مواقف حسن التصرف <قصة خالد وزوجاته منى وابتسام

  • بادئ الموضوع بادئ الموضوع ..ضباب..
  • تاريخ البدء تاريخ البدء
أحسسسسسس منى معدله ترفع لي الضغط !!! ​

من جد أسلوبها يقهرررررررررر , يا ليتها بدل التسنع في الطبخ , ​

عدلت أسلوبها , وحسنت ملافظها .... ​

(( يا الله نور قلوبنا والسنتنا ولا تجعلنا نقول شيء ونبتلى بمثله , يالله يا كريم )) ​


___ الله يوفقك أختي ___ ​

متابعة بإذن الله معك ​
 
منى مرة نرفزتني
كانها حساسة زيادة عن اللزوم
كملي ضباب
متابعينك يا غالية
 
ابداااااااااااااااااااع منقطع النظير
يلا كملي بانتظارك
 
يحببتي غير من اسلوبك حلو من الرجال انه يعترف بغلطه ويتاسف انازوجي ولايعبرني
 
في الشهر الخامس
وفي صباح يوم خميس
منى تتصفح الانترنت
على ازياء الحوامل
[




تقرر منى انه آن الاوان لكي تتمتع بحملها وترتدي ملابس خاصه
بما ان الوحام انتهى وانها قبل يومين فقط استلمت راتبها واليوم اجازه
*
كانت الساعه تشير للعاشره والنصف
وخالد لايزال يغط بالنوم
لم تحتمل اكثر من ذلك
تتوجه لغرفة النوم وتصرخ :خاااااالد قوووووم يلااااا
وتهزه بعنف
خالد يفتح عينيه ويتثاوب بكسل وبصوت ثقيل:كم الساعه؟
منى بزعل:الساعه 11 وانت نايم حسافة الاجازه راحت وحضرتك نايم
خالد يهز راسه ويقوم من السرير :ليه ماقومتيني
منى بعصبيه:تقطع لساني وتشرخ حلقي وانا اصحيك وانت تقول ميت
خالد :جهزي الفطور
منى:الفطور من الساعه 8 جاهز و50 مره اصخنه
يدخل خالد الحمام(تكرمون)
ومنى تعيد اعداد الفطور
*
يدخل الصاله خالد ويشغل التي في ويبدا بالافطار
منى كانت بغرفة النوم تجهز عبائتها
خرجت من الغرفه وتوجهت نحو خالد ووقفت عند راسه
منى:خالد اذا خلصت ابي اروح السوق
خالد:يالله صباح خير
منى:تدري اني استلمت راتبي وابي اشتريلي كم غرض
(منى في بداية زواجها اعتمدت على مصروفها في شراء حاجاتها الشخصيه )
خالد يصمت
منى :اليوم اجازه وبصراحه لازمني ملابس حمل بطني بدا يكبر وضاقت تنانيري وجنزاتي علي
خالد :خليها بكرى بعد صلاة الجمعه
منى:لابكرى باسير على اهلي
خالد:ماشالله خططتي ودبرتي وانا اخر من يعلم
منى بعصبيه:خالد انا ماطلبت منك شي ابيك بس تقطني بالسوق
فيها شي هذي:30:
خالد بغضب :كثر بربرتك روحي البسي عباتك
_________________
في السياره
خالد:اي سوق تبين
منى:اي واحد بس بسرعه قبل يسكرون
خالد:امشي على عماي يعني خلصينا اي واحد
منى:طيب وشفيك منرفز كلما قلتلك ابي السوق هبيت بوجههي
خالد:مو انتم مايهنالكم الا تعكرون المزاج بالويك اند
منى:وشقلت ياربي ابي سوق ابي ملابس حالي حال اي وحده حامل كفرت يعني:30:
خالد صمت​

--------------------
تدخل منى السوق وهي معصبه
_____________
خالد في هذه الاثناء يفرفر بالشارع
يرن جوال خالد رقم غريب
خالد:الو
صوت ناعم ورقيق:الو
قلب خالد يخفق بقووه
خالد:منو معاي
الصوت الناعم:بغيت ام شوق لو سمحت
خالد:هذا مو رقم ام شوق
الصوت الناعم بضحكه طفوليه:ههه اسفه يمكن غلطت بالرقم كالعاده
خالد:طيب حصل خير
الصوت الناعم:اوكي مع السلامه واسمحلي عالازعاج
خالد ينعم صوته:ابد مامن ازعاج ومع السلامه
الصوت الناعم بنعومه اكثر:بااااي
ويقفل الخط
اجتاح خالد شعور غريب
واحس بنفسه معررق ويرجف
اثر به الصوت ايما تاثير
شغل مسجل السياره على اخر صوت وانسجم مع الاغنيه
بدا يتخيل شكل صاحبة الصوت
انثى ناعمه رقيقه طفوليه
twc33278.jpg

لم يمسح الرقم بل ابقاه في جهازه وهو لايعلم لماذا يفعل ذلك
ربما شعور بالامان
بعد فتره رن جواله
كانت منى
خالد:هلا
منى تصرخ:وينك انت المحلات سكرت بسرعه تعال
خالد:طيب
_________________
تركب منى السياره وهي محمله بالاغراض
وتتحلطم
خالد:ماشالله ماخليتي شي
منى:كله منك قمت اشتري اي شي اخاف يسكرون علينا
لو صاحي بدري كان شريت برواق وعلى مهلي
_______________________
في البيت
تعرض منى ماشترته عى خالد
خالد:حلو اختيارك يلا البسيهم ابي اشوفههم عليك
منى:بعدين الاحين دااايخه وتعبانه
خالد:مداك تتعبين
منى :اكيد باتعب تحسبني مثل اول
خالد:ابيك تكشخين بلوردي عشان نبي نزور اهلي
منى:الخميس اللي فات وحنا عندهم
حلاوه يعني كل خميس وحنا طابين عليهم
خالد:اختي منيره مسيره عليهم
(منيره اخت خالد الكبيره تسكن بمدينه اخرى )
منى:وخير ياطير اول مره تسير يعني
خالد:وشفيك انتي ماتفهمين اقولك منيره تقولي وخير ياطير
بالله من متى شايفتها انتي؟
منى:تو مامدى ملامحها تغيب عن بالي
خالدبعصبيه :احترمي نفسك والزمي حدودك الا هلي
فهمتي ولا لا؟
والليله بنسير عليهم غصبن عنك
وتوجه نحو الباب وقال:انا باروح اجيب غدا
منى بصوت عالي:لاتحسب حسابي:30:
خالد يخرج
منى تبكي وترى الملابس المكومه امامها
وتاخذ الوردي لتقيسه​


__________________
يتبع...​
 
مساكِ ورد,,
مشكورة,لهذه القصة الواقعية المنطقية التحليلية,,ماشاءالله تبارك الرحمن,,
لذي الدرجة الصوت العالي بزوجهاالغالي,في كل شيء,وتذكيره إنو لازم يراعي حالتها,,
وين جانبها الأنثوي,أقله لذاتها,وبدون كثر عتاب,,
صار خالد,,يشوف سيئات,مو إيجابيات بمنى,,
متــــــــــــــابعة بكل الود,,
 
مبدعـهـ حيل مآشآءالله عليك
وعندك اسلوب مميز ومشوق في سرد القصه
بآنتظآرك لآتتأخرين
وانآ انبسطت منك كمآن لمآدعيتي بالحمل للمحرومين
وهذي منى ماعندها قدرة على السيطره لأعصآبهآ
 
ياربي منى هذي يبغالها تهزيئ شديد حتى تصحى من النكد اللي معيشه نفسها وهي ماهي حاسه بشي

تنرفزت من اسلوبها
 
في بيت عائلة خالد
كانت العائله مجتمعه بمناسبة وصول منيره اخت خالد

كان خالد يعز منيره جدا فهي اخته الكبرى
توجه الرجال للمجلس بينما جلست النساء بالصاله
منيره تحاكي منى:وشفيك يامنى مستعجله على ملابس الحمل ههههههههه
منى:ملابسي ضاقت علي واشتريت اليوم ملابس للحمل
منيره:بس بطنك مرره صغيره
منى بتهكم:احسن عشان ماسمن بعد الولاده وتنظر بنص عين لمنيره السمينه قليلا
تتدخل سعاد اخت خالد الصغرى:اقول منى للان ماشيكتي اذا ولد او بنت
نوره الاخت الصغرى لخالد:يارب بنووته عشان ادلعها مليت من الشياطين اللي عندنا (وتقصد ناصر وحمد اخوان خالد الصغار)
منى:والله يانوره انا خاطري بشيطون صعنون
ام خالد:اللي يجي من الله حياه الله
كلهم حلوين اهم شي يجي بخير
منيره : وراك نحفانه ووجهك مسمر يقول خالد انك ماتتغذي زين
منى في نفسها :حتى هذي قلتها
وبصوت عالي: انا وحامي صعب والحمدلله هاليومين بدت نفسي تنفتح
ام خالد:ايه يابنيتي تغذي زين ترى الحامل تاكل عن اثنين
منى:ياخالتي ترى المعلومه هذي غلط
الطفل ياخذ حاجاته الاساسيه من الام
منيره:البلا لاصارت الام نحيفه وماتتغذى يجي ولدها نحيف وتعبان
منى:حتى لو سمينه وماتكل اكل صحي بيجي تعبان ونحيف
سعاد:على كذا بيجي ولدنا نتيفه
منى:الحمدلله انا اكل الفيتامينات والحديد وباديه اكل سلطات وفواكه
والثلاجه مليانه منها
منيره:خالد فديته مايقصر من صغره وهو كريم
ام خالد:اشربي حليب ولبن تراهم مفيد يابنيتي
نوره:ايه عشان لو بنت تطلع بيضا مثلي هههههههه
يضحك الجميع
ومنى تتاكل في نفسها من العصبيه
_____________________
في السياره وفي طريق العوده
خالد:عساك انبسطتي
منى بتهكم:بالحييل
خالد:ضحككم واصل للمجلس
منى:امحق ضحك اضحك والقلب مجروح
خالد:وراك؟
منى:منيره الله يهديها بس تغالطني وتقط نغزات من اول ماجلسنا
وحتى نوره النتفه تقول ابي بنت وشدخلهم بعد ولدي ولا ولدهم
خالد:ايه والله متى نعرف اذا بنت او ولد
منى:بالشهر السادس
خالد:تصدقين وودي ببنت بس العيال عز
منى:بصراحه وودي بولد عشان تصير ابو فلان وتكسر عين كل عدو
خالد:الولد والبنت كلهم واحد
اهم شي يجون وهم بصحه وسلامه
منى بنرفزه:ترى ادوشتونا تقول اني عايشه على المغذي
اففف ماصارت سالفه
خالد:وشفيك هبيتي فيني؟
منى:من جلست لما طلعت وماغير سالفتهم بطني ووجهي
وانت ماقصرت نشرة الاخبار على طول تمدهم بالاخبار المباشره
عني
خالد:استغفر الله بس
خالد يغير وجهة الحوار ويقول:منونتي
منى :خير؟
خالد:الخير بوجهك الحلو
وشرايك لو جاتنا بنوته نسميها شوق
منى تعدل جلستها:خير وشالطاري على اسم شوق
خالد يرتبك:اليوم نسولف بالمجلس وعبدالله زوج منيره يقول ان خويه جاتهم بنت سماها شوق
(طبعا السالفه كذب في كذب بس يبي يرقع لنفسه)
منى:اها ..امم بصراحه اسم شوق مش بطال بس اكيد فيه احلا منه
خالد:المهم نحطه في اللسته
منى:اشوفه عاجبك بالحيل
خالد:بصراحه اي عجبني تحسين وانتي تنطقينه بلذه وعذوبه
كانه لحن ونغمه من قصيده
شــــــــوقـــ
وبعدين شوفي تركيبه مع اسمي مرره حلو
شوق خالد
منى:الله الله مداك تخليه قصيده ولحن مابقى الا تغني بعد
خالد:هههههههه وشو اغنيي الله يرج ابليسك
منى ينغزها قلبها
وتحس باحساس غريب ومؤلم
بان اسم شوق خلفه حكايه
وتدعو الله من اعماق قلبها ان تتحقق امنيتها بانجاب ولد

--------------------------
يتبع..



​
 
كملي ولي يرحم والديك لاني احس انه بيتزوج الي دقت الغلطانه واسمها ابتساااام خخخخ حرقت الفلم عليك
 
زوجة نكديه والزوج يطفش منها اكملي عزيزتي قصه واقعيه تحصل دائما وبعدين الزوجة تتحسف وتقول ليت ارجع الزمن واتغير
من المتابعين بشوق
 
السلام عليكم

مشكورة يااخت ضباب على هذه القصة الرائعة
وانا لو كنت بمكان زوج منى كان طلقتها من زمان ههههههه
 
مرررة رائعة القصة واحسها تلامس الواقع كثير شمالية كلها اوامر وعصبية مع جنوبي حالم ودود
 
أوف احترقت اعصابي منها لأني كنت غبية زيها في بداية زواجي
كملي الله يعين على الي جاي
 
ووااااااااااااااااااااااااااو بطت كبدي منى حسيت انها اسم مره وخشونه رجال ...
لاانوثه ولادلع وفاهمه الناس غلط وتحس كل الناس اعداء لها ..
والقاء الاوامر تقل عسكريه..
وخير ياطير تتلطم وتطبخ وهي متوحمه ليش ماترتاح وتدلل نفسها وتخليه يدبر عمره يايطبخ او يجيب من برا..
وعلى كذا كيف تنتظر دلع وحب من خالد وهي ماحبت نفسها ولادللتها..
وين الانوثه والهمس والصوت الانثوي حسيت انها عسكري خخخخ
الله يعينها على روحه
 
ماشاء الله ابداع ...بوركت وبورك قلمك المبدع...


أسعدك المولى... فعلا فيه شخصيات كذا

اللهم عافهم ولا تبتلينا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل