موزة وثنيان حب دام 40 سنة !! فجأءة تغيرة ؟؟؟

[بصمة امرأة]

أشكر الاخت اللى نبهتنا عن العاملات الصالون ... ينخاف منهم واذا مالج بد منهم لاتدخلونهم الغرف النوم ... بس حدهم المجلس او الصاله​

صح صح صح بصرااااااااااااحه هالزمن يخوف​

 

[دافئة القلب]

من وجهة نظري الأخطاء في شخصية موزه
1_حبها الزايد له بالله اذا عرف وتأكد انه الهوا اللي تتنفسينه بيمل ولا يحاول كسبك او ارضائك وطبع الرجال يحب الشي الصعب اعطيه حب وحنان بس مو بجنون
2_التضحيه زياده عن اللزوم لثنيان
3-مدحها لاختها
4_مخليته كأنه اخوها مو زوجها
5_عايشه له ولعيالها مو معطيه نفسها وجه بأي شي
6_السذاجه وانعدام الغيره
7_تحبه اكثر من نفسها
8_ماتجدد ولا تغير في شكلها مع ان هالشي بالصراحه مو شرط مع اللي عينه زايغه

 

[*احلام الورود*]

السلام عليكم والرحمه عيدكم مبارك وتقبل الله صيامكم وقيامكم وحنا معاكم، لاحظت في زوارة خميس ان الرجل لابد من وجود امرأه أخرى في حياته ان كان متدين أو خربوطي بالحلال أو الحرام وكل حسب التزامه يعني سعود مو متدين بس تزوج بالحلال ماعدا مرزوق يمكن لأنه شكاك ومشغول بزوجته، وبصراحه موزه قهرتني هي وأختها ناديه وش فيهن متطرفات وحده مشرقه:23: ووحده مغربه :2:خير الأمور الوسط والسلام عليكن 0سبحان الله وبحمده سبحان الله العظيم0

 

[سكون...]

ســـــــلام


كل عام وانتوا بخير

وينعاد عليكم بالصحة والسلامة يارب


بخصوص المسلسل


أنا أشوفه حط نماذج واقعية لأنواع الأزواج والزوجات

وبما أنه مسلسل صارت هالنماذج في أسرة واحدة

بس حبيت أوضح بعد

الرجال في المسلسل ليست نماذج سيئه

يعني ماحطوا رجال مدمن أو غيره

حطوهم رجال أسوياء يحبون أسرهم وعيالهم وزوجاتهم

وفي نفس الوقت نبه أن النساء الي دخلو حياه هالرجال وتكونت العلاقات والزواج الثاني هم نساء محافظات ( نوعا ما) يعني مب وحده لعابه أو صايعة تنتبهين منها لا ممكن تكون أي وحده

يتعرض كل واحد منهم لمواقف فحياته ممكن تخليه ينجذب بطريقة مختلفه عن تعلقه بأسرته

مثلا :

- علاقة سعود (زوج أمينه) كانت من باب تأنيب الضمير والواجب تجاه أسرة صديقه الي حاس أنه هو سبب بوفاته
تواصله الدائم مع الأسره وإحساسه باحتياجها له كان هو المدخل للعلاقة
زوجته كانت عصبيه وانفعاليه وزوجة زميله ( قبل لا يتزوجها كانت هاديه وراضخه له
( الحاجه - تأنيب الضمير- أنثى بمواصفات عكس مواصفات الزوجة )

- أحمد ( زوج تسنيم) كانت علاقة اهتمام مدرس بطالب يمر بظروف صعبه فحياته الأسرية ، وبعد استمرار احتكاكه في الأسره الجديده
زوجته كانت ساذجه وسلبيه ماتعرف من الحياة غير واجباتها الأسرية بالمقابل أم الطالب كانت أمرأه قوية ، خططت لتكسب أحمد وعرفت مداخله وسعت له
(واجب إنساني - وازع ديني يمنعه من النظر للأنثى إلا كزوجه - أنثى قوية تخطط مقابل زوجة بسيطة )

مرزوق ودلال : رغم عدم وجود خيانه من مرزوق وعرفنا أنه يتعرض لضغوط نفسيه بسبب مرضه وطبيعة عمله ، لكن في نفس الوقت زوجته رغم حبها ومراعاتها لزوجها لفتت نظري تسنيم لما قالت لها عن لبسها الي يثير شبهات أكثر بالنسبه لزوجها

شاهه وزوجها : نموذج للزوج الاستغلالي والزوجه الساذجه الي تعيش على حياه الحب والخيال
أكتشفت أنه العقم فيه وهو يحاول يخليها تشعر أنه بسببها عشان يستغلها ماديا وتتساهل ويا نزواته وتغطي الاحساس بتأنيب الضمير بتلبية طلباته


- المشكلة الأساسية وصدمتي في الحياة ( المحور الثلاثي (موزه - ثنيان - نادية )

موزه : زوجة وأم حسب جدول زمني ثابت
واجباتها وحوارها وحياتها روتين قاتل ، يمكن الي عايش وياها يحبها ويحترمها لأنها موجوده لتحتويه فقط ولكن لا يستمتع معاها
ثنيان : أب وزوج مارس حياته الأسريه كواجبات يأديها على أكمل وجه ، وهي ضمن لائحة الجدول المعد من قبله وقبل موزه يمشون عليها مثل سكة القطار تمر بمحطات نفس المحطات على نفس الخط وتتكرر .
نادية : أنثى تعيش لنفسها فقط ، وتكرر للجميع " أنا أحب نفسي " " أنا أبغي أعيش" " أنا..
بالتالي أجبرت من حولها يراعي فيها حبها لذاتها ويعاملها على هذا الأساس
عودتها موزه على أن أي شي يخص موزه وتطيح عينها عليه يحق لها تاخذه بدون لا تشاور موزه أو تطلبه منها لأن واجب موزه أنها تتنازل عنه
وهذا الي وضحوا لنا اياه

موزه هي من سعى فعلاقة زوجهها بأختها

أي زوجه تاخذ أختها في طلعات خاصه مطاعم وسينما وتتركهم لوحدها
ولو لاحظنا كانت ناديه تقول لثنيان " شوف الحين موزه بتطلب كذا وكذا وبتقول كذا .." نبهته للروتين القاتل في حياتهم
موزه كانت تحث ثنيان على حب أختها كونها مرت بأزمه وكان الأولى هي تراعيها بدون لاتدخل زوجها موب تطلب منه يشتري لها سياره ثمينه كانها فتحت المجال للأثنين يعني أول هديه بين ناديه وثنيان كانت بواسطة موزه !!
خاصه وهي عارفه أن ناديه وحده ما تعيش وحيده
موزه كانت تاخذ ناديه وزوجها يشتري لها هدايا ثمينه وهي تعرف أن ناديه تحب نفسها وبتطمع في حصولها على الكنز الموجود في حياة موزه ( ثنيان) والي لا إراديا ناديه تشعر أنه من حقها


فيصل ليس محور للنقاش لأنه شاب لعوب .


هذا الي قدرت أجمعه الحين ولي عودة لأن المسلسل أثر فيني بشكل كبير

 

[شمعة وثلج]

خخخخخ
ماشاءالله تحمستم واجد بالتحليل ..
المسلسل غير مبني على قصه واقعيه
ولو افترضنآ ان هنآك اناس يعشيون مثل ماحدث بالمسلسل فالغلط الكـبير الي دمر حياتهم هي موزه نفسهآ
لانهآ لم تضع حدود بين زوجها واختها

عوآفي اختي

بالعكس المسلسل واقعي ونفس القصه حصلت لوحده اعرفها طلقها زوجها وهي ام اولاده السبعه وتزوج اختها وهي انصدمت وتاثرت مما سبب لها جلطه بالدماغ ادت الي الوفاة الله يرحمها

 

[لاريسيا]

رااااااااااااااائع

بنات تحاليل الاغلبية رائعة
××××××××
وبالنسبة للعضوات المعترضات
اقولهم لا صدقوا
في كثير ناس من هالفئات الخيانة تمشى بعروقهم
الله يبعد الخيانة عنا
وفى ديرتي من سنة تقريبا صارة حادثة حقيقة الكل يتكلم عنها والجريدة اكتبة عنها
للاسف
الام اعشقة زوج بنتها وطلقها وخذ الام<<< اساسا زواجهم باطل لان محرمين ع بعض ...
************
​

 

[لاريسيا]

شفت المقابلة بتلفزيون الوطن لزوارة خميس
والمذيع انتقد الكاتبة بانها شوهة الازواج بكل اصنافهم وساوة بالمتدين و اللعاب​

فقالت له اساسا المسلسل مافى خاينين الا اثنين
ثنيان و منصور زوج شاهه
والباقى تزوجوا بالحلال<<< و ان الدين حلل 4
و
بالنسبة عن فيصل كان لعاب لاكنة تاب واستقر سقط بسوء اعمالة ...
احمد الملتزم <<<خاف ينجرف للحرام فأتجة الحلال واخبر زوجتة ان بيتزوج...
سعود <<<< يحب زوجته ويموت ع عيالة بس حس انة السبب بوفاة والدهم وحب يربى اعيالة ويشوف احتياجاتهم ...​

 

[مستشارة قانونية]

هلا أختي أشكر لج طرحج للموضوع الرائع الي يستحق الرفع

واايد الحلقه تطرح مشااكل وقضاايا يبالها تدقيق وتفصييلها ان شاء الله راح نبدأ بالأسااس

موزة :- الي اهيي الجده الطيبه الحبووبه اليي لمت شمل العايله حوالييها لكن النتييجه كانت غير المتوقع

وماازيد علييكم اشياء انها وايد لها سلبياات مثل مااتفضلتوا وقلتووا أنها كانت تسير على خطى واحد مثل

في كل شي بحياتها ماتغير ومااننسى انها كانت كتاااااااااااب مفتوح يعني ماخلت للزوج شيي يثيره ولا

يتمنى يعرفه ولا يسعى لجله فخلته يعييش طووووووول حيااته ع روووتين ومنهااج وااجد احيين الزوجات تمل

فماابالكم الزوج ؟

2. ثنيان : الجد الطيب الي يمووت ويعشق شي اسمه بييته وعيااله وأحفاده لكن بييد زووجته قلبته ع عقب

اهي الي خلته يتعلق بأختها من كاانت ماايحبهاا ولا يداانييها خلته يعشقها عشق الجنون الي تخلى ع الكل لجل

عينها حببته فيييها وقربتهم من بعض ع أن الحيين ماافي نظام اسمه ثقه ولا فيي شيي اسمه اختي ولا امي ولا

غيره والله الدنياا مو مثل زماان انه اجوف بعييني قضاايا استنكر واستعجب بس الحيين تعودت ع المصاايب

وكل يووم بالدواام اجوف النون وماايعلمون والمشكله ان كل قضاايا غرييبه مو مثل اول مخدراات ولا زنا

ولا سرقه احيين صااروا ماايتعااملوون ههههه يالله الستر , فلكل بلقييسيه مانقول عدم الثقه لكن انقول الحذر

والتوعيي ...

3. سعود : الولد إلا مبالي بالحياة زوجية الي يتصرف مع زوجته جنها رفييجه بالدييوانيه طناازه وتعلييقات

ماال امها دااعي وماالها قييمه الا التجرييح والألم يعني خااصه الزوجه تبي الرييج الحلوو حتى لوو كان

غشمرة الغشمرة للربع مو لزووجتك ومو كل وقت صاار رووتيين مافي كلام حلو مافيي مجااملات ولا جبر

بالخااطر بطرييقته اهوو خلهااا تركب رااسها وتكون اكثر منه لااامبااااااااااااااااااالاه فحيااتهم صاارت كلش

ماالها حلااه اصلاً ماافيي شيي يبيين انهم زووجيين عدا العياااال, من جذيي تزوج علييها لأن اصلاً اهو مو

عادها زوجه اسااساً ...

4. أمينة : الزوجة المهملة لأبنائها بس كل همها نفسهاا بالمرتبه الأولى اليي عندها انها تكشخ وتلبس وتغير

شكلهاا والأحتفااظ بكيانها مع التناازل عن واجبااتها اليي مفرووضه علييها لأبناائها وبييتها وزوجها فأهيي

صج محصله زوج كلش باايعها اهيي زاادت الطيين بله سااعفته وشجعته فكل واحد يزييد الا ان وصلوا للنهايه

5. مرزوق : الزوج العصبي المتعقد من الحيااه اليي اهوو ضاابط بالشرطه ومتأثر بالمشااكل الي تمر علييه

فجعلت نفسه الضعيفه انه يشك ويتووهم اشيااء لا أصل لها بالوااقع ويبنيي علييها توقعاته وشكووكه وهي

اسااساً لااشيء وهذا مااجعل ذوي القلووب الضعييفه التدخل واشعال الناار فيي بييتهم أكثر وأكثر وبييده جعل

حيااته جحييييييييييييييم .

6. دلال : زوجة طيبة القلب الي صبرت وعااااشت ع الظلم كله لجل حبهاا لزوجها وعياالها والبييت اليي قاعده

فييه ولأجل ان ماعندهاا سند ولا أحد غيير مثل ماعرفنه ان اسرتها متشتته امها متزوجه ومتشتتييني فمحد

لهاا غير اهل الزوج والزوج وكاانت تخاف من الطلاق ...

7. فيصل : الزوج المغازلجي الي عاااش حيااته وكأنه عاايش عزووبي لكن رب العالميين اعطااه درس خلاه

يتووب ويحرم العيون الزاايغه هههه ...

8. زينة : الطبيبة الطيبة و الهادئة اليي صبرت وتحملت ع الأهااانات وأكبر أهانه اهيي مغازل الزوج للغير

تعرف ان له اسبقيياات وعلاقاات وكذا مره تمسكه لكن يردها الا ان وصلت لمرحله شبعت وتعودت ع الوضع .

9. احمد : الزوج المتدين الي يحب بييته وعيااله وزوجته لكن ذوي النفووس الضعييفه اليي دشت فييه دشه

وتمت ترسم علييه الا ان صاار الي صار ومااننسى نعاتب زوجته اليي كانت دوم تقوول جدامه ان الشرع حلل

4 يعني كأنها رااضيه بالنتييجه وان الزوج يتزووج غييرها مااحسسته ان لوو يفكر يتزوج تمووت وغيره

فزرعت ابااله هالشي ان حلاااااااااااااال اهو صج حلاال ذي شي خالصيين منه ولاااعترااض علييه لكن

مو مياانين الزوجاات يفتحون هالسيره جدام الأزواج ويين الغييره ؟؟

10. تسنيم : الزوجة الملتزمة دينيا , اليي هااده الخييط والمخييط اليي كاانت تمشيي ع خطى وااحد فيي واايد

ملتزماات لااكن عند الزوج حلاال تمتعه وتحسسه بكل شعوور اهيي حتى معاه كأنه غرييب وفجأه التقى في

ذيج الي تزوجها ( غروور ) وجااف الجرأه والتنوع شلون مايتحيير ؟؟ وكاانت داافنه حياتها لعياالها ولبييتها

واهيي ولااااااااااااااا شي هاامله رووووووووحهاا وهاي اكبر غلط كل شي له حق ..

11. عز : ألولد المرح الي يقلب كل امر مزااح حتى بالعلااقاات الجااده ولاايباالي بأي شي وماايتعاامل بالجديه

ذي الي خله زوزو تنهااار .

12. نادية : الخالة المزواجة الي تموووووووووت ع الأزواااج وييين احد يووثق فييها الله يهديي مووزه بس

تدري عن طبع اختهاا تقووم تفتح لها المجاال الي تزوج مرتين وثلاث واربع بييتعييز ع الخاامس ؟؟ سهله

وماافييها شي لا بعد كأن موزه تغرييها تخلييه يطلع لها سيااره احلى من الكل ويرزهاا شدعوه ؟؟؟ لي هالدرجه

ذي مو وثووق وصلت لمرحله العمى للأسف !!!

13. زوز : البنت الشقيه اليي عااشت بظل تربييه مووزه وثنياان الي نستهاا امهاا من جاابتها الي صاارت

الفرييسه الأم سووت فعلتهاا وشردت وخلت البنت اهيي الي تاكلها فقيرره يعني لااخيرها الأم ولاكفاايه شرها

ماادرت عن اعياالها الا عشان توطي رااسهم ...

14. سالم : ألولد الحبوب

١٥- أم نصيب لااااااااتعلييق اخااف تااكلني بلساانها خوو محد سلم منهاا مساامحه امتنع عن التعليق ههههههههه


وتيااااااااااااااااااااااااااااااااا صج هالحلقه بس قاعديين عشاان نصييح كافيينا اليي فيينه ههههههه

مشكوورة لاارييساا خلييتيينا ننفعل خو متعوودين ع التحلييل خخخ

​

 

[سلة فواكه]

بصراحه استوقفني رد سكون
صج بلقيسيه
ماشاء الله عليج سكون احس ناعمه الي كاتبه الرد
اسلوب رائع وتحليل عجيب
الله يحفظج

 

[ريماإأ]

المسسلسسلآت حرآآآآآآآآآآآآآآآآآآآآآآآآآم
والدين اهم شئ اهم من الحياة الزوجية وغيرهآآ . واللي بيسوي موضوع عشان يفيد غيره اول شئ يشوف الدين اهم من كل شئ واساس النصيحه !
وقبل لاتسوين اي شغله اعرفي ان ربك يناظرك واستحي من نفسسك يعطيك وتعصيينه !!

الله يصلح احوال المسلمييين

 

[Ro0oneY]

واتوقع يابنات هذه الكاتبة متعقدة من الرجال !!!!

وكأنه كل الرجال خاينين!!
لا في رجال مخلصين لكن بسبب الهجوم على الرجال هو اللي خلاهم كدا !!
والبنات اللي معترضين على المسلسل احنا مانحرم ولانحلل ولكن نتكلم عن قصة مكتوبة
وجالسين نتناقش احداث هذه الرواية !!

 

[سكون...]

بصراحه استوقفني رد سكون

صج بلقيسيه
ماشاء الله عليج سكون احس ناعمه الي كاتبه الرد
اسلوب رائع وتحليل عجيب
الله يحفظج

تسلمين حبيبتي


استانست من جد

:32:

 

[جنـــــــان]

المسلسل دروس وعظات من الأول إلى الأخير

ويعلمون الناس ويوضحون شخصيات بعض الحريم وتعاملهم مع ازواحهم الصح والخطأ
أولهم بالأم (موزة ) ونادية وتسنيم ودلال وزينة وشاهه

كذلك تبين حقيقة بعض شخصيات الرجال مثل ثنيان وفيصل وسعود وعز وغيرهم

كذلم توضح وتبين للناس اسباب زواج الرجال من زوجاتهم منم ما يكون نزوة ومنهم ما يكون بسبب الزوجة نفسها ومنهم ما يكون يقع بمشكلة مثل فيصل
وكذلك زواج سعود

واللي يتضح ان موزه ما عاشت لنفسها وخلت زوجها كل سعادتها
الدليل انه لما طلق وتزوج ما قدرت تتصرف في حياتها وحست انها ضاعت

فهذا فية درس للنساء
كذلك زواج سعود من رشا بسبب انه يتردد لبيت رفيقة اللي مات وهدفة من الزواج انه يلم بيت صديقة ويربي عياله
اما احمد وتسنيم فالرجال ما تحمل وحام زوجتة (رغم انه مو اول حمل لها )لكن وجود وحدة يشوفها ويتردد على زيارة ولدها وتجاذب الحديث وجد الفرق بينها وبين زوحته والشيطان حريص

نقطة مهمة في احداث المسلسل وجود بعض النساء وهو ايضا واضح جدا في مجتمعنا وهم اللي همهم يرتبطوا بالرجال ويستغلو الفرص ويكونو انانيات لحبهم لانفسهم
مثل نادية اللي همها سعادتها ونفسها حتى وان كان على حساب وصحة اختها
كذلك نجاة اللي اعجبت بأحمد ووجدت فية الاحترام وتقدير واهتمامته والاستقامة ففكرت فية وتزوجتة
كذلك جنان اللي رغم اعاقتها ومعرفة انها هي اللي قطت نفسها للسيارة رغم كذا تزوجت عز وتعرف انها بتقصر بحياتها الزوجية حتى قالها ظلمتيني


شكلي بتكلم كثير
بس المسلسل وضح
اشكال الرجال
واشكال النساء
واسباب خيانة الرجال لحريمهم
واسباب زواج الرجال على حريمهم
وخطورة اكل مال الحرام

والمثر
موت موزة على حسرتها وصدمتها في زوجها واختها
مشهد مؤثر

والف شكر على طرح الموضوع
​

 

[زهـــور]

عاد تدرون
ما أحس إنها يوم ماتت تأثرت
تموت عشان رجل ؟؟؟!!
و أي رجل رجل خانها ؟؟‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍
معليييييييييييييييييييش
معليييييييييييييييييش
معليييييييييييييش
ما دخلت مزاجي هالنهايه أبدااا
و طاح من عيني المسلسل كله
أحسه هبوط حاد في مستوى الحبك الدرامي

 

[سكون...]

عاد تدرون
ما أحس إنها يوم ماتت تأثرت
تموت عشان رجل ؟؟؟!!
و أي رجل رجل خانها ؟؟‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍
معليييييييييييييييييييش
معليييييييييييييييييش
معليييييييييييييش
ما دخلت مزاجي هالنهايه أبدااا
و طاح من عيني المسلسل كله
أحسه هبوط حاد في مستوى الحبك الدرامي

مرحبا عزيزتي

حبيت أقول وجهة نظري على كلامج

الموضوع مب موضوع حبها للرجل وبس

ماتت من الغصه

من القهر

من الصدمه

وفيه حديث نتعوذ فيه من غلبة الدين وقهر الرجال

حياتها الي ضاعت وماتقدر تعوضها في هالسن

عيالها بيلهون بحياتهم و

مابقى لها الا زوجها واختها الي هم سبب صدمتها

أختها الي ربتها وتفانت بحبها

ولو كانت مقصره أو أنه يبين أنه ما كان متقبلنها ومتعوده على حياة المشاكل

يمكن يكون تأثير الصدمه عليها أخف

لكن كانت عايشه حياة العشاق ويا زوجها



بنظري

أقل شي ممكن يصير فيها جلطه

ناس تصير لهم إذا خسروا فلوسهم

وهذي خسرت حياتها على كبر



بصراحه عني وايد تعاطفت وياها وحسيت النهاية واقعية



:8:

 

[زهـــور]

هي ما ماتت اول ما اكتشف الموضوع عشان نقول صدمه
هي ماتت يوم حققت هدفها ورجعت البيت
ماتت وهي تقول لا احد يحط عينه بعين ثنيان لا تكسرونه هي ماتت ضعيفه دام ماتبي تشوفهم ليش جت قبل يطلعون من البيت اذا فعلا تبي تتجنب الموقف
تناقضات عجيبه وسواء ماتت قهر منه او رحمه برضو ماتت بسببه يعني عشانه يعني عطته اهميه سلبيه او ايجابيه مايستحقها
مايموت لفقد مال الا عبد الدينار
وما يموت لفقد رجل الا عبدته
الحب المعتدل مايجي الا بخير وما زاد عن حده انقلب ضده

 

[شذا الليل]

فكروا بنات 40 سنة زواج عمر طويل ينقضي من حياتنا ويصير الرجل مثل الطفل أو يرجع لمرحلة الشباب وتأتي المرأة المشغولة بهموم اولادها لتفآجأ بان زوجها يحتاج لزوجة تعتني به ومل من المشاكل عشان جذا كل وحدة تزوج ولدها تخليه يسكن برع بيتها وتعيش لنفسها ربتهم وزوجتهم وبعد تحاتي مشاكلهم أظن خلاص يكفيهم اهتمام

خذوها عبرة واتركوا عيالكم لحالهم واهتموا بنفسكم عشان ما بعد 40 سنة زواج يرمج زوجج ويدور على غيرج

 

[جنـــــــان]

هي ما ماتت اول ما اكتشف الموضوع عشان نقول صدمه

هي ماتت يوم حققت هدفها ورجعت البيت
ماتت وهي تقول لا احد يحط عينه بعين ثنيان لا تكسرونه هي ماتت ضعيفه دام ماتبي تشوفهم ليش جت قبل يطلعون من البيت اذا فعلا تبي تتجنب الموقف
تناقضات عجيبه وسواء ماتت قهر منه او رحمه برضو ماتت بسببه يعني عشانه يعني عطته اهميه سلبيه او ايجابيه مايستحقها
مايموت لفقد مال الا عبد الدينار
وما يموت لفقد رجل الا عبدته
الحب المعتدل مايجي الا بخير وما زاد عن حده انقلب ضده

شفتي شلون
هذا الغلط

لانها حبته حب اكثر من نفسها
وما قدرت تعيش من دونة كانت الصدمة عليها قوية
الدليل مع هالب الاعمى والثقة والتضحية ما قدر
فكانت توقعة من اسلوبها وحبها له تلاقي حب يبادلها لكن اثنيان لا
يعني العيب منها ومن ثنيان ومن نادية كلهم مشتركين بالغلط
اكبر دليل انها عاشت له وتحبة حب اعمى
بعد ما طلقها ضعفت وتروح له المكتب وما ادري ايش
وفي الجمعية تحسين انها ضايعة ومب مشغولة بغيرة

وعلى سالفة المقطع الأخير هي جلست عند الباب على امل يحن عليها وعلى عيالها
وتدري انه داخل البيت وبيطلع
لكن شتقولين فالرجال الزفت ولا الأخت الحقيرة بعد لابسة قصير وما سكتة
مالت عليهم
ويعني شالفايدة لما يرجع او يعود يحبها

بصراحة انقهرت وكرة ثنيان ونادية
واكره اي وحدة على شكل نادية وهم كثير هالاياااام ​

 

[لاريسيا]

راجعة لكم

************************
http://www.niswh.com/vb/showthread.php?t=276237


انظموا معانا بدردشة المتفائلات بالحمل
وخلنا نسولف وندردش ونفيد ونستفيد من خبرات بعض وننسى الحمل ونعيش احلى عرايس
​

(( اش علينا من الناس وش على الناس منا ))

خلنا نشوفكم بالتجمع وندردش ونتعرف ع بعض​

​

 

[أسرار حياتي]

المسلسل من واقع الحياه للأسف

ولكن الناس مايحبون حد يكشف عن الاوراق الواقعيه

مع انه بالعكس شي لصالحهم



المسلسل جداً رائع وكل شي فيه اوكي

انا في البدايه ماحبيته لان حسيت فيه مثاليه زايده

بس بعدين لما الكل انكشف على حقيقته وانعرف كل واحد

حسيت انه بالضبط نفس واقعنا اللي نعيشه

واهم شي ان الكل يستفيد من هذا العمل في حياته بشكل عام .



لاريسا .. شكراً لكِ