مهم جدآ....أتمنى من الاخوات أن يشاركن بالردود لموضوعي..

[حبوبه بس مشطوفه]

السلام عليكم اخواتي ....


طبعا انا اخت حبوبه وقالتلي اختي عن تفاعلكن مع موضوعه واستشارتكن لها..
عشان كذا حبيت اطرح لكن موضوع خاص فيني...


((انا مطلقه من سنه ولدي طفلين صغار وتقدم لخطبتي رجل من منطقه ثانيه((بسبب ظروف عمله)) بس اهله وناسه موجودين بنفس المنطقه اللي انا فيها المهم انا لا اريد ان اتزوج من غير منطقتي بحكم صغاري وطليقي ياخذ ابنه يومين بالاسبوع --وانا بصراحه ودي اشرط (( بيت يعني سكن بنفس منطقتي عشان مانحرم من اطفالي والله واشوفهم وقت مااشتاق لهم ادري بيكونون عند اهلي وحتى اهلي مو مقصرين فيهم بس اهلي يقولون شوفي حياتك انتي لسى صغيره علما ان عمري(24)المهم ودي ابقى بنفس المنطقه وبيت مستقل بس خايفه من كلام الناس بقولون زواج مسيار من هالخرابيط علما ان الرجل مصررر على زواج مني ))...


((تكفن اخواتي ابي ردودكن واستشارتكن من غير تجريح ولا تخافون زوجته راضيه في زواجه ومتفاهم معها.))..

 

[افديك بدمي]

حبيبتي .. من حقك انك تعيشين وتشوفين حياتك .. خصوصا لانك صغيره .. من حقك الزواج لكن اذا تبين نصيحتي.. ابعدي عن المسياااااااااااااااااااااااااااار .. لان مو كل حقوقك تقدرين تاخذينها .. هذا غير حياة الضلام وكانك ( مع احترامي) عشيقه
حبيبتي .. الي يتزوجون مسيار عاده غرضهم المتعه وبس .. ومته ما مل تكها واختفى .. وبعضهن والله ما يرفض زوجها يطلقها .. ويلتفت لحياته وينساااااااها وهي تتعذب ..
فكري حبيبتي بكلامي .. ولوانا مكانك مسيااااااار لااااا

 

[تجرح وتداوي]

وش عرفك ان زوجته موافقه يمكن يكذب عليك لان مافي زوجه بالدنيا بتوافق على زواج زوجها
اسفه لو كنت قاسيه بس حطي نفسك محلها وبالاول والاخير استخيري ربك والله يوفقك

 

[كبة مقلية]

طيب حبوبه وين المشكلة
اهلك موافقين وهو مصر عليك وزوجته موافقة
خلص استخيري وتوكلي على الله
اما السكن تتقدرو تتفاهمو عليه ما اظن انه رح يسبب لكم مشكله
الا ذا بده منك تروحي معه لمنطقة عمله وهذا حقه
ولا ليش يتزوج ما اصله
واولادك لا تخافي عليهم دام انهم عند اهلك وبتشوفيهم
كل فترة
وما فهمت خطيبك مطلق زوجته ولا بده يتزوج عشان زوجته
مو معه بمكان شغله؟
وطليقك مو خايفة ياخد الاولاد اذا تزوجتي ؟
ولا متفقين عالموضوع؟
الله يسهل امورك

​

 

[انا الزين]

الله ييســــــــــــــــــــــــــــــــــــــــــرلك الطـــــــــيب لا تبعدي عن اولا دك خليكي قريبه منهم هم الان في حاجتك ولا انصح في زواج المســــــــــيار واشرطي علي العريس اولا دك اول واصبري واستعيني بالله وادعي ربك انو ييسرلك امرك الله يعينك ويساعدك

 

[اولادي كل حياتي]

السلام عليكم ما فكرتي يالأخت حبوبة انه ممكن لما تتزوجي طليقك ياخذ اولادك منك اتاكدي من هذه النقطة اولا وثاني شي عليكي بالاستخارة والله معاكي

 

[كافيه لاتيه]

انا اشوف انك توافقي انتي صغيره في السن ومن حقك تعيشي حياتك بس لا تبعدي عن اولادك عيشي في المنطقه الي هم فيها وماعليكي من كلام الناس ارضاء الناس غايه لاتدرك

 

[نور الصفاء]

استخيري ربك
ومتدري وين نصيبك ,,

 

[حبوبه بس مشطوفه]

مشكوات اخواتي على الردود بس وبن الباقي>>>>>>


طيب اخواتي شلون اتاكدمن طليقي انه ماراح ياخذهم مع انه ابن عمي هو واهله محاربيننا- هو تزوج وانا حامل وعاش حياته وياختي الي قالت انه خطيبك يمكن يكذب عليه من شان زوجتة انا مايهمن هي مكان وانا مكان ومثل ماانا بنت ناس هي بعد بنت ناس الله يستر عليها انا ماجت ضربت يد زوجه وقلتله تعال تزوجني ولاهي ياختي على راسي وش تبين اخذ واحد لسى ماتزوج ولد <<<انا اشوف بنات لسى بعمر الزهور 17 و19 ياخذن معه حرمتين بس الزوجه العاقله تعيش مع زوجه بيومه الخاص وتحثه على العدل وتذكرالزوج بعياله وصدقيني الواحد بسوي كل شي لله عشان يعيش براحه وبدون مشاكل وانا ماقلت زواج مسيار ببيت اهلي انا اقول اشرط بيت ملك ومصروف لي واروح واسافرمعه اوقات الاجازات بس انا اقصد مااستقر بعيد عن عيالي..

 

[لحظه وداع]

ياروحي انتي ............اتمنى لك التوفيق من اعماق قلبي ....بالنسبه للسكن مثل ما قلتي اشترطي بيت ومصروف بحيث انك تشوفين اولادك متى ما بغيتي وبالاجازات تسافرين مع زوجك........والله يوفقك ويسخرلك زوجك واهلك

 

[نضوج أنثى]

حبيبتي إنتي صغيره والرجال يبي يتزوج ويستقر مو يبي يتزوج ويخليك عند عيالك بعيده عنه ويمكن لو وافق بعدين بتصير مشاكل كثيره صدقيني بحكم إنك بعيده يبدأ يضغط عليك تروحين معه لانه مستحيل يلقى الاستقرار وانتي بعيده عنه انصحك استخيري وفكري زين العيال ماعليهم خلاف إن شاءالله وربي يوفقك

 

[فوتوشوب]

اعتقد انه صعب على اي رجال انه يعمل بيتين يعني يشتريلك بيت بمنطقتك ويأثثه وبمنطقة شغله كمان يحطك في بيت ويأثثه ..
مااعتقد راح يوافق لانه صعب والرجال شاريك مثل ماقلتي توكلي على الله وروحي معه وبالنسبه لعيالك يعني انتي تعتقدين انهم بيضلون معك طول العمر...؟
لا ياحبيبتي الابو يترك الاولاد عن الام لين يوصلون سن الدراسه بعدين ياخذهم عنده
انتي صغيره وشوفي مستقبلك قبل يفوت الفوت واذا رجعتي لمنطقتك تقدرين تشوفين عيالك وتقعدين معهم
بس احسه صعب انه يسويلك بيتين بنفس الوقت
..
والله يوفقك ويستر عليك ويخليلك عيالك ان شاء الله​

 

[الفراشه الورديه]

اختي انت تقولين هذا الكلام هالحين لكن خليك تتزوجين راح يتغير شعورك

تدرين ليش؟

لانك معتقدة انو ماتزوج الا انو طفشان من زوجته او مايبغاها او فيه مشاكل لان كل الرجال لازم اذا

ارادو الزواج يطلعون الف عيب بزوجاتهم

وبعد فتره بتنصدمين انو عايش حياة حلوة مع زوجته والغالبيه اذا زوجته صغيره يطفش من الثانيه

انا والله ناصحة لك ياحبيبتي خذي واحد مثل وضعك يكون سبق وانفصل تعيشي معه لحالك افضل لك،،

 

[حبوبه بس مشطوفه]

مشكورات خواتي على الرودود فعلا اخوات بنفس الكلمه ......واتمنى كنت خفيفه عليكن..