من تفيدني اللهم اجعل الفردوس الاعلى منزل لها في الاخرة

[روز15]

بصراحه انا في مشاكل كثيرة مع زوجي واغلبها تافهه
مادري وش الحل لم افهم زوجي ابدا ودي اعرف هوشمالي ولاجنوبي ولا شرقي مافهمت الاسئله
بس أقول بعض مواصفاته يتنرفز على اتفه شي لو أقوله كم الساعة يزعل أذا كررت الاسئله لاني مافهمتله يعصب عصبي درجه اولى
انا أطلب منه كل شي أطلب منه يبوسني يحضني أذا طلبت يعطيني واذا ماطلبت مايفكر
من عشاق الكمبيوتر يجلس عليه بالساعات واذا خلص يجي التلفزويون واذاخلص الجوال
دايما يستكثر الجلسه معي واذا جلس مستحيل يسولف ولاينتبه معي
يستسخف بعض الاشياء اللي اقولها
في الفراش اذا تشخصت ولبست له يقول والله تعبان ترى مافيه شي احسه بارد
بس يضيق صدري اذا قلبت كمبيوترة القى مقاطع اباحيه ومرة قلتله تراي شفت اللي تشوفه قال يمكن من زمان او بالغلط جايتني وماعاد لقيت شي كل شي مقفل البرامج ماتشتغل الا معه
الايام الاخيره احسه بدا يبخل
انا وحدة عصبيه شخصيتي ضعيفه جدا الاحقه ملاحق يروح للمجلس اروح يروح للمقلط الحقه دايما احاول ارضيه بطرق ماتعجبه فيزعل واحس يكره جراتي لاني جريئه بعض الساعات
وماخذ عني فكرة اني مااقدر امسك الكلام واي شي ماقدر اغبي عنه
واني اصيح على طول
يحاول دايمايتهرب مني مهملني يقول ميدي انتي تبيني رايق طول الوقت احيانا اذا حضنته في الفراش يقول ابعدي عني والله انقهر
هو فاهمني بس انا ماعرفت اتعامل معه
ويحب اني على طول ارتب البيت وانظفه يبيني مرتبه يحس اني فوضويه مادري ليش
تكفوووووووووووووووووووووووووووووووووووووون ردو ابي كل وحدة تدخل تفيد

 

[قلب ذاكر]

الله يساعدج حبيبتي بس الامر عادي وكلهم يسوون جذيه هونيها وتهون لا تكبرين الموضوع
اهم شي اهتمي في نفسج الرجل مو اهم شي عنده الجمال هم الشخصيه والذرابه والاهتمام الوحده في نفسها وفي بيتها واسلوبها بالكلام وحاولي تكونين مثل ما يبي والرجل ما يحب لمره تلزق فيه اشغلي نفسج في اي شي لما هو يركض وراج ترى طعمها احلى والذ بس يبيلها صبر اتحملي شوي والله يسعدج ويارب فدتج لو بالقليل

 

[سنتريم]

ياليت اقدر اساعدك

بس والله ثم والله مافي مثل الدعاء في جوف الليل

داومي على قيام الليل والدعاء واكثري من الاستغفار

وحاولي تتصدقي بقدر استطاعتك راجيه فرج الله

استغفري بنية صلاح زوجك والله كريم مايرد من طرق بابه

وهومحتاج عفوة وعونه

يمكن مايحدث من حب الله لك واختبار وامتحن وفرج الله قريب

الله يصلح حاله وحال المسلمين ويباعد بينهم وبين المعاصي

مثل ماباعد بين المشرق والمغرب

 

[روز15]

اللهم اجعل بكل حرف كتبته ايدكم مغفره لذنوبكم
الله يجزاكم خير
يايمان الكويت وسنتريم

 

[كبسولة حب]

والله هالدعوه بعنوانك شدتني وماراح اردك,, الله يتقبل يارب ..

قريت مشكلتك والصراحه انا اشوفك واضعه الحلول مشالله عليك وعارفه اخطائك بس يبيلك التنفيذ والتطبيق والتشجيع منا هههه .....

ومافيه احلى ولا اعذب من كلام ناعمه لذلك عليك بقراءة قصصها دون تحديد (قصص وحكايات من ملف الاستشارات)

الصراحه توسع مداركك وتتعمقين اكثر في الحياة الزوجيه ,, تعلمك اهميه ذاتك وكيف تحترمينها وتحبينها اكثر ,, تنمي مكر وكيد النساء هههه

يعني رهيبه الصراحه ,,, ويالله طيراااااان لمنتدى القصص وبشرينا بالتغيرات .

 

[مرمورة]

غاليتي وضحي صفاته أكثر لنفيدك بنوع شخصيته

وإن كان يبدو لي أنه جنوبي لأنه لايحب المبادرة في العلاقة الحميمة منك

ولكن طالما تعرفين أنه لايحب الملاحقة فلم تلاحقينه؟؟؟

وتعرفين أنه لايحب الجرأة والمبادرة ورغم ذلك تبادرين!!!

عزيزتي إبعدي عنه قليلا وانشغلي بنفسك دعيه يفتقدك ويشتاق لك

لاأحد يحب أن يشعر أنه محاصر

شدة الحب تخنق أحيانا

طوري نفسك غاليتي عن طريق قراءة قصص الأستاذة ناعمة في قسم القصص والحكايات

واثقلي عليه دعيه يلاحقك بنفسه

فيبدو لي أن دور الصياد يستهويه

 

[ضياء القمر]

الله يجعل لكي المخرج ان شاء الله


اشعر انك تحتاجين الى دورات التة تطرح ف المندى لتطوير وتنمية الذات

حاولي الاشتراك وان شاء الله انك تستفيدين

 

[روز15]

أشكر معي كبسولة الحب على قولتك أاعرف انه مايبيني أطاردة وأطاردة لان الفراغ عندي كبيير
انا كتبت مشكلتي ابا أعرف زوجي مرة لاني متى اكتشفت انه مايحبني اطارده هو علنيه قالها يقول انا أحب أجلس مع نفسي كثير يعني حرام الواحد يجلس مع نفسه انا مافهم طريقة التعامل معه ولا أجيدها
وانا ابي اعرف زوجي من اي نوع لاني ما أفهم الاشياء اللي مايحبها الاعقب مانتطاق واذا ترضينا نسيت وشو اللي يضيقه الله يعينا على بعض

 

[عطر الكلام]

أرجعي لنفسك عزتها

كوني عزيزه،مهو مثل الاطفال لاشافوا حلاوه قاموا يجرون عليها

وطبيعي حبيبتي يوم شافك ميته عليه ،شاف نفسه عليك

وبعطيك مثال عشان يوضح لك الصوره أكثر

تخيلي نفسك بين صاحباتك وفيه وحده من بينهم بس تتلصق وتظهر حبها وأنها مخلصه وتحبك وتموت فيك

أنتي بنفسك تبدين تتقززين منها تحسينها زودتها ،وممكن تقولين بنفسك وش هاللي ماشافت خير،وممكن تاصل معك وتقولين لها وخري عني أو بعدي طفشتيني

وحتى ماتحاولين تراعين شعورها لانها بكل بساطه ذلت نفسها لك ،وزودتها بعد وأنتي تبين تاخذين حريتك أكثر ،ولكن بنفس الوقت أنتي ماتكرهينها ،ولكن تحتقرينها أو بمعنى ثاني مو من مستواك

بينما ناخذ العكس:

أنتي عندك صاحبه سوالفها قليله وتكون لها هدف أو مفيده،إذا كنتم تتشاورون تعطي رئيها وبقوه،ويكون رئيها له وقع

تشوفين البنات يطلبون صحبتها وحتى أنتي راح تنظرين لها نظرة أعجاب وربما غيره،وتتمنين مصاحبتها

أيضا فيها شوفة نفس ولكن خلينا نقول أنفه ماترضى بأي شي

ماتجيكم أنتم اللي تجون وتسلمون عليها،وفوق هذا كله البنات ملتمين عليها

طيب ليـــــــــــه:لانها أحترمت نفسها وعزتها

والمثالين هذي للتوضيح والصوره الاولي تنطبق عليك أنتي وزوجك بالتمام

أما الصوره الثانيه فيها دليل لك في التصرف مع زوجك ،وأيضا ردة الفعل منه

وأتنمى لك حيــــــــــ سـعـيده ــــــــــــاه

 

[روز15]

أختي مرموره حروفك تدووور في ذهني
انشالله اني انفذ كتابة اناملك حفظها الله من كل شر
بس معليش وشو الصفات اللي أكتبها عنه

 

[روز15]

الله يتقبل دعوتك يافداك
انا بصراحة سمعت عن الدورات من زمان ودي بس ماأقدرمشكووووووووورة غاليتي علىردك الجميل

 

[روز15]

والله كلامك جميل جدا والمثال حرك في داخلي أشياء نايمه مشكورة عطر الكلام الكلمات المعطر من اناملك

 

[روز15]

اللهم واجعل من ردت على موضعي الفردوس الاعلى من الجنان ياحي ياقيوم واجمعها مع من تحب اللهم امين وجميع المسلمين والمسلمات

 

[رشروشه]

انا راي طنشيه شويه اشغلي وقتك باي شي في البيت عشان تنشغلي عنوا

 

[روز15]

وينك أختي مرمورة انا في انتظار عودتك

 

[دلال2222]

تحية طيبة - العقل يحل الكثير من العقد والمشكلات زيني عقلك بالحكمة وخصبي خيالك فالمراة الناجحة هي من تصنع السعادة لاسرتها حتى في عالم الحيوان الانثى هي التي تقود الحياة انا منحت زوجي حرية كاملة وكافية فوجدته يحبني اكثر من اي وقت مضى اتمنى لك التوفيق

 

[الساعة اللماعة]

اسال الله تعالى ان يسخر كل زوج لزوجته قولو امييييييييييييييين يابنات سبحان الله وبحمدك سبحان الله العظيم