ام حمد 2008
New member
- إنضم
- 2009/05/04
- المشاركات
- 5
السلام عليكم ورحمة الله وبركاته
اخواتي العزيزات انا عمري18 سنة متزوجة لي شهرين تقريبا والحمد الله زوجي مشاء الله عليه يحبني ويحترمني وما مقصر علي شئ لكن في موضوع مضايقني من قبل الزواج
انا زوجي يشتغل في شركة مختلطة واغلبها اجانب معاه وحدة في الدوام من دولة خليجية مضايقتني وايد, تصرفاتها توحي انها تبي ريلي وحاطة عينها عليه في فترة الخطوبة كلمني زوجي مرة وقالي ممكن تعطيني رقم ممكيجة ومصمم قلت له ان شاء الله بس ممكن اعرف ليش قال لي فلانة تبي الرقم قلت اوكي فلانة تبي الرقم بس تقدر تسال اي وحدة من البنات وبعدين هي صار لها تقريبا سنتين فالبلاد مو معقولة ما تعرف قال لي معاج حق انا اسف
ومرة اتصلت فيه قال لها خير صاير شئ فالداوم قالت له لا بس بغيت اسال عنك واعرف اخبارك ومرة اتصلت فيه قالت له انا مريضة وسكرت وعقبها بخمس دقايق كلمته مرة ثانية قالت له انا بروح المستشفى والخ
سكت فترة وما قلت له شئ بس يوم شفت انها زودتها كلمته وقلت له اللي في خاطري قال لي معاج حق بحاول اخلي الامور في نطاق العمل
في شهر العسل تلفون زوجي كان دايما عندي مرة كان نايم وانا مافيني نوم قعدت اقرى المسجات اللي طرشتها لزوجي في فترة الخطوبة ومن بين المسجات شفت مسج منها ان انا حبيبتك انصدمت وصحت بس سكت ماقلت له شئ قلت ماراح اخرب شهر العسل وصرت اوسوس كل ما يرن تلفون ريلي اشك ان فلانة هي اللي متصلة صرت افتش تلفونه مع اني اكره نفسي يوم اسوي هالشئ بس غصبن عني, مرة اتصلت له رديت عليها انصدمت قلت لها زوجي مشغول الحين شوي وبيكلمج بغيتها تعرف ان انا موجودة في حياة هالريال ويوم عرف زوجي ما راح اقول عصب بس على كلامه انه استغرب هاليوم انا وزوجي ما كلمنا بعض تقريبا طول اليوم بس قلت مومشكلة براضيه راح يجيب اخته من المركز استغليتها فرصة لبست وكشخت ونطرته يوم دخل الغرفة استغرب قعدنا نتكلم بصراحة قلت له ان انا في شهر العسل حصلت المسج الفلاني من فلانة وانصدمت وهالشئ غصبن عني انا اغار عليك واحبك وما ارضى اشوف وحدة ثانية تشاركني فيك تفهم الموضوع وقال لي ان شاء الله بحاول كثر ما اقدر ما اضايقج
صار عندي ادمان صرت لازم افتش تلفونه كل ما يروح الحمام (اكرمكم الله) صرت استغل اي فرصة تجيني بس عشان اشوف تلفونه اول امس كنت قاعدة العب بلعبة في تلفونه وقلت بالمرة بشوف المسجات بس ما كان تلفون الدوام شفت فلانه مطرش له صورة بنت اخوها وزوجي رد عليها قال لها البنت حلوة على عمتها في نفس اليوم ريلي كان تعبان ورقد زوجي نومه ثقيل استغليت هالشئ خذت تلفون الدوام وقلت بشوفه شفت فلانه مطرشه له مسج الصبح يوم كان نايم وينك فالدوم ريلي رد عليها )I am coming to you to go together move your lovely ass and get ready) عقبها طرش لها مسج انا اسف بالغلط قالت له اللهم اني صايمة ريلي قال لها 20 دقيقة وبنشوف منو اللي صايم انصدمت انهرت تمنيت الارض تنشق وتبلعني عقبها بساعة طرشت له مسج شخبار ريلي رد عليها قال لها نايم والله طرشت له مسج قاعد تحلم بشنو بس ريلي مارد عليها اليوم الثاني اللي هو امس ريلي طرش لها مسج الصبح قبل ما يروح الدوام انتي قعدتي من النوم ردت عليه اي انا رايحة الدوام عقبها ريلي قام من النوم وراح الدوام
انا ما صارحت زوجي ولا قلت له شئ زوجي يشوف هالشئ عادي لان بحكم شغله يشتغل مع بنات وعلى كلامه انا اعتبر هالبنت مثل اختي وعلى كلامه البنت محترمة جدا لكن وين الاحترام البنت المحترمة تطلع مع اثنين من شباب الدوام ومنهم ريلي تتعشى معاهم بروحها البنت المحترمة تتصل في فلان وعلان بس جي تسالهم عن اخبارهم لان من زمان ما شافتهم وعلى فكرة البنت كونت صداقة مع خوات ريلي يعني تعرفهم كلهم وانا كلمت اخت ريلي وقلت لها الموضوع وقالت لي ان فلانة ماتعجبني لانها جريئة وايد وشارت علي وقالت لي احسن شئ تسوينه انج تصارحينه بس
الصراحة يا خواتي انا تعبت وهالشئ مضايقني واااايد صار لي يومين ما رقدت تعبت من التفكير موضوع اني اصارحه انا مقتنعة فيه واحس ان الحل الوحيد انا الحمد الله تقريبا كل يوم البس لزوجي واكشخ له وحتى في موضوع الـ ..... اسوي اللي يبيه واللي خاطره فيه يعني الحمد الله من هالناحية مو مقصرة
ما ابي اتسرع واصارحه وتصير بينا مشاكل ياريت والله تساعدوني وتشورون علي
شاسوي؟؟؟؟!!!!
انا زوجي يشتغل في شركة مختلطة واغلبها اجانب معاه وحدة في الدوام من دولة خليجية مضايقتني وايد, تصرفاتها توحي انها تبي ريلي وحاطة عينها عليه في فترة الخطوبة كلمني زوجي مرة وقالي ممكن تعطيني رقم ممكيجة ومصمم قلت له ان شاء الله بس ممكن اعرف ليش قال لي فلانة تبي الرقم قلت اوكي فلانة تبي الرقم بس تقدر تسال اي وحدة من البنات وبعدين هي صار لها تقريبا سنتين فالبلاد مو معقولة ما تعرف قال لي معاج حق انا اسف
ومرة اتصلت فيه قال لها خير صاير شئ فالداوم قالت له لا بس بغيت اسال عنك واعرف اخبارك ومرة اتصلت فيه قالت له انا مريضة وسكرت وعقبها بخمس دقايق كلمته مرة ثانية قالت له انا بروح المستشفى والخ
سكت فترة وما قلت له شئ بس يوم شفت انها زودتها كلمته وقلت له اللي في خاطري قال لي معاج حق بحاول اخلي الامور في نطاق العمل
في شهر العسل تلفون زوجي كان دايما عندي مرة كان نايم وانا مافيني نوم قعدت اقرى المسجات اللي طرشتها لزوجي في فترة الخطوبة ومن بين المسجات شفت مسج منها ان انا حبيبتك انصدمت وصحت بس سكت ماقلت له شئ قلت ماراح اخرب شهر العسل وصرت اوسوس كل ما يرن تلفون ريلي اشك ان فلانة هي اللي متصلة صرت افتش تلفونه مع اني اكره نفسي يوم اسوي هالشئ بس غصبن عني, مرة اتصلت له رديت عليها انصدمت قلت لها زوجي مشغول الحين شوي وبيكلمج بغيتها تعرف ان انا موجودة في حياة هالريال ويوم عرف زوجي ما راح اقول عصب بس على كلامه انه استغرب هاليوم انا وزوجي ما كلمنا بعض تقريبا طول اليوم بس قلت مومشكلة براضيه راح يجيب اخته من المركز استغليتها فرصة لبست وكشخت ونطرته يوم دخل الغرفة استغرب قعدنا نتكلم بصراحة قلت له ان انا في شهر العسل حصلت المسج الفلاني من فلانة وانصدمت وهالشئ غصبن عني انا اغار عليك واحبك وما ارضى اشوف وحدة ثانية تشاركني فيك تفهم الموضوع وقال لي ان شاء الله بحاول كثر ما اقدر ما اضايقج
صار عندي ادمان صرت لازم افتش تلفونه كل ما يروح الحمام (اكرمكم الله) صرت استغل اي فرصة تجيني بس عشان اشوف تلفونه اول امس كنت قاعدة العب بلعبة في تلفونه وقلت بالمرة بشوف المسجات بس ما كان تلفون الدوام شفت فلانه مطرش له صورة بنت اخوها وزوجي رد عليها قال لها البنت حلوة على عمتها في نفس اليوم ريلي كان تعبان ورقد زوجي نومه ثقيل استغليت هالشئ خذت تلفون الدوام وقلت بشوفه شفت فلانه مطرشه له مسج الصبح يوم كان نايم وينك فالدوم ريلي رد عليها )I am coming to you to go together move your lovely ass and get ready) عقبها طرش لها مسج انا اسف بالغلط قالت له اللهم اني صايمة ريلي قال لها 20 دقيقة وبنشوف منو اللي صايم انصدمت انهرت تمنيت الارض تنشق وتبلعني عقبها بساعة طرشت له مسج شخبار ريلي رد عليها قال لها نايم والله طرشت له مسج قاعد تحلم بشنو بس ريلي مارد عليها اليوم الثاني اللي هو امس ريلي طرش لها مسج الصبح قبل ما يروح الدوام انتي قعدتي من النوم ردت عليه اي انا رايحة الدوام عقبها ريلي قام من النوم وراح الدوام
انا ما صارحت زوجي ولا قلت له شئ زوجي يشوف هالشئ عادي لان بحكم شغله يشتغل مع بنات وعلى كلامه انا اعتبر هالبنت مثل اختي وعلى كلامه البنت محترمة جدا لكن وين الاحترام البنت المحترمة تطلع مع اثنين من شباب الدوام ومنهم ريلي تتعشى معاهم بروحها البنت المحترمة تتصل في فلان وعلان بس جي تسالهم عن اخبارهم لان من زمان ما شافتهم وعلى فكرة البنت كونت صداقة مع خوات ريلي يعني تعرفهم كلهم وانا كلمت اخت ريلي وقلت لها الموضوع وقالت لي ان فلانة ماتعجبني لانها جريئة وايد وشارت علي وقالت لي احسن شئ تسوينه انج تصارحينه بس
الصراحة يا خواتي انا تعبت وهالشئ مضايقني واااايد صار لي يومين ما رقدت تعبت من التفكير موضوع اني اصارحه انا مقتنعة فيه واحس ان الحل الوحيد انا الحمد الله تقريبا كل يوم البس لزوجي واكشخ له وحتى في موضوع الـ ..... اسوي اللي يبيه واللي خاطره فيه يعني الحمد الله من هالناحية مو مقصرة
ما ابي اتسرع واصارحه وتصير بينا مشاكل ياريت والله تساعدوني وتشورون علي
شاسوي؟؟؟؟!!!!
