من مازالت في قائمة انتظار الحمل؟ لنتنافس معا في المدة؟

[ملكة الشوق]

عجبني توقيعج ام جودي ولطشته :msn-wink:

الله يرزقنا بالذرية الصالحة اجمعين

 

[رموش نمله]

هلا حبااااااااااااااااااااايبي كيفكم انشاااااااااااااااااااااءالله كويسين كلوين
بنسبه لي مصدومه شوي حبتين بسبب خساااااااااااااااااااااااااااااااااااااااااااااااره المنتخب سعودي

والحمد الله ونقول لحبايبنا العمانين مبروووووووووووووووووووك وفالكم البيرق خخخخخخخخخ الف مبروك
وتستاهلون بس لاتتعودون تخطفون الكاس مره ثانيه خلوها للمنتخب



المهم نرجع المحور حديثنا
حبيباتي شوخباركم انشاء الله بخير طمنوني عن حالتكم انشاء الله احسن

 

[دلوعة _ريلي]

هلا رموووش نملــــــــــــــه ... شحااالج الغاليـــه ؟؟؟ عسااااج مرتــــــــــاحه ؟؟؟

آآآه تبين علومــــــــــــي !! انا وايد تعبانه وعندي معاناه شرفت المرحومــه << على قولت زوجي ههه

يتني الدوره اليوم واحس انه بطني بينفجر طبعا بديت المعاناه اللي كل مره اسوييها ... ولااا تخيلي يتني الدوره الصبح وقلت عشان ما احس بالالم بظهر بسير المول سرت المول مع خالاتي ويلست اتشــرى:clap: << متفيـــــــقه وعقـــب ركبت السياره ... من اول ما ركبت السيااااااااااره وانا اصيح وما اسكت من الويع :icon1366::icon1366::icon1366: طبعا خالاتي مش متعودات عليه كل وحده مبطله عيونها اطالعني ... يقولولي حبيبتي تبين نوديج المستشفى يغزونج ابره قلتلهم لا وانا اصييح واتويـــــــــــع ... حليلهن يلسن يدعن لي يقولون يعلها ما اتييج مره ثانيه الا عقب تسع شهور وانا اصييح واقول آميين ... وبعدين شو سوييييييييييييييييت زعـــــــــــــــــــــــــــــــت وخيست السيااااااااااااره وصاروا اللي فالسياره كل وحده فاتحه ثمها وتبا تزووع ههههههههههههه دقت خالتيــه حق ريلي وقالتله بسرعه تعال شل حرمتك نحن غلطانين نشلها معانا :icon28: ويلس ريلي يضحك ههههههههههه ... يوم ياني ريلي قلتلهم مع السلامه وسامحوني خيــست سيارتكم ههههه :c018:

وبـــــــــــــث هاي علومي ^_^

هيييييييييييييه صح هارد لك لكم يا رمووش ... الصراحه نحن كلنا كنا معاكم ونشوف المباراه ومندمجين ومعصبين نبا السعوديه تفوز بأي طريــــــــــــقه ... ويوم يلسوا يدخلون الاقوال نصارخ وفرحانين بس للأسف ما اكتملت الفرحه ... تعرفين انه الشباب قااالو نحن لو فازت السعوديه بنظهر فالشوارع وبنسوي مسيره .. لانه العمانييييييييييين سووا بلاوي مع الاحترام لليميع .. ظلموا المنتخب الاماراتي وااايد وشفنا وايد اشياء منهم هالمره ... المهم مبروك عليهم الكأس للمره الأولى وانتوا معليه خذتوه 3 مادري 4 مرات خلوهم هالمره ياخذونه هههههههههههه

السموحه من اليميع :in_love:

 

[zeyzafun]

الله يزقنا جميعا

 

[رموش نمله]

دلوعه يحبيلك رحتي لسوووووووووووق شخبار اسواقكم
انا يعجبني اسواقكم بس اسعاره ناااااااااار اغلا وايد من الرياض
انا سافرت من سنتين لدبي وكانت شنطتي صغيره وانا راجعه الا معاي شنطه كبيره كلها من اسواق دبي
بس ياخساره ماشفت اهل الامارات كلهم اجانب بس انشاء الله المره الجايه اروح للشارقه وحوليها من المناطق



بنسبه لك من المفترض انك مانزلتي لسوق وهاذا وقت الدوره كان ارتحتي لسمح الله وكتبلك الحمل ترا بسهوله ينزل بشهور الأولا انشاء الله فهمتيني

انا حملي هالمره من شهر الاول وانا معاي الام فضيع في اسفل بطني وكتشفت انه حمل بعدين الين دخلت شهر
الرابع وهو كلما يخف الالم والحمد الله
بس من 3 شهور وانا اكل حبوب المثبت ولا اتحرك ودايمن جالسه علا ضهري ولا اطلع
والحمد الله علا كل حاااااااااااااااااااااااااااااال

الله يرزقك حبيبتي ويهنيك ويرزقك بذريه صالحه باذن الله

 

[بنت السحاب]

اخباركم بنات كيفكم دلوعه الله يعينك على الدوره اذا كذا لاتطلعي من بيتك اول يوم عشان اذا صار شيء لا وانتي في

البيت انا مثلك اول يوم الم طبعا ولكن مااطلع من البيت حتى اذا صار ماصار الا وانا قرب التواليت

عموما الله يرزقك الحمل ..

رموشة اش اخبارك ان شاء الله بخير

 

[وصايف ليل]

الله يتمم عليكي رموشه بس اهتمي بالرقيه كل يوم والله يتمم لك بخير
دلوعه ان شاء الله يارب تكون آخر دوره تمر عليكي وتخبرينا الشهر الجاي بحملك
بنت السحاب وانتي بعد ان شاء الله تكون اخر دوره
الله يرزقنا بالذريه الصالحه عاجلا غير آجل
بالنسبه لي من خلصت الدوره وعندي الم بصدري فضييييع اشد من الم الدوره
ان شاء الله خير

 

[رموش نمله]

بنت السحاب وصاااااااااااااايف اليل
مشكورين حبايبي
انا الحمد الله طيبه بخير اليوم يابكره بودي بنتي للمستشفى لانها عندها فك بسيط في الفخذ وراجعتها عند كم مستشفا منهم يقول طبيعي منهم من يقول بعد سنه تعالي 00بس البنت الحين عمرها 4 سنوات
وعندنا مستشفى الشميسي بريااااض مره ممتازين بناحيه العضام وتبهذلنا الين جبنا واصطه عشان ندخل المستشفى لانهم صارو مايستقبلون حااااااااااالاااااااااااااات بسبب انه عندهم ابناء غزه الله يفك ازرهم ويشفيهم
انشاء الله فهمتوني
سدقون عندهم 8 من ابناء غزه تقريبااااا او يزيد والباقين موزعين في المستشفيات الباقيه
انا علا اعصابي خايفه انه تحتاج عمليه لانه قايلي دكتور بمستشفا ثاني 40بلماه تحتاج
الحمد الله علا كل حااااااااااااااااال

 

[بنت السحاب]

مرحبا وصايف من زمان عنك اش اخر المستجدات عندك

رموشة ترى عادي لو عملت عملية بنت عمتي كان عندها خلع ولاده وعملت العملية بالشميسي والان مشاء الله مشيتها

حلوة وطبيعية .. والله يقوم بنتك بسلامه


والله ماافكر بالحمل ومخليتها على ربي ليش اشغل نفسي وانا ماكملت سنة والحمدالله صار حمل بعد ماتركت

الحبوب ونزل ..

افكر بس بالاستمتاع بحياتي اطلع مع صحباتي واروح واجي ..

ودام كل حاجه طبيعية عندي اتركها لله متى مانكتب الحمل يصير ولا اتعب حالتي النفسية ..

ودخولي هنا بسبب الدردشة ويمكن اعطيكم معلومة جديده واخذ معلومه واعطيها متاخرت كثير بالحمل

والله يكتب الخير لي ولكم

دمتم بود

 

[وصايف ليل]

حبيبتي رموشه اللخ يشفي بنتك وان شاء الله ماتحتاج عمليه
بس اهم شي يكون الدكتور ممتاز
حبيبتي بنت السحاب اخباري مابه جديد
وعلى قولتك والله عيشي حياااااتك بالطول والعرض
ان شاء الله تحملين وانتي ماتدرين خخخخخخخخخ قصدي يعين ماحسبتي للدوره

 

[سندريلا الخليج]

الله يرزقنا ويرزقكم بالذرية الصالحه يارب​

انه سميع مجيب​

فاهمه الكلام اللي انكتب هنيه
وحاسه باحساس كل وحده​

خاصه الاحساس اللي يكون من أسئلة الناس​

حملتي ؟؟؟​

ها ما ولفتوا شي؟؟؟​

بشرينا ان شالله في نونو في الطريج ؟؟؟​

كل اسبوع يسألوني هالاسئله​

:sadwalk:​

الحمد لله​

ارجيه ولا ارجي الا عظيم الرجا اللي قط ما خيّب رجا من رجاه
جل الجليل وتعالى مالي ولا لي سواه ارتجي به واقصده وانصاه والجى إليه​

:icon26:
متفائله :shiny: وان شالله ربي بيرزقني بذرية صالحه باره تحفظ القرآن :in_love:​

:icon26:​

 

[وصايف ليل]

آآآمين ياسندريلا الله لايردنا وياك خايبين

 

[بنت السحاب]

مرحبا سندريلا الخليج وقفي الناس عند حدهم ولا بتدمر نفسيتك وراح تفكير بالحمل كثير وسبحان الله يمكن

يصير مانع للحمل طبيعي من اثار الحكي وكثرة التفكير .. ولكن مااقول الا عسى تبشرينا الشهر هذا باحملك

وصايف لليل لزم كمان انتي تعيشي حياتك ولا بتشيلي هم فوق همك ولكن عسى ربي يكتب لك السنة هذي الحمل

والولاده وتجيبي قمر .. زيك

دمتم بود

 

[وصايف ليل]

تسلمين حبيبتي بنت السحاب بس انا خلصت البسط
بكمل خمس سنين ان شاء الله بصحه وعافيه وطفل يملا حياتي يارب
يعني حتى زوجي طفش من رتابه حياتنا
واهله اشتغل زنهم
الله كريم

 

[سفيرة السعداء]

السلام عليكم ورحمة الله وبركاتة

صباحكم ورد وفل وياسمين

أخباري الحمدلله تمام :icon30:

هدوء حاد نسبيا مع زيارات للدكتورة مرعدة قليلا :nosweat: لاني خوافة خخخ

توني مطهرة الحمدلله

بس رحت خامس يوم الدورة وقالتلي المبايض والرحم كل شي طبيعي بس باقي فحص الأنابيب :schmoll:
يقولون اللي يطلع الروح فعشان جي قلت ما بروح له :shiny:

الله يرزقنا الذرية الصالحة المعافاه

ربي يسعدكم

​

 

[أم مارية]

السلام عليكم ,, حبيباتي ,,


ما شاء الله ,, انظموا عضوات يداد عندنا ,,


اممممم


دلوعه ريلي ,, الله يرزقج الذرية الصالحه ويعينج ,,

رموش نمله .. شخبارج حبوبة ,, عساج طيبة ,,

وصايف الليل ,, وام جوري ,, انشودتي الكويت ,, ووو


كلهكم شخباركم ,, عساكم مرتاحين ,, ادري اني طولت واايد بالغيبة ,,




والله يرزقنا جميعا بالذرية الصالحه ,,




طبعا مستمرة في مرحله العلاج ,, ولا جديد إلى الآن ,, والله كريم ان شاء الله ,,

 

[دلوعة _ريلي]

مرحبـــا باليميـــــع ^_^​

دلوعه يحبيلك رحتي لسوووووووووووق شخبار اسواقكم (( أسوااقنا اتينن .. صدقتـــي بالنسبه للسعوديــه نحن اسعاارنا وايد غاليــه )) هههه
انا سافرت من سنتين لدبي وكانت شنطتي صغيره وانا راجعه الا معاي شنطه كبيره كلها من اسواق دبي
بس ياخساره ماشفت اهل الامارات كلهم اجانب بس انشاء الله المره الجايه اروح للشارقه وحوليها من المناطق << يا مرحبـــــــــــــــــا بج عندنا فبوظبـــي .. اذا ما شلتج بيوتنا تشلــــــــج رووسنا وعيونا والله يا مرحبابج .. ان قررتي اتيين الامارات مره ثانيــه تعالي صوبنا ونحن ان شاء الله ما بنقصر .. اسميها بتنور بلادنا بهل السعوديــه ^_^​

بنسبه لك من المفترض انك مانزلتي لسوق وهاذا وقت الدوره كان ارتحتي لسمح الله وكتبلك الحمل ترا بسهوله ينزل بشهور الأولا انشاء الله فهمتيني
شسوي قلت بظهر عشان ما احس بالالم
انا حملي هالمره من شهر الاول وانا معاي الام فضيع في اسفل بطني وكتشفت انه حمل بعدين الين دخلت شهر
الرابع وهو كلما يخف الالم والحمد الله
بس من 3 شهور وانا اكل حبوب المثبت ولا اتحرك ودايمن جالسه علا ضهري ولا اطلع
والحمد الله علا كل حاااااااااااااااااااااااااااااال​

الله يعينج ويسهل عليييج يارب ويثبت حملج​

الله يرزقك حبيبتي ويهنيك ويرزقك بذريه صالحه باذن الله
آآآآآآآآآآآآآه آمييين الله يسمع منكن ويرزقكن يا رب​

بناااااااات ابا اقوولكم شي ... طبعا الكل يعرف سالفتيـــه .. انه اول حملي كان خارج الرحم وتم استئصاال انبوبي الايمــن بس الحمد لله عندي المبايض والانبوب الايسر الحمد لله على كل حال .. وطبعا قلتلكم قبل فتره سرت عند الدكتوره وسوتلي سونار وقالت عندي الرحم مقلووب ..​

بناااااااات انا قررت اسير عند وحــده تمسحلــــــــي .. وتعـــدل الرحم ..​

شووو راييييكم ؟؟​

بصراااحه انا خايفــــــه ... بس امي قالتلي انها بتيي معايا وانها مرتاحه لهالحرمــه اللي تمسح

:tears::tears::tears:

بنات ادعوووووووووولي ما اشوف الدوره اليايــــــــــه الا عقب تســع شهور وربي يرزقنــي بالحمل ويفرح قلبي وقلب زوجــــــــــــي​

 

[سندريلا الخليج]

بنت السحاب ووصايف ليل يزاكم الله خير والله لا خيّب رجانا فيه

بنت السحاب حبيبتي شكرا على الدعا :icon26:

:in_love:

دلوعة ريلي

حتى انا ان شالله بسير امسح ،،،حرمت اخوي تمت اربع سنين تتعالج ويوم مسحت حملت

وبعد وحده ثانية من 10 سنين ما حملت ويوم مسحت حملت

واعرف وايداااااااااااااااااات مسحن وحملن
باذن الله

والحمد لله اقنعت زوجي بهالشي :shiny: بس بعدنا في غربه شهرين وبرجع البلاد ان شالله

يمكن في الشهرين احمل ،،،يارب ​

 

[رموش نمله]

هلا غلا ومرحباااااااااا بحبايبي شوخباركم انشاء الله بخير
حبيباتي انسو فكره الحمل والبيبي والله اني مشغول بالي بلحمل والحمد الله جلست 3 شهور مافكر بلحمل ولا اجيب طاريه والحمد الله رزقت بلحمل
لانه سبحان الله اذا فكرتي كثير كان بالك مشغول يكون مانع للحمل
اذكركم جارتنا ماحملت مده 10 سنوات يوم تزوج زوجها عليها سبحان الله تحمل مع انها ماخلت شئ مسوتها عشان تحمل بس مافاد بس يوم تزوج زوجها صارت ماتفكر نهائياااااا بلحمل وشالتها من مخههااا نهائيااااا لانها طمنت انه هي خلاص ماتجيب والي بيجيب له العيال ضرتها سبحان الله يرزقها بولد يجنن

حبيباتي وصايف اليل *بنت سحاب* سفيره السعداء *ام ماريه 0000والباقي خواتي في الله
مشتاااااااااااااااااقه لسواليفكم الله يرزقكم بابناء بنات واولاد يارب ياكريم ونشاء الله طمنوني وتبشروني بحملكم
باذن الله

دلوعه ريلي انشاء الله بجيكم بس خوفي اعطيك خبر اني بجيك وبتهربي خخخخخخخخخخ
سدقين اني يوم نزلت علا سوق عندكم كلها عبايات شفت بصدفه بنات اماراتيات رحت جلست معاهم ودردشنا
وحده منهم اعطتني بطاقه دعوه بس انا رفضت قلت صعبه لاني بسافر يوووووووووووه انصدمت من طيبه الي فيهم مره يجننون بخلاقهم

 

[رموش نمله]

امسح عندنا نسميها تمليخ او تمرخ او دلك
كثير الي اسمعهم مره يمدهون تمليخ بس يقولون لازم تكون الي تعملها موثوق فيها يعني تعرف تسويها مو اي وحده تقول اعرف

الله يكتبه خير انشاء الله لكم عن قريب