موضوع الرسائل الخاصة / شاركينا برأيك واجعلي صوتك مسموعاً ( يجب دخول المشرفات)

[fatoom 3loom]

يرجى عدم فتح مواضيع أخرى للمشكلة نفسها​

و أي موضوع آخر سوف يتم حذفه ​

السلام عليكم أخواتي البليقيسيات ​

اليوم حبيت أفضفض هني واتساءل عن موضوع الرسائل الخاصة​

​

طبعاً أنا كلي احترام لقوانين منتدانا الغالي ​

ومتأكدة من أن الأسباب في منع الرسائل الخاصة كانت ​

وجيهة ولكن علينا أن نتساءل هل الحل هو منعها بشكل نهائي ​

وعن جميع الأعضاء؟؟؟​

ولماذا لا يسمح لنا على الأقل بمراسلة المشرفات؟؟​

طبعاً أكيد المشرفات بيقولون حرام عليج يا فطوم​

بتيبلنا الصدعه !!! هههه​

حراااام يحليلهم على شو بيلحقون ولا شو ؟!!!​

فمثلاً إذا لاحظنا وجود مشكلة او موضوع مكرر​

أو أي خطأ أو شكوى لازم نراسل مشرفة القسم​

لأنها في النهاية بشر وما شاء الله الأقسام اللي مثل قسم الفضفضة والدردشات​

المشاركات فيها كثيرة وصعبة تلحق عليها كلها​

هذا أولاً أما ثانياً فهو عبارة عن اعتراف​

بس لا تضحكون علي :blushing:​

أنا منتدى بلقيس هو أول منتدى أشترك فيه بحياتي​

يعني كنت متابعته من زمان يمكن من سنة 2007​

وبعدين حاولت اشترك وما طرشولي تفعيل الاشتراك !!!​

وعلى هالحالة لين أخيراً اشتركت​

المهم يعني بصراحة ​

ما عندي خبرة بالمنتديات وايد​

واليوم وصلني توقيع منظمة العدالة​

بس المشكلة أني مب عارفة كيف أحطه​

وما اقدر أسأل المشرفة اللي طرشته أشلون احطه !!!​

ومن قبل وصلتني رسالة من وحده من المشرفات ​

وما عرفت كيف أرد عليها !!!​

يعني عشان جي نحن محتاجين الرسائل الخاصة برأيي​

طبعاً منتدانا ديمقراطي​

وكل حد يحقله يبدي رأيه ويقولنا إذا هو ضد أو مع​

ولازم يدرج الأسباب يعني اعتبروها مناقشة​

أو تبادل أراء ​

وأنا هني بدرج بعض المقترحات​

1.حصر الرسائل الخاصة وجعل شروط لها​

( مثلاً جعلها للأعضاء ذوي عدد معين من المشاركات مثلاً فوق 100 وذلك لمنع الدخيلين وأنتو عارفين منو من مراسلة البنات ومضايقتهم)​

2.عدم استخدام الرسائل الخاصة للدعايات والإعلان​

3.عدم استخدامها كوسيلة للتعارف​

4.في حالة مراسلة المشرفات اتبعوا مقولة "خير الكلام ما قل ودل" وعدم الالحاح بالطلب مما يضايق المشرفات.​

اتمنى الموضوع يعجبكم وسامحوني يا مشرفاتنا إذا ضايقتكم​

ولا تنسون تبدون أرائكم ​

لأنها مهمة ​

وبتساعدنا نأخذ صورة عن شعوركم من ناحية الموضوع​

​

تحياتي ​

فطوم علوم :icon31:​

 

[غلا روحي99]

حبيبتي أحتمال منع الرسائل لمصلحة العضوات في المنتدى من المضايقات او استغلاله لامور ثانيه تسيء للمنتدى وتعرضه للشبهه والله أعلم​

 

[fatoom 3loom]

وياج حق حبيبتي
بس كل شي له حسنات وسيئات
وما يصير نخلي السيئات تمنعنا
من استخدامه
مشكوره على المشاركة
أختي محرومة
تصدقين قاعده أحاول
أرسلج رسالة زوار مب عارفة :no:
يلا بنات من ويانا​

 

[محرومه من زوجي]

تآمـــــرين أمر يافطوم......
هاأنا دخلت,,,,,,,,,
حبيبتي لا أعرف لماذا منعت الرسائل الخاصه,,مع أني متفاءله بعودتها قريبا,,
وقد راسلت الإداره أنا وبعض المشرفات نطلب إعادتها,,,,,
لإنها مهمه جدا لتواصل الاعضاء,,,,,,,,

حبيبتي ,, بما أني مشرفه اعتقد أنك تستطيعي مراسلتي على الخاص,,,,,,,,
جربي حبيتي وشوفي انتي تقدري او لا,,,,,,,,؟؟

 

[مجرد ذكرى]

انا معاكي..من جد ياريت يرجعوها..واتوقع الشروط الي حاطتها مررره كويسه
وانشاء الله ما يكون فيه سلبيات.....

 

[الـ غ ـاويهـ]

بصرااحة ما اعرف شو اقولج

واايد رمسنا و واايد قلنا

حتى انهم حطوا استطلااع .. بعد ما استوا شي

و حطوا موضوع فقسم المشرفاات و ما وصلنا خبر

حبيبتي انا احينه برسلج طريقة كيف تحطين التوقيع

و اعتقد مثل ما قالت محرومة ترومين تراسلين المشرفاات

و ان شاء الله خير

 

[محرومه من زوجي]

فطوم علوم
حبيبتي حاولي ترسلين رساله خاصه مو رساله زوار,,,,

 

[hassnaag]

********************

 

[الوجد 33]

تكلمناا كثيييييييييير ما احد عطانا وجه
على الاقل يوضحون ليه قفلووهاا
كل المنتديات فيها رسائل خااااصه
وبعدييييين هي من اسمهااا خااااصه ليش يقفلوووونهاا من دون ذكر اسباب
المنتدى مرره حلوو ومفيد بس لو يرجعون الرسايل الخااصه وكل وحده ادرى بمصلحتها

 

[عتيبية مروقه]

انا اضم صوتي الى صوت الاخوات
بصراحه نبغى الرسائل الخاصة ترجع
مثل اول محتاجين لها

 

[*همسة*]

انا بعد اضم صوتي لكم

الي تحس انوالرسالة ماتعجبها تبلغ عن العضوية العضو وخلااص

 

[**(*فراوله* )**]

وأنا هني بدرج بعض المقترحات​

1.حصر الرسائل الخاصة وجعل شروط لها​

( مثلاً جعلها للأعضاء ذوي عدد معين من المشاركات مثلاً فوق 100 وذلك لمنع الدخيلين وأنتو عارفين منو من مراسلة البنات ومضايقتهم)​

2.عدم استخدام الرسائل الخاصة للدعايات والإعلان​

3.عدم استخدامها كوسيلة للتعارف​

4.في حالة مراسلة المشرفات اتبعوا مقولة "خير الكلام ما قل ودل" وعدم الالحاح بالطلب مما يضايق المشرفات.​

اتمنى الموضوع يعجبكم وسامحوني يا مشرفاتنا إذا ضايقتكم​

ولا تنسون تبدون أرائكم ​

لأنها مهمة ​

​

​

​

صحيح كذا نحل جزء من المشكلة ونرضي كل الأطراف
​

 

[**(*فراوله* )**]

فطوم علوم
حبيبتي حاولي ترسلين رساله خاصه مو رساله زوار,,,,

ماأقدر أرسل رسالة خاصة للمشرفات حاولت وطلع أنه مقفلينها حتى لما نرسل للمشرفات
وبعدين وشي )) رساله زوار(( أحد يفهمني اياها​

 

[fatoom 3loom]

ماأقدر أرسل رسالة خاصة للمشرفات حاولت وطلع أنه مقفلينها حتى لما نرسل للمشرفات
​

كلام الأخت صح وأنا لمن ما عرفت أحط التوقيع
على طول بغيت أراسلج
بس ما يستوي
وشكراً اختي الغاوية على الإيضاح
والتوقيع الحين موجود​

 

[fatoom 3loom]

لكل الأخوات الي مروا وشاركوا بالموضوع
وابدوا رأيهم أقولهم .......​

وللأخوات الباجين
يـــــلا محتاجين ردودكم​

تحياتي​

 

[fatoom 3loom]

وين الفزعة؟؟؟!!!
نبي ردود
عشان نقدر نوصل صوتنا​

 

[الشمـــــــــوخ]

والله اعتقد انه اكيد في سبب لمنع الرسائل الخاصه واكيد هي مسألة تنظيم وترتبي مو اكثر
وانشالله ترجع الصبر ياحلوات​

 

[No 1 Noo]

دائما اتسائل عن السبب في منع الرسائل الخاصه

يعني كيف نتناصح بيننا في السر كثير مايحب احد ينصحه على الملاء

او كيف نتشاور اذا انا ابغى راي وحدة احسها كفو كيف اوصله له

اكيد للادارة سببها الوجيه بس ياليت يعيدون النظر مرة ثانيه

واذا شافو شي مو طبيعي يعاقبون العضو المخطئ بتوقيفه او طرده ولا

يستاهل ان يتسبب بقرارات قد تعيق تقدم المنتدى

 

[*الصمت*]

تكلمناا كثيييييييييير ما احد عطانا وجه
على الاقل يوضحون ليه قفلووهاا
كل المنتديات فيها رسائل خااااصه
وبعدييييين هي من اسمهااا خااااصه ليش يقفلوووونهاا من دون ذكر اسباب
المنتدى مرره حلوو ومفيد بس لو يرجعون الرسايل الخااصه وكل وحده ادرى بمصلحتها

انا من اوائل المطالبين برجوع الرسايل الخاصه
وكلن عقله براسه..... كل وحده ادرى بمصلحتها .....
ونبغى التوضيح ليش منعت.... ونبغى تعويض واثر رجعي .... لان النفسيات تعبت من اغلاق الرساي الخاصه

 

[*الصمت*]

دائما اتسائل عن السبب في منع الرسائل الخاصه

يعني كيف نتناصح بيننا في السر كثير مايحب احد ينصحه على الملاء

او كيف نتشاور اذا انا ابغى راي وحدة احسها كفو كيف اوصله له

اكيد للادارة سببها الوجيه بس ياليت يعيدون النظر مرة ثانيه

واذا شافو شي مو طبيعي يعاقبون العضو المخطئ بتوقيفه او طرده ولا

يستاهل ان يتسبب بقرارات قد تعيق تقدم المنتدى

كلام عين العقل
توقف الرسايل يعيق تقدم المنتدى