مواقف حسن التصرف <قصة خالد وزوجاته منى وابتسام

  • بادئ الموضوع بادئ الموضوع ..ضباب..
  • تاريخ البدء تاريخ البدء
خالد يستجيب لمكالمة من امه
ويدلف للبيت ليحس بجو غريب
العائله مجتمعه
والكل يرحب به وينظر اليه
سعاد تركض بالدله لتصب فنحال من القهوه لاخيها
ومنيره توزع الحلوى عليه وهي تغمز بعينها له:22:
ام خالد وبحظنها محمد
ابو خالد يبدا بالكلام:يابو محمد
خالد يستغرب اللهجه الجديده من ابيه
خالد:سم ياتاج راسنا..
ابو خالد:يسلم راسك..تدري ياولدي ان الرجل بلاحرمه مثل الخيمه بدون عامود
ومثل الجسد بدون الراس
ومايعمر بيت بدون الحريم
وينظر لام خالد بحب..
وحنا بصراحه ياوليدي موب عاجبنا جلستك بدون حرمه تحوفك وتداريك
واصابعك ياوليدي مو سوا ..وربي يقطع من هنا ويرزق من هنا
ولعل تجربتك الاولى ..زودتك خبره بالحريم اكثر.

ام خالد تتدخل:حنا ياوليدي تشاورنا بموضوع زواجك
خالد بدهشه:زواجي؟
ام خالد تومئ براسها:اي ياوليدي..انت ياوليدي موب صغير
وحنا نبي نفرح فيك..تشاورنا ونبي نسمع رايك؟
خالد:الشور شوركم..
ام خالد:ياوليدي حنا اخترنالك ام محمد والله ماكتبلك تكمل معها
ومانبي نغصبك على وحده ثانيه يمكن ماترغب فيها
خالد لابيه:انتم فصلوا وانا البس..
سعاد تتدخل وتضحك:اموووت بالذراابه انا..:31:
خالد ينظر بحده لسعاد بصمت
ابو خالد:حنا جبناك عشان تسمع شورنا وراينا..
ورضاي عليك لو ماعجبك الراي تقول لا..
خالد باحترام:الراي رايك يابو خالد
منيره تكتم ضحكه وتنظر لخالد:الا اكيد ياخالد الراي اللي بيرضيك..وانا متاكده..:22:
خالد ينظر بتساؤل لابيه وقلبه يدق بعنف
ابو خالد ينظر لام خالد في اشاره ان تكمل الحديث
ام خالد تلتفت لخالد:خالد
خالد:لبيه
ام خالد :تلبي بمكه حاج..وشرايك بابتسام خوية سعاد؟؟؟
خالد يكاد قلبه يتوقف من فرط الفرح:ابتسااام؟!!
منيره:ماقولك خوش راي..وتضحك
سعاد :الف الصلاة والسلام عليك ياحبيب الله محمد ..كللللوووش
وتمسك بصينيه القهوه وتغني :الف مبروك افراح واماني
زواج سعيد ونزف التهاني...
ام خالد تصرخ على سعاد:اركدي يابنت..خلينا نعرف راي خالد اول..
سعاد بضحك:مايحتتاج طالعي وجهه شلون فههى...
ابو خالد بصوت عالي :اسكتوا كلكم ..ويهدئ صوته:وشرايك ياوليدي ..
انا البنت سألت عنهم من بعيد ..والكل يثني عليهم..عايله محترمه ومستوره
خالد يتذكر ابتسام الجميله يقوم ويقبل راس ابيه:ابشر بعزك..
ويقبل راس امه وسط موجه من الزغاريد من منيره وسعاد
__________________
يتبع...





​
 
ألف ألف مبارك لخالد و إبتسام,,
راح أجهز لهم أحلى باقة ورد,,
والحمدالله عندي فستان جديد أحضر بيه,,
 
مكعبات سكر
دمك عسللللللللللللل
هههههههههههههههههههه

ضباب اصبحت مشهورة في المنتدى
مين مهند و نور يابا ؟؟؟
ابتسام و خالد و بسسسس
 
مكعبات سكر هههههههههههههههههههههههههههههههه
وربي انكم تووحفه وعسولين
فدييييتكم​
 
للللللللللللللللللللللللللوووووووووووووويييييييي

صغرررررروطه يا ولاد

هياااااااااا كل وحده تسح لي عنوانها مستاجره باااااص با مر عليكم :31:

مبرووووووووك وعقبال البكاري

يا ويلللللللللللللللللي مسكينه منو والله حزينه عليها اش با تسوي اذا عرفت بالفاجعه :e076::mad:

احسن من اول وهو يحاول فيك بس الخير ما هو يمك
 
بصراحه قصه في غاية الروعه تسلم اناملك .

بصراحه منى تستاهل تجاوزت حدودها ومن تغلى يخلى زودت في التغلي ومافي شي يعجبها ونكديه مالت عليها .
ومنيره غلطانه انها شعللت وفتنت بينهم هذي ماهي طريقه لكن حريم يعرفن كيف ينتقمن من بعض .
اهله ناس اجواد وفيهم خير ماتستاهلهم .
وخالد شخصيه روعه واحس ان اي زوجه شاطره تعرف كيف تكسبه وبسهوله لكن هذا مايعطيه الحق انه يخون وكان بامكانه انه ينبه منى لاخطائها مو يجاريها لان الشخصيه اللي زي شخصية منى اذا لقت من يجاريها تتمادى وتزيد عيوبها . في انتظار النهايه بفارغ الصبر..............................
 
مكعبات سكر
خلي الباص يمر علي بامريكا بالله عشان احضر العرس

هيني رحت المول اجهز حالي بشويه ملابس و اكسسوارات
و لعيون كل اللي في الباص احلى هدايا
 
وأنا جاهزة,,ولابسة,,ومتشيكة على الآخر,,
لا تنسوا مروا عليّ,بجدة غير,حياكم الله,,
متـــــــــــــــابعة بكل الود,,
 
والله ان ردودكم فلة وضحكة وحماس تفتح النفس هههههههه
بجد احس انه حقيقة
حبيبتي ضباب لا تتأخري علينا ما نتحمل ابغى اشوف ردة فعل منى​
 
تتم الموافقه على خالد من قبل اهل ابتسام
وتتم الملكه
وتبدأ التحضيرات للزفاف الذي تحدد بعطلة الربيع
كانت ابتسام تصر على ان تتسوق مع منيره وسعاد
لدرجه ان تأخذ رأيهم بفستان الزفاف
وحتى الذهب تستشير ام خالد فيه..
الكل كان فرح ومبسوط ..وخالد لايسمع سوى الثناء والمدح على اختياره
لم يكن من عوائدهم ان يكلموا بعض خلال الملكه
لذلك كان خالد في اشد الشوق لرؤية ابتسااام
________________
ابتسااام كانت بقمة الفرح وتعد الايام وهي تترقب الزفاف
_________________
منى تسمع بزواج خالد ...وتتألم بصمت
وتحاول تخريب الزفاف
ترفع منى قضيه وتطالب بحظانة طفلها
يتدخل اهل خالد ويقولون للقاضي بانها تنازلت طوعا عن حظانته
منى تشدد على انها كانت بحاله نفسيه اثر وقوع الطلاق
والان هي بكامل اهليتها لتربية طفلها
تحدث مجادلات بين اهل خالد ومنى
ويتم الحكم لمنى بحظانة طفلها مع وجوب النفقه عليه
_______________
كان يوما حزينا حين جائت ام منى لتنزع محمد من احظان ام خالد التي تبكي لفراقه
بعد خروج محمد
تلتفت ام خالد لترى العاب محمد مرميه على الارض
لم تحتمل اكثر فيغمى عليها..
يأخذوها للمستشفى..
يقرر الطبيب ان ترتاح عندهم يومين
سعاد ترافق مع امها
______________
في اليوم الثاني يزور خالد امه ومن خلف الستاره
يسمع صوت ناعم ورقيق:ماتشوفي شر ياخالتي ..طهور ان شالله
ام خالد بصوت واهن:الشر مايواجهك..تسلمين يابنتي..انتي اللحين عروس والمفروض تتجهزين وتفرحين بعرسك..
ابتسام:الفرح لما ترجعي لبيتك بالسلامه..عز الله بيكون اسعد من يوم فرحي
ام خالد:الله يفرح قلبك ..وينور دربك..
سعاد :ماعليك من ام خالد تتدلع علينا شافتنا مشغولين بالعرس وحبت تسوي اكشن عشان نذكرها
يسمع خالد ابتسام توصي سعاد:الله الله بخالتي ..اياكم احد يغثها بكلمه ..او يكدر خاطرها..تراها راس المال..
سعاد تضحك:وربي حسيتك ام سعود العجيز..اقول طسي بس لانتف حواجبك الشقر..ترى وراك عرس يمال الدلاخه
يتنحنح خالد:يمممه
ام خالد:هلا هلا تعال ادخل
سعاد :تعال ماعندنا الا حرمتك هههههه
ابتسام تقرص ذراع سعاد
يرفع الستاره ويدخل خالد يسلم على الجميع
ابتسام تقبل راس ام خالد:تطلعين بالسلامه ان شالله..توصين شي
ام خالد:الله الله بنفسك يابنتي ..وماله داعي يابنتي انتي اهتمي بروحك وماعليك مني ..
تستاذن بالخروج
وحالما تخرج يلحقها خالد
خالد:ابتسام
ابتسام تجفل:وبخجل :هلا
خالد:كبرتي بعيني..الله يرضى عليك..
ابتسام بصوت هادئ:ماسوينا الا الواجب..وخالتي ..غلاها مثل غلا الوالده
خالد:وانتي غاليه على بعضهم..ويقصد نفسه
تحرج ابتسام وتلف لتسير عبر ممر الخروج خالد يراقبها بنظرات الاعجاب والحب
ابتسام تحس ان عبائتها الواسعه تضيق عليها من الخجل
_________________
يتبع..


​
 
الله يسعدك والله اني اقراء واحس اني مبسوطه تقولين انا اللي راح اتزوج هههههههههههههههه
 
لا انا مش مبسوطة صحيح ابتسام ملهاش زنب بس منى طيبة كان ناقصها شوية لين مع خالد واهلة
 
وربي ردودكم قمممممه
هههههههههههههه
يالبى قلوبكم ​
 
وه وه وه على الحب شو بذل تجنن هالحظاااااااااااااااااااات
تسلم ايدك حبيبتي كملي لايوقف
 
مساكِ أفراح و مسرات,,
ماشاءالله,,
الحياء,,وما أجمله من خُلق,,الله يسعدها إبتسام,,
وصباح الخير منى,,ولدك أخدتيه,,بس اللي جرحتيهم بإسلوبك,وإعتنوا بولدك,,
الله المستعان,,
متـــــــــــــــــابعة بكل الود,,
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل