من مثلي تعاني لاني خلاص كرهت نفسي والحمل والولاده

  • بادئ الموضوع بادئ الموضوع عفراء123
  • تاريخ البدء تاريخ البدء
ع

عفراء123

New member
إنضم
2008/10/18
المشاركات
102
:icon1366:السلام عليكم بنات
الله يسعدكم ويفرج عنكم يارب ساعدوني
انا اعاااااااااااااني
من رحمة ربي اني مو مع زوجي حاليا بس برجع له بعد شهر من ولادتي لانه في بلد ثاني غير بلد اهلي اللي انا فيه حاليا بكره موعد ولادتي المفروض وكل شيء بيد الله
الله يسهل بس
حبيباتي معاناتي اعتقد انكم ياعانيتوا منها او قريتوا عنها الله يفرج كربكم ساعدوني
جسمي صار دمااااااااااار مع الحمل انا مايهمني اكون بيضا لاني من الاساس مو بيضا بس ابغى يتوحد لوني لي ثلاث شهور اعاني بس الطامه البارحه وماراح تصدقوا اول مره اكتشف خطوط السليولايت البيضا في اعلى الفخذ وللاسف في منطقة العانه نفسها والله ابى انجن مني عالرفه شسوي اكثر انا جدا مراعيه نفسي بس مافي نتيجه على طول بالخلطات والكوكوابتر والبايو اويل بس مافي اي تغيير يعني بالله كيف حولد راح تكشف علي الدكتوره والاسوء كيف برجع لزوجي بهالطريقه
رجاااااااااااااااءن لاحد يقوللي عايدي مستحيل احد يكون في نفس ظرفي ومايحس بالمعاناه ولي مرت بهالشيء او مازالت تعاني تواسيني وتنتظر معايا البنات الله يكتب لنا الفرج على ايدهل
ابى حلووووووووووول مجربه الله يخليكم لانه راح يكون ضمن برنامج النفاس حقي
والله اني دايما ادعي بالستر وان زوجي مايشوف مني الا كل جميل بس برضوا ابى اخذ بالاسباب
 
هلا حبيبتي ...

وربي حاسة فيك , انا اول حمل ولسا بالشهر الرابع بطني صاير حيييييييل اسوووود اسووووود ..

مدري ليش , وبالنسبة للسوليليت انا للاسف موجوده بجسمي من قبل الحمل ..

ونفس الشي ماني عارفة وش اسوي فيها ...
 
عــادي ياعسسسل ضريبة الحمل والولاده انا فيني تشققات حمراء تفشششل

ماشاء الله تبارك الله مع اني بيضاء فمررره واضحه بس جسمي منسق وهذي شي يفشششل

بس خليها ع ربك ..
 
ياختي الغاليه ياليتني جنبك وتشوفيني عشان تقتنعين ان هذا الشي عادي وطبعا موكل واحدة جسمها به تشققات وسواد سبحان الله اعرف كثير حريم ماشاالله عليهم جايبين8ولا في جسمها خط ومشدود سبحان الله على نوع الجلد فيه جلد زي المطاط ماياثر فيه كبر البطن وفيه جلد ناشف ومع كبر البطن يتقطع ويسود
لكن يااختيعلينا بدهن المنطقه باي زيت موشرط الزيوت اللي قلتي عليه حافظي ان المطقه تكون دايما رطبه ومزيته حتى لو بزيت جونسون بيبي
بالنسبه للخطوط اللي امتدت اللي منطقة العانه ومنطقة الفخذ هدا شي طبيعي لان الجنين بدأ ينزل ويثقل ملى منطقة الحوض
اجل في وقت الولادة وش بتقولين اذاشفتي الخطوط البيضاء اكثر من كذا
انتي بس بعد الولاده عليك بزيت جنين القمح
واربطي بطنك بشد
وادهني دايما بخل التفاح وصدقيني راح تدعيلي لاني جربت هذة الخلطه بعد ولادتي ببنتي الثانيه
وصفيت المنطفقة وخفت الخطوط بالنسبه80المائه
تحياتي لك ونولد بالسلامه
 
مشكورات ياقماري
الله يسهل عليكم انا خلاص اقتنعت والله اني جدا حريصه على هالاشياء سبحان الله بس شكله كذا من الله مثل ماقلتوا يختلف من وحده لوحده والله يستر عيوبنا على كل حال
 
حبيبتي هذي معاناة كل حامل لازم نتحمل وخصوصا السيلولايت و التشققات

الله يعينه بس
 
مرحبا كيفكم بنات

اختي بنزل خلطات الاول قمة وتبيض وتشيل السواد انا جربتها قبل زواجي توحد اللون ..

اخذتها من منتدى الله يجزاء خير كاتبتها يارب

(1)
لمقادير
صابونة غار مبشورة ناعمة جدا تنقعينها بكاس ماي ورد طول الليل
عشان تذوب
علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة

تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه
وانا حتى استخدمها للمنطقه الحساسة والابط
وشفت بياض موطبيعي ونعومة وكل الاثار اللي بجسمي اختفت
انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية
واسوي سنفرة الملح الخشن مع عصير الليمون
يعني اخلط كمية ملح خشن مع عصير ليمون واتفرك فيه

الخلطة الثانية (2)

خلطة السدر كمان روعه

2ملعقة سدر مطحون + 3 ملاعق حليب بودرة + كاس موية ساخن على دافي

تخلطيها مع بعض راح تكون سائلة على ثقيل

استعمليها كل يوم لمدة 3 اسابيع فترة الخلطة ربع ساعه لما تجف على جسمك اغسليها بموية دافيه وافركي جسمك

باليفة بودي شوب القفازات .. روعه توحد وتبيض . جربتها كمان .

الخلطة الثالثة .. ماجربتها بس شكلها روعه .. منقولة ..

مناطق غامقة


شنو المكونات .. شنو المكونات ....


فازلين أطفال - زيت اللوز - زيت الخروع - جلسرين سائل

قسمت الفازلين في علبتين

حطيت فوقه ملعقة جلسرين و نص ملعقة زيت خروع و ملعقة ونص زيت اللوز

وتميت أخلط وأخلط لين امتزجت جميع المكونات

ما تغير شي في الفازلين بس صار مايع يعني ألين من قبل

 الاستخدام

كل يوم بعد الحمام أحط على المنطقة كلها (المؤخرة والمنطقة الحساسة وجزء من الأرداف(


دعواتكم بتمم حملي وسلامته ..

دمتم بود
 
طبيعي حبيبتي ..

مافيه طفل حلووو ببلاش ؟

هذا الثمن اللي تدفعينه مقابل الحصول على أجمل طفل ..


لكن خلي عنك هالأفكار وأجليها لين تولدين ..

وبعد الولادهـ اهتمي بنفسك والله يعينك ..

وترى كلنا كذااا ..
 
انا طالع في صدري زي اشعة الشمس حول الحلمه واحمر على موف بعد ووده بعد يصير اسود

واستعمل كريم بالحليب للتشققات ومافيه فايده

وسري اسود > عاد هذا حاله خاصه

انا بدخل التاسع وتوه للحين مستمر كل فتره بمكان جديد

الله يسهل علينا وبس هذا اللي نقوله

ويخفي عيوبنا عن ازواجنا

اهم شي انه يدري ان هالتغيرات تجي لكل الحريم في الحمل > عشان لا يقول وراها تغيرت معد صارت تهتم ولا شي:)


يعني كلنا كذا وش نسوي ؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل