سحري ابتسامتي
New member
- إنضم
- 2007/07/01
- المشاركات
- 17
السلام عليكم ورحمة الله وبركاته
شحالكم خواتي
بصراحه مب عارفه من وين ابتدي ماخليت استشاريه ما طرشت لها رساله
طبعا حقروني الله يسامحهم والشكوى لغير الله مذله بس الواحد لازم يستفيد من تجارب غيره
اللي انا مريت فيه اكيد غيري مر فيه سويت كل شي اقدر عليه ماخليت اسلوب الا واتبعته
مع ذلك ترجع الامور عادي ماشي يطور واذا بفرح بس ايام معدوده وعقب يتلاشى كل شي
انا بطرح قصتي هنيه لعل وعسى يكون خير وبكون حاولت ع الاقل باني اشاركم همي
الله يبعد عنكم الهموم وياريت لو الدكتوره ناعمه يزاها الله خير تساعدني ...
انا بنت تربت عن عيله مب عيلتها بس يقولون الام اللي ربت مب اللي ولدت
وامي الحقيقيه لظروف قاهره ودتني عند هالحرمه وماقصرت في تربيتي
بس الحلو مايكمل قمت اسمع المعاير من عند اخواني ع اقل شي
حتى لما انجح في دراستي كانت امي تتحراني بضحك ع اخوي الاصغر عني بسنه
لانه فاشل دراسيا احنا نتكون من 5 اخوان ثلاث اكبر عني وواحد اصغر وانا البنت الوحيده
صبرت لين دخلت الجامعه ع الضرب وعلشان تفهمون راح اوصف لكم اخواني
الاول واكبرهم فري وايد ما يضرب والثاني عصبي ويحب الكل يحسب له الف حساب واناني
والثالث حنون علي وكان شرات الصديق لي بس بروحه حالات ونفسيته كل يوم شكل والاصغر
بالرغم من خلافاتنا الا ان هو اللي اقدر اسميه اخوي الحقيقي بهالدنيا ....
اخوي الثاني كان دوم يضربني وياما كان يحرمني من السيره للمدرسه بحجة ان البنات بيخربوني
ولانه متعدد العلاقات بالاجنبيات فانا قلت اكيد يتحراني شراته المهم كنت اشكي لامي
بس امي تحبه موت ودلوعها في البيت تدافع عنها ودايما تقول هذا ولدي وانتي مجرد امانه
من ازوجج خلاص روحي عند زوجج وكل مره تذكرني بانها لمتني من الزباله وياريتها لو
عقتني في الزباله ومرات بتكون الحنونه بس انا اعذرها لانها كبيره في السن ... وحبها لانها امي
بغض النظر ...
واخوي الثالث كان دايما يوم يعصب مني يقولي اطلعي برع البيت ولا عطينا مصروف
الاكل والشرب اللي تاخذيهم بلاش عانيت وايد وصبرت وعمري ما ياست والله اضحك
وانسانه مرحه لابعد الحدود بس محد افتكر باللي بقلبي المهم ومرت السنين وانا اصيح بروحي
بغرفتي وحيده لين اتقدم لي واحد وكنت اكرهه وهو يحبني ناس سمعتهم مش وايد زينه
لكن من كثر الحاحه علي وانه شاريني اهلي ماطلبو منه شي غير المهر وانه يصوني
بقينا سنتين مالجين وهو يتردد عندي وعقب اتزوجنا عنده ثلاث موبايلات اثنين فيهم رمز
ومن قبل مايسمحلي حتى امسكهم وواحد يخليني اشوفه وطبعا كان رقمه ع البلوتوث
وعانيت معاه وايد سهر برع كنا ساكنين فبيت اهلي فكان يقعد كله برع واذا تغدا معاي
مابيتعشى واذا تعشى مابيتغدا والريوق نادرا صبرت قلت يمكن مايرتاح مع العلم عشنا قصت حب
حلوه ودايما يقولي انا ماقادر استغنى عنج لاج الوحيده متحملتني صبرت ع كل شي
لين اكتشفت انه خاني مع وحده ورقد معاها في فندق والبنت دقت لي لانه قالها انه بيتزوجها
وعقب لما خذ اللي يباه اكتشفت انه متزوج ويقول لربيعاته انه كان خطب وحده بس فسخ الخطوبه
اللي هي انا وان خطيبته قلبها اسود ولسانها طويل تحب المشاكل ...
ولما كشفته قعد يصيح ويترجاني ما اخليه وكرت فتره ضربني فيها مرتين
ع اساس ليش مارديت عليه لما كنت بالدوام لانه يغار وشكاك ...
المهم خاني مره ثانيه بس رمسها بالفون وسامحته وقبل زواجي باسبوع اكتشفت انه يحب وحده
وكان بيدخل بيتهم بس ابوها كشفه وصارت مشاكل ووعدني انه ايكلمها وانا واجهتها وهددتها
ان لو عرفت مره ثانيه راح افضحها واتزوجنا ويبت ولد وكنت مرتاحه بس تعباه نفسيا من اهلي
كل يوم شي وريلي واهماله برع وسكنا بملحق فبيت اهله وارتحنا بس يومين وعقب تغير
والله حتى قمت انام تحت وهو فوق بحجت ان ظهره يعوره حتى الكلمه الحلوه ماتطلع منه الا بالزور
ودايما سرحان واذا قعد بس ع التلفزيون وسااااااااكت عقب اكتشفت ان يرمسها ع المسن
وعندي المحادثه وياما جذب علي بانه بينحجز في الدوام واكتشف
انه مسافر وهي كانت موجوده بنفس البلد مع اهلها وعرفت هالشي عن طريق المحادثه
وياما كنت اقوله قبل ولا دتي باني ابغي اروح بوظبي اغير جو يقول ماقدر وفجاه عرفت
انه مودي اخته يمشيها يومين وقالي انه دوام بس ليش يعني انا شو بسوي وليش ماقالي بيوديها
وجذب علي وحاجز لها في فندق وهو قايل وداها بيت عمها هناك تغير جو وهو داوم وكان معاها
من مول لمول انا مابمدح عمري بس انا بمستوى جمال خواته بس دوم يمدح جمالهم
وانا لا حتى قمت احس انه بس يبانب اربي ولده يقولي ربي ولدج ولما اساله تحبني يقول شو رايج
اكيد وانتي ماتهونين علي دايما يوم نوصل للانفصال يصيح ويستسمح المهم كلمت ابو البنت
عن المحادثه وضربها ووعدني انه يقطع عنها طرق الاتصال مسكين كان طيب معاي ومحترم ...
وريلي للحين موبايله قفل وتحت راسه ولا بالسياره ماينزله الا نادرا تصدقون
اني قمت اطره اطلب منه شي ملابسي من النت واغراضي كلها طلبيات واذا بقوله ودني
بفصل بروحه ياخذ قياس حتى نعولي هو ياخذلي اقوله ودني الصالون يقول بعدين
اقوله بنتمشى يقول اوكيه ومرات بروحه من نفسه يوديني دبي واستانس وغيره وغيره ...
يابنات انا اللي متبته نقطه في بحر اللي صاااااااارلي وايد مب شي الله يعلم قوة ايماني وصبري
ابغي من كل بنت قرت قصتي توصلها للدكتوره ناعمه ابغي اقولها عن
كل شي في اشياء مااقدر اقولها لاني مابخلص مابي تجاهلكم
اتمنى منكم تساعدوني ولو بالدعاء الصالح خواتي ... اللي تعرف رقم الدكتوره بليز تعطيني ...
السموحه طولت عليكم ...
شحالكم خواتي
بصراحه مب عارفه من وين ابتدي ماخليت استشاريه ما طرشت لها رساله
طبعا حقروني الله يسامحهم والشكوى لغير الله مذله بس الواحد لازم يستفيد من تجارب غيره
اللي انا مريت فيه اكيد غيري مر فيه سويت كل شي اقدر عليه ماخليت اسلوب الا واتبعته
مع ذلك ترجع الامور عادي ماشي يطور واذا بفرح بس ايام معدوده وعقب يتلاشى كل شي
انا بطرح قصتي هنيه لعل وعسى يكون خير وبكون حاولت ع الاقل باني اشاركم همي
الله يبعد عنكم الهموم وياريت لو الدكتوره ناعمه يزاها الله خير تساعدني ...
انا بنت تربت عن عيله مب عيلتها بس يقولون الام اللي ربت مب اللي ولدت
وامي الحقيقيه لظروف قاهره ودتني عند هالحرمه وماقصرت في تربيتي
بس الحلو مايكمل قمت اسمع المعاير من عند اخواني ع اقل شي
حتى لما انجح في دراستي كانت امي تتحراني بضحك ع اخوي الاصغر عني بسنه
لانه فاشل دراسيا احنا نتكون من 5 اخوان ثلاث اكبر عني وواحد اصغر وانا البنت الوحيده
صبرت لين دخلت الجامعه ع الضرب وعلشان تفهمون راح اوصف لكم اخواني
الاول واكبرهم فري وايد ما يضرب والثاني عصبي ويحب الكل يحسب له الف حساب واناني
والثالث حنون علي وكان شرات الصديق لي بس بروحه حالات ونفسيته كل يوم شكل والاصغر
بالرغم من خلافاتنا الا ان هو اللي اقدر اسميه اخوي الحقيقي بهالدنيا ....
اخوي الثاني كان دوم يضربني وياما كان يحرمني من السيره للمدرسه بحجة ان البنات بيخربوني
ولانه متعدد العلاقات بالاجنبيات فانا قلت اكيد يتحراني شراته المهم كنت اشكي لامي
بس امي تحبه موت ودلوعها في البيت تدافع عنها ودايما تقول هذا ولدي وانتي مجرد امانه
من ازوجج خلاص روحي عند زوجج وكل مره تذكرني بانها لمتني من الزباله وياريتها لو
عقتني في الزباله ومرات بتكون الحنونه بس انا اعذرها لانها كبيره في السن ... وحبها لانها امي
بغض النظر ...
واخوي الثالث كان دايما يوم يعصب مني يقولي اطلعي برع البيت ولا عطينا مصروف
الاكل والشرب اللي تاخذيهم بلاش عانيت وايد وصبرت وعمري ما ياست والله اضحك
وانسانه مرحه لابعد الحدود بس محد افتكر باللي بقلبي المهم ومرت السنين وانا اصيح بروحي
بغرفتي وحيده لين اتقدم لي واحد وكنت اكرهه وهو يحبني ناس سمعتهم مش وايد زينه
لكن من كثر الحاحه علي وانه شاريني اهلي ماطلبو منه شي غير المهر وانه يصوني
بقينا سنتين مالجين وهو يتردد عندي وعقب اتزوجنا عنده ثلاث موبايلات اثنين فيهم رمز
ومن قبل مايسمحلي حتى امسكهم وواحد يخليني اشوفه وطبعا كان رقمه ع البلوتوث
وعانيت معاه وايد سهر برع كنا ساكنين فبيت اهلي فكان يقعد كله برع واذا تغدا معاي
مابيتعشى واذا تعشى مابيتغدا والريوق نادرا صبرت قلت يمكن مايرتاح مع العلم عشنا قصت حب
حلوه ودايما يقولي انا ماقادر استغنى عنج لاج الوحيده متحملتني صبرت ع كل شي
لين اكتشفت انه خاني مع وحده ورقد معاها في فندق والبنت دقت لي لانه قالها انه بيتزوجها
وعقب لما خذ اللي يباه اكتشفت انه متزوج ويقول لربيعاته انه كان خطب وحده بس فسخ الخطوبه
اللي هي انا وان خطيبته قلبها اسود ولسانها طويل تحب المشاكل ...
ولما كشفته قعد يصيح ويترجاني ما اخليه وكرت فتره ضربني فيها مرتين
ع اساس ليش مارديت عليه لما كنت بالدوام لانه يغار وشكاك ...
المهم خاني مره ثانيه بس رمسها بالفون وسامحته وقبل زواجي باسبوع اكتشفت انه يحب وحده
وكان بيدخل بيتهم بس ابوها كشفه وصارت مشاكل ووعدني انه ايكلمها وانا واجهتها وهددتها
ان لو عرفت مره ثانيه راح افضحها واتزوجنا ويبت ولد وكنت مرتاحه بس تعباه نفسيا من اهلي
كل يوم شي وريلي واهماله برع وسكنا بملحق فبيت اهله وارتحنا بس يومين وعقب تغير
والله حتى قمت انام تحت وهو فوق بحجت ان ظهره يعوره حتى الكلمه الحلوه ماتطلع منه الا بالزور
ودايما سرحان واذا قعد بس ع التلفزيون وسااااااااكت عقب اكتشفت ان يرمسها ع المسن
وعندي المحادثه وياما جذب علي بانه بينحجز في الدوام واكتشف
انه مسافر وهي كانت موجوده بنفس البلد مع اهلها وعرفت هالشي عن طريق المحادثه
وياما كنت اقوله قبل ولا دتي باني ابغي اروح بوظبي اغير جو يقول ماقدر وفجاه عرفت
انه مودي اخته يمشيها يومين وقالي انه دوام بس ليش يعني انا شو بسوي وليش ماقالي بيوديها
وجذب علي وحاجز لها في فندق وهو قايل وداها بيت عمها هناك تغير جو وهو داوم وكان معاها
من مول لمول انا مابمدح عمري بس انا بمستوى جمال خواته بس دوم يمدح جمالهم
وانا لا حتى قمت احس انه بس يبانب اربي ولده يقولي ربي ولدج ولما اساله تحبني يقول شو رايج
اكيد وانتي ماتهونين علي دايما يوم نوصل للانفصال يصيح ويستسمح المهم كلمت ابو البنت
عن المحادثه وضربها ووعدني انه يقطع عنها طرق الاتصال مسكين كان طيب معاي ومحترم ...
وريلي للحين موبايله قفل وتحت راسه ولا بالسياره ماينزله الا نادرا تصدقون
اني قمت اطره اطلب منه شي ملابسي من النت واغراضي كلها طلبيات واذا بقوله ودني
بفصل بروحه ياخذ قياس حتى نعولي هو ياخذلي اقوله ودني الصالون يقول بعدين
اقوله بنتمشى يقول اوكيه ومرات بروحه من نفسه يوديني دبي واستانس وغيره وغيره ...
يابنات انا اللي متبته نقطه في بحر اللي صاااااااارلي وايد مب شي الله يعلم قوة ايماني وصبري
ابغي من كل بنت قرت قصتي توصلها للدكتوره ناعمه ابغي اقولها عن
كل شي في اشياء مااقدر اقولها لاني مابخلص مابي تجاهلكم
اتمنى منكم تساعدوني ولو بالدعاء الصالح خواتي ... اللي تعرف رقم الدكتوره بليز تعطيني ...
السموحه طولت عليكم ...
