سلام عليكم ..
حابة استشيركم في موقف صار لي اليوم و مو عارفة اتصرف فيه
السالفة ان زوجي كان مسافر قبل كم يوم سفرة قصيرة و لظروف شغلي ما قدرت اسافر معاه بس وصيته ع انه يعوضني بأن يشتري لي كل شي حلو يشوفه قدامه و الحمد لله و ما شاء الله ما قصر ..
بس اللي صار ان اول ما رجع من السفر قام يماطل و ما يبيني افتح الشنطة و قال لي بعدين بعد ما ارتاح و لما جى يفتح الشنطة ظلت الشنطة شبه مصكوكة و يطلع لي قطعة قطعة .. من باب يحمسني .. لين بعدين صك الشنطة و وداها المخزن .. عن يا زعم انها فاضية ..
اليوم بعد ما رجعت من الشغل ... الا اشوف في كيس على الطاولة فيه شوي ملابس جديدة و كان نسيه
و لما فتحته الا فيه قميص نوم مقاسي و باقي القطع اكبر من مقاسي ...
اتفاجأت بس ما حبيت الشيطان سيده يلعب فيني .. فطرشت اساله على الواتس اب بكل براءة عن الكيس .. فقال لي اني خربت المفاجأة اللي كان يبي يسويها لي و ان كان يبي يسوي لي حماس ثاني على القطع الباقية.. قلت ليه بس اكبر من مقاسي .. قال لي ان تحير و اخذهم بالتقدير !
القطع اللي في الكيس ما عليهم السعر و باقي القطع اللي عطاني اياهم عليهم السعر
و من القطع الجديدة في تي شيرت نفسها بالضبط عطاني اياها بس بمقاس مختلف.. و لما خبرته قال لي ان كان متحير و على الكاونتر قال ليهم يرجعون قطعة بس بالغلط حسبوها
طبعا اني سايرته بالموضوع بس ابغي اعرف شلون لازم اتصرف؟
اتخيل اقوله انه يكذب علي و لو في نسبة واحد بالمئة يكون صادق راح اظلمه و اخلي نفسي في موقف لا احسد عليه و يحرم يجيب لي شي ثاني و طبعا راح يقلب الموضوع علي و يتهمني باني ما اثق فيه
فسروا لي الموقف و خبروني شلون اتصرف
حابة استشيركم في موقف صار لي اليوم و مو عارفة اتصرف فيه
السالفة ان زوجي كان مسافر قبل كم يوم سفرة قصيرة و لظروف شغلي ما قدرت اسافر معاه بس وصيته ع انه يعوضني بأن يشتري لي كل شي حلو يشوفه قدامه و الحمد لله و ما شاء الله ما قصر ..
بس اللي صار ان اول ما رجع من السفر قام يماطل و ما يبيني افتح الشنطة و قال لي بعدين بعد ما ارتاح و لما جى يفتح الشنطة ظلت الشنطة شبه مصكوكة و يطلع لي قطعة قطعة .. من باب يحمسني .. لين بعدين صك الشنطة و وداها المخزن .. عن يا زعم انها فاضية ..
اليوم بعد ما رجعت من الشغل ... الا اشوف في كيس على الطاولة فيه شوي ملابس جديدة و كان نسيه
و لما فتحته الا فيه قميص نوم مقاسي و باقي القطع اكبر من مقاسي ...
اتفاجأت بس ما حبيت الشيطان سيده يلعب فيني .. فطرشت اساله على الواتس اب بكل براءة عن الكيس .. فقال لي اني خربت المفاجأة اللي كان يبي يسويها لي و ان كان يبي يسوي لي حماس ثاني على القطع الباقية.. قلت ليه بس اكبر من مقاسي .. قال لي ان تحير و اخذهم بالتقدير !
القطع اللي في الكيس ما عليهم السعر و باقي القطع اللي عطاني اياهم عليهم السعر
و من القطع الجديدة في تي شيرت نفسها بالضبط عطاني اياها بس بمقاس مختلف.. و لما خبرته قال لي ان كان متحير و على الكاونتر قال ليهم يرجعون قطعة بس بالغلط حسبوها
طبعا اني سايرته بالموضوع بس ابغي اعرف شلون لازم اتصرف؟
اتخيل اقوله انه يكذب علي و لو في نسبة واحد بالمئة يكون صادق راح اظلمه و اخلي نفسي في موقف لا احسد عليه و يحرم يجيب لي شي ثاني و طبعا راح يقلب الموضوع علي و يتهمني باني ما اثق فيه
فسروا لي الموقف و خبروني شلون اتصرف
