من عشرين سنه وزوجي مايناديني بأسمي

[سلى الطارش]

لا اعلم هل هناك من تعاني مثلي
كملت الآن 19 سنه وبدات العشرون منذ تزوجت
وزوجي ما يناديني باسمي حتى ولو كان يريد مني شي يضايقني هالاسلوب معاي وكم مره كلمته يتعذر ويقول ما احب حد يعرف اسمج بس حتى لو ماكان حد عندنا ينادي الشغاله باسمها وبناتي بعد باسمائهم بس يوم يباني يناديني (يامره) (وين انتي ) ( هي )( تعالي) حتي ام فلان مايناديني الله يهديه كل شي فيه زين ويحبني وايد اباكم تشاركوني في الموضوع
انا مو زعلاانه بس بعد ابا اسمع اسمي منه لو عندكم حل شاركوني وقولولي شو اسوي
على فكره حقرته عدة مرات وهو يناديني يا هيه تعالي وين انتي ما تسمعي ليش ماتردي يافلانه نادي امج يافلانه الخادمه طبعا وين ماما بس مافي فايده ارجع ورد

الله المستعان

 

[(ام القموووره)]

الله يهديه
يمكن فيه غيييره عليك..واكيد لانه يحبك..
حاولي معاها وفهميه قد ايش تنبسطين اذا ناداك بأسمك..
والله يكون في عونك

 

[سلى الطارش]

الله يهديه
يمكن فيه غيييره عليك..واكيد لانه يحبك..
حاولي معاها وفهميه قد ايش تنبسطين اذا ناداك بأسمك..
والله يكون في عونك

مشكوره الغاليه عالمرور

 

[مشتاقه لكـ]

هلا بالغالية سلا الطارش ...
في حريم كثير يعانون من هالشي ..
ياليتك تكلميه وتفهميه ان هالشي يضايقك ...
وإذا نادى عليك لا تطالعينه ... طبعاً بيقول ليش ماتردين ..
قولي له انت ماناديتني .. بيقول انا ناديتك
قولي ما سمعت اسمي على بالي تنادي الخدامة أو أحد من العيال

عل وعسى انه يفهم ان هالشي يضايقك


الله يوفقك

 

[ام فصول]

وانا كنت اظن انه ما في احد في الدنيا مثلي :no:
انا صارلي 15 سنة ما سمعته ينطق باسمي
بس يناديني وينج تعالي وعند اهله يقول زوجتي المهم اسمي ما يقوله بلسانه

بس عمري ما فاتحته بالموضوع :blushing:
ايه تذكرت واذا بغى يقعدني من النوم ما تشوفين الى ذيك الهزة برجولي لين كرهت احد يلمسني ويناديني بهاذي الطريقة وخاصة عيالي :icon28:

 

[سلى الطارش]

وانا كنت اظن انه ما في احد في الدنيا مثلي :no:
انا صارلي 15 سنة ما سمعته ينطق باسمي
بس يناديني وينج تعالي وعند اهله يقول زوجتي المهم اسمي ما يقوله بلسانه

بس عمري ما فاتحته بالموضوع :blushing:
ايه تذكرت واذا بغى يقعدني من النوم ما تشوفين الى ذيك الهزة برجولي لين كرهت احد يلمسني ويناديني بهاذي الطريقة وخاصة عيالي :icon28:

مشكور على المرور
حبيبتي من قبلج المعاناه لكن خلنا نترابط مع بعض وندور حلول :flex:

 

[غلطة حياتي]

مراحب...
ابصراحه شي غريب...
20 سنه وبعدج ماتعودتي على هالشي؟..
الله يهديه يارب...

 

[shaden]

نفس المشكلة 4 سنوات من تزوجنا ولا عمري سمعته ناداني بأسمي
بس ولا مرة قلت له لاني حتى انا اخذت هذا الشئ منه ما اناديه بأسمه احس ان اسمه ثقيل على لساني او استحي اني اناديه بأسمه بس بحاول اعود لساني
وانتي حبيبتي سوي مثل قالوا لك البنات انك ما تردين عليه حتى انا بسوي مع زوجي كذا

 

[اوراق الربيع]

الرجال انواع واشكال

قولي له انا احب اسمع اسمي من ثمك

وحده من اهلي تستحي ماتقول اسم زوجها اذا بغت تناديه تقول له اقووول حتى لو كان في غرفه ثانيه تزعق له اقوووول

ههههههه

 

[عزيزة.نفس]

لا اعلم هل هناك من تعاني مثلي
كملت الآن 19 سنه وبدات العشرون منذ تزوجت
وزوجي ما يناديني باسمي حتى ولو كان يريد مني شي يضايقني هالاسلوب معاي وكم مره كلمته يتعذر ويقول ما احب حد يعرف اسمج بس حتى لو ماكان حد عندنا ينادي الشغاله باسمها وبناتي بعد باسمائهم بس يوم يباني يناديني (يامره) (وين انتي ) ( هي )( تعالي) حتي ام فلان مايناديني الله يهديه كل شي فيه زين ويحبني وايد اباكم تشاركوني في الموضوع
انا مو زعلاانه بس بعد ابا اسمع اسمي منه لو عندكم حل شاركوني وقولولي شو اسوي
على فكره حقرته عدة مرات وهو يناديني يا هيه تعالي وين انتي ما تسمعي ليش ماتردي يافلانه نادي امج يافلانه الخادمه طبعا وين ماما بس مافي فايده ارجع ورد
الله المستعان

20 سنة :questionmark:
شو اللي تغير هالحين ؟
وينكي من 20 سنة ؟
اعتقد فات الأوان

 

[عاشقة الرمنسيه]

ادعي ربك انه يغير اسلوبه
وانتي بعد شدي الهمه وحاولي انك تنادينه مثل مايناديك
يمكن يحس اشوي ويستحي

 

[العنود بنت خالد]

حاولى ان تطلقى عى نفسك اسم دلع
ومن غير ماياخذ باله خليه يعرف ان هذا الاسم لك
يعنى لو اسمك هاجر = جوجو
او خديجة = خوخو
او امل = ميمى
يعنى اسم دعل
وخلى صاحباتك و او خوانك او اهلك عندما
يتصلون بالهاتف ويرد هو ينادونك باسم الدلع
ويطلبونك اذا رد هو على الهاتف باسم الدلع
وعندما تكونوا بالبيت اوهلك بالبيت لازم ينادونك باسم الدلع

صدقينى هو بعد فترة سوف يناديك باسم الدلع
وبعدين مرة بمرة سوف يتغير
والتوفيق

 

[ام دحووومي]

سيم سيم

بس انا اسمي فيه معاني حلوة وغريب ووزوجي غيور

بس ماسكت له ...ومرة ناداني باسمي وقلت له لبيك وانا مستغربة ولواني حسيت انه متكلف ...بس مشيناها

 

[حنون21]

اختي حتى انا ما يناديني باسمي
لكن فيه حل اذا انتي راغبة انه يناديك باسمك اطلبي منه في عز وقت العلاقة الخاصة انك ودك تسمعين اسمك منه وان هذا الشيء يبسطك ويدلعك فيه وممكن يلبي لك رغبتك وخلي ردة فعلك عنيفة حتى يكون دافع له انه يعيدها ويكررها :cupidarrow:

 

[جنون الشوق]

لا اعلم هل هناك من تعاني مثلي
كملت الآن 19 سنه وبدات العشرون منذ تزوجت
وزوجي ما يناديني باسمي حتى ولو كان يريد مني شي يضايقني هالاسلوب معاي وكم مره كلمته يتعذر ويقول ما احب حد يعرف اسمج بس حتى لو ماكان حد عندنا ينادي الشغاله باسمها وبناتي بعد باسمائهم بس يوم يباني يناديني (يامره) (وين انتي ) ( هي )( تعالي) حتي ام فلان مايناديني الله يهديه كل شي فيه زين ويحبني وايد اباكم تشاركوني في الموضوع
انا مو زعلاانه بس بعد ابا اسمع اسمي منه لو عندكم حل شاركوني وقولولي شو اسوي
على فكره حقرته عدة مرات وهو يناديني يا هيه تعالي وين انتي ما تسمعي ليش ماتردي يافلانه نادي امج يافلانه الخادمه طبعا وين ماما بس مافي فايده ارجع ورد

الله المستعان

ايش اللي صحاك بعد كل هالسنين !!!!!!!!:no:

على العموم أنا أشوف انك تعاملينه بالمثل وتنادينه مثل ما يناديك

ايش رايك؟؟؟؟

 

[ريمانوفا]

يحب الناس مناداتهم باسمائهم واستخدام القاب وكنى محببة اليهم ,ويكون ذلك ادعى للشعور بالاهمية والاحترام ويزيد الالفة والمودة بينهم.

لا غرابة ان نجد اسم الانسان عنوانه ,وصاحبه طوال حياته ,فبه يشعر بالاحترام والتقدير ،لذا فقد حرص الاسلام ان يسمى المولود باحسن الاسماء ,وان تكون كنيته لطيفة ومحببه اليه ولها وقعها على نفسه حين يسمعها من الاخرين .
قال صلى الله عليه وسلم "انكم تدعون يوم القيامة باسمائكم فاحسنوا اسمائكم".
​

غاليتي ارى انك عودتيه عمرا طويلا يصعب معه التغيير ...............لكن التغيير ليس مستحيلا..
لابد من الصبر والمداومه حتى تحصلين على نتائج....
اعطيك بعض النصائح..
_______________________
1-اجعلي ابنائك يدعونك بأسمك الدلع امامه وفي جلسه عائليه......(بأتفاق بينك وبينهم):msn-wink:....وعندها اجيبي بعاطفه قويه .....وكافئيهم بعناق او قبله....>>>>>>>>خليه يندهش..ولا تنسي ان تعطيه نظره وابتسامه كرساله معنويه..

2- ارسلي رسائل للجوال مختومه بأسمك .....حبيبتك فلانه......

3-(في جو رومانسي...فقط:nosweat:...لا اكثر...)اعطيه يكتب لك بطاقة اهداء....لهديه صغيره .(ادعي انها لأختك)..حبيبي اكتب لي جمله حلوة او بيت شعر على هالبطاقه ,.......خطك حلو....:1eye:....واذا كتب وخلص...
بقبله بسيطه عالوجنتين قولي...الله يسلم يدينك حبيبي....بس...وين اسمي....وخليه يكتبه وعطيه بوسه وقولي له ابسمعه من شفاهك ...واذا قاله....(سوي اللي قالت لك حنوووووووووووووووون...هههههههه)وقدمي له الهديه>>>>>تماما مثل المدربين ...سمكه صغيره وبعدين اكبر ثم اكبر.....

4-اخبريه ان نداءه بهكذا الفاظ لاتعجبني وتشعرني اني نكره ....واعطيه امثله عن حياة الرسول مع زوجاته واخلاقه وكيفية ندائه لهم....
________________
ومادام يحبك بيرضيك
بالتوفيق​

 

[**angel eyes**]

انا بعد صار لي أربع سنين متزوجة وزوجي نااااااااادر مايناديني بأسمي .. ف البيت يناديني حبيبي .. دلوعتي .. دودي .. بطة ..يعني شو مايخطر ع باله من دلع:cupidarrow: بس مايناديني بأسمي ..رغم ان اسميه وااااايد حلو وهو يحبه وأنا أحب اسمعه منه بسسس:sadwalk: واللي يقهر ف بيت أهله وهلي يناديني مدااااااااااام!!! :crazy:
أموووووت من الضحك :biggrin: وأرد عليه.. يس سير...يتفشل:nosweat: ويناديني بأسمي أو بأم فلان اللي هو اسم ولديه
واحينه بعد ماصار عندنا نونو وتوه بادي يتعلم الكلام يناديني مرات ماماه وأنا أناديه باباه ..
بجرب طرق ريمانوفا ويارب اتفيد وياه

 

[love4life]

اختي حتى انا ما يناديني باسمي
لكن فيه حل اذا انتي راغبة انه يناديك باسمك اطلبي منه في عز وقت العلاقة الخاصة انك ودك تسمعين اسمك منه وان هذا الشيء يبسطك ويدلعك فيه وممكن يلبي لك رغبتك وخلي ردة فعلك عنيفة حتى يكون دافع له انه يعيدها ويكررها :cupidarrow:

والله كنت بقول نفس الكلام مع اني بس مالجه خخخ :nosweat:

هع هع .. أنا من الحين قايله له اني امووت في اسمي ان سمعته منه

 

[أم الأصيل]

اختي حتى انا ما يناديني باسمي
لكن فيه حل اذا انتي راغبة انه يناديك باسمك اطلبي منه في عز وقت العلاقة الخاصة انك ودك تسمعين اسمك منه وان هذا الشيء يبسطك ويدلعك فيه وممكن يلبي لك رغبتك وخلي ردة فعلك عنيفة حتى يكون دافع له انه يعيدها ويكررها :cupidarrow:

مافي حل غير كذا أنا يناديني ماما زي أولادي ولما رجعت أناديه باسم الدلع حقه ومع طلب مني إنه يناديني باسمي أو أي اسم دلع أوأي اسم حتى لومو حلو له كم يوم يناديني باسمي:clap:

 

[بدون جراح]

حبيبتي 19 سنه صعب تغيرينها الحين ممكن في شبابه تقدرين تغيرينه لانه ماتعود عليك كثير

بس مفروض العمر الي بينكم يشفع له

امي وابوي كذا وناس كثير اعرفهم والله بعضهم حتى في المستشفى ما يقول اسمها لين يطلع روح الموظف

صح انا اشوف ان هالشي غلط وغلط كبير بس طالما الشخص كويس سامحيه على هالزله

زوجة اخوي الاحظ انها ما تقول اسمه واحاربها الليل والنهار والله يعين اذا شافتني قالت اسمه ومتى نسيت قالت اخوك