موضوع للنقاش (اهل المتوفي)

[رموش نمله]

اللهم اغفرلهم ورحمهم وعافهم واعفو عن اموات المسلمين
انا بكتب عن موضوع الي نصدمت منه واناس ابدعت وتفننت فيه اضافت المنكرات ليست بصالح اهل العزاء الي مفروض يوقفون معاهم يساعدونهم في المصيبه الي صابتهم
بذكر الاخطاء الي شاهدتها بنفسي والي حاب يضيف فيتفضل 000
من فتره توفت احد من اقاربنا الله يغفرلها يرحمهااااا من الواجب انه نروح نعزي فعلااا اجتمعنا انا خواتي والوالده ذهبنا نعزي بس المفاجاه انه فرح مووووووووو عزى
طبعا ساحه البيت مغطينها بزوالي او بسمها فرشه الحمراء الكراسي الحمر

طبعااا عن لباب الدخول كان بستقبالنا اهل المعزين 00000000من متى عندنا استقبال :sadwalk:
كانو لابسين تنانير سوداء جزمه سوداء البلوزه سوداء طرحه سوداء :tears:والنضارات الماركه

كل وحده لابسه ماركه غير ولبسهم ماركات طبعااا جلسنا شوي ندعي للمتوفيه الا القهوجيه تجيب القهوه وبعدها الشاي ببيالات الفخمه صورو الناس في حال يشربون شاي والمشكله الي تقولها فيه سكر انا مسويه داي جعلي ماني قايلته:busted_red:
اناس الي جاين يعزون لبسهم بلعبايه لاحرج

لا احد يرد :busted_red:

 

[رموش نمله]

2

وكمان الشنطه كبر الشيطان علا الموضه ماركه

سدقوني انه وحده قايلتلي انها مخصصه عبايه للعزااااء
في احد السنوات كان المتوفي جدي الله يغفرله ويرحمه
جاء وقت الغداء

قالو تفضلو ااا طبعااا بامانتكم الي فقدت غالي عليها لها نفس تاكل المشكله اسرااااااااااااااااااااااااااف 3 ذبايح 4 000الخ
اذا جلست علا صفره قالو هاذا من عند فلان الله يغنيه 00000000ءامين:schmoll:
مو هادرجه اذكر اخوي كان منصدم بوفات جدي وكان رجال يحلف علا اخوي انه عليه العشاء واخوي يقوله انك ماتقصر وعيو الاقاربي انه مايجيب وحلف انه يجيب العشاء او يطلق خخخخخ
جاب العشاء تكاليف ومن العصير البيبسي الي اول بريال 000
اذكر انه وحده كانت عروس جات تعزي يانها كاشخه بلبس والمكياج تقولون اليوم دخلتها خخخ
المشكله صارو يقلدون المسلسلات في تصرفاتهم

جو اقاربنا الي خارج المنطقه عشان العزى والجماعه بينامون يانه ابوي ضف من سوق الفرش والبطانيات عشانهم والبيت انحاس من هالمبزره الي اعرفه انه اهل الميت مو في حال اكرام الضيوف كذا بيضقلون عليهم 000000عن جد ثقيلين دم
ماعندهم توقيت اذا جو يعزون اختارو الوقت المناسب حياكم اذكر جماعه جاين ساعه 12ليلاا يبون يعزون والله حاااااااااله
طيب برايكم كم يوم للعزاء هل يختصر 3ايام؟
المشكله الكبيره اذا جت تعزي تسئل شلون مات ومين غسله وكيف ليش ؟وتجاوب المسكينه تجي الي بعدها نفس الاسئله :busted_red:
والاكبر من كذا شوووووووو يملك شو عنده عليه ديون
اذكر عمتي راحت تعزي صديقتها بوفات ولدها تقول انه وحده من الجالسات تسئل الام هو يصلي:schmoll:مسكينه الام غشت 00000000000لا تعليق



لا أحد يرد:busted_red:

 

[رموش نمله]

3

صدقون لو اقولكم انه مشاغل النسائيه حاطه كتلوج اسعارهم ومن ضمنها سعر المكياج العزاااااااااء من فضاوه الحمد الله
الشئ الاهم

السوالف الحريم والبنات الجانبيه عن الحش ومن جاء ومن ماجاء سوالف عن فاشن والموضه 000000الخ

الحين صارو يتفاخرون بتمر يحوطون انواع التمر في العزاء يقلون هاذا من مزرعه المرحوم خخخخ

سدقون انه اذامات المتوفي اختارو العيال شو احلى بيت بينهم لانه بيت ابوهم مو حلو يفشل
للاسف




انا كتبت والله من مجهودي وصور تعبيريه وسموحه علا الاخطاء وتمنى انه يعجبكم وتشاركون في موضوعي تحياتي

 

[اناوابني]

لاحول الله ولا قوة الابالله 00والله صادقه 00وهذا كله كوووم والنظرااات كوووووووم ثاني تلقين الحريم عيووونهم اربع اربع مايفوتهم شي واذا شافو وحده مايعرفونها يسألون عنها :busted_red:الله المستعان

 

[sosoooo]

الله المستعاان فعلا رموش كثرت المظاهرر الخدااعة في العزاا بدل ماكان المعرروف عن العزاا انة حزن ومواساة انعكس لبهرجة ولمضااهر وتكااالبف ماامر الله بها من سلطاان مدري متى الناااس هذي بتوعى
و فية مواقف طريفة تحصل اياام العزى امي توفت الله يحرمهاا قبل 8 سنوات وكنا بنات وجات وحده الله يذكرهاا بالخيرر وجااابت كرتوووووووون وش تتخلين داخله؟؟؟فوط صحية ؟؟؟هههههههههههههههههههههه
مدري وش الحكمه من هديتهاا هذي
وفي عزى واحد نعرفة جات وحده جايبه طرررررررطة؟؟؟؟تخيلي؟
اخيرا اشكرررك على مواضيعك الشيقة واسلوووبك المميز وطرحك لمواضيعك بالصور شى يعطي الموضوع نكهه خااصه وممتعة

 

[زهرة البوادي2006]

صدقتي اختي في كل نقطه كتبتيها
جزاك الله خير

 

[اشورايا]

بقولكم شي بالنسبه للاكل اللي يجيبونه بالعزاء انامو ضد الشي هذا
بأيام العزا الاقارب كلهم يجتمعون طيب اهل الميت مو رايقين يطبخون وينفخون لهم ,,,
افتكر لمن توفت وحده من اقاربي والله كنا نموت من الجوع واذا احد جاب اكل والله مايبقى شي منه
لان من الصباح الى الليل واحنا هناك
لكن بالنسبه لمكياج عزاء وخرابيط مرا عيب ع الاقل الواحد يحترم اهل الميت
بعزا جدتي جات وحده حاطه مكياج كامل وكاشخه بعدسات بعد
ـــــــــــــــــــــــــــــ

مشكوره ياقمر على الموضوع​

 

[رموش نمله]

انا وابني فعلاااا غير عاد جلستهم الي رجل علا رجل
سوسووووووو 0000ذكرتيني بجيرانا ابوهم يتعالج في الخارج معاه ولده الكبير خبر خالته في سعوديه انه ابوه مات راحت خالته وشرت لبس الحداد راحت يم امه خبروها انه زوجها توفى وفتحو الباب العزاء جاء وقت العصر الا يتصل ولدهم من امريكا يقولهم انه ابوه عايش والدكتور خبره غلط فرحوووو انه لساته عايش
في اليوم الثاني اتصل ولدهم وقال انه ابوه ماااااااااااااااات وهالمره متاكد
يشين الأ ستعجال
زهره البوادي مشكوره للمرورك
اشورايا انا معك بس المشكله فيه اسراااااااااااااااافوايد في ذبايح

 

[بتول a0z]

اجل فيه مكياج وعبايات حق العزا

والله العظيم ناس ماعندهم سالفه

 

[اناوابني]

ولا تنسون نغمااالت الجوال اغاني وموسيقى والصوت عاااالي ولا احترام لاهل الميت ولا شي اقل شي خلي جوالك ع الصامت0000000000000

 

[ينابيع الحكمة]

صدقت حزن أجوف لا معنى له ولا عبرة .. ​

(( كفى بالموت واعظــــــــــــــًا )) .. ​

قلوب تحجرت وبالدنيا تعلقت .. ​

صور وأشباه أناس ابتعدوا في أقسى موقف عن

الإنسانية ومراعاة مشاعر الميت .. ​

وللأسف نجد من هو مقتنع بخطأ هذه المظاهر ​

لكنه يخشى مواجهة المجتمع وحده ..​

كيف لنا أن نعدل من أخطاء باتت تتفشى وتظهر في ​

سطح مجتماعتنا ونحن نخشى المواجهة إلا من رحم الله ... ​

نحتاج أن ننتفض وبقوة وجرأة معا كي نعدل ​

المسار ونصحح هذه الأخطاء .. ​

** شكــــــــــــــرا لواقعيتك الصريحة ** ​

 

[حرم الطيار]

سبحااان الله

وصلت المظاهر عندنا للعــــــــــزاء

الله المستـــــــعان

 

[ينابيع الحكمة]

ومراعاة مشاعر الميت ..​

المعذرة قصدت ومراعاة مشاعر (((( أهل الميت ))))
وإلا فالميت انتقل عن دنيانا إلى دار الحق
​

 

[عبقرية منسية]

الله يجزاك الخير ,, موضوع في الصميم
شفت بعض هالمظاهر في عزاا ابوي الله يرحمة ويغفر لة ولجميع المسلمين
اسرااف في الاكل والله ماندري وين نودية !! ومبالغة بالمظاهر !!
المشكلة الي يسولفون ويضحكون !!! .. ولافي اي احتررام لاهل المتوفى
والي تطول في العزااا احس تكتم على نفسي .. ومن الفضاوة تسال عن الداخل والخااارج
والله البعض عسل وكلامهم بلسم وفوق هذا كل مايطولون بسرعة يمشون .. ودي امسكهن للقعدة ,, الله يجزاهن الجنة وجميع الي يقرون