مواقفكم المضحكة ...... ليلة الدخلة .......؟

الحالة
مغلق و غير مفتوح للمزيد من الردود.
مواقف حلوه وذكريات جميله لا تنسى
 
عروووس ابوها غمى عليه عند باب الصالة ... والعروس ماا طااعت تدخل على الكووشة ,,, وتمت اتصيح ... ههههههههه
 
وانا في اللحظه الي كنت بدخل فيها الغرفه تميت اتشهد بصوت عالي
ههههههههههههههههههههههههههههههههههه
وكل عماتي وخواتي يضحكن من الموقف
 
طيري الأخضر
وقفت علي موضوعك حاره تأملت عباراته كثيره
لكن لم يحضرني إلا أن اسائلك أسلئه واتمني قبولها من باب الحوار فنحن في زمن المناقشات مالذي تستفيدينه من طرح هذا الموضوع ؟
اولا كلنا علي الفطره
وفطرتنا الحياه شعبه من الأيمان
وعرفت الفتاه بحيائها
فلا يليق بكي اختي وانتي كمشرفه تقودين هذا الصرح ان تطرحي مثل هذه المواضيع
اتمني ان تعيدي التفكير وتتأملين كثير طرحك هذا
دمتي بخير
 
بالعكس الموضوع كثير حلو ويوسع الصدر و ما فيه اي شيء يخدش الحياء ومرة اعجبتني المواقف المضحكة وكنت حابة اكتب مشاركة بس للاسف ما حصلتلي مواقف مضحكة في الدخلة ..... ولكي مني اختي الطير الاخضر جزيل الشكر على الموضوع الحلو والله وسعتي صدورنا ...
 
مشكورة طيري الأخضر موضوع مسلي بجد
أنا بصراحة يوم جاء يشوفني الشوفة الشرعية عطاني ~حلاوة بقر~ لا وحبة وحدة بس.......
ويوم الزواج تعبانة وما أكلت طوووول اليوم وبطريقنا للفندق سألني تبين عشاء ؟ومن الحياء قلت:لا
فاسيييييييدا على الفندق ونااااااااام!!!!!!!!!!!!!!!!!!!
 
تسلمي يا الطيري الأحضر على الأفكار الحلوه :icon31:

أنا بعد العرس طلعت أنا وزوجي على (السويت) أو الجناج إلي راح نقضي فيه ليلة الدخله في الفندق نفسه إلي سويت فيه العرس وكان نظام الأبواب في الفندق إنه يفتح بتمرير كرت خاص لكل غرفه لكن للأسف الباب ما طاع يفتح وتم زوجي ربع ساعه يحاول يفتح الباب لكن من دون فائده وأختكم تعبانه والبدله ثقيله والكعب ما شاء الله 10سم والساعه 2 بالليل وكل ملابسنا وحاجياتنا بداخل الغرفه فخبرني زوجي إنه نازل على الإستقبال علشان يشوفوا الموضوع فأنا قررت إني أخلع الحذا وأرميه على الأرض وجلست على الأرض في الممر وكل ما يمر أحد من سكان الفندق يطالعوني ويستغربون !! ووصلوا موظفين الفندق أخذ منهم فتح الباب أكثر من نص ساعه وأنا طبعا جالسه على الأرض :harhar1:

وثاني موقف لما أردت فك رباط (الجبونه) إلي تحت فستان الفرح وكان له رباط خاص والمشكله إنه الرباط إتعقد وما رضي ينفك وصار زوجي يحاول بشتى الطرق علشان يفكه ولكن من دون فايده والمسكين صار يقول إذا الرباط إمعقد ومب راضي يفك بقيه الليله كيف راح تمشي ؟؟:blush-anim-cl: إضطر بالأخر يجيب السكين إلي بالمطبخ ويقص الرباط :clap:
 
أختي طيري مشكووورة واااايد على الموضوع الحلو بصراحة ضحكت من قلب على كم موقف
وكان ودي أشاركم بس للأسف ما يحضرني شي سامحيني
 
يسلمو اختي عالموضوع الحلو الصراحة شي يونس القلب احلى من المواضيع الجادة اللي تعور القلب والواحد يستفيد من مواقف غيرة عشان لا تصير له
بس ادعولي انخطب وانشالله مايصير موقف محرج بس موقف يضحك واقوله لكم
يعطيج ألف عافية
يالله كل وحدة عقبي تدعيلي هيييييييييييييييييييييييييييييييييييييييييي:clap:
جزاكم الجنة جميعا انشالله
 
اختكم لها مواقف في الملكه مضحكه :nosweat:

اولا ساعة انزفيت واهلي امي و اخواتي متغطين و امه واخواته و بنات اخته الكبيره

واخت امه انا داخله وراسي للارض والكل سلم علي و انا ماشوف من الحيا :blushing:

فالاخ حب يهون علي الموقف قال : انا للحين ما سلمتك عليك

بغيت اصقعه كف عاد هذا الي نقص علي لكن اكتفيت اني غمضت عيوني :blush-anim-cl:

علشان ما اشوف نظرات الحريم و خليته يسلم دخت من الخرعه:cupidarrow:

فاخذني وجلسني على الكوشه و طول الليل عيني في الموكيت حقنا الين حفظته على بالي ابي اشوفه

واتعرف لكن ياحسره راح وانا ما اعرف وجهه و يسالني وش رايك فيني

قلت مملوح وانا وربي ما عمري شفته :e094:

ويم الح قلت ترا و الله ماشفتك قعد يقل ليه قام قال ابي ازوركم

ويوم جا جايب هديه طقم و اصر الاخ انه يلبسني و كانه ماكفاه الى بالملكه

و يوم قرب يلبسني العقد طول وهو قاعد يحوس بالعقد قال ايش عي يعرف يركبه

و انا راحت وطي من الحيا لانه داخل في وحسيت انها حركه منه علشان يقرب مني :e052:

فقلت : هات العقد البسه بعدين قام الاخ انتهزها فرصه وهاتك بوس :nosweat:

وانا من الحيا والخجل من الموقف وقف قلبي ولا عرفت اصرف


الحمد لله عدت على خير

لي رجعه ليوم الزفاف لان الحياء و الخجل ذبحني ليلتها
 
هههههههههههههههههه صراحه سوالفكم حلوه وضريفه ...
انا بتذكر شئ صارلي يوم زواجي واقول لكم اممممممممممممممممممممم امممممممممممممم انتضروني عاد بتذكر وراجعه لكم ان شاء الله..
لا تنسون قمــــــــر..
 





مواقفكم الضحك الصراحه :clap:




اتذكرت كمن موقف صار لي .. بس لا تضحكون علي/



1/ اول يوم كنا بنسافر لماليزيا ..طلعنا من صاله الافراح مسرعين لمطار دبي لان الطياره يمكن

اطير عنا .. وريلي كان مسرع وانا اخاف من السرعه هو يسرع وانا اتحلف له اذا ما خفف السرعه راح انزل ورد بيتنا :nosweat: والله قويه عين ... وهو يضحك علي.

لين ما مسكتنا دورية المرور



بعطونا مخالفه بليلة العرس

بس الحمد الله انه طلع الشرطي صديق زوجي


وقاله انا احنا عرسان والطيار بالطير فهد سبيلنا.:clap:



2| احنا بالطياره .. كنت قاعده اصيح يوم اتذكر امي وبيتنا ابغي ارجع حاسه بالغربه بالطياره..

ريلي يسكتني وانا اصيح من خاطري بعد .. اتقول حد ميت عندي :nosweat:

الا واشوف حذالي ماليزي وماليزيه كبار فالسن قاعدين يشوفوني وكسرت خاطرهم

فقدوا يسكتوني ..

كسرت خاطرهم من زود ما اصيح :in_love: .. فسكت من الاحراج:in_love: .




3| بالطياره بعد .. الاخت اول مره تركب طياره .. غشيمه هههههههه :nosweat:

وكان يوم زواجنا يصادف مناسبه عالميه .. وفي وقت توزيع الفطور الصبح..

عشان هالمناسبه لافين الاكل بقارطيس احمر.. ريلي كان نايم.. وانا التفت لورى..

اشوف الموظفه وهي اتجر معها عربانه فيها صناديق الاكل المغلفه باللوت الاحمر..

وهي يايه صوبي وتبتسم لي هههههههه


.. الا وما اتشوفون ام مريم نطيت نطه .. اوعي ريلي وقوله قوووووووم قووووووووم


يايبين لنا هداااايا حقي وحقك وايد ههههههههههههههه



قالي منو ؟؟؟ قلته شوف هاي ورانا يايبا لنا هدايا .. انت قلتهم انا احنا تونا معرسين:showoff: ..

ما اشوف الا زوجي ميت علي من الضحك.. اقوله شو بلاك؟؟ قلته هاي هاديا وهو يضحك

قلته تتحدى :showoff:

قالي بتشوفين الهدايا الحينه

حطت لي كرتون واحد ولزوجي واحد..

قالي / افتحيه.. لما فتحت .. والله احس الدنيا دارت فيني من الاحراج الهدايا طلع الفطور بيض وجبن :shutup: :in_love: .




4| اول ما وصلنا مطار ماليزيا ...

سرنا نستلم .. الشنط (حقائبنا) شنطت زوجي ظهرت.. و شنطت العروس محد:shutup: .. الناس كلهم راحوا خذوا شنطهم وراحوا..

سرنا لمكتب المسؤوول دورا على الشنطه ما حصلوها ..

عروس من غير اغراضها ما يصير :shutup:

بعدين قالنا المسؤول ان شنطتي نزلت مطار سنغفورا بالغلط.. يخرب بيته وقت الحينه..وانا عروس:icon28:


سرنا الفندق.. وانا زعلانه .. كيف ببدل كيف بعدل نفسي على الاقل جدام زوجي..

بعدين اضطريت اني البس من ثياب زوجي الي غصت فيها وهو يضحك علي.. :in_love:



سامحوني على الاطاله:clap:

واذا كملت ما بسكت :nosweat:



 
موووااقف مضحكه :biggrin:


وبعضها قطعت قلبي :tears:


طيري اشكرك يالغلا على الموضوع الحلووو





موقفين مانسااها اتذكرها الان
كان بصاله العرس
وانا خاارجه من العرس لبست عبااايه اختي ههههههههه
وهي مسكينه قااعده تدور عليهااا وبلاخير لقيت عبااتي مرميه عند الغرفه تبع العرووسه
ولا تقوللل عرفت من اخذهااا مافي غيرهااا
وهي طبعاا جسمها اكبر مني وانا صغنوونه معها
لابسه عبااتي تقول العباايه بلوووزه طويله هههههههههههههه

والموقف اللي بالبيت
اناا جوعاااااااااانه ودي باكل هو يقولي تاكلي جايب لي كتكات وعصااير تهبل نفسي فيها بس ماقدرت من الحيا ههههه وبعدها قلت بغير يقول اساعدكي اقوله لا والفستاان مضايقني والحدلله عد على خير
ولا هو يجي بجنبي
ولا انا احطها بكوووووووووه :icon1366:

تذكرت خوواتي انهم بناات ويتدلعووون وانا بصير حرررررررررررمه :icon1366:


اعتذر على الاطاااله :a200:
 
روعة ليلة الدخلة
بصراااااحة <<<<<بدون ضحك
بعد ماتسبحت كان يطاااالعني وايد فقلت تعال بنصلي ركعتين نحمد ربنا ونشكره<<<هههههه
وبعد أسبوع قالي ليش نحمد ربنا يبتيها بشكل وايد حلو
 
أم سلوم

و

أه يا قلبي

و

البتول

تسلمون حبايبي على المشاركات الرائعة
ولو أن الموضوع مر عليه فترة طويلة مادري شللي رجعة مره ثانية
ههههههههههههههههههههههههههههه

أكيد حب العضوات لهذا الموضوع المرح
لاخلى ولا عدم
لا تحرمونا من مشاركاتكم الحلوة
 
فراشة الرياض / العفو حبيبتي هذا من ذوقج

حور / خسرت العشا ياحور :)

رنوش / الله يسلمج حبيبتي حياج الله ... بصراحة من أولها مقص .... خربتوا الفستان ههههه

هاجر / هدفنا إدخال الفرحة والسعادة لقلوبكم الحلوة شكرا على مشاركتج حبيبتي

أحلى حلو / شكرا على ردك الرائع ... فعلا هناك شخصيات لا تحب المرح بطبعها ... جادة أحيانا كثيرة ... واختلاف الرأي لا يفسد للود قضية

الغلا كله / حياج الله يالغالية

قمر / ياحلو مرورج حبيبتي خفيفة على القلب

أم مريم / ههههههههههههههههههههههههههه
شكرا على مشاركتج

عازفة الآلام / مواقف مضحكة ومبكية ، لكنها ذكريات جميلة بنفس الوقت
 
السلام عليكم
اقول ماجرى لي ولالأ؟؟؟؟؟؟؟؟؟؟؟؟؟؟؟؟احكي قصصي البايخة؟؟؟؟؟؟؟؟؟؟؟؟؟؟؟؟؟؟
والله اخاف تقولون عني مغفلة,,,,,,,,,,,,,,,,,,,تدرون ليش ؟؟؟؟؟؟؟؟؟؟ قصصي انا غير ها العالم ؟؟
ابو الشباب كان يقولي انت كنت عايشة في المريخ ,,,,,,,,,,,,,,,,,,,,,,,,, ,يعني احكي ؟؟؟؟؟؟؟؟؟؟؟؟؟؟؟؟
 
شموخ العز

أنا معك (أن الحياء شعبة من الأيمان)

ولكن أيضاً لاحياء في الدين ولا العلم وهذا الموضوع يعتبر مهم جداً

في حياة كل بنت

وكان الرسول عليه افضل الصلاة والسلام يعلم الصحابة والمسلمين

كيف يتعايشوا مع بعضهم البعض

ولا ترموا بأنفسك كالبهائم

العلم نور عزيزتي وإذا لم يعجبك الموضوع فقد أحبه غيرك كثيراً

وأدخل السعادة لقلوبهم

ونهدف هنا لإضفاء روح المرح على ليلة الدخلة والتي تشكل بالنسبة للبنت البكر الثيب

خطوة مهمة ... وخوف من المجهول... لكن عندما يتم طرحها بإسلوب مرح ومشوق

يتم فهم ليلة الدخلة على انها ليلة جميلة لاخوف فيها ولارهبة

كما تحتفظ الكثيرات من البنات الغير متزوجات بأفكار مرعبة عن هذه الليلة

لماذا لا نكسر حاجز الخوف والرهبة الذي بداخلهم ؟؟؟!!!

ملاحظة : لست أنا من يدير هذا الصرح العظيم
نحن عبارة عن مشرفات ومراقبات وإداريات كلنا نسعى لرفعة هذا الصرح العظيم
تحت قبة الأستاذه ناعمة الهاشمي


أتمنى أنه الأمور وضحت لكي عزيزتي​
 
الحالة
مغلق و غير مفتوح للمزيد من الردود.
عودة
أعلى أسفل