من روائع امي (ونصائحها العظيمه )

الحالة
مغلق و غير مفتوح للمزيد من الردود.
ن

نغمات النجاح

مراقبة سابقة
إنضم
2009/12/17
المشاركات
6,005
عزيزاتي اتيت اليكن بما تحملة جعبتي
من روائع امي
لعلها تنفعكن كما نفعتني
ولكن تحياتي
&&&&&&&&&
في الايام الاولى من زواجي
ذهبت مع زوجي لزيارة اهلي
دخل هو المجلس مع ابي واخواني
وانا ذهبت اصول واجول في بيت اهلي
اطفي شوقي وحنيني له ولذكرياتي مع اخواتي
تركتني امي حتى استقربي الحال على سريري
والتف اخواتي حولي نتبادل الكلمات الجميلة
والدعابات الاخويه
ثم ابتسمت وقالت
ضيفي زوجك وابوك في المجلس
قلت خلاص ياماما راحت ايام الملكة انتي ضيفه
وانا بجلس مع اخواتي اشتقت لهم
قالت القهوة جاهزة
خذيها وقدميها له
واجلسي معه تقهوي وسولفي خليه يحس بسعادتك بالزيارة
وحكيه شوي عن ذكرياتك الحلوة
وبعدين تعالي
رحت وسويت الاوامر وانا مستغربه من امي
رجعت لاخواتي اسولف
شوي قالت تعالي اشربي الشاهي معانا بالمجلس
قلت يمه شكلك ماودك اجلس مع البنات
ضحكة وقالت الا بس بعدين
رحت معاها وانا اسحب ارجولي
شربنا الشاهي
قام زوجي وقال نستاذن ياعمي :33:
قلت لا لسى ما جلست مع اخواتي
قال طيب وجلس (استحى طبعا )
امي ضحكة وقالت اجلسوا تعشوا
قال لا بس شوي ونروح
سحبتني امي ودخلتني المطبخ وقالت
اذا حابه زوجك يجيبك عندنا وقت ماتحبي حببيه فينا
اذا جيتوا دخلية البيت
ولاتفارقيه كثير
قهويه بيت ابوك بيت كرم
اجلسي معه وتقهوي وسولفي
روحي وارجعي عليه
واجلسي جنبه
اساليه اذا نفسة في شي
وفي كل مره خلي لك فن
مره القهوة بالحوش
ومره الشاهي بالسطوح
واذا همس لك بالرجعه للبيت لاتكشري
اطلعي وانتي مبسوطه
خليه يحس انه قدر يسعدك لو لدقايق
علميه بحبنا له واحترامنا
اخفي عنه مشاكلنا وهمومنا
علميه بامانيك وحبك للجلسة مع اخواتك وهو بيفهم وكل مره يعطيك وقت اكثر
هذي اول زيارة لك لاتخليها نكد يتذكره ويكره الجيه هنا
اخرجي مبتسمة مبسوطه زي ماجيتي طايره من الفرحة
وعطتني العبايه والشنطة وباستني
وقالت الله يسهل امرك ويوفقك ​
 
الله يخليها لك يارب...
نصيحتها روعه يارب نستفيد منها...
شكراً لك...
 
ماشاء الله تبارك الله ونعم الام الحكيمه الله لا يحرمك منها ويخليها لك ويخليكم بها......
 
ماشاء الله عليها الله يخليها لك ولا يحرمك منها

بس تصدقي امي كانت تطلب مني اسوى مثل هالاشياء من تقديم القهوه والجلوس للشاهي وتخليني اتفقد حاجاته كنت اسمع كلامها من باب الطاعه الين ماتعودت على هالطريقه

لكن ماكانت تقولها على شكل نصائح فديت امي

الله يخليهم لنا ولايحرمنا من وجودهم يارب
 
بنوته امورة اسعدني مرورك
نسمات الاصيل --المهم انك استفدتي من كلامهما مهما كان شكله هدفها سعادتك
الله يجزاهم عنا الجنة
 
فعلآ فعلآ صدقتي ..

كلام جميل جعل أمهاتنا في الجنه يارب ..

بارك الله فيك وفي عملك وذريتك وزوجك ..
 
نغمات
سلمي على امك وقولي لها المتجدده تبغى رقمك ههههههههه

ماشاءالله عليهااااااااااااا الله يحفظها

طردة محتررررررررررررررررررررررمة جدا والله

بس قولي لي واعترفي هل للآن تعاملي زوجك كذا؟

ترى مش لازم تعترفي أمزح معاك لاتخافي
 
ماشاء الله امك حككككككككككككككككيمه
الله يخليها لك ان شاء الله
والله كلامها درر
الله يخلي لنا امهاتنا
انا دايم اخذبنصايح امي
لانها دايم توجهني على الطريق الصحيح ولها نظره مستقبليه ما شاء الله عليها
 
ماشاء الله تبارك الله الله يخليها لك ويعطيها الف عافيه بس لمانروح عندالوالد بببيت اهلي مااقدر اجلس مع الوالد وزوجي لانهم اصحاب مررره والمووانه ماتتخيلينها فاستحي اجلس معاهم ,,,
حبيبتي الله يخليلك زوجك ويسعدكم يارب ويحنن قلبه عليك
صراحه امك مكانها هنا في منتدانا عشان نستفيدمنها
سلمي لي عليها هههههه
تجنن ماشاءالله
 
كملي يا نغمات
انا ام وابغ اكون زي امك لما يكبروا بناتي
بوسيلي مامتك حبيتها من قلبي لحكمتها وعقلها الكبير
 
الله يهنيك بأمك وياليت أمي ربع أمك بنصايحها
تصدقون ماقد نصحتني ولا نصيحه
 
اي والله امج طال عمرها كلامها ينصاغ بذهب والله
فعلا حببيه بالزيارالاولى
 
ماشاااااااااااااء الله..تباااااااااااااااارك الله..نعم الأم والله..شكرااااا لك وللوالدة..الله يطول عمرها..ننتظر المزيد من نصائحها الجميلة..أرجووووووووووك لاتطولين علينا..نريد المزيد ولك منا الدعاء أن يكون في موازين حسناتك أنت ووالوالدة العظيمة..
 
الحالة
مغلق و غير مفتوح للمزيد من الردود.
عودة
أعلى أسفل