موضوع مهم جدا جدا جدا ... نرجوا التفاعل .. واللي ماتدخل هي الخسرانه خخخخخ

ياحيا الله غاليه :a194: نور الموضوع بوجودك ...

أجل الغيرة هي المشكلة المشتركة بين الحريم .. بس عاد الشك مشكلة حاولي ماتبيني لزوجك شكك لأنه ان حس بشكك

راح يقول هاذي شكت فيني وأنا ماسويت شي .. أجل خلني ألعب بذيلي لأنها متفرق هي بتشك في الحالتين .. انتبهي :busted_red:

وحاولي انك ماتتذكرين الذكريات السيئه لأنك راح تنكدين على نفسك بدون داعي أشغلي نفسك عن الأفكار السلبيه

علشان ماتصير حياتك وحياة زوجك كلها نكد وملل ...:icon1366:
 
اجابتي على سؤالك
الحساسية الزايدة والغضب..
على طاري هالموضوع...:icon31:
ما توافقوني الرأي ان بعض الصفات التي يكرهها الازواج في الزوجات _سواء كان الشك او الثرثرة او غير ذلك_ تعمد الزوجة الى الاصرار عليها وكانها تريد اجباره على تقبل هذه الصفة بالغصب فتأخذها العزة بالاثم وتصر على عيوبها بتكابر على الرغم من كرهها الشديد لهذه العيوب قبل ان يكرهها الرجل؟؟ فتصبح كمن يدور في حلقة مفرغة..:sadwalk:
فهن يكرهن هذه الصفات ولكنهن عاجزات عن تغييرها بل وتتعزز لديهن الصفة المنفرة في وجود الزوج اكثر واكثر..؟؟؟ :sad_1:
 
بالنسبه لي انا انسانه حساسه ودمعتي قريبه مره

واذا عصبت عصبت وما عندي صبر

يا ترى فيه حل لمشكلتي
 
انا عيبي
عيبي
يمكن ما ببين حبي كتيييييييييييير
يعني بتقل على جووووووووزي
مش كتيييييييييير
نص نص
و طبعا نفسي اغيييييييييير هالشي
 
حبيبتي ملكة النعومه........موضوعك جميل والاجمل اسلوبك وخفة دمك...

انا باختصاركلمتين ورد غطاها.............زعووووووووووووووول وعصبيييييييييييييييييييه بس >> ماتكلفتي
 
الصراحه ماقدرت اتمالك نفسي ادخل الموضوع وماارد:blush-anim-cl:
احسك ياملكه النعومه خطيييييييييييييره بالمره وحيويه شخصيتك حلوه كثيييييييير ومرحه من خلال ردودك
انتي:c014:
انتي قوليلنا عيوبك عشان نعرف شخصيتك اكثر:c017:
 
سمرلاند

الساهره

عبير القدس

أحاسيس

:a200:
أسعدني مروركم وردكم .. وتقريبا كلنا عيوبنا متشابهه ..

والحمد لله العيوب اللي ذكرت كلها سهلة وبسيطة ومقدور عليها ..

ومافيه أحد بالدنيا خالي من العيوب .. بس فيه عيوب تنبلع وفيه عيوب ماتنبلع ..

ولحد الأن الحمد لله ماشفنا شي ماينبلع:e052:

والحمد لله مادام اننا عارفين سلبياتنا لازم نحاول نغيرها أو على الأقل نخفف منها حتى ننعم بحياة

زوجية هادئه وسعيده ...(والله يسعدنا جميعا .. ويجعل أزواجنا قرة أعين لنا )
 
أما انتي ياعبورتنا عليك أسئله كذا:c014:

أنا ذكرت عيوبي فيما سبق .. بس شكلك تبغين تفضحيني وتخليني أطلع باقي البلاوي :confused:

ومن عيوبي للأسف اني اذا زعلت من زوجي لا شعوريا أحصل نفسي معصبة على عيالي ..

وأطلع اللي بقلبي فيهم:c028: (وهذا أكثر عيب أكرهه أحس اني أظلمهم وأنا وهم مالهم ذنب:tears:

الله يتوب علي بس ...هذا اللي أتذكره من عيوبي .. أذا اتذكرت شي برجع لكم ..
 
كل وحدة لها عيوب مستحيل وحدة خالية
عن نفسي اشوف عيوبي ( طبعا غير اللي ما اشوفها :cupidarrow: )
أول شي عصبية بس خففت هالشي قد ماقدر بس مشكلتي اذا عصبت ماعرف شقول عادي اغلط في ويه ريلي
ثاني شي في بداية زوواجي كنت شوي شكاكه وغيوره مب وايد يعني ريلي ما كان يتضايق من هالشي والسبب انه قبل ما آخذه دراسته كله برع .. بس بعد العشرة اشوفه من النوع البيتوتي وما يفارقني اغلب الوقت فودرت هالطبع
اهم عيب اني بسرعة اصيح لو الموضوع ما يستاهل وهالشي يقهر ريلي وايد

هذا اللي عندي اذا تذكرت شي بعد بدش( بل هالكثر عيوب وبعد فيه زيادة:crazy: )
 
أنا عاد أموت غيرة و أعصب بسرعة ومش عارفة أتخلص من هالعادة الكريهة ،،،
 
تعااااااااااااااالوااااااااا من يبي يتفرج على العيوب اللي عندي ببلاااااااااااااااااااااااش والكمية محدودة :harhar1:


أولاً: ماعندي طولة بال ولا صبر.. ابي اللي في بالي يصير بأسرع وقت والا أتحول لقنبلة خطرة وأخرب الجو العائلي كله .. والمشكلة ما أهتم من العواقب مهما كانت.. وإذا صار شي يكدر مزاجي اظل متكدرة طوووووووووول اليوم مهما صار.. بس على فكرة علشان ما أظلم نفسي ماكنت كذا بس ظروف حياتي أجبرتني اكون عصبية لأني أتحمل مسؤوليتي كأم وأتحمل مسؤولية الأب لأن زوجي بعيد ما يجينا الا بالويك اند.. و عندي وظيفة زي السجن من الصباح الى المغرب .. و ما أنام زي الناس مع عيالي الصغار ووووووووو الله يكون بالعون:sad_1:

ثانياً: ممكن أسامح على الخطأ بس ما أنساااااااااه .. يعني مرة أكتشفت علاقة هاتفية لزوجي وتخيلوا كان هالشي بداية زواجنا.. سامحته بس مانسيت الأمر يعني مش قادرة أحترمه مثل ماكنت أول بسبب هالشي .. :thumbdown:

ثالثاً: كنت أغير على زوجي بس الحين طفت الغيرة إذا شفته يناظر ببنت أضحك مدري ليش .. وهو إذا انتبه اني أناظره يبعد عينه عنها.. فأضحك عليه .. وقلت له بوجهه تراني كنت أغير بس الحين ما أغير .. (هنا محتاجة رأي أو نصيحة),.:icon-mos:



هذا اللي أتذكره الحين والقادم أروع .. ههههههههههه دعاية عيوب :shiny:

واللي تقدر تساعدني أتغلب على هالعيوب الله يخليكم لا تحرموني..

يسلموووووووووووو ع الموضوع الحلو ملكة النعومة

الله يعطيكي ألف عافية
 
المحبة ياحبني لك :a194: مثل ماقلتي ماحد خالي من العيوب ..

أما عن العصبية فأنا بصراحة أعتبر مشكلة العصبيه أصعب مشكلة وهي بالفعل أكثر العيوب اللي يكره الزوج بزوجته

صدقيني ...

وانتبهي من الكلام الجارح صدقيني الرجال مايسامحون ولايغفرون للمرأه اللي تهينهم .. انتي خليك شديدة بوقت

الجد .. ولكن لايكون كلامك جارح وفيه اهانة لرجولة زوجك ...

أعرف حرمة من جماعة زوجي .. دايما نجتمع في الاستراحه كل الجماعه ..

والحرمة ذي بصراحه قاهرتني ( وباطة كبدي )وودي أسوي بها كذا:a043: من حركاتها ..

دايما أسمعها تهين زوجها وتسبه بالجوال .. قدامنا وبصوت عالي .. وكأنها تتفاخر بهالشيئ ..

ومعانا لسانها زي العسل ( وش التناقض هذا ) أعتبر هالنوعية من الحريم مع احترامي للجميع ماينفع يتزوجون ..:mad:

بس الشرهه مو عليها على زوجها ولا المفروض يربيها .. لا والمشكله هالحرمه نفسها بس تسب في حريم أخوانها وتقول

مافيهم خير لأزواجهم وهي الداهية ..الله يكفينا

أشكرك حياتي على مرورك ...
 
some1

شرفتي موضوعي يامشرفتنا الحبيبة:a084:

والله يعين زوجك عليك:a115: هههههههههههههههه
 
ليليان وبس حياك الله ياعسل:in_love:

وانتي بعد الله يعين زوجك عليك:a115:

ومشكلتك مع عدم النسيان أتوقع كل الحريم مثلك ماينسون الاساءة حتى لو كانت الاساءة بمجرد كلمة :a115:

طبعا الرسول صلى الله علية وسلم وصفهم بأنهم يكفرون العشير :redface: يعني مشكلتنا مانتذكر معروفهم ..

بس نتذكر اسائتهم ولانقدر ننساها :e136:

الله يتوب علينا ..

أما حركة انك ماتغارين على زوجك .. وتقولين له بعد انك ماتغارين أحسها مو حلوة:a144: لأنها تحسس زوجك انك

ماتحبينه ولا يعنيلك شي ...

خليكي وسط لا تغارين بجنون .. ولا معدومة الغيرة .. خير الأمور أوسطها ..

والله يسعدك يارب ..:a200:
 
ملكه النعومه ا:nosweat: انا ادري انك ذكرتي عيوبك بس ابي زياده:evil_lol:
يااختي فكريلنا بموضوع حلو زي هذا ونزليه لنا:a115:
يالله تراني انتظر:bye1:
 
عبورة قلبي أبشري من عيوني ...

ترى ماشجعني بموضوعي هذا الا مشاركاتك الحلوة ومشاركات أخواتي الله يجزاكم الجنة ...

وانتي بعد أكيد عندك أفكار ومواضيع تهبل مثلك .. أتحفينا فيها .. أنا بعد في انتظارك ..
 
يؤ يؤ يؤ

الله يعين زوجي علي ...؟؟ ههههههههه أنا بعد الله يعيني عليييييييييييه ..

ملكة النعومة حبيبتي

بسألك عن شي وأبي رايك.. إذا حسيتي أن زوجك تارك المسؤوليه كلها على راسك.. مسؤوليتك ومسؤوليته .. ولظروف عمله.. ممكن تعذريه صح؟؟ لكن إذا ضغط عليك بطريقة معينة أنك بعد تشتغلين وما تتركين شغلك علشان تساعدين ببناء مستقبل العائلة.. هل تشعرين بالأحترام تجاه هذا الرجل مثل لو كان هو اللي متولي جميع مسؤولياته من حيث المصاريف من غير ما يعتمد عليك..؟؟

أي رجل يتزوج لازم يكون عارف انه هو المسؤول عن زوجته وعياله و المرأة مخيرة انها تشتغل وتساعده أو تجلس بالبيت وتمارس حياتها مثل ما تحب.. صح ولا لا؟؟ والرجل الأتكالي بيتحول بيوم من الأيام إلى عالة لا يعتمد عليه بشيء... هل توافقيني الرأي؟؟
 
حبيبتي ليليان أنا معاك في كل كلمة قلتيها ..

وأكيد أوافقك الرأي .. بس على قولة المثل ( زوجك على ماتعوديه )

الظاهر زوجك اتعود عليك عاملة وتصرفين على البيت فماهو قادر يتخيل حياته بدون شخص آخر غيره يصرف على

البيت ...

صدقيني ياليليان أكثر الرجال كذا يعتبر نفسه محظوظ اذا اتزوج حرمة تصرف ماتقول لأ ..

أنا عن نفسي ماأشتغل ولا شي .. زوجي يعطيني مصروف شهري .. أنا طلبته هالمصروف وقلت له خاص فيني قال

طيب .. المهم كل ماعطاني المصروف قال تبغين أوديك السوق وأنا على نياتي أقول له ايه ودني .. ويوديني سوق

لملابس الأطفال يقول يالله اشتري لعيالنا طبعا بمصروفي .. وأشتري لهم ولا يبقى معي فلوس ..

وبعدين اذا طلبته شي لي قال وين مصروفك .. اشتري لنفسك بمصروفك أنا مالي دخل واذا قلت له مصروفي راح

بملابس الصغار قال خلاص تحملي المسئوليه (تخيلي )

مع ان الفلوس فلوسه والمصروف اللي يعطيني اياه أعطاني اياه لنفسي ومع هذا يستمتع اذا شافني خلصت مصروفي

بدون ماأوفر منه شي أوبدون ماأشتري فيه شي لنفسي
 
وعلى طاري ( زوجك على ماتعوديه )أتذكر من سلبياتي أني أول ماتزوجت كنت اذا رحت لسوق غالي ماأرضى

أشتري ولا شي وأقول لزوجي ودينا لسوق أرخص هذا ملابسه بالمررة غاليه ..

طبعا هو خواته وأهله مايشترون غير من الغالي والماركات وأنا قلت بأوفر له ..

وطبعا مع الوقت أبو الشباب أتعود اني ماأشتري غير من الرخيص .. وصار كل ماله يوديني لأسواق أردى وأرخص

ويستخسر يشتري لي الغالي ...

مره بصراحه طلعت طلعة مع أخواته وحسيت اني شغاله بينهم كلهم ملابس ماركات وعلى مستوى وأنا ملابسي باين

فيها الرخص ..

بعد فترة قلت لزوجي ابي أشتري ملابس قال حاضر أنا بروح أشتري لك لاتجين معاي وترى ذوقي حلو ...

قلت يالله خليني أجرب .. قال اي سوق تبغيني أشتري لك منه ( قلت له اسم سوق أسعاره متوسطه يعني مو نفس رخص

الأسواق اللي كنت أشتري منها ) زوجي انفجع قال بس السوق غالي .. قلت لا مو غالي وبعدين فيه ملابس مرتبه ..

المهم راح لنفس السوق اللي قلت له عليه وشرى لي ملابس غريبه .. وصغيره علي مررره .. قلت له ماناسبتني الملابس ..

قال هذي أحسن شي بالسوق .. أنا قلت له طيب خلنا نرجعها ونشتري أكبر شوي .. وفعلا رحت معاه للسوق علشان

أرجعها وأتخيلوا أشوف الملابس اللي بالسوق كلها تهبل واستغربت بيني وبين نفسي

ليش مااشترى لي من هالملابس ؟؟

المهم واحنا رايحين للمحل نرجع الملابس اللي اشترى لي اياها وأتفاجأ ان المحل اللي اشترى لي منه الملابس مكتوب

عليه تخفيضات كل شي بخمسه وعشرة ريال .. بصراحه أنا أنصدمت وحزت في نفسي( معقوله لهالدرجه مسترخصني

يعني خلا كل هاملابس الحلوة المعروضه قدامه واشترى لي من ذا المحل اللي مافيه شي مناسب بس علشان الرخص )


المشكله زوجي حالته الماديه ممتازة ..حتى اذا ذكرت له ناس وقلت له انهم فقراء بس مايشترون الا من أغلى الماركات

أحسه يحترمهم ويعجبونه .. وهو بعد مايشتري لنفسه الا من الغالي .. بس للأسف أنا اللي عودته يسترخص كل شي

فيني ...
 
يا حليلي اثرنا بالهوا سوا والله كنكم تتكلمون عني


عصبيه واكثر شي يجنني الحوسه عقب عيالي دايم نتهاوش على النظافه

هو يقول خلي البيت حوسه خلي العيال ياخذون راحتهم بس اعجز ودي كل شي مرتب


طيب انا ابقولكم قبل التحسن كانت عندي صفات

الغيرة الزايده خااصه من اهله

العصبيه اذا ما لبى لي طلب

الشك الفظيع والتفتيش بكل شي يخصه

انا نوامه وهذا مضايقني

متخليه عن جميع حقوقي

صفحه بيضاء قدامه يعني واضحه ولا اخبي عليه شي

عاد فشلت منك يكفي اخاف اطيح من عينكم

وبعد..........................

اغار بس ما ابين

قدر استطاعتي ما اعصب اسمح بشويه فوضى ما اعصب على زوجي بل اتفهم او ابين زعلي

بعيوني ونظراتي الحزينه ولا اناقشه اذا رفض بس اسكت وبصراحه هذي انفعت صار يلبي طلاباتي


ابعد عن التفتيش خلاص حطيت ببالي هو محتاج خصوصيه كيفه يعني تركت التفتيش لوجه الله

وبصراحه راااااااااااااااااااااااااحه


النوموما ادراك ما النوم عندي احاول اقوم بدري خاصه صرت احرص على تنظيف البيت بالليل


هذا حفزني اني اقوم بس اسوي فطور وابدى بالغدى ويكون البيت حلو ومرتب


حقوقي تجيني كامله الحين لي مصروفي الشهري وفارضه احترامي عليه <<<<<<<<اخذت وقت على بال ما تعدلت اموري والى الحين مستمره


لي خصوصيتي اهلي ما يدري عنهم اموري الخاصه ما له دخل فيها يعني صار فيه جانب غموض

واحس هذا يرفع قدري


وش رايكم بصراحه المنتدى سوى صنفره لي

شال كل الشوائب

ولي رجعه واللي تبي شي بالتنظيم البيت انا حاضره

انا ما عندي شغاله واموت بالجداول لالترتيب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل