مهمومه الله يخليكم ساعدوني

بالقنفذه او جدة

الله يخليك ردي علي باقرب وقت
 
لاحول ولا قوة إلا بالله العلي العظيم زمن يخوف بجد الله يعينك لكن مادام إنه ما أدخل القضيب فالحمدلله الأمور كذا تطمن تقريبا لكن أنا أتمنى إنك تضعي أبوها بالصوره لازم لاتخافين على الولد ولا شيءلازم يتأدب لأنه مثل مافعل في بنتك راح يتمادا في بنات النااااس
 
لا ياوهج لا يدري ابوها الرجال في هالامور غضبهم يوصل لمصاايب انتو في غنى عنها ويكفي ان السالفه بتكون على كل لسان
وهالشي بيظربنتك وكل خواتها بالمستقبل
مجتمعنا ما يفهم مظلوم
يفهم فضاايح وبس
ياقلبي اليوم بسألك
وارد لك خبر
 
تسلمين اختي شهد الرياض

الله يوفقك ويفرج همومك انت وكل اخت ردت عليه

بأنتظارك اختي الغاليه
 
وهج اسمحي لي اضيف تعليق يمكن اذا شفتيه تقولين
ماني رايقه احد يتفلسف علي الحين بس
ابي اي وحده تقرا موضوعك تقرااه وتستفيد

في منتدى ثاني طرحو موضوع عن تحرش الاقارب
وكان هذا ردي فيه






التحرش الجنسي بين الاقارب للأسف موجود

في مجتمعنا حتى لو انكر البعض وقال انو احنا مجتمع محافظ

ومستحيل تكون عندنا هالتصرفات

ضروري نعترف بوجود هالمشكله

لأنو بداية العلاج الاعتراف بالمشكله

راح اقول اسباب التحرش الجنسي بين الاقارب من وجهة

نظري واذا قصرت او اخطأت اعذروني لأنها اجتهادات شخصيه


1_اهمال الامهات للفتيات :

لو تلاحظون عندنا الحريم يتجمعون هم وخواتهم وحريم اخوانهم
ويجلسون بمجلس الحريم وبناتهم
اللي فوق واللي بالملحق واللي بالحوش واللي بالصاله

ولو تسأل الام وين بنتك بتقول تلعب مع البنات

في هالوقت ممكن يكون في البيت ضعيف نفس
ويستدرج الطفله ويتحرش فيها

2_ عدم التوعيه:
يعني المفروض الام تكون صريحه مع بنتها
انا ما اتكلم عن بنات اللي اعمارهم فوق 12 سنه
لأنو في هالعمر خلاص الام اكيد راح تتكلم بكل جرأه
مع بنتها
انا اتكلم عن البنات في مرحلة الطفوله من 4 سنين وفوق
المفروض الام تنبه لبنتها وتقول لها لا تطلعين مع الاولاد
لا تجلسين مع اي احد لحالكم
لا تركبين سيارة اي احد الا اذا قلتي لي
و و و و....
يعني ما تقول لها كلام يخدش طفولتها لكن تفرض عليها بعض الممنوعات

3_ الثقه العمياء في الاقارب:
يعني الام تقول عادي وشفيها اذا طلعت بنتي مع اخوي
والمشكله انو اخوها مراهق
او تخلي بنتها تطلع مع ولدها مع ان البنت صغيره
والولد في سن مراهقه
بصراحه انا تعجبني الام اللي ما تخلي بناتها يغيبون عن عينها
وهم اطفال
تعجبني الام اللي ما تخلي طفلتها تطلع مع اي رجل لحالهم مهما كانت قرابته للطفله
سواء كان اخوها او عمها او خالها او جدها او اي احد

4_ترك الاطفال مع السواق بدون مرافق:
ما يحتاج اشرح خطورة هالشي
اذا كان بعض الاقارب وهم اقارب ينخاف على الاطفال منهم
فكيف راح يكون الحال مع رجل غريب
لا تحكمه مبادئ ولا اخلاق ولا دين

انا بقولكم على موقف شفته بنفسي بجد رفع ضغطي
كنت طالعه مع اخوي من السوق ورايحين للسياره
ومن بعيد كنت اشوف سياره فيها سواق اتوقع من جنسيه اندنوسيه
معه بالسياره ولدين وبنت كلهم اصغر من ست سنوات
وكان يوريهم جواله ولما قربنا من عند هم ولمحنا ارتبك ونزل الجوال
بصرااحه بالمره شكله يشكك انه مو على شي كويس

انا كنت اتمنى اني اجلس بالمواقف واحتري امهم
صدقوني اني تمنيت اشوفها واتفل على وجهها
(اعذروني على هاللفظ بس والله من حر مافيني)
يعني هالغبيه هذي فضلت راحة بالها في السوق على سلامة اطفالها
صدق فيه حريم مهم كفو يكونون امهات لو الله حرمهم من نعمة الامومه
كان ازين



هذي بعض الاسباب اللي جت في بالي
اكيد فيه غيرها كثير اتمنى من باقي الأعضاء التفاعل

..............................

عندي حكي واجد عن هالموضوع
بس مو عارفه اركبه على بعض بكتبه بشكل نقاط
بصراحه موضوع مثل هذا يخلي الواحد يحس بقشعريره في جسمه
وشلون بيقدر يرتب افكاره

*علشان نتفادى هالمشكله
_لازم كل ام تحرص انو بناتها مايغيبون عن نظرها لو لحظه وحده
_في التجمعات العائليه المفروض يخصصون مكان للاطفال يلعبون فيه ويخلون وحده من الشغالات
تنتبه لهم وما تسمح لهم يبعدون عن المكان المخصص للعب
_اذا حست الام انو فيه احد من افراد عئلتها غير ثقه وطلب انو ياخذ بنتها مشوار
حتى لو للبقاله لا تخجل انها تقول له لا..
والافضل انها ماتخلي بنتها تطلع مع اي حد ثقه او مو ثقه
...................

تكلمت عن بعض الاسباب وتكلمت عن بعض التصرفات اللي ممكن
الام تحمي فيها اطفالها من انهم يتعرضون للتحرش
لكن كيف ممكن تتصرف الم لو اكتشفت انو بنتها تعرضت لتحرش جنسي
من احد الاقارب

تعالوا شوفوا بعض ردود الفعل عند الامهات والله راح تنصدمون
البنت راح تقول لأمها انو فلان سوى لي كذا شوفوا وش ممكن تقول الأم لبنتها
* راح تقول لحد يدري يا ويلك لو تعلمين اي احد وياويلك لو تعلمين ابوك
** او راح تقول انتي ليه رحتي معه ولي خليتيه يسوي لك كذا وليه ماهربتي ولا صرختي
*** او راح تقول خليها آخر مره تروحين معه
****طبعا هذا كله بعد ماتتأكد الام ان اللي صار بينهم بس شي خفيف مجرد تقبيل او لمس او او او
اهم شي انه ماغتصبها وكيف بتتأكد الام اكيد بتحقق مع بنتها وكأن البنت المخطئه....
وفي كل الحالات هذي راح تتصرف الأم على انو ماصار شي وكل اللي بتسويه انها بتحافظ على بنتها وبتنتبه لها اكتر وبس
انتو بتقولون كويس انها راح تنتبه لها والحمد لله انه ما صار شي اكبر من كذا بس تدرون وش بينتج عن هالتصرف

راح تنتج مشكله خطيره وهي ان البنت راح تحس انها هي الغلطانه وهالشي راح يخليها تنظر لنفسها نظرة استحقار
وتحس انها قذره صدقوني كل البنات اللي يتعرضون للتحرش الجنسي يحسون انهم قذرات ويحسون انهم هم اللي جابو هالشي لنفسهم
تكبر البنت ونفسها مكسوره تكون انطوائيه عدوانيه مع المجتمع لا يمكن تكون صداقات حقيقه لأنها بتكون فاقده الثقه في كل الناس
واذا تزوجت راح يأثر هالشي على علاقتها الزوجيه لأنها تحمل في نفسها نظره سلبيه للجنس بسبب اللي تعرضت له في الماضي


####الحل من وجهة نظري اذا الام اكتشفت انو بنتها تعرضت للتحرش
اول شي تسويه لبنتها انها تفهمها ان اللي سواه لها هالشخص شي غلط
وتقولها انها اعجبتها لأنها علمتها باللي صار
وتفهم البنت انو مو هي السبب في اللي صار علشان البنت ماتتولد في نفسها نظره سلبيه لنفسها واحساس بالذنب
واذا لزم الامر انو تعرض بنتها على طبيب نفسي علشان تساعد بنتها انها تتخلص من الاثار النفسيه للتحرش الجنسي

ومن ناحية الشخص المتحرش بالطفله يجب على الام انها تعلمه انها عرفت باللي صار ولا تصدقه لو انكر
وهالشي بيخليه ما يتمادى مع كل الاطفال لأنه بيعرف انو في كل مره راح ينكشف امره


طبعا كلامي هذا كله في حالة انو التحرش كان اقل من الاغتصاب

لكن اذا عرفت الام انو بنتها تعرضت للاغتصاب
اول شي تسويه تلجأ للقضاء
ولا تفكر في الفضيحه او وش راح يقولون الناس او مابي بنتي تتعقد او او او
لازم تحاكم الشخص اللي سلب بنتها اغلى ما تملك
سلبها طفولتها وبراءتها وثقتها في نفسها
سلبها حياتها
سلبها كل شي....

لازم هالمجرم يتعاقب
وهالشي ماراح يكون الا بالمحاكمه واللجوء للقضاء

وشي اكيد ضروري البنت تخضع لعلاج نفسي

...........................

كلامي كان في حالة انو البنت صارحت امها باللي صار لها

لكن المشكله الاعظم هي انو اكثر البنات يسكتون ولا يصارحون احد اذا تعرضوا للتحرش
من قبل احد الاقارب
وهذا له اسبابه
واهمها :
_انو مافيه تواصل من الاساس بين البنت وامها
_انو الام من النوع اللي يعاقب على كل الاخطاء بدون نقاش
وهذا الاسلوب في التربيه سيئ لأن البنت راح تخاف من مصارحة امها وذلك لعلمها انها راح تتعاقب


ومستحيل يكون احد هالاسباب ان البنت تكون راضيه باللي صار لها
..............................

اللهم احفظ امي من كل شر مثل ما حافظت علي في صغري
بقولكم طريقة امي بس علشان ما كون جاحده للجميل

انا وخواتي 6 بنات
كانت امي تمنعنا من اشياء وحنا صغار وكنا بوقتها نتضايق ونحس انها تعقدنا لكن لما كبرنا عرفنا انها
افضل ام بالدنيا لأنها حافظت علينا مثل عيونها
بقول لكم الممنوعات اللي كانت امي تفرضها علينا وحنا صغار
_ممنوع نطلع مع خوالي او عماني او اخواني او اي احد بالسياره الا اذا كان معنا اهله
_اذا رحنا نزور اي احد من قرايبنا ممنوع نطلع للغرف او السطح او الملاحق
وتخلينا نلعب في مكان واضح
_ما تسمح لأي ولد يلعب مع البنات
يعني اذا تجمعنا احنا وخوالي وخالاتي تخلي كل البنات يلعبون مع بعض لحالهم بعيد عن الاولاد
_كانت دايم تنبه علينا انو ما نروح مع اي احد لحالنا وتقول اذا احد طلب منكم تروحون معه تعالو علموني
_كانت صريحه مع الكل وتقول لهم بالفم المليان انا مااسمح لاي احد ياخذ بناتي بدون اذني حتى لو للبقاله
_كانت تصارحنا ببعض الامور الجريئه لكن بطريقه تناسب اعمارنا لما كنا صغار


اتمنى انو كل الامهات يتصرفون مثل امي وربي انها معها الحق في اللي كانت تسويه

امي مو موسوسه وفاقده الثقه في الناس لكنها دايم تقول ابليس ما مات والحرص واجب


اتمنى من كل الاولاد مايزعلون احنا ما نقول ان اي ولد راح يتحرش بالبنات لكن نقول فيه ضعاف نفوس فيه ناس دنيئين
وحقيرين ومو مكتوب على وجه الحقير ترااه حقير علشان كذا لازم الام تحرص من الكل وما اقول تشك في الكل


وفي الختام
اعتذر على الاطاله لكن والله مثل هالتصرفات تصير في مجتمعنا ولا احد يجيب طاريها او يناقشها
......................
اللهم احفظ بنات المسلمين من كل شر
اللهم احفظ اولاد المسلمين من كل شر
 
قسم بالله اني اتأفف من ضيقة الصدر اللي فيني
من شفت موضوعك
الله يفرج همك
وانشالله يكون الموضوع على قولة بنتك انها ما دخله
 
مشكورة يالغاليه كلام سليم

بس والله اخر شيء كنت اتخيله يجي من الاطفال
 
الله يعينك اختي ويفرج عنك وعظم الله اجركم وغفر لميتكم
والله حااسه فيك والاخت شهد ماقصرت الله يجزاها خير
حاولي تقولي لابوهاا بس لاتقولي تحرش قولي هددهاا بالسكين وهي رفضت وهربت منه لك ع طول
لانه من كلامك ان الولد مستقوي وحراام يترك بدون مايتعاقب ع الاقل يصير اهله يحرصوا عليه الله يهديه ويصلحه ...
 
أصلاً 11 سنه ولد بالغ كيف يدخل عزى الحريم المفروض يكون بعزى الرجاجيل
وشي ثاني خوفج ماله اي مبرر ولا أشوف لج اي حجة ولا عذر إنج ماتاخذينها لطبيبة تفحصها تتوقعين بتقولين القصة للأخصائية وبتقولج الحل طبعاً لا وراح تتطلب منك تجيبينها لانه هذي الاشياء ماتبان الا بالفحص.
ويمكن بنتك خايفه ومنصدمه وماقالت لك الحقيقة وقالت لك حاول( أسأل الله ان يحميها ويحفظها وبنات المسلمين)
عزيزتي ان كان تم هذا مثل ماتقولين في وقت حرج عزاء (عظم الله اجركم ورحم ميتكم وموتى المسلمين) فواجب العزاء تم وانتهى والآن مالك اي عذر عشان تقولين اخاف ولاتضيعين بنتك بيدك ولاتنسين نفسية البنت وحالتها يمكن تكون اخطر بكثير من امر البكارة
نصيحتي لاتكوني سلبية وتصرفي بسرعه وتقدرين تسوين الف حاجه عشان تاخذينها للطبيبة بدون حتى اقرب الناس لك مايعرف
والسموحه مره اخرى حاولت اعذرك بس مالقيت لك عذر​
 
الله يعينك ويحفظ اولادنا وبناتنا ويستر عليهم ما ازيد على الكلام اللي قالوه الاخوات وما قصروا والله يكون في عونك
 
الله يعينك يارب ويحفظ بناتنا وبنات المسلمين لازم تروحي للدكتور عشان تتطمني وتفهمي بنتك انه مايصير تجلس معا العيال الله يحفظهم
 
الأخت العزيزة وهج أسأل الله أن يستر بنتك وبناتنا وأولادنا وجميع المسلمين

نفسية ابنتك ومستقبلها أهم بكثير من موضوع البكارة

أنت أمام امتحان صعب أعانك الله عليك

بالنسبة لهذا المجرم وأهله فعليك أن تبلغي والدها ولا تهمك الفضيحة لأنه غالبا لم يتمكن من فض بكارتها بإذن الله وهو من سيفتضح لأنك بسكوتك عنه تؤذين آخرين من بنين وبنات قد يعتدي عليهم ويهددهم بسكينه وحسبي الله ونعم الوكيل في من ينجب أبناء ويرمي بهم للخدم يطعمونهم ويسقونهم من غير تربية والله المستعان

بالنسبة للأخت الكريمة شهد فإن كلامك جميل جدا ومنطقي غير أنه عليك أن تستغفري من قولك هذا ((صدق فيه حريم مهم كفو يكونون امهات لو الله حرمهم من نعمة الامومه كان ازين)) لأنه افتراض في غير محله فالله عز وجل أعلم بمن تصلح له الأمومة ممن لا تصلح له وليس لنا أن نقول لو حرمهم الله لكان أفضل لأنه لا اعتراض على قضاء الله عز وجل ولا يسأل سبحانه عما فعل لما فعل ولا نفتات عليه سبحانه ولا نختار على اختياره وأرجو أن تكون الفكرة قد وصلت والله المستعان وهو الأعلى والأعلم سبحانه وتعالى
 
[/SIلاتخافي انا بنتي الصغيرة 8سنوات طاحت على حرف السرير ونزل دم وكانت تتألم ووديناها الدكتور والحمدلله كشف عليهاوطلع انجرحت بس خارجياً بس الحالة اللي كنت انا وابوها فيها يومها مانمنا وابوها انفجع وخوفنا من الموضوع
ـ بس موضوعك انتي افظع وماينسكت عليه خلي واحد من اخوانك يدخل لو خايفة من زوجك وتجيبوا الولد باي طريقة وتجلوا له بالتصوير اعترافه بعدين تروحوا لابوه علشان لوانكر عندكم دليل لازم اهله يعرفواوابوه خاصة علشان لو كبر راح يظلم بنات كثير معاه والسكوت غلطZE]
 
الله يطمنك عليها يارب وإن شاءالله مافيه إلا كل خير مافي حل تتطمنين فيه على بنتك إلا إنك تكشفين عليها عند الدكتوره وهالشي مو صعب خذيها معك واتحججي لأبوها إنها تعاني من افرازات وهالشي طبيعي عند الأطفال لأنه الدكتوره قالت لك نفس الكلام عشان مايخاف ويكبر السالفه بس قولي له عشان زادت هاليومين محتاجه اتطمن اذا فيه مشكله او اذا مايدقق كأنك إنتي تبين تروحين واخذتيها عادي او زي ماقالت وحده من البنات خلي احد من اهلك يوديك ونصيحه لاتسكتين عن الموضوع اليوم بنتك بكره بنت غيرك حرام يضيع غيرها بسبب سلبيتنا وخوفنا وإنتي مريتي بنفس الشعور وماانتي متأكده اذا صار شي شلون لا قدر الله لو اعتدى على غيرها وصار اللي صار فاحرصي حبيبتي إنه الولد يتعاقب على يد زوجك يكون الموضوع او احد من اهلك المهم مايمر مرور الكرام .
 
الله يفرج همك لازم توديها للدكتوره علشان تطمنين عليها اما الولد ماأظن راح يعترف على نفسه وماراح أحد يصدقكم انه اعتدى على بنتك وبتسوون سمعه لبنتك هي في غنى عنها عليك بسهام الليل الدعاء الدعاء الدعاء والله يفرج همكم...
 
الله يطمنك على بنتك أختي الكريمة
ونصيحة من داخل قلبي لا تسكتين لهذا المجرم هو قد فعل مافعل وبنتك وديها للطبيبة وقولي انك انتي التعبانة وخليها تدخل معك وفهمي الطبيبة بالوضع ومدى حرجه بالنسبة لك ومن ثم إذا طلعت سليمة الحمد لله خير وإذا لاقدرالله كان فيه شيء أخبري من ذوي الحكمة من العائلة واذهبي لوالدي الطفل وبلغيهم لاتسكتين فان الله سوف يحاسبك على ذلك لأنه لن يرتدع عن هذا الفعل ولربما أصبح مثل اللي في جدة واللي كل يوم نسمع ضحية جديدة له ولربما عاود الكرة مع بنتك وأخذ ما يريد منها فانتبهي فهي أمانة بين يديك وكم سمعت بنفسي من بنات حصل لهن ماحصل لبنتك واخبرت والدتها ولكنها لم تفعل شيء واصبح يلاحقها ويهددها بالسكين أو يذهب لغيرها من البنات البريئات
وأنتي ل أظهرتي لأبنتك اهتمامك بموضوعها سوف تحس بالأمان وان فيه من يساندها ويبعدها عن الأخطار ولو سكتي لربما دمرتيها نفسياً لابد أن يكون لديك القوة وحسن التصرف في مثل هذه الأمور لكي تتجاوز الصدمة اللي هي فيها تراها مصدومة وانتي لاحظتي عليها ذلك فسارعي بالحل وكان الله في عونك ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل