من فيكم تعرف تفسر حلم عن السمك

[ساميه]

اليوم حلمت بسمك وودي اعرف وشتفسيره وياريت حد منكم يعرف يفسره لي

اليوم حلمة بسمك كبااار وايد كبار كان لونهم رصاصي وكنت مع خالاتي نبغي نملح السمج عشان ناكلهم والمكان كان غريب مثل بوسط المكان بركه كبيييره وكلنا متجمعين حولها انا وخالاتي وبنات خالاتي وباخر الحلم كلهم تعشو وكلو من السمج الا انا ماحصلت لي شي بس اختي مادري بنت خالتي عطتني قطعه من السمك من صوب الذيل وبس ياريت حد يعرف وشتفسر الحلم ويجاوبني

وجزاكم الله خير

 

[ساميه]

افا بنات ولا حد رد علي

 

[mesk-nader]

قد يكون والله اعلم ان خالاتك وبنات خالاتك قد يأخذن حصتهن من ذلك المال الا انت , او قد يكون هناك سفر , على حسب ضروف الاخت

 

[ساميه]

تسلمين اختي على ردج لي بس صح اختي سافرت

ماشاءالله عليج تعرفين تفسرين جزاج الله خير

 

[mesk-nader]

تسلمين اختي على ردج لي بس صح اختي سافرت

ماشاءالله عليج تعرفين تفسرين جزاج الله خير

اي والله انا اكثر الظن انه رح يكون سفر بس انت مابتسافري عشان ماكلتي من السمك , جزاك الله خيرا​

 

[نبض المشاعر]

حبيبتي الي اعلم ان السمك رزق ....رزقكي الله من حيث لاتحتسبين

 

[فيض الحنين]

على طاري ما تعرفون ارقام مفسرين موثوقين
بالسعوديه؟؟؟

 

[*الدلع قصيمي*]

فيض الحنين شيكي على الخاص

 

[الأعلامية شوشو]

ايه نعم الي اعرفه ان السمك ممكن يكون رزق ..



خواتي انا بعد ودي احد يفسر حلم لي ..:icon26::icon26:

حلمت اني في غرفه اريد اصلي انا و اختي و بنت خالي .. شفت نفسي اصلي معاهم و اختي و بنت خالي يضحكن و يتمصخرون في الصلاه و لما جيت انا اسجد .. ما كان في مكان اسجد فيه << المكان كان ضيق .. بعدين من كثر ما كانوا ملتهين في صلاتهم قطعت صلاتي و قلت ما ابغي اصلي جنبكم + ماشي مكان لأصلي فيه .. رحت ورائهم والمكان كان واسع و قبل لا اقول الله اكبر , قلت : ربي لا تذرني فردا و انت خير الوارثين و بعدين قلت الله اكبر و صليت ..:icon26::icon26:

اعذريني صاحبه الموضوع تطفلت :blush-anim-cl: وعرضت احلامي



اتمنى احد يقدر يفسر لي اياه :blush-anim-cl::blush-anim-cl:

 

[دمها عسل]

آنا سمعت ان السمك شي طيب بالمنام ويعتبر رزق والله العالم.. الله يوفقج غاليتي...

بنات.. ممكن أسألكم اللي اتعرف شنو يعني الاكل بالحلم؟؟ يعني آنا آكل أكل طيب شفت جبن
وبيض وبطيخ ومثلجات وكيك ..؟؟ شنو يعني..؟؟؟ ان شاء الله خيــر.

 

[*الدلع قصيمي*]

شوري عليكم بنات الحلوم لا تنزلونها هنا عشان مايفسرها احد غلط فتقع..