من فرج كربة مسلم فرج الله له كربة من كرب يوم القيامه (اسعفوني)

[سحر البرآءة]

السلام عليكم ورحمة الله وبركاته
أخواتي موعارفه اش لووون أبدا معاناااااااااتي
الي محد بيساعدني فيها بعد الله غيركم ولا أبي أبوووح لأاي حد
عن أسرااار حياتي الزوجية فقط ابي راااي سدييييييييد لأاني
تعبااانه وماالي غير سنه زوااج والله يقويني وياكم بالصبر والثبااات
مشكلتي هي زووجي الشمااااالي الشرررقي صمت قااااااااااااتل
يعني كييف؟؟؟ يعني لو اهاوشنا وجيت اناقشه يطنننننننننننش واحس اني اكلم نفسي
وانا مااحب هالاسلووب لاازم يكون في حوار بين الزوجين عشان كل طرف يفهم الاخر
ولا انا غلطااانه؟ ماااايرد علي ابداا ولوكثررت معه يقوول خلاااص انتهينااا بنبرة حادة
يعني اسكتي مابي اتكلم اوك سكتنااا والحل؟؟ طناااااااااااااش يوم يومين ثلااث اسبوع متى
مااانزل الي براسه(حتى بعد مايطيح الي براسه مايحب النقاش في الموضوع) واجي انا طول هالمدة اقوله طيب موانت تقول خلاص انتهينا طيب ليه حاقرني
المده هاذي؟لاتقولون ليش تحاولين معه بقولكم لاني احيانا اغلط فلما اعتذر ابي خلاص باعتذاري
ينتهي كل شي وهو يقبل الاعتذار لكن ماايبي كلاام ونقاش ولو كلمني كلمة ورد غطاها كله كوووم
وسبب الزعل والتطنيش كوم ثااني يعني بالاصح سبب تااااااااافه قسم بالله تااافه ياخواتي انا ماقولكم
انه مايحبني بالعكس يحبني ويحترم اهلي والحمدلله بس هذي مشكلته وانا والله تعباااانه منها لاني صرت احسني شغاله في البيت وش عليه اكله ولبسه جاهزوبيته نظيف طيب انا مالي حق عليه؟؟
تخيلو امس كنت في حديقة اتمشى مع اهلي وحاسة اطرافي بارده يعني بداية سخونه المهم رجعت البيت
عادي سلمت واخذت شاور وقلتله تصبح على خير بنام قال اوك دخلت غرفتي ومافتحت المكيف لاني بردانه من السخونه ونمت جا وفتح المكيف شوي وانا اطلع من الغرفه لاني مابي تكييف ونمت بالصاله
قام الفجر ولاسال اشفيك نمتي في الصاله لانه ماقلتله اني مسخنه ليش تتوقعون ماسال؟؟ خااايف اكون زعلانه وكبريااااااااااااءه مايسمحله يتنازل يسال والله واحاول انام ماقدرت المهم رجعت الغرفه بعد الفجر ونمت ومايصحيني الا وقت الصلاة وبسسسس ادري طوولت عليكم بس ابي حل ابي حل ابي حل
للطناااااااااش ووشي ثاني احيانا يجي وجه مقلوب عليا او من برا المهم اساله وش فيك يافلان يقول مافي شي ووواضح انه في شي بس مايبي يقول لو اموووت مايقول وش الي مضايقه سواء كنت انا السبب او غيري طيب اشلوون تنحل المشكله وانا مااعرف سبب الزعل؟؟؟
انا ماكنت كذا ياخواتي دمعتي كانت موبالسهل تنزل الحين اقل كلمه منه ابككككي​

 

[**سجىالاسحار]

معليش حبيبتي طريقتك معه هي السبب في تطنيشه لك اسألي مجربه لأنك وراه وراه ومهتمه بزياده وهذا النوع من الرجال يحب المرأه الواثقه فلا تلاحقينه على كل كبيره وصغيره اهتمي بنفسك ووناستك وطلعاتك وموتهمليه لكن طنشي بعض الشي واذا زعل لاتهتمي من الامر وسوي الامر عادي ولايضيق صدرك ولاتناقشيه ابدآ وخليك بشوشه ولوناقشك بيني ان الامر مايستاهل وهو اذا شافك منتي مهتمه ومبسوطه ومهتمه بشكلك وجمالك صدقيني رح يتغير ويترك هذا الطبع ويهتم فيك ورح يسألك في يوم من الايام ايش الي غيرك ورح تتذكري كلامي وتدعيلي بس استمري عليه ورح تشوفي النتيجه الي انا شفتها ولله الحمد

 

[مطرية]

عجبتنى كلام سجى الاسحار

زائد لما تكونين مريضه ويشغل المكيف خبره انك مريضة

سكوتك شبه سكوته

لعد ليش تلومه انو بارد ومايحجى مشاعره

بهالطريقة تسوين مثله

 

[سحر البرآءة]

سجى الاسحار الله يفرج همك ويرضى عليك دنيا واخرة ع الرد
بس ترى هو طنااااااااااااش يعني حتى انا لمن اكون زعلانه او سرحانه
اواكلم تلفون ومعصصبه مايجيه فضول يسال وش فيك وش مضايقك
كأنه يقول زعلت من نفسها وبترضى من نفسها مابسالها وش السبب
واحننا الحريم مرات تبين زوجك يسألك وش فيك من زعلك
عموووما بحااااول اسوي بنصيحتك ولو اني ادررري ان هذا طبع في دمه​

 

[سحر البرآءة]

مطرية اشكرك ع الرد وانا اسكت منه ماقلت له اني مريضة
ابيييييييييه يستحي على نفسه ويجي يسأل وشفيك طلعتي من الغرفه
مو وجوودك والعدم واااحد ماراح يقصر شي من عمره لو سأل
او عطاني شوية اهتمام مثل ماهتم في في صحته ومرضه​

 

[سحر البرآءة]

وينكم ياناااااااااس ردووو علي
ليش تقرون وتطنشووون
ع الاقل ردو لو بدعوووة
استغفرالله العظيم واتوب اليك​

 

[سحر البرآءة]

لا اله الا انت سبحــــــــــانك اني كنت من
الضـــــــــــالــــــــــــمين​

 

[اخر ايامي]

ياعمري انت مثلي بالضبط لكن انا مع الايام احس قويت شوي لكن لازلت اعاني مع هالشمالي الشرقي مع ان لنا 5سنوات متزوجين الله يفرجها علي وعليك

 

[الخائفه من الله]

اغلب الرجال كدا الله يعيننا عليهم

 

[أحب الناااس]

الله يعينك ويفرج همك..

اكثري من الاستغفاااار

 

[محبة مكة]

اكثري القراءة لشخصيته
مرة ومرتين وثلاثة
انا كنت مثلك لاكن مع القراءة
اتحسنت في التعامل
اهم شيء التطبيق

 

[المتفائله بالخي]

اسألك ياكريم ياعظيم في هذه الساعه إنك تفرج همها وهموم كل مسلم
صراحه رد سجى عجبني

 

[المتفائله بالخي]

الله يفرج همك

 

[توليب بلقيس]

اغلب الرجال كذا

الله يكون بعونك

عليك بالدعاء اختي
​

 

[ريـآنه]

الله يهديه ويكون في عونك اختي رجال هالوقت الله يستر منهم

 

[سحر البرآءة]

الله يسعدكم حبااايبي احسني تحسنت شوووي من ردودكم
رغم ان راسي صدددع و بينفجررر من البكـــــــــــاء
كل ماشفته نزززلت دمووعي لا اراااديا
وهو عارف اني ابكي وكأنه جداااااااااااااااار
ولااانطق بحرررف ولعلمكم ترى هو ن البداااية كذا
يعني الي اكتشفته كبريااااااء مايبي يسالني ليش تبكين
عشان لايعتذرر ولواجلس شهررر مابيجي يعتذر
توي صليت الفجر معه وقسم يابنات اني طول الليل مانمت
خليتله الغرفه وجلست بالصاله ع النت والفجر وانا اصلي وراه اشهق
من البكا وخلص وراح نام حراااااااااام ليش كذا ابليييس
معشعش في راسهم وش بيصير لو طيب خاطري بكلمة؟؟؟​

 

[روعة القصيد]

حاولي تخففين من حساسيتك الزايده وتكونين اقوى من كذا وطنشي لاتدققين على كل تصرفاته


ربي يسخره لك

 

[ام اليتيم]

الحل السحري والفعااااااااااااااااال والأكيد انك تتعايشي مع الموضوع برحاابة صدر وتتقبلين طبعة (مشكلتنا ياااااااااااااااابناااااااااااااااات تعبتووني وانا اعيد وازيد فيها هي عدم تقبل الطرف الآخر بكل عيوبة وحسنااااااااااااتة وقبل لاتجي وحدة تتفلسف بسألها اذا عندك إستطاعة تتغيرين وتصيرين مثل مايبغى ؟؟!! تأكدي انة بيتغير على طووول بس !!! بعد انتي ماتتغيري) خذوا الأمر ببساطة حبيبتي سحر عشان مشكلتك تنحل وانا اساسا ماشوفها مشكلة سوي مثلة طنشيه بس طنشية بشكل ايجابي يعني تقبلية وتعايشي شوفيلك اي شئ يشغلك عنة تلفوون .مجلة .شغل بيت اي شي , يعني تركتي كل حسنااااتة وجيتي على هاالمسألة
الله المستعااااااااااااان

 

[سحر البرآءة]

الحين هو راح ينخمممد وانا طززز فيني!!!
طيب انا وش دوووري اسوي ؟؟ اروح انام جنبه
وبكرة اتكلم معه واسولف وكأن شي لم يكن؟؟؟
هذا هو الي يبييه لانه عاااادي بيتكلم معي اهم شي لاايعتذرر
اااااااخ ياااربي رحمتك ساااعدوني ياحكيمااات احسن اني انهاااان
انا قلت اليوم ماااني مسويتله غدا بالعادة على مايغير ملابسه الا الاكل
ع السفرة وبقوولكم من الحين وش ردة فعله هي الجلوووس امام التي في
لحد وقت النوم يعني جا اكل بياكل مافي اكل بيسكت ويشوف التي في
وهذي بعد الصفه بتخليني انجججلط وهي انه يتسمررر عند التلفزيون من اول مايجي
الى وقت النووم عمره مامر يوم بدون ماينفتحه كله على كورة وافلام اكشن
وقنوات علميه بس انا احس نفسي صفرررر ع الشمال في البيت
والله يابنات غرفه النوم ماااايدخلها الا ووقت النووم يعني لو بسوي له اجواءوحركات
مايعطيني وجه ليش لانه طوول اليوم ع التلفزيون والليل تعبان يبي ينااام طيب وانا اش محلي من الاعرااب عنده؟؟؟؟؟؟​

 

[سحر البرآءة]

الحل السحري والفعااااااااااااااااال والأكيد انك تتعايشي مع الموضوع برحاابة صدر وتتقبلين طبعة (مشكلتنا ياااااااااااااااابناااااااااااااااات تعبتووني وانا اعيد وازيد فيها هي عدم تقبل الطرف الآخر بكل عيوبة وحسنااااااااااااتة وقبل لاتجي وحدة تتفلسف بسألها اذا عندك إستطاعة تتغيرين وتصيرين مثل مايبغى ؟؟!! تأكدي انة بيتغير على طووول بس !!! بعد انتي ماتتغيري) خذوا الأمر ببساطة حبيبتي سحر عشان مشكلتك تنحل وانا اساسا ماشوفها مشكلة سوي مثلة طنشيه بس طنشية بشكل ايجابي يعني تقبلية وتعايشي شوفيلك اي شئ يشغلك عنة تلفوون .مجلة .شغل بيت اي شي , يعني تركتي كل حسنااااتة وجيتي على هاالمسألة
الله المستعااااااااااااان

ام اليتيييم ابسألك انتي قرريتي كلامي تمام ولالا
حرام علييييك اكلتيني بقشووري الله يسامحك انا اووول سنه زوااااج يعني الوضع هذا جديييد علي
موبالسهل اتقبله ومثل ماهو فيه حسنات انا بعد فيني حسناات
بس ليييش احنا اللي نتقبل اونتغير من انفسنا عشانهم!!
ليييش هم مايغيرون من انفسهم عشااننا ولا التضحية من طرف وااحد بسسسس؟؟​