موضوع محيرني ياليت تشاركوني مع كل الشكر

[ايمان الزهراني]

خواتي بسألكم واتمنى تحلون هذي المشكله لانها تتعبني

فيه وحده اعرفها تكلم رجال غير زوجها كنت بالبدايه شاكه بس سبحان الله جا موقف سمعت صوته اقولها من تقولي زوجي انا اعرف صوت زوجها مو كذا لانها كانت تكلمه بمكبر تتوقع مافي احد عند اهلها وكنت واقفه وراها وهي تكلم وتقوله ياخاين تزوجت وخليتني
يعني معقوله تقول لزوجها هالكلام وهي توها جايه هي وياه وهو قاعد بالمجلس مع الرجال قولولي وش اسوي انا حسستها اني ماسمعت شي بس حازه بنفسي زوجها رجال شهم وطيب ومسويلها بيت يهبل وكله مأثثه لها على ذوقها
وجايب لها شغاله
ماشاء الله تبارك الله
انا اكره شي بحياتي الاستغفال

الله يخليكم قولولي وش اسوي انا سرت اقول قدامها قصص حريم انكشفوا وحريم مسكتهم الهيئه والله اغلبها من راسي

​

 

[مغريه]

الله يهديها بس اذا ضلت على هالحال وا استغفرت ربها ولا تابت ما راح يدوم حالها ومصيرها تنكشف او راح تعاني نفس الخيانه والله يهديها ويفتح بصيرتها

 

[اولادي كل حياتي]

ما اعرف اجاوبك صراحة بس لو مكانك اتاكد الف مرة قبل لا اسيء الظن باحد لان الموضوع مو سهل
اما الحل ماعليكي الا النصحية والله يهديها

 

[انا اعترض]

على فكره الحرمه مو مثل الريال بسرعه تندم وترد ,, انتي واضبي على القصص ولو تأليف .. وحاولي تزرعين فيها الخوف من الله .. و الخوف من الفضيحه .. والخوف من العار .. وحاولي بعد تتكلمين عن ريال سوى كل شي لزوجته وهي تخونه والله عوضه بأحسن منها وقامت تتمتع بالبيت اللي بناه للخاينه ... الخ .. وان شاء الله تحس . الله يستر علينا دنيا وآخره

 

[دانة القصيم]

شوفي ياقلبي

اذا انتي صديقتها مرهـ عليك انك تنصحينها

قولي لها راح انهي هالصـــــــــداقه الي كلها استغفال للرجال الطيب

قولي لها هذا وزوجك طيب سويتي كذا اجل لو مهبل بك وش كنتي بتسوين

قولي لها ان الله يمهل بس ما يهمل

والله يهديــــــــــــها ويفتح على قلبها

 

[ايمان الزهراني]

الله يديكم العافيه
هيه مره مشكلجيه ولو نصحتها بتسوي مشكله انا عارفه
الله يعين شكلي بكثر من الحكاوي والله يديها

 

[نبضة خفوق]

الله يهديها ويكون في عونك

 

[ملاك 88]

كماتودين توداااااااااااااااان...........لازم بيجي يوم ريلها بخونها لو ان شالله لحيتة لين اريولة ...
الله يهديها امين

 

[بندول]

لا حول ولا قوت الا بالله يأختي تأكدي افضل وتثبتي وبعدين ابداي النصح انا اعرف الاشكال هذي دايم يكونون قوين عين والله لو تشوفينهم بعيونك ما يثبتون على نفسهم شي .

 

[الـ ريحانة ـدار]

إذا انتي متأكده جيبي بطاقه سوا بدون اسم

وارسلي له رسائل تهديد على انك شخص عارف الموضوع عن طريق الرجل اللي تكلمه

وهدديه انك بتعلمين زوجه

 

[مللت الإنتظار]

عزيزتي أنتي سوي اللي عليك من النصح والتذكير فإذا سمعت لك الأجر وبكذا حافظت على بيتها ولو ما سمعت كلامك تكوني أخليتي مسؤوليتك ولك الأجر وهي ماتستاهل رجال مثل زوجها شهم وطيب اللي مثلها تبوس الأرض اللي يمشي عليها ومصيرها راح تنكشف.

وفقك الله في مهمتك

 

[ايمان الزهراني]

الف شكر لكم

 

[عطر العشق]

حبيبتي الله يمهل ولايهمل

ادعيلها بالهداية

 

[الورده الذابله]

:exclamationpoint:

 

[الورده الذابله]

(ان الذكرى تنفع المومنين)
ذكريها
وبالاحسان خاطبيه
وبمااننا ابلنا على عام جديد قومي بوضع عدة اشرطة دينيه تخص هذا الموضوع وكتيبات
وكان الله في عونك
لانه لابد من تغيير المنكر اذا رايتيه

 

[تميمية(1)]

ارسلي لها رسالة على ايميلها و لا رقم جوالها... بس من رقم غير رقمك و ايميل غير ايميلك...
و ذكريها بالله ثم هدديها بانها اذا ما بطلت بتفضحينها...
من جد حراااااااااااااااااااام : (

 

[ايمان الزهراني]

الله يجزاكم خير

والله يهديها ويهدي جميع المسلمين

 

[الجواااان]

الحمدلله هذا ان دل دل على ضعف وازعها الديني والا متزوجه وكبيره وتدري عن حرمة ذا الشي الله يستر علينا وعليها يارب

 

[عفريه]

حسبنـــــــــــا الله ونعم الوكيل
اللهم طهر نساء المسلمين
لا حول ولا قوه الا بالله

 

[مسز / أسرار]

بسم الله

أختي الكريمة : جزاكِ الله خيرا على حرصك وغيرتك ولكن شيلي من راسك فكرة أنك

تفضحينها عند زوجها أو تنبهينه , لأنه ليس بحل أبداً , فمثل هذه النوعيات راح تطلع

وبكل سهولة من التهمة وتصير على راسك .

أعتقد لو فعلاً شرتي بطاقة وارسلتي لها رسايل مجهولة المصدر أن الله ساترك الى الان

واتق الله في عرضك وعرض زوجك وأن الله يمهل ولا يهمل وزي كذا ربما فعلا تفيق أو تخاف

والشيء الثاني لو تقدري أنك تهدينها كتيبات أو مطويات عن الأمور هذه يصير جيد .

الله يثبتنا جميعا ولا يبلانا ووفقك الله وسدد خطاك