موضوع للنقاش حياج الله أختي

الحين فهمت السواقة مهمة بس تعويد الريااااال أهم عشان يلزم حدودة .....


مشكورييين خواتي ويزاكم الله خير
 
ايه انا اقوم بكل شي للبيت
من ..................الى
ما اسوق لكن مع السواق
وش اسوي اعرف اني غلطت في هذا
لكن خلاص تعودت وهو تعود
 
انا عن نفسي أسوق لكن فالضروره فقط ...... وبحكم زوجي يداوم بعيد ومايرجع الا نهايه الاسبوع

وانا طالبه فالجامعه اسير وارد بروحي سيارتي تحت ريلي متى مابغيت اسير مايغلبني شي

اما اذا كان زوجي موجود فهو يوصلني ...... ويقوم بواجباتي وتلبيه احتياجاتي

جزاه الله خير ..... ومرات لاضقت وهو مب موجود اسير عند اهليه

بروحي ......... الناس اتغير تفكيرهم والحمدالله الددنيا اطورت ....

ليش احرم عمري من السواقه ..... يمكن ريلي يكون تعبان او شي لاقدر الله

منو بيقوم بتلبيه احتياجاتي .....اعتمد على الله ونفسي ولا اذل عمري لحد

ويكون له فضل عليه ........

علماً بان زوجي غيرته شديده ؟؟؟

لكن في مرات اكون مضطره كالتعليم لان هذا لمصلحتي ومستقبلي

اما هو يوم ينزل من الدوام يلبي كل الي اباه .....

ومافيها شي اذا تعاونوا الزوجين ....... اهو مب مكينه 24 ساعه يوصل واييب

لكن اهم شي انه مايعتمد على الحرمه والزوجه الذكيه بنفسها تعرف

كيف ادبر امورها واترتبها
 
يا حبيبتي مرت الوحش أنا أسوق السياره من أربعة عشر سنه وعيالي الحين كبروا وهم بحاجه لي بكل دقيقه اني اقضي أغراضهم وأتابعهم بدراستهم وأكمل احتياجاتهم وأبوهم مو فاضي هو نصف وقته مسافر والنصف الثاني بعمله هو تاجر ومو فاضي واذا أنا ما سقت السياره واعتمدت على نفسي راح اضطر اني استعمل التاكسي كل شوي مثل ما كنت قبل السواقه . صح احيانا الوحده بتمل لكن هذا ما يعني اني متندمه أنا اذا ما طلعت بالسياره كل يوم بحس بنفسي محبوسه وأنا اللي الحيت على زوجي حتى يخليني أسوق لما كانوا عيالي صغار والحمد لله هذي نعمه عندنا بالكويت
 
انا ودي اسوق بس انا اخاف وريلي من زمان يباني اتعلم اسوق علشان اسير واردواقضي مشاويري لانه دوامه بعيد بس انا تميت متروعه لين هالحزه وخواتي كلهن يسوقن ومرتاحات في حياتهن كل شي يعتمد على الحرمه اذا عودت الريال على الكسل وانها هي الي تتحمل مسؤولية البيت بيتعود واحلى شي انج تكونين مسؤوله من ريلج ويقوم على خدمتج والاهتمام فيج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل