من هنا بداية النهاية

[بـكـرا أحلــى]

السلام عليكم ورحمة الله وبركاته
بنات هذا موضوعي الاول
http://www.niswh.com/vb/showthread.php?t=350893

غبت فتره لان اللي مريت فيه اتعبني حيييييل
بقولكم شصار معي بالفتره اللي راحت

زوجي ارسل اذا برد والا لا؟
وانا كنت نايمه فمارديت وحتى لو صحيت مقدر ارد عليه لاني ماراح ارجع لبيت اهله
اللي اهانوني برسايلهم وكلموني كأني بنت شوارع
وطنشته

قمت وصليت ودعيت الله يكتب اللي به خير واستخرت بامري
واتصلت على اخوي وقال تعالي لي للبيت ورحت وانا هناك حاولوا ينسوني هو وزوجته اللي صار معي لو شوي بس
واتصلت حماتي زوجه اخوه وقالت ان زوجها بيتصل بابوي
وقلت طيب انا مو بالبيت
قالت عطيتك خبر
كنت على اعصابي بشوف على ايش يرسى المركب
بعد ربع ساعه
جتني رساله من زوجي قال فيها انتي حقيره وكذابه ومالك رجعه بعد اللي صار انا متى طردتك وتركتك؟

انصدمت به حيل ماتوقعت يغلط علي بيوم واحد
مارديت وطنشت
رجع ارسل قال اللي بينا انتهى وورقتك تجيك بعد ماتولدين
وكمان طنشت
وزوجه اخوي تهديني تقول هدي لانها شافت ان القولون زاد عندي والاستفراغ وهبوط الضغط صارلي مره وحده من كثر الضيقه
واتصلت باخوي وجاء وقال طنشيه هذا ماوراه طلاق
كيف اطنشه؟
يغلط علي ويتهمني بالكذب واسكت وناسي خيانته من اول ماعرفته؟
ناسي انه طردني باول عيد لنامع بعض وانا غريبه عنده وعند اهله وانا حامل وتعبانه
؟
ناسي سكوتي واحترامي لاهله وانهم يبون بنت ثرثاره؟ وبس تضحك كنها مهرج؟
وهالشي مو فيني لاني عارفه هالشي يقلل من قدري
ناسي كل عيوبه وفتح عيونه على عيبي اني مااعرف اطبخ؟
اني اتوحم بولد اخته؟
شهذا؟
ورجعت لبيت اهلي وانا جالسه ارسل
حقك بيجيك عند اهلك
انا ماتحملت يبيني ارد عليه بس لازم ارد رد محترم ويبرد القلب ويسكته ليوم الدين

ارسلت له وقلت له
(
وين الكذب اللي كذبته؟
انت ماطردتني باول العيد؟
ماكنت تقولي برا كلما جاك اتصال؟
ماقلت لي رابع يوم بزواجنا برجعك لاهلك؟ مااهتميت الناس شبتقول عني لو هالشي صار بس انا رفضت اروح
حتى لما تكون متضايق وابي اجلس معك انسيك تقول انزلي وخليني لحالي لااشوفك فوق لحالك
انا ماقلت انك تركتني اول يوم ولاشي
بس انت تدور الزله وقلتها لك اول وين الخطاء اللي انا مسويته؟
من الخطبه انا طلبت بيت شرعي ياولد العم وكلكم وافقتوا ليش تسوي الحركه هذي بس؟
البيت الشرعي بيت كامل مطبخ وصالون موبس فراش وسجاده
لاتقول عاملتني بشرع الله
الشرع قال الزواج بشروطه ان خل شرط بالعقد خل الزواج ويجب عليك الوفاء به والا فسخ وبطل الزواج
ولاتنسى قال الله تعالى (واهجروهن بالمضاجع)فسره الائمه ان يعطيها ظهره ولايكلمها مويطردها
ولاتفكربيوم اني بنيتي اعزلك عن اهلك لاني تربيت عالوصل والرحم مو القطاعه
ولاقلت ابي بيت بعيد عن اهلك بس قلت بروح معك لدوامك لانك تجلس بالشهور وتتركني عند اهلك معرف احد ومانعني اتعرف
وانت اي شخص يجي يشتكي مني لك تصدقه وتخاصمني بلاتبرير
موذنبي ان غيري ماصفى معي النيه وانا معه صفيه
اعتذرت وماني غلطانه وترجيتك وانا على حق
بس لكل شي حدود
والحين ابي ورقتي قبل مااولد ماابي اكون تحت رحمة شخص بلا ذمه وضمير
واللي مايبيني مره ماابيه الف مره)

بنات والله منها لاارسل ولاشي
بردت قلبي به


بس ثاني يوم تتصل اخته بامي وتقول بنتك غلطانه ومدري ايش واخوها اللي خذاها يجيبها وولدنا مو مقصر شايلها شيل
وترجع ترسلي اذا ماتبين ترجعين بنخطب له
صدق صدق انها تقرب للقذافي
ارسلت لها وقلت الموضوع انتهى والف مبروك وان يبي عنيه مااقصر
والولد له رب يحميه مو ناسيه
قالت يعني نخطب له وبالنا مرتاح؟
مارديت هذي شيفهمها؟
تسببت لي بمشكله وسوت نفسها تصلح وتتصل تقول لاهلي كلام ولي كلام؟
وتمشي زوجي على مزاجها؟

بنات انا نسيتقصتي يومين بس الضيق رجع لي مره وربي صرت ماانام ونحلت حيل بس احاول بس لاجل امي ماتتضايق لاجلي ابين ان الموضوع عادي جدا والدنيا مو واقفه عليه
لانها حست انها هي السبب
لكن بعد اللي صار الحين انا اللي رافضه ارجع

موقفي صحيح والاتسرع؟

 

[بـكـرا أحلــى]

بنات محد يشوف ؟موقفي كيف صاير ؟
الضيقه بتذبحني والله

 

[غريبة في بلادي]

الله يفرج همك وييسر امرك وتولدين بالسلامة إن شاء الله

ياكرهي لاخوات الزواج لاتدخلوا بالحياة ( الرجل يتفاهم مع زوجته والباقي وش لهم )

اكثر من حسبي الله لا اله الاهو عليه توكلت وهو رب العرش العظيم

اللهم اني مغلوب فانتصر

والله ينصرك على من ظلمك ويكتب لك الصالح في امرك

 

[نص توائم]

والله مني عارفه ايش أقولك بس أهنئك على قوتك

 

[بـكـرا أحلــى]

يعني موقفي صحيح؟
ادري ان كلامي اكبر مني بس وربي من قهري
ينكر انه طردني وانه دخل اهله بحياتنا
اخوي لما عرف انهم راحوا معي بشهر العسل انصدم
حيييييل قال الاهذي منها غسلت ايدي من زوجك
انا لما قلت له اني تربيت عالوصل مو القطاعه لانهم هم قاطعوا جدي وابوي لانهم ماتزوجوا من قبيلتهم
ورغم هذي القطاعه خطبوني بيردون القربه واهلي رحبوا ووافقوا
الحين زوج اختي يقترح علي اني اغير رقمي لاجل مااضعف واحاول اسوي شي يهز من قيمتي وكرامتي بعد اللي صار يدرون اني لاحبيت اضعف حيل ومااتحمل اكون سبب بضيق عدوي فكيف بالشخص اللي حبيته
شرايكم اطيع شوره؟

 

[قمر بلامنازع]

الله يكون بعونك ..

ومااشاءالله عليك .. عارفه كيف تتصرفي .. رددي اجعل كيدهم في نحرهم ,,
وانتبي انتبي .. تنهاري حاولي لاتضعفي ولا تهتز ثقتك ..

وربي .. بيتعلمو درس ماحينسوه ..

وعلى فكره الزوج واهل الزوج ~~ اذا حسو انو الزوجه بايعه .. يتجننو ..

الله يكون معاك
​

 

[نحمدة ونشكره]

انتي غلطتي يوم وافقتي عليهم وانتو اصلا مقاطعيهم المفروض ماتتزوجي منهم ولا صله رحم ولا يحزنون يعني انتي شو استفاديتي بصله الرحم؟؟ على العموم الي راح مات
ردك قوي ومقنع والحمد لله انك ماهدرتي كرامتك وعرفتي قيمه نفسك لا تردي عليه وطنشيه والي كاتبه ربنا بيصير

 

[زوجي قرة عيني]

حببتي اه بدلي رقم هاااتفك وطنشيه والله ليجيك ركد دوسي على قلبك اشوي واستحملي عشااان تردي كرااامتك

 

[بنوتة بلادي]

الله يهديج.... كبرتيها وااايد... و رسالتج واااااايد غلط... ما هكذا تورد الأبل مثل ما يقولون....

يا اختي خلي عندج شوية حكمه في تصرفج... هدمتي بيتج بيدج للأسف...

نصحتج في الموضوع السابق و ما سمعتي لي....

زوجج صح غلطان... بس غلطتج اكبر...

و هو معاه حق في كلامه... هو ما طردج من البيت.. انتي اتصلتي لأخوج و طلعتي بملء إرادتج...

إذا كان اللوم في دمار العايله يقع على شخص اكثر من الثاني.... فهو يقع عليج انتي اكثر منه...

الله يهديج للصواب...

 

[همس الفيافي]

الله يوفقك ويسعدك ويهون عليك ويرزقك بالي يبرك ومافعلتيه عين العقل والزمي الاستغفار وقول حسبي الله ونعمى الوكيل وابشري بمايسرك

 

[Feeling Angle]

الله يسخرلك الخير وين ما كان اختي
بس انا من راي اذا انتي لسه لزوجك مكان بقلبك حاولي تعدلي الامور عشانك وعشان ولدك
اول شي استخيري وادغي ربك ان يكتب لك الخير وين مكان ويرضيك فيه
ثاني شي انا من كلامك حسيت زوجك متخبط و مو عارف كيف يتصرف ممكن يكون هذا الشي يكون درس له
خرجتك من البيت كانت غلط
بس مو معناته انو ترجعين انتي مع اخوك
لان هو قالك روحي وفكري
اخته حسيتها تعاني من نقص او غيرانة ، كلميها بالتي هي احسن يمكن ربي يسخرها لكي
لا تتسرعي بالطلاق الين تولدي ان شاء الله بالسلامه يمكن وجه البيبي خير عليكم يمكن ابوه يحس ويندم
انا ماايد الطلاق عشان الاسباب اللي ذكرتيها
الهديه تتعوض والمشاكل تنحل والطردة بدالها ان شاء الله مية رضوة بس اصبري
رددي دائما ان ربي يسخرلك زوجك ويسخرك له ويحنن بين قلوبكم
وقولي كمان اللهم اجعل لنا من ازواجنا وذرياتنا قرة اعين واجعلنا للمتقين اماما
والله يرفقك

 

[بريق الحب]

كلامك وردك عليه ورسايلك له تبين انك انسانه قويه بس عند غلط يوم خرجتى من بيتك وهدا مو لصالحك بس عندي احساس انه رح يرجعك لكن نصيحه لاتخرجي من بيتك الا ادا هوا خرجك طمنينا عنك[/SIZE]

 

[أم ديبو]

الله ييسرلك
ويفرج عنك

 

[رندا كووول]

كنت افكر فيك وتمنيت تكوني رجعتي بيتك وللاسف خاب ظني ولسه مارجعتي وكبر الموضوع وكان صغير بامكانك حله ف اول الايام....

اللحين هدأي نفسك وقفلي جوالك عشان ماتردي ع رسائلهم..

واخته لما تقولك نخطبله بس كلام عشان تضغط عليك وترجعي..
اهتمي بصحتك ولا تتعبي نفسيتك ..
وراح يرجعلك ان شاءالله ..
والله يكتب لك الخير

 

[دلع ايامي]

برااااااااااااااااافو عليكي والله عجبني ردك شوفي ولا تحرقي دمك وتتنكدي ولدك يجي برزقه واستخيري الله بموضوع الطلاق وربنا راح ينصرك دام المواضيع وصلت لها المواصيل اشوف الطلاق حل مناسب الله يفرجها عليا وعليكي وعلى امه محمد صلى عليه وسلم

 

[بنوتة بلادي]

للرفع

 

[سهم العشق]

الله يكون في عونك يا اختي 000​

 

[saniaend]

الله يسخرلك الخير وين ما كان اختي
بس انا من راي اذا انتي لسه لزوجك مكان بقلبك حاولي تعدلي الامور عشانك وعشان ولدك
اول شي استخيري وادغي ربك ان يكتب لك الخير وين مكان ويرضيك فيه
ثاني شي انا من كلامك حسيت زوجك متخبط و مو عارف كيف يتصرف ممكن يكون هذا الشي يكون درس له
خرجتك من البيت كانت غلط
بس مو معناته انو ترجعين انتي مع اخوك
لان هو قالك روحي وفكري
اخته حسيتها تعاني من نقص او غيرانة ، كلميها بالتي هي احسن يمكن ربي يسخرها لكي
لا تتسرعي بالطلاق الين تولدي ان شاء الله بالسلامه يمكن وجه البيبي خير عليكم يمكن ابوه يحس ويندم
انا ماايد الطلاق عشان الاسباب اللي ذكرتيها
الهديه تتعوض والمشاكل تنحل والطردة بدالها ان شاء الله مية رضوة بس اصبري
رددي دائما ان ربي يسخرلك زوجك ويسخرك له ويحنن بين قلوبكم
وقولي كمان اللهم اجعل لنا من ازواجنا وذرياتنا قرة اعين واجعلنا للمتقين اماما
والله يرفقك

أنا من راي اختي كلامها منطقي وحكيم وعقلاني فكري مرة ثانيه ما راح تخسري شئ واستخيري فما خاب من استخار

 

[واثقة]

الموضوع كبر وكان صغير


لكن لعله خير

زوجك رسالتك له تكفي


واخته يفترض ما رديتي على رسالتها

وتجاهلتيها تماما ..


لا يمكن نعطيك نصائح الان لأنك انهيتي الوضع


لكن عليك بالدعاااء