من تدلني الله يجزاها خير

[حظي زي وجهي]

السلام عليكم ورحمة الله وبركاته... أتمنى أحد يدلني.. عندي ولد عمره 13 سنه ولي رغبه اسجله في دورة ممتعه ومفيده بنفس الوقت.. انا من سكان الرياض الي تعرف مكان كويس ومستواه راقي ياليت تفيديني.. جزاكم الله ألف خير جميعا:shiny:

 

[المتفائله بربها]

السلام عليكم فيه نوادي تبع وزارة التربيه والتعليم مثل نادي مجمع الملك سعود عند سكن جامعه الملك سعود وعليها رسوم بسيطه

 

[جودي2005]

حبيبتي والله انا من جده ولا كان افدتك
بس اللي لفت انتباهي هو اسمك اذا كان قصدك
انه حلو وجهك كويس تفائل
لو كان قصدك انه مو زين افضل تغيريه وراح يكون حظك حلو
تفالو بالخير تجدوه.

 

[حظي زي وجهي]

هلا وغلا فيكم.. الله يجزاكم خير ع المعلومه..وبالنسبه لأسمي ما قصدت فيه شي مجرد اسم فقط لا غير..مشكورين:shiny:

 

[ميوسه]

عزيزتي

جربي المنشات الرياضيه بحي السفارات فيه نادي صيفي

 

[سليوليت]

السلام عليكم ورحمة الله وبركاته

اختي فيه نادي صيفي في جامعة الامام انشطتهم حلوة من الساعة 4 الى9 رسومهم الف ريال اليوم التسجيل بس لازم 2صورة وصورة للشهادة انا سجلت ولدي فيه يا تلحقين ياماتلحقين
وفيه نادي جامعة الملك سعود
ونادي عالم الصغار في المروج من4 الى12 بالف وخمسمية
ومركز اسيا على الدايري الشرقي
ومركز مدارس الامير سلطان في حي صلاح الدين
بس اناجربت الامام احسن
وبالتوفيق