من يقدر يساعدني في تغيير شكلي؟؟ يتفضل؟؟

[أحلام مستغانمي]

سلااام الله على الجميع

كيفكم بلقيسات ان شاء الله بخير
بدوون اطاله مأسااااتي تنحصر في ثلاث او اربع اموور

1 ابي شعري يطول لو 5سم
2 ابي اسمن من 4 الى6كيلو ونحافتي ترتكز في وجهي
3ابي خلطه لصفاء ونضارة البشره مجربه شخصيا وليست مسموعه او مقرؤه
4 احس اني بارده في علاقتي مع زوجي بدون اي سبب
يوم ذكرى زواجي بشهر ربيع الاول
وابغى ارجع عروس مثل قبل سبع سنوات

من تفزع لي جعل الجنه دارها والله يسخر لها ويرزقها الحظ الطيب
انا في انتظاركم وكلي امل في الردود السريعه
مابي حماسي في التغيير يبرد ويتلاشى
تقبلو فائق التحيه

 

[وريثة المملكة]

اولاً : الله ييسر لك و تصيري مثل ماتتمني و احسن

ثانيا : بالنسبة لشعر عن تجربة مني و من اختي

استخدمي زيتـ أملا دابر .. الأصلي و بإذن الله راح يطول

و للمعلومية اختي شعرها مو بسرعة يطول لكن مع أملا طاال ماشاءالله ..

للبشرة ناعمة و لون حلو استخدمي هذي الخلطة انا جربتها و اختي كمان .. انا جربتها ثلاث مرات بس و حسيت بفرق

اما اختي استخدمتها شهر يوميا و صارت ماشاء لله مررره شي

وهاذي الخلطة

صابون الغار
ماي ورد
علبتين جلسيرد الأحمر الصغير
علبة جلسرين سائل
فنجان قهوة من
زيت زيتون وزيت خروع وزيت اللوز المر
2م ك كركم جسم
علبة فكس صغيرة

اول شي تبشري صابون الغار و تحطي عليه موية الورد و اليوم الثاني تضيفي الجلوسيد و الفكس بعدين باقي المكونات

تحطيها ساعتين في اليوم ..

انا استخدمت معاها بدلة الساونا ( تلاقيها في محلات الرياضة ) اذا انتي في الرياض انا شريتها من الفالح لرياضة

كنت احطها نص ساعة بعدين البس بدلة الساونا نص ساعة _ يعني ساعة بس _


ولسمنة .. أخوي كان يشرب حليب مع تمر يوميا و سمن بشكل ملحوظ ..


أتمنى أفدتك ^_^

دمتـ بود

 

[ظمآ عاشق]

اضيف على اختي اللي قبل

في يوم 16 من كل شهر

قصي اطراف شعرك

وبإذن الله راح يطول

لانه ايام البيض هالوقت لها تاثير عالهرمونات ..

 

[أحلام مستغانمي]

الف شكر لك اختي وريثة المملكه ماقصرتي على الفزعه
الله يخليك لعين ترجيك ويوفقك ربي في كل حياتك

الله يعطيك العافيه يا ظما عاشق بس لو اقص شعري كل شهر اتوقع راح اوصل اذني قبل لايطول اللي قصيته
نمو شعري بطييييييئ لدرجه ماتتصورينها
عاى العموم شاكره لك تفاعلك معي وجعل الجنه فالك

 

[وريثة المملكة]

حبووبة قصيه كل أربع شهور مرة ^_^

هذا اللي اعرفة
دمتـ بود

 

[أحلام مستغانمي]

مشكوره
عزيزتي وريثة المملكه
نجازف ونقص والله يستر
تدرين من يوم ربي خلقني ماشفت شعري طويل
يوصل الى الكتف او ينزل شوي ويبدا التساقط والتقصف لين اقصه وعلى هالحال الى يومك هذا
الله يعيين

 

[ظمآ عاشق]

خيتو فيه فيتامين اسمه هيردال نصح فيها الدكتور القحطاني

تمنع تساقط الشعر بس يقولوا تسمن وانتي تبي تسمني تفيدك اكيد

وبعديم لاتقصي كثير من شعرك

بس تقذيل الاطراف حتى تشيل التقصف ويطول

وخليها بيوم 16 كل شهرين

حتى لاتقولي بيقصر

فيه زيت جوز الهند العلبه الخضراء عند العطار ب 5 ريال

يطول الشعر

وبرضو زيت عافيه تحطي فيه فنجان حلبه

وتخليها 10 ايام بلياليها وبعدها تستخدميه

يطول الشعر ..

 

[عزتي بصلاتي]

غاليتي
بالنسبة للشعر عن تجربة احمسي حلبة لاتقولين ريحة مع الحمس تروح الريحة وحطي نواة التمر وهو بعد يوخر الريحة ورزيت عافيه واخلطيهم مع بعض وادهني يوميا او كيفيج بالاسبوع مرتين او ثلاث والنتائج روعة
للجسم عند الاستحمام والله روعة فنجان سكراو ملح وفنجان زيت زيتون وعصير ليمونة وافركي فيه جسمج بالحمام مو الوجة بس الجسم وشوفي النعومة والبياض
بالنسبة لعلاقتج مع زوجك جددي بعلاقتك معه وانصحك تدخلين قسم الزواج وتستفيدين من تجارب الاخوات
بالنسبة للوجة
علبة جلوسليد الاحمر الصغير
3 ملاعق كبيرة زيت اطفال وبودرة اطفال
1ملعقة خل تفاح
نص ليمونة عصر
عن تجربة شخصية روعة تخلي البشرة
الله يوفقج

 

[nice mom]

نصيحه جربي السدر والله اختي كانت مثلك من يوم عرفناها شعرها لاكتافها وقبل زواجها استخدمت السدر المطحون تنقعه بمويه وبعد ساعه تفرك فروة الراس والشعر مثل الحنا وتخليه كم ساعه وتغسله ماشاء الله صار شعرها روعه وطويل وكانت تقص لها امي اطرافه بس كل اسبوعين والله صار جنان وطبعا كانت تستخدم زيت جوز الهند العلبه الخضراء المعدنيه والله حتى زوجها بعد الزواج انهبل وماخلاها تقصه بس حبيبتي لازم تتاكدي انه ماعندك مشكله سوي تحليل غده وفقر دم لانها احيانا تكون هي السبب في النحافه وضعف الشعر**للسمنه انا سمعت من وحده سمنت من زبدة الفول السوداني تاكلها بين الوجبات مع عسل اومربى في ساندوش لمدة شهر وتقول سمنت وطلعلها خدود ولاتنسي تكثري من اكل المكسرات وشرب عصير المانجو وموز بالحليب**والبرود مع زوجك كثري من الماكولات البحريه والفلفل الحار والمانجو والافوكادو والحلويات بالذات الشكولاته
اتمنى اني افدتك وقدرت اساعدك باللي عندي والاخوات ماقصروا بالتوفيق وبشريني بالنتيجه:bigsmile: