مواقف حسن التصرف <قصة خالد وزوجاته منى وابتسام

  • بادئ الموضوع بادئ الموضوع ..ضباب..
  • تاريخ البدء تاريخ البدء
وه ياقلبي وه وه ياااااااقليبي:e136::icon26::sadwalk:

مكفوخه ياضباب مكفووخه:a115:

ااااه ااااه حتى انتي يامنى بقسين على شلوتي احمدي ربك جعلك الوجع:eek::mad:

خويليييييييييد انت شلوتي وركبه وسط بطنك جعلك الماغص رجعت للهيلقيه ذي وليله حمراااااا ياسلام ليتك تدرين يامنو:eek::a043:

وه وه ياقلبي بجد تعبت تدرين بروح مشوار ولو رجعت وما لقيتك كملتي القصه بحشقك في الزاويه:a049:

بطله صح ههههههه اقلد منى خلاص تقمصت الشخصيه هههه:a084::a084:

تسلمين ياالغلا وربي رووووووووووعه
 
صراحه منى ترفع الضغط الله يهديها مره جافه وخالد ماشاءالله عليه واسع صدر بس اكيد راح تاكلها على راسها
 
منى تنتظر ايضا
عودها خالد ان يبدا بالاعتذار حتى لو اخطأ
ولما يأست ترسل له مسج عتاب قوي
ألي يصد وهاقي اني الاقيه
اقطع لساني لو لساني يحكي به..
والي يصد وشاف جرحي مسليه
عندي حضوره يشبه غيابــــــه..

خالد يتلقى المسج وهو فالطريق
يهز راسه باسف
ويرد بمسج لمنى:
اجرحيني ثم روحي
مادام
الحب راح
لاأنتي أول من جرحني
ولا آخر
من يــروح
لاخسرتي عاشقك!
لاتحسبينه..
"نجــــاح"!
جيت أعزي فيك قلبي
وجا قلبي
ينــــوح
في مهب الريح
يامعاكس أمواج
الـريــــــاح

منى تتلقى المسج الأليم
وتبكي بحسره
_______________________
خالد يحس بالراحه اكثر ويبرر لنفسه
ويحملها وزر خيانته

يقضي خالد ليلتين مع دلال
ويعود
في الطريق
كان يقود السياره باقصى سرعه
رن الجوال ولما انتبه له غفل عن الطريق
ولما رفع راسه وجد سياره تسير بسرعه امامه
انحرف عن الطريق بقووووه وكاد ان ينقلب لولا رحمة الله
________________
يوقف السياره وهو يتنفس بصعووبه وقلبه كاد ان يقف
جلس قرابة ال5 دقائق دون حراك
تجمع الناس حوله :سلامات سلامات ..الحمدلله ماصارلك شي
فتح الباب عليه رجل ملتحي واطفئ المسجل
امسك كتف خالد المرتجف وقال:الحمدلله ياخوي على سلامتك
نظر خالد للشاب الملتحي بنظرات خوف
الشاب الملتحي يبتسم في وجه خالد :باين عليك صالح وطاهر قلب
وهذه انما هي موعظه من الله لك ..الله يهديك
تجمهر بعض الناس يعرضون عليه المساعده ولكن خالد يرفض ويشغل السياره ويعود لبيته
بقلب اخر
________________
يتبع...
​

 
الله يعطيك العافية قصة روعة الحمد لله يليل الله بعت هالتنبيه لخويلد لكن ليلة حمرا وخضرا
 
عبودي دنيتي ههههههههههههه
فديت تكفيخج
يابنات لاتستعجلون عالنهايه اعتبروه مسلسل<<خافت من التكفيخ خخخخخ​
 
اووووووووووو وف ياهومسج قوي من خلللود بس احسن خلها تنتبه
 
قصه في منتهى الروعه
وتلمس كثير من زوايا الحياة الزوجيه ومشاكلها
ارجو عدم التاخر في التكمله
 
قتلنا التشويق

عشنا معك القصة كانها واقعيه

انت رائعه تنفعي سيناريست
 
ضباب
هل القصة من وحي خيالك؟
تبدو تفاصيلها الدقيقة انها قصة واقعيه
 
شكلو التزم وقرر يتزوج بالحلال خليها الجنوبي اذا ما احتويتيه يطيييييييييييييير في مهب الريح
 
قصة رائعة يعطيك الف عافية
تحكي تفاصيل الحياة لكثيرا منا
منى حاطة في بالها انه محتاجها ولازم دائما هو الي يراضيها
احس الي شمالية وتتزوج جنوبي دائما يحصلها الي حصل لمنى الا الي تتدارك نفسها بدري او هو يطول باله عليها
رائعة ياضباب اكملي ونحن نتابع
 
مساكِ جوري,,
ماشاءالله عليكِ,,الله يعطيكِ ألف عافية,,
وألف سلامة لخالد,,ومنى,,إلى متى الصدود,,إلى متى عدم مراجعة النفس مع زوجها الغالي,,
متــــــــــــــابعة بكل الود,,
 
ضباب باقي كثيررر ...جالسه اتخيل وش بيصير
والله صرت اتخيل اشكالهم
 
يارب الحمد لله ما راح فيها خويلد ولو انه يستاهل على فعلته

بس هذا الله حابه هلي جت هذه الحادث كتنبيه له عساه بس


يستفيد ويتنبه ويتعدل حاله ويبتعد عن الحرام

تسلمين يا الغلا كملي بارك الله فيك بس يا ليت تكبرين الخط شويه


وتعطينه لون اخر​
 
اما منى يبغالها كف يصحيها صدق جلفة احد عندة زوج مثل خالد ويتغلى
 
اكملي قصه راائعه واغلبها للاسف انا اسويه نفس حركات منى الله يستر بس
 
خالد يحس بضيقة صدر في بيته
يتصل على اخته منيره
منيره:ارررررحب
خالد بصوت حزين :هلا منيره وشلونك وشلون العيال وابوهم؟؟
منيره:الحمدلله كلنا طيبين..انت شلونك؟
خالد:بخير الله يسلمك
منيره :وشفيه صوتك مو عاجبني ..صاير شي بينكم؟؟
اعرفها منى الله يهديها طويلة لسان..
خالد:الا اقول..ياإني مشتهي كبسه من يديك الحلوه
منيره بفرح:ابششششر.. انت تامر امر؟
خالد:الليله امرك..بس مابي احد يدري..
منيره:..يالله انك تحيييه..
*
تغلق السماعه
وتكلم نفسها:اقطع يدي ان ورى هالاتصال انً
وتبدا الهواجيس تجتاح صدر منيره
ترفع الهاتف وتضغط على رقم منى
منى:الو
منيره:هلامنى وشلونك وشلون امك والبنات..وشلون حمودي فديت دلبو؟
منى بصوت منرفز:الحمدلله كلنا بخير..وانتي شلونك وشلون عيالك؟
منيره:ابد نزقح ..
منيره:وشلون نفاسك ..عسا الخياطه تمام
منى لاتحب احد ان يتدخل بامورها الشخصيه
منى:الحمدلله ماشي الحال
منيره تعطي نصائح لمنى ومنى تبعد الجوال عن اذنها وتتهكم بسخريه
على كلام منيره
تعود لتلتقط اخر كلمات منيره
منى:ان شالله يصير خير
منيره تحس بانها ثقلت على منى
منيره:الا اقول يامنى..بيجيكم خالد اليوم
منى بغضب :والله هالادمي ماينعرفله..ماتقول عنده ولد..صارله غاط من اسبوع
منيره بدهشه:افا عسى ماشر؟؟
منى:وشدراني عن اخوك البزر..ياكرهي لاقام يتدلع دلع البزران
منيره تبلع الشتيمه بقوة اعصاب وتكمل:وليه وشسوى الغالي؟
منى تنقهر بزياده وتكمل:غريبه ماتدرون يعني..خبري فيه وكالة انباء
منيره تضحك لتلطف الجو المكهرب:وشوكالته الله يهداك..علمي فيه من ذاك اليوم اللي سيرنا فيه عليك عقب طلعتك من المشفى بالسلامه
منى تحرج جدا من الموقف..فقد كانت تظن ان الكل عرف قصتها مع خالد
منيره تكمل:خير ..صاير بينكم شي..قولي ياوخيتي واعتبريني اختك
منى :اكيد اعتبرك اختي الكبيره وتشدد عليها
بس مابيننا الا الخير شوية مناوشات ودلع فاضي..
منيره تضحك بغصه:ياختي الرجال مايجون الا بالسياسه
ترى عبدالله يعدني امه ..حتى انه ماياكل دواه الا من يدي
منى:وخير وين عايشين..هو ماله يد ياكل فيها وشذا الدلع الماصخ اللي مال اومه داعي
منيره:وشنسوي الحرمه تبي تنثبر عند عيالها..خبرك البنات كثروا اللحين..وتشدد على هالكلمه بقووه
منى:قوليها لنفسك انا خالد مايبدلني بحريم الارض كلهم
منيره:يختي لاتوثقين بأي رجال..مالهم امان
منى:مدري عن رجلك اوما انا خالد صافطته بمخباي ..
منيره لاتحتمل اكثر وتغلق السماعه كي تتقي شر منى الغاضبه
منيره تهز راسها وتقول:الله يعينك ياخالد على هالحرمه اللي لسانها اطول منها..معلوم ليه ضايق ..اجل منها ومن لسانها
كسر خاطرها اخوها ..وذهبت للمطبخ كي تعد حلا للعشاء
_________________
يتبع







​
 
مساكِ عسل,,
بعدين ويا منى,,لازم من النرفزة,والموقف المحرج مع منيرة,,
متــــــــــــابعة بكل الود,,
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل