معلومات راجيه الرضا
- إنضم
- 18 فبراير 2017
- المشاركات
- 14,545
- مستوى التفاعل
- 9,643
- النقاط
- 113
من مذكرات "الخاطبة" في رحلتي لتوفيق راسين في الحلال
#الخاطبة
من صفحة رحاب فكري ..
من خلال رحلتي في السعي لتوفيق راسين في الحلال..يمكنني ان ادون بعض الملاحظات:
1-كل الرجالة بلا استثناء باختلاف السن والمستوى والتعليم والعمل والشكل والصلعة والكرش وسلفني شكرا، عايزين بنت حلوة وبيضاء البشرة وقوامها ممشوق..
بتنور في الضلمة
فول اوبشن مالتي انترناشونال
تقفيل اوروبي
كاسيت وجنوط ويو اس بي
بغض النظر هو شخصيا شكله عامل ازاي واراهن اذا كان بيبص في المراية اساسا
2-الراجل اللي عنده 40 و50 و60 سنة عايز واحدة 20 علشان بعد كده بتتحول البنت تقريبا لزومبي بتمص الدماء..
3-المهندس عايز مهندسة والدكتور عايز دكتورة
على اساس ان بقية الكليات بتعلم أنا بسمة وأخي باسم وبتقرطسهم في بقية المنهج
4-اللي ساكن في التجمع عايز من التجمع واللي ساكن في اكتوبر عايز من اكتوبر
علشان انتوا عارفين في مشاكل في الحدود بين البلاد
5-المطلق والأرمل واللي عايز زوجة تانية كلهم عايزين انسات.. وبقية الفئات النسوية ممكن ييجوا معانا كوكب المريخ يشوفوا كاىنات تانية قابلة للزواج
6-معظم الرجالة عايزينها بتشتغل وكسيبة، معلش الست ميعيبهاش غير جيبها ، واحنا بنشتري ست بفلوسها وسلاطتها وبابا غنوجها
7-الرجالة بتخاف من الست الذكية والمثقفة والقارئة والمتعلمة والقوية والمستقلة والمادية والعاطفية والغيورة واللي مش بتغير وذوات الدم البارد والاجنحة المكسورة والمناقير الحادة وانا وانت وجتها نيلة اللي عايزة تتجوز
طبعا دي نبذة صغيرة عن طلبات العرسان
البنات بأه
1-وريني صورته علشان انا اهم حاجة عندي يبقى مسبسب
.. ايه مسبسب دي؟
انا اخر عهدي بالوجاهة كان الراجل يبقى وسيم
2-لا انا مسافرش بره انا بنيت هنا امبراطورية سترونج اندبندنت زفت على دماغهم ومقدرش اسيب ده كله واسافر علشان اتجوز راجل يتحكم فيا
3-اهم حاجة الشقة جنب ماما، ااه امال انا هاروح ارمي بلايا على مين لما اتجوز ومين هيطبخ ويغسل ويحمي العيال ويلطم انه جوز بنته ع الفاضي
4-لا انا متجوزش واحد اكبر مني بخمس سنين، انا عايزة واحد يفهمني
ماهي المصيبة انك لو بتفكري كده، فانتي كده بتلعبي في رينج رابعة ابتدائي وهتقعدي تذاكري دراسات
5-هاتي الاكونت بتاعه علشان ادرس شخصيته قبل ما نتقابل..
اكونت مين؟ راجل اعزب على الفيس بوك؟!
اومااااال
الاهم في كل ده..اخر حاجة الناس بتتكلم فيها الدين والاخلاق!
اخر حاجة يقولها..ده لو قالها اصلا..اخبار الاخلاق ايه..
اخر حاجة تسألها هل بيصلي؟ هل مشهود له بحسن الخلق؟
هل هي بنت ناس؟ اخبار البيت اللي خارجة منه ايه؟
ونرجع نقول الطلاق زاد ليه والمشاكل بقت مش طبيغية في المتزوجين حديثا..لا بجد العقليات بقت صعبة والله
والزمن مش متحمل تناكة الله يكرمكم ..لما تتجوزوا هتكتشفوا ان البشرة البيضا والقوام الممشوق رفاهيات..المسؤوليات صعبة ومحتاجة زوجة متفهمة وواعية وقادرة على تخطي المشاكل بعقل وحكمة مش ببشرتها البيضا.
لما تتجوزي هتفهمي انه يتحمل مسؤولية بيته وولاده اهم من موديل عربيته ومساحة شقته.
محتاجين احلال وتبديل في ثقافة انتقاء النصف الاخر فعلا.
محتاجين ناس بتتقي ربنا وعندها وعي وخبرة وحكمة تدي للمقبلين على الزواج دورات تدريب حقيقية ازاي يبتدوا حياتهم وازاي يختاروا شريك الحياة
ومحتاجين زيهم يفضوا مشاكل وخناقات بمنتهى العقلانية والحيادية والحكمة والصبر والرغبة في اعمار الامة
محتاجين فكر متجدد بثوابت راسخة!
من صفحة Rehab Fikry
#رحاب_فكري
من صفحة رحاب فكري ..
من خلال رحلتي في السعي لتوفيق راسين في الحلال..يمكنني ان ادون بعض الملاحظات:
1-كل الرجالة بلا استثناء باختلاف السن والمستوى والتعليم والعمل والشكل والصلعة والكرش وسلفني شكرا، عايزين بنت حلوة وبيضاء البشرة وقوامها ممشوق..
بتنور في الضلمة
فول اوبشن مالتي انترناشونال
تقفيل اوروبي
كاسيت وجنوط ويو اس بي
بغض النظر هو شخصيا شكله عامل ازاي واراهن اذا كان بيبص في المراية اساسا
2-الراجل اللي عنده 40 و50 و60 سنة عايز واحدة 20 علشان بعد كده بتتحول البنت تقريبا لزومبي بتمص الدماء..
3-المهندس عايز مهندسة والدكتور عايز دكتورة
على اساس ان بقية الكليات بتعلم أنا بسمة وأخي باسم وبتقرطسهم في بقية المنهج
4-اللي ساكن في التجمع عايز من التجمع واللي ساكن في اكتوبر عايز من اكتوبر
علشان انتوا عارفين في مشاكل في الحدود بين البلاد
5-المطلق والأرمل واللي عايز زوجة تانية كلهم عايزين انسات.. وبقية الفئات النسوية ممكن ييجوا معانا كوكب المريخ يشوفوا كاىنات تانية قابلة للزواج
6-معظم الرجالة عايزينها بتشتغل وكسيبة، معلش الست ميعيبهاش غير جيبها ، واحنا بنشتري ست بفلوسها وسلاطتها وبابا غنوجها
7-الرجالة بتخاف من الست الذكية والمثقفة والقارئة والمتعلمة والقوية والمستقلة والمادية والعاطفية والغيورة واللي مش بتغير وذوات الدم البارد والاجنحة المكسورة والمناقير الحادة وانا وانت وجتها نيلة اللي عايزة تتجوز
طبعا دي نبذة صغيرة عن طلبات العرسان
البنات بأه
1-وريني صورته علشان انا اهم حاجة عندي يبقى مسبسب
.. ايه مسبسب دي؟
انا اخر عهدي بالوجاهة كان الراجل يبقى وسيم
2-لا انا مسافرش بره انا بنيت هنا امبراطورية سترونج اندبندنت زفت على دماغهم ومقدرش اسيب ده كله واسافر علشان اتجوز راجل يتحكم فيا
3-اهم حاجة الشقة جنب ماما، ااه امال انا هاروح ارمي بلايا على مين لما اتجوز ومين هيطبخ ويغسل ويحمي العيال ويلطم انه جوز بنته ع الفاضي
4-لا انا متجوزش واحد اكبر مني بخمس سنين، انا عايزة واحد يفهمني
ماهي المصيبة انك لو بتفكري كده، فانتي كده بتلعبي في رينج رابعة ابتدائي وهتقعدي تذاكري دراسات
5-هاتي الاكونت بتاعه علشان ادرس شخصيته قبل ما نتقابل..
اكونت مين؟ راجل اعزب على الفيس بوك؟!
اومااااال
الاهم في كل ده..اخر حاجة الناس بتتكلم فيها الدين والاخلاق!
اخر حاجة يقولها..ده لو قالها اصلا..اخبار الاخلاق ايه..
اخر حاجة تسألها هل بيصلي؟ هل مشهود له بحسن الخلق؟
هل هي بنت ناس؟ اخبار البيت اللي خارجة منه ايه؟
ونرجع نقول الطلاق زاد ليه والمشاكل بقت مش طبيغية في المتزوجين حديثا..لا بجد العقليات بقت صعبة والله
والزمن مش متحمل تناكة الله يكرمكم ..لما تتجوزوا هتكتشفوا ان البشرة البيضا والقوام الممشوق رفاهيات..المسؤوليات صعبة ومحتاجة زوجة متفهمة وواعية وقادرة على تخطي المشاكل بعقل وحكمة مش ببشرتها البيضا.
لما تتجوزي هتفهمي انه يتحمل مسؤولية بيته وولاده اهم من موديل عربيته ومساحة شقته.
محتاجين احلال وتبديل في ثقافة انتقاء النصف الاخر فعلا.
محتاجين ناس بتتقي ربنا وعندها وعي وخبرة وحكمة تدي للمقبلين على الزواج دورات تدريب حقيقية ازاي يبتدوا حياتهم وازاي يختاروا شريك الحياة
ومحتاجين زيهم يفضوا مشاكل وخناقات بمنتهى العقلانية والحيادية والحكمة والصبر والرغبة في اعمار الامة
محتاجين فكر متجدد بثوابت راسخة!
من صفحة Rehab Fikry
#رحاب_فكري
اسم الموضوع : من مذكرات "الخاطبة" في رحلتي لتوفيق راسين في الحلال
|
المصدر : الزوج والزواج