موضوع صريح: هل اهتمامك بنفسك مازال "موضوع للنقاش"

[حبيبي دودي]

السلام عليكم ورحمة الله وبركاتة ​

كيفكم بنات بلقيس ان شاء الله تكونون بأتم صحه وعافيه​

هذا اول موضوع اكتبه بالعاده احط مشاكلي ​

صاري لي حوالي ال3 سنوات مع هالمنتدى قرينا واستفدنا وبنفس الوقت تعلمناااا​

ومن اغلب المواضيع الي هي إسعاد الزوج المصووون :7:​

ومنها زي ماكلكم اكيييد تعرفونها لبس الصباح لبس الظهر ولبس الليل والليالي الخاصه​

ناهيك عن المكيااج والطبخ والتنظييف والي عندها عيال تلبيس العيال وتنظيفهم ...الخ:6:شقاوتهم لحالها تكفي وصياح ورضاعه والله يكرمكم تغيير بامبرز التنظيف وراهم الله يصلحهم لحاله يهد الحيييل ​

ومع هذاااا كله تكونين مافيه زيك بالليل:26: ​

سؤااالي هو هل كل وحده تكتب زي هالموضوع او الي تقول انها تسوي لزوجها كل هالاشياء​

انا مااقصد انكم كذابين لاكن فترت ملكتي كنت اقرى هالمواضيع واتأثر فيها ​

واتخيل نفسي كيف كل يوم البس واحط مكياج وانظف واطبخ ووحتى ادرس واكون متفوقه في دراستي زي مازوجي يتمناني​

لكن بعد الزواج انصدمت بالواقع ماادري وش أبدي عليه طبخ والا غسيل مواعين والا غسيل ملابس والا كوي والاتنظيف بيت والا اهتم بنفسي والا اهتم بزوجي والا والا وحدث ولا حرج :4:​

طيب ااذا قلنا تحطون مكياج مافيه صلاة مافيه وضووء وحده من الثنتين ياانك بعد كل صلاة تحطين مكياج مره ثانيه او انك تجلسين بوضوئك لكل الصلاوات ​

واذا تقولون تطبخون وتروحون تتجهزون لليله من الكلام نحس كاانها دقايق مافيه ترويش مافيه شعور تستشورونها او جسم تحطين له كريم وعلى حسب كل وحده وطول ونوع شعرها​

مانقولكم اننا نجلس طول اليوم بشيفتنا بس اقل شي مو كل وقت لبس حدنا لبسين في اليوم الصباح وفي الليل ​

والشعر والمكياج ماادري من وين تلاقون وقت تستشورونه ماادري يمكن لاني ادرس واغلب يومي بالجامعه فاماالقى لي وقت والله بالموت نسرق الوقت عشان ندرس وننجح​

يله حبوبااااتي كل وحده تجاوب بكل صراحه يمكن عندكم طريقه تخليكم تسوون كل هالاشياء يوميا وبدون مجهود كبير​

:3:وهاذي هديه مقدمه لكل وحده ترد الله يسعدكم ابي تفاااااعل وربي اني احبكم في الله ومتعلقه بهالمنتدى بشكل مب طبيعي من حكمكم ونصايحكم الي زي العسل :5:​

 

[نزف العيون]

كنت مثلك

بس مافيه وقت الوقت اللي تسترحين فيه ودك تاخذين غفووووووووووه

 

[حبيبي دودي]

مشكوره حبيبتي نزف العيون

اجل مالنا الا نسرق الوقت عشان نكون زي مايقولون

 

[موية ورد]

شوفي انا مجربة وقديمة في الحياة الزوجية
اللبس زي ماقلتي مهو كل شوي
لبس لاستقباله بعد الدوام
ولبس للنوم وبس
والميك اب مهو كامل
كمان الوجة بيخرب على الثلاثين بالكثير
هو روج وكحل واجمر خدود وشوية مسكرة
والاهم الريحة ثم الريحة ثم الريحة
والنعومة بالجسم من الشعر
وشعر مرتب مهو لازم سشوار دايم
رتبيه بشكل حلو مع اكسسوار مرتب
وبالنسبه للطيخ حاولي تجهزين
اذا كنتي فاضية اشياء تساعدك وقت الضيق
وسلامتك اتمنى اني افدتك

 

[أدلع عليه]

اول الزواج مثل كدا
عقب الحمل اهملت بس تجي ايام واهتم ويبين اني مهتمه لان قبل كنت كل يوم اخربط وطفش هو ومل
ويوم صرت احيانا يستانس يعني لا تعودينه دايم كشخه
اهمممممممممم شي خلك نضيفه بعد شغلك العسير شيلي عيالك وروشيهم وتروشي وراهم والبسي اي شي زين ونعوم والشعر انا اخليه مفلفل من اول ماتزوجت بس الغره او القصد استشوره اذا بدت تنشف
وانا الصراحه رجلي يطلع برا كثير الله يسخره ويهدييه ماهتمست للشي ذا والقى وقت لو ابي ..

ادعي لي الله يسخر لي اياه ويسهل ولادتي ..ويسخر لكم ماتبون

 

[أدلع عليه]

والكحل اهم من المكياج اذا مامداك اهم شي الكحل خليه بجيبك

 

[سما دنيتي]

بلنسبه لي
اقوم الصباح والكشه الله لايوريك
يفطر يداوم واقعد انظف البيت وبعدين اجهز الغدا وبعدها احط مكياج خفيف واستقبل الباشا
اذا عندي وقت استشورت شعري

 

[natsomi]

شعري يوكو وما أحتاج استشوااار.....مرتاحه
أسبح الفجر و ألبس ملابس صباحية وأحط أحمر خدود و روج لون طبيعي
بدون كريم أساس، بدون أي شيء آخر
وأسوي فطور على السريع...أودع زوجي
أسبح ولدي
اجلس أتصفح المنتدى و الإيميل و آكل....<<<جنوبية خخخ
لما قريب يجي زوجي
أرررركض أطبخ الغداء و أغسل الصحون و أنظف المكان وغرفة النوم
أعطر المكان و أطلع الزباله الله يكرمكم
وأجهز نفسي بلبس حلو ومكياج نفس الأول، لأني أشيله وقت صلاة الظهر
أبقى بنفس الملابس لحين و قت النوم
ألبس قميص نوم
أحيانا ً أسبح المغرب :36: وألبس ملابس أخرى :5:​

عندي طفل صغير وأعيش في شقة​

 

[حبيبي دودي]

موية ورد ايه هذا الكلام الزين مااحب المبالغه بالوصف انا طول الوقت جالسه افكر اني مقصره بحق زوجي واني واني يعني والله جالسه اعصر نفسي عشان اصير مااقرى بالمواضيع واثرت على نفسيتي كثير لان ودي اكون دايم حلوه بعين زوجي

أدلع عليه على قولتك يملون والله يسخر لك زوجك ويهون عليك ولادتك ياكريم

 

[حبيبي دودي]

سمااا دنيتي والله ضحكتيني وجعله يشوفك ملكه جمال حتى لو بكشتك


natsomi

ماشاء الله عليك اختي يابختك والله اني اقول لزوجي ودي ابطل دراسه وارتاح واقدر اقوم بواجباتك على اكمل وجه

 

[كيكا وحلاوه]

ياستي اصلا مو ضروري تكشخي له يوميا على كذا ماراح يصير لها طعم لا خلي لما يكون مزاجك رايق والاكل من برى نظفي البيت وجهزي نفسسك عدل مدل

وبس


اما بتسوين كل هذول بيوم واحد والله مالله حدنا عاد هالرجال اللي يالله من فضلك اقل شي يسوووونه فينا الخيانه


يابنتي الرجل مهما تعبتي وكسرتي نفسك عشانه مايبين فعينه فلاتتعبي نفسسسك عشان احد


.


لآ خلي كل شي حسب مزاجك انتي وبس ولو بيطالع غيرك بيطالع لو انتي حاطتلو القمر بيد والشمس بيد


​

 

[حبيبي دودي]

كيكة وحلاوة انا هذا الي ابي اوصل له لان شي مايخش العقل انو اسوي كل هالاشياء كل يوم زي مانقرى بالمواضيع ونصايح بعض البنات
مشكوووره حبيبتي على مرورك

يله وين الباقين نبي تفاعلكم

 

[النرجسيه4]

موضوع رائع وانا كمان ادرس في الجامعة شغل الجامعة كوم ومسولية اليبت كوم ثاني والازواج والله مايرحمون يبغون كل شي زين ونظيف وتكوني نظيفة طوال الوقت ناهيك عن الولد ورعايته يالله الله يعين ويفرجها يارب بس الوسطيه في كل شي يعني وقت لزوجي وقت لدراستي وقت لنفسي 00

 

[حبيبي دودي]

النرجسيه كلام سلييييم الوسطيه حلوه في كل شي

الله يوفقك ويسهل عليك دراستك ويوفقك يارب

 

[حبيبي دودي]

بناااااااااااااااااااااااااااات بليييز ابي تفاعل ليه ياربي مالي حظ بهالمنتدى

 

[دلوعـــة نجـــد]

داااااااااااااااااايما لبسي عادي , بدلة عادية وشعري مرتب وبدوووووووووووون مكياج

وبالاسبوع مــــــــــــــرة فقط البس لبس حلو واتمكيج واحيانا بالاسبوعين مرة

سي يو

 

[حبيبي دودي]

مشكوووره على مرورك دلع نجد انا مشكلتي اموووت على البجامات ولا احب القصير لاني مااحب فخوذي تلزق في بعضها تقرفني بس الشكوى لله ابو الشباب يحبها وعلى قولتك البسهم غالبا في الويك اند عشان مايكون وراي جامعه

 

[زوجه كشخه]

انا اسوي نفسي نايمه الصباح اول مايخرج زوجي ع طول انط ع النت هههه ويصحون عيالي واتعذر فيهم عند ابوهم عيالك صحوني ماخلوني انام مسويه مسكينه المهم امسك النت الين الساعه 12 وبعدها ارتب البيت واسوي الغداء واشغل الفواحه واروح البس بيجامه او روب قصير واسوي روج خفيف ومسكرا وكحل واتعطر ويجي زوجي نتغدا ويروح ينام شوي وانا انيم ولدي الصغنون عمره 6 شهور واروح انظف المطبخ والبس اولادي ويصحى زوجي واغير لبسي لاني اكتر ايامي اروح عند اهلي ونخرج نرجع الليل نتعشى وادخل البس قميص نوم واتعطر والمكياج نفس الي فوق خفيف وبالاسبوع اسويه ثقيل معليش كتبت قصه حياتي موجز الاخبار ههههههههه

 

[حبيبي دودي]

زوجه كشخه شرفني مرورك لاطولتي ولا شي انبسط لمى اقرى مشاركاتكم مهما كانت طويله

اتمني باقي البنات يتفاعلون

 

[ليلة شتوية]

أختي تسلمين على هالموضوع ..
مرة حضرت للاستاذة ناعمة وقالت شي عن اللبس اتمنى يفيدك ..
قالت غيري لبسك بذكاء .. يعني الصبح تلبسي بجامة ناعمة .. لما تشتغلين بالبيت جنز وبلوزة .. وارفعي شعرك بطريقة فوضوية مدروسة ( فهمتيني ؟؟ ) العصر مثلا غيري البلوزة بأخرى لها ستايل مختلف بلون مختلف ..
وممكن بالليل تستقبلينه بلبس حلو ..
طبعا شيء قديم قميص النوم تتمشي فيه ..

بالنسبة للماكياج .. اهم شي فعلا الكحل داخل العين والقلوس .. صباحا .. ومكياج حلو ليلا ..
يوم وردي خفيف .. يوم موف .. يوم كحل عربي فقط .. وهكذا .. كريم الأساس احيانا .. غالبا كريم مرطب وبودرة مناسبة ..

أهم شي لاتكوني مبهذلة أمامه .. وطبعا راح تمر اوقات غصبن عنك بس لاتستسلمي ..

أساسا اللبس والتزين يرفع معنوياتك وعندما تكلمينه بدلع تكونين واثقة من نفسك ..


أيضا مما استفدت منه من النت ابحثي عن أسرع الطرق لترتيب المنزل .. أفضل طريقة لتحضير طبخاتك الأسبوعي .. وهكذا .. هناك أخوات جزاهن الله كل خير يشاركون بخبراتهن ..
هناك طرق تسهل حياتك .. اعتبريها استثمار لذاتك ..

وراح اطلعك على سر خطير ( الابتسامة والمرح ) أهم من اللبس والماكياج أوغيره وهو سلاح لايخيب

آخر نقطة ( وختامها مسك ) .. استعيني بالله .. وقول لاحول ولاقوة إلا بالله .. وتفضلي هذا الحديث :

وعن علي رضي الله عنه :
أن فاطمة رضي الله عنها آتت النبي صلى الله عليه وسلم تسأله خادما
فلم تجده ووجدت عائشة فأخبرتها . قال علي :
فجاءنا النبي صلى الله عليه وسلم وقد أخذنا مضاجعنا فقال :
" ألا أدلكما على ما هو خير لكما من خادم ؟ إذا أويتما إلى فراشكما
فسبحا ثلاثا وثلاثين واحمدا ثلاثا وثلاثين وكبرا أربعا وثلاثين فإنه خير لكما من خادم "
قال علي : فما تركتهن منذ سمعتهن من رسول الله صلى الله عليه وسلم .
قيل له : ولا ليلة صفين ؟ قال : : ولا ليلة صفين .
الكلم الطيب للالباني ..
حديث صحيح ...

وورد ايضا شرح للحديث في صحيح البخاري ...
يضيف الاتي :

قوله ( باب عمل المرأة في بيت زوجها )أورد فيه حديث علي في طلب فاطمة الخادم ،
ويستفاد من قوله " ألا أدلكما على خير مما سألتما "
أن الذي يلازم ذكر الله يُعطى قوة أعظم من القوة التي يعملها له الخادم ،
أو تسهل الأمور عليه بحيث يكون تعاطيه أموره أسهل من تعاطي الخادم لها ،
هكذا استنبطه بعضهم من الحديث ،
والذي يظهر أن المراد أن نفع التسبيح مختص بالدار الآخرة
ونفع الخادم مختص بالدار الدنيا ، والآخرة خير وأبقى