختبر هذا همي ولكن ..........

يوم الجمعه نزل دم هنا طار عقلي وحسيت الدعوه صدق واتخيل الولاده وانتفض ورحت العصر وقالت الرحم مفتوح 2سم قلت من اول التاسع مفتوح مازاد وماعندي طلق وتقول لي خلال 24ساعه راح يجيك طلق طبيعي وبالليل اعطوني نحاميل تقول يرطب الرحم ومبسوطه وزوجي قلت له خلاص روح نام تعال الصباح عندي ماما واااااااااااااااااااااه من الطلق الصناعي من 12 الى 7ونص الصباح والرحم مافتح الا نص سم زياده وضعف الجنين وياللا قيصري وجبت ولدي الله يحفظه وكان وزنه اقل من 2كيلوا يقولون هذه كيف مانزل هذا مايحتاج ولاده لو عطستي يطلع قلت شكله من صغره نشب خلصت اللياقه خخخخخخخخ
وااااااااااااااااااااااااااااااااااااااااااااااااااوووووووووووووووو

خايفه ادعوا لي لو يقولون قيصري من البدايه ارحم من الاثنين وصاير موضه الدكتاتره طلق صناعي بعدين عمليه لييييييييييييييييه؟؟؟؟؟؟؟؟؟؟؟؟؟؟؟؟؟؟؟؟

ادعوا لي

 

[أحاسيس أنثى]

الله يسامحكم خوفتووووووني انا توي حامل بالاول بالشهر الرابع ........

 

[همس بلقيس]

مشكورة اختي على الموضوع وبالفعل قلبتي المواجع ههههههه انا الله يسلمكم في ولادتي البكر بالطبع انصدمت من الالام ما توقعت الطلق يكون مؤلم بها الدرجه المهم طولت من الليل الين اليوم الثاني الساعه10 اما الولاده الثانيه كنت وايد اشرب الزنجبيل بالقرفه طبعا في التاسع واول ما بدا الطلق كان غريب صار عندي اسهال وبدات الالام شوي شوي اتزيد وكان من المغرب وفي الليل شافتني حماتي وقالت احسن نروح المستشفى لان تغير شكلي من التعب ورحنا واول ما وصلت على طول دخلت غرفت الولادة وكان 8 سانتي والحمد الله ثلث ساعه وربيت اما الثالث تعبت لان راس الولد كانت على جنب واخر علي الولادة لغاية ما تعبت وايد وطلبت من ريلي انهم يسولي عمليه بس جت دكتورة هنديه اول ما دخلت ايدها جلبت راسه وبدا يطلع ااااااااااااااااه كان يعور يا الله الله يسهل على الجميع في حملهم وولادتهم سوري لاني طولت

 

[المميزة]

آآآآة ياحلو ذاك اليوم بشوفة كتكوتي الحلو وياشين الألم فية​

بدأ معي الطلق من يوم الأربعاء ومن حلاتي قلت لخواتي ودي اروح ستوديو اصور حلو شكل بطني (كورة منفوخة وانا ضعيفة)ههههههه , ورحت تزينت وتصورت وجلست الخميس والجمعه كان اخر يوم بالتاسع احس بألم ظهري , وجا السبت قمت الساعه 6 وكان معي دم خفت واتصل على امي (بالدوام) تعالي مدري وش فيني بولد الحين ويابعد قلبي جلست تطمني وجت ودتني المستشفى بعد ما دخلت قالو الرحم مفتوح 2سم روحي وارجعي قلت لا اخاف اولد بالطريق (بكرية وخوافة!!) المهم دخلت التنويم ويقولون امشي وامشي والألم يزيد وياعل عمرها طويل تمسك ظهري بتدلكة وانا اصارخ واجلس لحد المغرب بعدين كشفت علي الدكتورة وقالت انزلي غرفة الولادة وعطوني ابرة بعدها صرت ما اشوف من شدة الألم وجلست بعذاب وصياح احس روحي بتطلع وكنت ادعي لأمي واقول يالله تجزأ كل أم الجنة كل هذا شافوة منا ومتحمليننا لألحين (فعلاً الأهل مافي مثلهم بالدنيا) :icon26:لحد ماطلع القمر الساعة 9.15 ونسيت الدنيا بعدها:icon26: ,,, ويا قلبي :icon26:امي وابوي:icon26: كانوا ينتظرون اي خبر ولاأحد بشرهم لما خلصت وسبحت طلعوني الساعه10.30 وكانوا منشغلين وقلقانين علي والحمدلله تطمنو .. ​

لكن بصراحة الحين اقول الولادة القيصرية اسهل من الطبيعي .. انتو معي ؟​

 

[ريم النفوذ]

الله يرزق كل وحدة تبغى تحمل وتهون على اللي قربت ولادتها ..

لكن بصراحة الحين صارت القيصريه مثل الطبيعي واحسن .. وانا جبت اثنين الله يخليهم ويصلحهم

عملية قيصرية لأن عندي الحوض ضيق .. والحمد الله على العافية .. لكن في البكر ماكانوا يدرون

ان الحوض ضيق فعطوني ثلاث ابر طلق يبغون يولدوني عملية حسبي الله عليهم تعبوني وكان عمري 19 سنة لكن الثاني الحمد الله على طول عمليه .. الله يعطيكم العافية وآسفه على الاطاله .