من تعرف شي عن الأشعة الزيتية

[جنـــــى]

السلام عليكم ورحمة الله وبركاته
الله يعطيكم العافية اللي سمعت عن الأشعة الزيتية للرحم بيسوونها لأختي علشان تأخر حملها الله يوفقها ويسخر لها زوجها اللي ترد​

 

[omzayed100]

الاشعه الزيتيه هي نفسها اشعة الصبغه يسونها للمره اللي تتاخر في الحمل او عندها مشاكل في الرحم لا ترى بالسونار وطريقتها تنعمل في غرفة الاشعه تبدل المراه ملابسها كامله وتفتح اكرمكم الله الرجلين ويتم ادخال الحديده مالت الفحص النسائي ويفتح الرحم والالم بسيط يحتمل وبعدها يصبون الصبغه داخل الرحم الا ان يمتلى ويصور الرحم وهذي الاشعه دقيقه جدا ويبين لو الانابيب مسكره او لا بس في وقت ملى الرحم بالسائل مولم جدا ولا يحتمل لاني مجربتنها بس في نفس الوقت هذي الماده تساعد على انفتاح الانابيب لو مسكره لانه يملون الرحم لاعلى درجه اتمنى اكون افدتج ان شاء الله

 

[جبارة]

متل ما شرحتلك الأخت بس حبيت أطمنك إنها صحيح مؤلمة ولكن مدتها دقيقتين أو أقل ، يعني بسرعة ترتاح
وإذا أنابيبها مفتوحة ، الألم بيكون بسيط جدا متل مغص الدورة ، وكتير ناس حملو بعدها على طول لإنها تفتح
الإنسداد البسيط في الأنابيب ، أنا عملتها مرتين ، ربي يرزق أختك الحمل السليم المعافى يارب

 

[miss_hoda]

انا سويت اشعة الصبغه ونفس شرح الاخوات اما الزيتيه اول مره اسمع فيها ودعواتك لي بالذريه الصالحه ...