من مشكلتها مثل مشكلتي ؟؟؟ هيا لنجد الحل معا ....

[صوت الضمير]

يزينكم

انا صار لي 17 سنة متزوجة

اول زواجنا كل ماقلت شي عن الرومانسية قالي يا نعنبا الرومانسية

والحين يقول انا رومانسي

امحق رومانسية كلها طنازة وتعليقات

 

[همس77]

حالي مثل حالج،تعبت من تسع سنوات وانا اعاني بس شواسوي حاولت معاه بكل الطرق،كنت ابي يقولي احبج،اتصدقين ما رضا يقولها، انقهرت منه،وقلت له اذا انت ما بتقولي منو بيقولي ،
بس بعد احاول، احس مرات بالملل، تعبت وانا ادور كلمه حلو،مرات يوم يكون امسافريعبر شويه يقول اشتاقلج من هالكلام بس يوم يكون ابعيد،بس ما اقول الا الله يعني ويعينج .

 

[ضمة ورد]

هلا

أختي همس الظاهر ظاهر الرجل الصامت منتشره، وأنا بعد أختي وخواتي عندي نفس المعاناه وأحس نفسي مثل الأرض العطشانه للمطر إلي هو الكلام الحلو؟؟ شو بيخسر الرجل لو ناداني بكلمة حبيبتي ؟؟ شو راح يخسر لو لمسني لمست حب وحنان ؟؟ آخ منهم الرجال بس أنا بعد تفكير وجدت عمي (أبوزوجي) هو نفس الشي يعني هو تربى على هذا الشيء ويحتاج إلى دوره تعديل سلوك :in_love:

 

[m-h-r-a-r-e]

وان نفس الشى لا حيات لمن تناد طفشت من البرود والا مبالها الى مصبرنى ان الجو حار لكن المصيبه فى البرد اقله الجو بارد وعوطفك بارده والحياه بارده اففففففففففف حياه ممله

 

[الطايشه]

والله نفس المشكله انا الحين شهرين وانا زعلنه عند اهلي وتخيلوا مااشتقت له كلش لانه مش حنون معاي علمني اكون قاسيه مثله بدون مشاعر وعلى قوله الشاعر :من يزع الشكوك مايجني زهور __ومن يطفي النار مايلقى دفئ ههههههههههه استويت شاعرة

 

[@جودي@]

000بقوللكم الحقيقه 00واعرف ان الحقيقه مره00ولكن
هذا طبع الرجل قاسي وجاف ولكن هناك استثناءات وهي قليله
تجدين شخص رومانسي 00انا من رأيي كثر خيره اذا كان طيب وماسك ايده
ولسانه عن مايغضب الله00
واعتقد انه داخل الرجل انسان رومانسي لكن قساوة جلده ماتخللي هذه المشاعر
تطلع بسهوله00يبغاله حب يكسر الصخر0
--اهم شي الزوجه لاتنتظر منه رومانسيه00
خلليكي في كامل الانوثه والنعومه والرسائل والحركات
واذا لزم الامر كوني اسد مفترس لايرضى المهانه
00وغلط ان الزوجه تقارن حياتها بغيرها00عشان تقدر تعيش

 

[قلبي]

يزاكم الله خير خواتي وتسلم من دلتني على الحل وهو موجود على هذا الرابط بعنوان أنماط الشخصيات الرجالية السيئة للدكتورة موزة ....صدق إستفدت كثير وطلعت شخصية زوجي (الرجل الكتوم) و (الكسول المحب) إقروها خواتي والحل هناااااااااك ...هذ1ا هو الرابط
http://www.niswh.com/vb/showthread.php?t=15890
وإن اردتم شخصية الرجل الكتوم فقط دون بقية الشخصيات تجدوهااا هنا

http://www.niswh.com/vb/showthread.php?t=11121

 

[بيونه]

أختي الغاليه .. قلبي
تدرين مره صار لي موقف معاه حسيت انه منه تغير نوعا ما ...
وهو مره كنا رايحين العياده لولدي مريض .. وكان الدكتور ما موجود مسافر بإجازه ,,, فترك مكانه زميله دكتور عراقي ... أنا قعدت اوصف له حال ابني وانتكلم ... أنا والله الحمد جميله وملفته فلاحظت ولاحظ زوجي ان الدكتور يدقق وكل بين كلمه وكلمه يقول لي عيني وغاتي بالعراقي ... ويشيوفنتي زوجي اني اتبسم ... وهو منقهر حده ..
لمن طلعنا من العياده قال لي صدق هالدكتور وقح ؟؟:sly:
قلت له ليش تتكلم على الرجال جديه ...؟
قال يبقق عينه فيش لا ويقول كلام حلو ...
تدرين شكان ردي ؟؟
قلت له والله والله توني عارفه ان الرجال يعرفون يقولون كلام حليو ؟؟؟آنا فكرتهم كلهم مثلك ما يقولون كلام حلو .....شفته انقهر اكثر ,, وزعل عليي بس طنشته
والله منها صار دايم يقول لي غاتي وغناتي عن طناز بس احس انه غااااااااااااااااار واجد من سالفة الدكتور.... وانه لمس حاجة المرأه لهشي بالذات يوم شافني مستانسه وانا وربي يشهد كنت منقهره على الدكتور بس ما عرفت في النهايه انه زوجي راح ياخد درس من هالموقف:bye1:ويالت درس مطول بس حزت السالفه والحين نسا غاتي وغناتي لأنه الجفاف بدمه يسير

 

[صمت الامارات]

السلام عليج أختي الكريمه ...

نصيحه مني دام ريلج زين معاااج لا تنتظرين منه كلام حب لأنه مب كل ريال يعرف يقول مثل هالكلام ؟؟!!

وايد رياييل غرقو حريمهم بكلام حب بس شو الفايده كله جذب ؟؟!! ويلعبون من وراهم ...

شوفي حبيبتي ...

الريال يفكر من الجانب الأيسر اللي هو عمل وتخطيط والحرمه اتفكر من الجانب الأيمن اللي العاطفه تشتغل فيه أكثر ؟؟؟!!

دام ريلج زين معاج خلاص لا تنتظرين منه وايد من هالكلام أكيد هو يقولج كلام حلو مب عاااد بالمره ؟؟!!

واتبعي بنصيحتي لا اتضيعين ريلج منج حق كلام حب ؟؟!! دام أفعاله اتبين الحب ...

 

[goldenhony]

صمت الأمارات يسلم فمك:icon30:،،،،
بصراحه هذا اللي كنت بقوله

 

[الاميرة النائمة]

حبيبتي قلم أخضر , مو دايماً فاقد الشيء لا يعطيه

والله إني أعرف وحده كانت عايشه معنا بالبيت

مافي شي ماتسويه حق ريلها , كلام وشياكه وتدليع

يعني يوم أشوفها أستغرب تفانيها في ‘إساعد زوجها

لكن لا حياة لمن تنادي , بارد برود يجيب الأعصاب

دمتن بود

اللي يشوفني مع زوجي يفكر اني في العسل .. كثير يشتكون لي ويتذمرون لاعتقادهم ان زوجي مثالي ومو مثل ازواجهم .. مع اني اعرف ان ازواجهم افضل .. وتعاملهم مع ازواجهم غيير عني <<< طبعهم جافي