من لها تجربة مع ( الكلوميــد ) و ( الأبر المنشطــة) ياليت تدخل وتكسب أجري ........

[المنــــى]

السلام عليكم ورحمة الله وبركاته


يا اخواتي تكفون مالي غيركم نوروني لا حولي أم ولا أخت ولا صاحبة ..

من فيكم عندها تجربة او خبرة بهالموضوع ...


انا بديت من شهرين اخذ كلوميد وقت الدورة طبعا ... الشهر الأول حجم البويضة 8
والشهر الثاني اكتبت لي الدكتورة ابرتين منشطة ... وواكبر بويضة عندي 9

تحطمت يااخواتي ....


واحس السونارات والكشفيات طلعت روحي ... وانا ع قدي ... :no:


تكفون .... فيه أمل أحمل ولا بيظل حجم بويضتي جذي تعبت وربي والغربة ذبحتني
ابي طفل يونسني ... :tears:



الله يرزق ويسدد ويرحم من ترحمني وترد علي وتبرد قلبي

 

[ام اورااانس]

ما اقول الا اسأل الله العظيم رب العرش الكريم ان يرزقك ويرزقني بالذريه الصالحه عاجلا غير اجل
انا تعبت من كل العلاجات لانها ماجابت نتيجه الا الكسل والتعب والسمنه والعصبيه فكرت مالي الا الانابيب
والله كريييييييييييييييييييييييييييييم

 

[رعبووب555]

ماعندي خبرة ولا أعرف أحد
بس ما لج الا الدعاء و الله اذا اراد شي يسير حتى لو فيج امراض

 

[كوثر82]

السلام عليكم اختي العزيزه المنى

انا عندي تجربه معه الكولوميد استخدمت الدوا بعد ماصار عمر بنتي الاولى 4 سنوات وتأخرت عن الحمل بسبب تكيس المبايض
فوصفت لي دكتوره الدوا كأول خطوه علاج
فأخذته لمدة شهرين
وبعده حملت ببنوته حمدالله بدون ابر
اهم شي ما تيأسين وتتوكلين على الله
وتدعيين وايد وتصلين على النبي وآله:msn-wink:
والله يسهل لج
وبدعي لج :icon30:

 

[سمراوية حلوة]

ان شاء الله في امل انج تحملين خلي املج بربج قوي انا اعرف وايدين خذوا كلوميد وحملوا وبعضهم يرزقون بتوأم الله يرزقج ويرزقني ويرزق جميع المحرومين عاجل غير اجل ان شاء الله

 

[ريمااحمد]

يا ستى انتى قلقانة ليه
بكره تشبعى عيال انشاء الله
بالنسبه للكولميد انا اخذته مره واحدة وربنا كرمنى بتلات بنات تؤائم
بس قبله انا اخذت الحقن مرتين ولم يحدث شئ
وهو اخف من الحقن بس ارادة ربنا

 

[عيوني لك فيصل]

الله كريم انشالله يرزقج سبحانه يرزق من يشاء بغير حساب

 

[عذب_المعاني]

السلام عليكم

لا تقنطي من رحمة الله انا جربت الكلوميد من فترة وحملت بس أجهضت وبعض الاعراض اللي كنت احس فيها يوم استخدمته الأرق والعصبية وانتفاخ جسمي لانه يحبس السوائل في الجسم وانا مثلج يا أختي بس شو نسوي كل انسان له نصيبه في الدنيا (وفي السماء رزقكم وما توعدون) واهم شي الصبر والدعاء والصدقة وقيام الليل وانشالله يرزقنا انا وانتي وكل خواتنا بالذرية الصالحة عاجلاً غير آجلاً .

 

[المنــــى]

ما اقول الا اسأل الله العظيم رب العرش الكريم ان يرزقك ويرزقني بالذريه الصالحه عاجلا غير اجل
انا تعبت من كل العلاجات لانها ماجابت نتيجه الا الكسل والتعب والسمنه والعصبيه فكرت مالي الا الانابيب
والله كريييييييييييييييييييييييييييييم

آمين يارب


الله يكرمنا واياك عاجلا غير آجل

 

[المنــــى]

ماعندي خبرة ولا أعرف أحد
بس ما لج الا الدعاء و الله اذا اراد شي يسير حتى لو فيج امراض

ونعم بالله

جزاك الله خير

 

[المنــــى]

السلام عليكم اختي العزيزه المنى

انا عندي تجربه معه الكولوميد استخدمت الدوا بعد ماصار عمر بنتي الاولى 4 سنوات وتأخرت عن الحمل بسبب تكيس المبايض
فوصفت لي دكتوره الدوا كأول خطوه علاج
فأخذته لمدة شهرين
وبعده حملت ببنوته حمدالله بدون ابر
اهم شي ما تيأسين وتتوكلين على الله
وتدعيين وايد وتصلين على النبي وآله:msn-wink:
والله يسهل لج
وبدعي لج :icon30:

الله يبارك لك أختي ....

وجزاك الله خير

 

[المنــــى]

ان شاء الله في امل انج تحملين خلي املج بربج قوي انا اعرف وايدين خذوا كلوميد وحملوا وبعضهم يرزقون بتوأم الله يرزقج ويرزقني ويرزق جميع المحرومين عاجل غير اجل ان شاء الله

آميـــــــــــن

الله يسمع منك

 

[المنــــى]

يا ستى انتى قلقانة ليه
بكره تشبعى عيال انشاء الله
بالنسبه للكولميد انا اخذته مره واحدة وربنا كرمنى بتلات بنات تؤائم
بس قبله انا اخذت الحقن مرتين ولم يحدث شئ
وهو اخف من الحقن بس ارادة ربنا

سبحان الله

بس هالأبر متعبة جدا للنفسية ... وللميزانية ....

الله يعين

جزاك الله خير ...

 

[المنــــى]

الله كريم انشالله يرزقج سبحانه يرزق من يشاء بغير حساب

آمين

جزاك الله خير

 

[المنــــى]

لا تقنطي من رحمة الله انا جربت الكلوميد من فترة وحملت بس أجهضت وبعض الاعراض اللي كنت احس فيها يوم استخدمته الأرق والعصبية وانتفاخ جسمي لانه يحبس السوائل في الجسم وانا مثلج يا أختي بس شو نسوي كل انسان له نصيبه في الدنيا (وفي السماء رزقكم وما توعدون) واهم شي الصبر والدعاء والصدقة وقيام الليل وانشالله يرزقنا انا وانتي وكل خواتنا بالذرية الصالحة عاجلاً غير آجلاً .

آميــــــــــــن يارب

الله يصبرنا يا أختي ... ابي بس اصبر وماافكر ...
أنا تجيني نغزات في مبياضي من الأبر ماأدري ليش وألحين زادت لي الجرعات

الله يقدرنا يارب


جزاك الله خير

 

[المنــــى]

وربي صادقين البنات انا اخذته مع الابر وماصار حمل
بس انتي وضحي انتي المبايض صغيره ولا ضعيفه
وانا الان اباخذه ان شالله
ويارب يرزقك ويرزقني
واقسم ارادة ربي فوق كل شي
اذا ربي اراد
يصير لو ماعندك تبويض بس استغفري وادعي
لي معاكي
فيه وحده ورى انها اخذت كلوميد الدكتوره قالت لها
ماعندك تبويض اصلا
وذاك الشهر طلعت حامل
سبحان الله ارادة ربنا فوق كل شي
وادعي الله يبعد عنك التفكير والهم
ويرزقك
انا حاسه فيكي لانك تذكريني بنفسي
لحد امس كنت بس ابكي واصيح بحراره وكدرت صدر امي
عليي
مع اني عندي ضعف مبايض وهرمون الحليب مرتفع وزوجي عنده ضعف بالحركه
ورى ذا وانا اصلي دعيت ربي يشرح صدري ويبعد عني الهم ويرزقني
والحمدلله ربي سميع قريب مجيب الدعاء
والله اول ماخلصت صلاتي حسيت براحه غريبه ونمت كثير الى الليل ومن يومها نفسيتي زي العسل والحمدلله وربي كريم رحيم بخلقه الضعفاء
وانا الان اخذ حبوب تنزل الدوره لانها منقطعه بسبب الهرمون اللي مرتفع لانه يقطع الدوره
وانتظرها تنزل عشان اخذ الكلوميد وابر التنشيط وحبوب اللي تخفض الهرمون
والله كريم
وربي قادر سبحانه يرزقنا بدون هذه كلها لكن احنا نسوي اللي علينا ناخذ بالاسباب مع الدعاء والباقي على ربنا
وانا الان لي سنه متزوجه
ودخلت 21 من عمري ولسا العمر قدامي وليه اكدر عمري على حاجه مو بيدي
بس بقول لك اني اخذ حبوب ملكات النحل وحمض الفوليك 5 ملل جرام
الدكتوره اللي كنت قبل عندها وصفتها لي والدكتوره اللي ذحين اتعالج عندها قالت لي لاتقطعيها ممتازه لتنشيط المبايض
والله صرت اخذ صيدليه بكاملها ههههههههه
الله كريم فلها وربك يحلها

آه ياقلبي

الله يخلي لك أمك ويحفظها .... على الأقل قريبة منك وتدعي لك ..
أنا بديرة وأمي بديرة وماحسستها بشي عشان ماتحترق وهي بعيدة عني ... هذا عيب اللي تاخذ أجنبي

وبالنسبة لعلاجي

أنا اسوي خلطات وقت الدورة واكل منها واشربها وقت الدورة

هذا غير الزنجبيل والبردقوش وغذاء الملكات ومعاه كم شغلة لي شهرين ومافي نتيجة

وانا مثلك توني ماكملت السنة باقي لي شهرين وعمري 23


يارب يصبرنا ويرزقنا يـــــــــارب

محد ماكلها غير زوجي نفسيتي زفت ودوم ابجي غير جيبه اللي يبي يصفر الله المستعااااااااااان



يعطيك العافيه حبيبتي واسيتني كثيرانتي والأخوات

الله يفرج همكم ويرفع قدركم ويرزقكم من حيث لا تحتسبون

 

[نعومه كول]

وعلى فكره ملكات النحل والخلطات والبردقوش ماتبين من اول وثاني شهر الله يهديك بس ياقلبي تبين بعد شهور اذا الله اراد
وانتبهي مو كل الخلطات اللي تنقال لك تسويها
على فكره انتي بالسعوديه اه ياليتك هنا
علشان فيه وحده عندنا يمدحونها مره مره لضعف المبايض
تعطي علاجات طبيعيه يقولون اللي تجيها بعد الله ماتخيب اذا الله رايد لها حمل
وانا لولا انه عندي هرمون الحليب
كان رحت لها على الضعف اللي غندي على طول
اخت صاحبتي راحت لها جهه كامله معطله عندها من المبايض
وتعالجت عندها
ولا شافت الدوره الشهر اللي بعده طلعت حامل
هو اولا واخيرا بيد الله

 

[نورية]

اختي المنى

انا خذت كلوميد وابر منشطة مع بعض وانتظر الحمل بفارغ الصبر

والله يكتبلي ويكتبلج ولكل من تتمنى الذرية الصالحة

وعلى فكرة عندي اختي تمت تعالج فترة لين ماوصلت البويضة 12 فقط وصار حمل
باذن الله ورحمته

فلا تيأسي من رحمة الله ان الله على كل شيء قدير وتوكلي عليه وادعي وانشالله الله بيرزقج

 

[شقاوة روح؛؛]

اختي
انا جربت الكلوميد لاني ابني سار عمره 3 سنين وانا ما حملت بعده ....
بس بقولك شي ماراح تصدقين وحتى الدكتوره ماصدقت بنفسهاااا
شوفي قبل ابني هذاا ..كنت متزوجه لي تسع شهور وماحملت وكنت مررررره مشتاقه احمل واكون ام ... بعدين اختى راحت معاي لدكتوره وسئلتني الدكتوره اليوم كم لك بعد الدوره انا قلت لها ال15 يعني في نص فترة التبويض قالت لي تعالي نشوف اذا فيك تبويض او لا ... المهم نزلت وسوت لي سونار داخلي وشافت وقالت لي في بويضه وحده ومررررررررره حجمهاااا9 صغير <<< يعني مستحيل احمل
المهم انا سويت تحليل هرمون الحليب وطلع التحليل مرتفع درجه ونص بس ؟؟؟؟؟
اخذت علاج لمده اسبوعين بس ... وبعد العلاج رجعت لهااااا طبعااا انتهت فترة التبويض وقالت لي تعالي نشوووف البويضه ممكن كبرت شوي ..... ويوم شافتهااا طلعت نفس المقاس 9 يعني ما كبرت ابد قالت لي خلاص ماراح يصير حمل تعالي الشهر الجاي وان شاء الله يكون فيه حمل ... طبعااااا باقي على موعد الدوره يوم واحد بس ..... والله والله والله واللي يحفظ ابني لي .... تأخرت علي الدوره من ذاك الشهر ولا شفتهااااا الا بعد تسع شهور ..
تخيلي سويت تحليل وطلع فيه حمل يعني كيف حملت وانا بويضتي مقاس 9 .... مستحيل
انا رجعت للدكتوره وقلت لهااا انا حامل قالت لي مش معقووول اكيد فيه خطاااء

رجعت كررت التحليل وطلع كمان فيه حمل .... الدكتوره مرررررررره مو مصدقه تقولي ازاي يكون فيه حمل واصلا البويضه صغيره جدااا


وقتهااا انا عرفت وامانت انه كل شي بيد رب العالمين يعني لا صغيره ولا كبيره متى ما ربي اراد لك الحمل راح تحملين وانا اكبر دليل على هذاااا ..
انتي ادعي ربك وبس وربي يرزقك كل خير ...

وبعدين ترى استخدام الكلوميد كثير ترى مضر لانه يسبب اكياس على المبايض واذا اخذتيه بجرعات اكبر ممكن يسبب لك تضخم المبيض ولا سمح الله راح تفقدين مبايضك انتي وكلي امرك لربك وهو الرزاق الكريم

 

[ابداااع أنثى]

حبيبتي المنى لاتيأسي انتي لسه صغيرة إن شااااء الله يكتبلك

الذرية الصااااااااالحة

جربت الكلوميد وجلست تقريبااا سنه بدون حمل

وتركت العلاج وجلست 3 شهور وبعدين

أخذت كلوميد ومع الرقيه الحمدلله حملـــــــــــــــت

بس كنت أخذ حبوب الكلوميد وأكلها بوقت محدد من اليوم

يعني حملت بعد 3 سنوووات من الزواج

لا تيـــــــــــــــــــــــــــــأسي

الله كريــــــــــــــــــم