من جد انا تعبانه احس الدنيا تخنقني انا غيووووووووووورة

[دلوعة.]

السلام عليكم


تكفون ساعدوني انا غيورة على زوجي لدرجه الجنووون مادري وش الحل


يعني لما نروح السوق او اي مكان عام اراقب نظراته واتضااااايق اذا طاحت عينه على بنت او حرمه


و اذا علق عليهم اقوله لا تناظر او اي كلمه اكون فيها معصصصبة


ارجوكم ابغى حل يخليني اكون طبيعيه وعاديه و تكون غيرتي طبيعيه ومشرووووووعه


من جد تعبت حتى في السفر للخارج امووووووووت قهر

خاصه اذا كان بيسافر لحاله اسوي المشاكل علشان السفر

واذا انا سافرت معاه للخارج اروووح فيها وقلبي يحترررررق


تكفون فكوني من مشكلتي ابي حلللل جذري وسريع الله يجازيكم بالجنه اااااااااااامين

 

[دلوعة.]

و الان انا ماصرت اسافر معاه برا ... علشان ما انقهر ولا حاجه


وش رايكم ردووو علي!!!!!!!!!!!!!!!

 

[البحر غدار]

الله يعينك على عقلك وليش كل هالغيرة المرضية يعنى النسوان بكل مكان والبنات وين ماراح تروحى بوجهك يعنى شىء ماله نهاية انتى بهالحالة عم تدمرى حياتك وحياة الرجال معك بكرة بيطفش منك مابيستحمل الرجل كل هالغيرة الملاحقة المتعبة وبعدين بتدمرى اعصابك وصحتك كلنا عنا رجال بس مابنغار لهالدرجة

 

[مون الليل]

لازم ماتغارين لهالدرجة .. وحتى لو حسيتي بالغيرة اهمشي ماتوضحين له غيرتج
لان انتي بالي تسوينه كانج تفتحين عيونه على شي هو يمكن مو حاطه في باله

استغفري ربج وكوني طبيعيه .. وسالفة السفر ليش تقعدين .. روحي معاه واستانسي وعيشو حياتكم
ولا تضيعين سعادتكم بأوهام مالها اصل .. ومن تحسين بالغيرة حاول تغيرين الموضوع من بالج وتفتحين معاه اي موضوع ثاني
والله يوفقج

 

[لتوفي]

انا من خلال تجاربي مع زوجي في الغيره قالي بلعربي الي تغار على زوجها غيره جنونيه يعني تحس انها ناقصه وتخلي الرجال يشوف غيرها وعقبها انا حرمة اقوله لاتسوي كذا او لاتشوف هذي من يوم شافني ماعاد اغار عليه صار يطنش اي شي كان يتسفزني قبل وانا قلبي يحترق ودي اموته طنشيه وبردي قلبك انتي تحتلرقين وهو بس بيعصب لاتخربين على نفسك

 

[وردة حمرة]

الله يعين بس

والله هدي الحالة فيني انا كمان

غيورة بشكل فظيع المشكلة انا الي انكد على نفسي

وهو عادي اراقب نظراتة مااحبه يطالع لوحده غيري

اظن والله اعلم هدا نقص فينا

افيدونا الله يخليكم

 

[عنادي uae]

انا احاول ما انتبه وا كون عادي واستغفر في قلبي


لان من طبيعه وصفاااات المراااه اصلا الغيره بس الغيره الجنونيه الله يعين عليها

 

[الزين كايد]

وااايد تبالغين تبينه يسكر عيونه يعني وين مايلتفت بيشوف بنات قدامه
فديتج خلج واثقه من نفسج اولا وواثقه منه هو بعد وليش تبينه يسافر بروحه عشان ماتنقهرين ؟؟؟؟؟
تفكيرج غريب لاتخربين حياتج عشان سالفه غيره مالها داعي الا سافري معاه واطلعي وتمشي واستانسي
الواحد كم مره بيعيش ؟؟؟؟
بالتوفيق

 

[هند بنت عتبة]

انا مثلكم اغار بشكل فظيع يعني اذا رحنا السوق زوجي متعود يجلس فالكوفي وانا اتسوق واخلص شغلي الا اذا كنا رايحين نتمشى فمن يجلس وانا اكل فعمري احاول اراقبه من بعيد اخاف يكون يطالع حرمة او شي ... الله يعينا لازم نفك العقدة الي فينا لان بغيرتنا الزايدة راح نطفش رجاجيلنا من عندنا

 

[لتوفي]

ولله مالومكن يابنات اذا غرتو على رجالكم من بنات الحين الي ماعاد فيهم حياء اذا شافو رجال كنهم شايفين كائن غريب

 

[النواعم]

السلام عليكم ورحمته وبركاته..
أنا في سفروأنا مثل حالتك ..أغااااااااااااااااااااار على زوجي..
وقلت إنشاء الله لما أرجع بتناقش مع بنات منتدانا على ها السالفة ..وانهافي أحد ك\ا ولا لا..
إلا وأشوف ها الموضوع..
بس يا أخيتي أنت غلطانه أنك ما تسافري معه ..
أولا هو بيفكر بغيرك..
ثانيا غير جو واستمتعي بحياتك وانتبه لايطفش منك زوجك


مشكورة حبيبتي على الموضوع استفدت من الردود..:icon26::icon26::icon26::icon26:

 

[دلوعة.]

مشكورات والله يجازيكم بالجنه

عندي سؤال للي مايغارون زيي... يعني غيرتهم طبيعيه


ايش الشعور اللي يجيكم اذا شاف حرمه او مدح او اي شي؟؟؟؟؟

هل عادي.. ولا يقهر بس انتم تتحملوون
؟

 

[أنا حرهـ]

ننقهر بس نتحمل
شوي وينتهي الاحساس داخلنا.
بس لا تحسسيه بيقول بينه وبين نفسه هذي ماعندها ثقه بحالها.

 

[النواعم]

هلا أصداف أنقهر وكنت ابين له ..بس الحين بعد ما أخ\ت دروس من قصص أستا\ة ناعمة صرت أكتم وأتحمل وزوجي صار يتحاشى إنه يمتدح وحدة عندي..
ومن جد أحس الثقة الزايدة بالنفس هي إلي تخلي غيرتك طبيعية..:c018::c018:

 

[غدير الحب]

تحرمين نفسج الهدوء وتجيييييييييييبين وجع راااااااااااااس


ليش تجهزين الدوا قبل الفلعة<<<<<<< مثل اماراتي

يعني ليش تضايقين وتعصبين وما صار شئ

يعني عينه طاحت على جم وحدة ما قصد وراها شئ...

حطي نفسج مكان زوجج وكل ما شفتي انتي حد بغير قصد قعد يعصب ويعلق .. وانتي بتتضايقين

فاعرفي وبثقة انه زوجج لج وبس .. وريحي بالج لانه جدام عيونج .. ولو كان من وراج انتي مب مطالبة تحرقين بالج على مثل هالامور

والحل بايدج ولازم تبدين تثقين فيه وبنفسج انج الاولى والاخيرة بقلبه :showoff:

الا اذا بتربطين عيونه هذا شئ ثاني:icon30:

 

[sozeeta]

حبيبتي الحل ييجي من عندك ، اول شي لا تراقبين نظراته ، ثاني شي اقنعي نفسك انك ودك تنبسطين بحياتك وانك مو معقول تضيعي اجمل ايام عمرك بنكد وتعاسة . وخليها حلقة بودنك ان الرجل ما يتعلق قلبه بالمراة الغيورة النكدية . واغلب اللي اعرفهم نسوانهم غيورات بتصير عيون رجالهم زايغة من نكدها

 

[أبرار سالم]

أنا بعد من كثر غيرتي ما أطلع معاه أماكن عامه .. وهو بعد ارتاح من المشاوير
لأن هالزمن والله يخوف في حريم بالأسواق في المنتزهات عينهم بس على الرجال
وحاطه وتارسه وجهها بالمساحيق والشعر المستعار واللبس الضيق الله المستعان

يعني حتى لو الريال زين المشكله بالحريم اللي بره .. وبعدين في شغله المفروض الوحده
ما تبين حق ريلها أنها تغار لأنه يستغل هالنقطه ويبدأ في كل مكان يثير غيرتها ..
عندهم أنها مجرد تغار هذا دليل الحب والتعلق الوجداني .. هي تعصب وهو يضحك
يعني مجرد أنج ما تفكرين بالسفر معاه .. هذا بحد ذاته انتصار وخلاه يكرهج بالسفر
الا روحي معاه واستانسي وهدي بالج . والله يوفقكم​