من الخاص:زوجي والماضي

[الدكتورة نبضة قلب]

وصلني على الخاص


زوجي كان عنده علاقة قبل زواجه مني وماأراد الله إنها تتم بالزواج ، وبعد ماتزوجني عرفت عنها وواجهته وماأنكر وقالي إنها ماضي وانتهى ، بعد كم شهر اكتشفت إن البنت رجعت له وصارت مشكلة وآخر شي بكى ووعدني إنه مايعيدها مرة ثانية أبدا وسامحته بعد ماعطيته درس ماراح ينساه بإذن الله ..

بعدها بأسبوعين سافر وأنا رحت لأهلي وفي مرة رحت لبيتي أنظفه ولقيت عنده بالمكتب جوال مسكر ومافيه شريحة وأنا قد سألته من زمان عن هذا الجوال وليش مخليه هنا قالي إنه نسى رقم الحماية تبعه وأنا نسيت السالفة ولاشكّيت أبدا لأن الجوال قديم وزوجي يحب يحتفظ بممتلكاته حتى وإن كانت قديمة ..

المهم إني أخذت هالجوال وفتحت رمز الحماية بطريقة من النت ولقيت إن هذا الجوال هو الي يتراسل منه وهو البنت وقت علاقتهم قبل زواجه مني ومحتفظ فيه بكل الرسايل ..

لمحتله إني عرفت عن سالفة الجوال وفهمني ، لكنه ماعلق على السالفة بطريقة مباشرة ، بس قال تذكري وعدي لك بالوفاء و..... كلام مثل كذا ..

والصراحة إني ماأدري ليش زوجي ماتخلص منه بعد المشكلة !!
ساعات أقول يمكن ماأمداه لأنه سافر بعدها
ساعات أقول نسى
ساعات الشيطان يلعب براسي ، لكن الأرجح عندي إنه نسى لأن الجوال كان في درج المكتب من زماااان ..

سؤالي الآن: وش أسوي بهالجوال قبل مايرجع زوجي من سفره ؟؟
أرجعه مكانه ؟؟
ولاأبيعه ولاأرميه ولاأحرقه ؟؟
ولاإذا رجع زوجي أعطيه إياه مع نظرة عتاب ؟؟
ولااييييييييييييييش ؟؟

ماعندي أي تصور عن التصرف الصحيح في هالحالة ..

علما إن زوجي جنوبي غربي ..

أتمنى أشوف آرائكم السديدة وربي يوفقكم جميعا ...



​

 

[مزونة]

اكبر المصايب بين الزوجين هي شك الزوجة بزوجها وتفتيشها الموبايل بصراحة الان الرجل لايعترف بخيانته وانت بفعلك هذا كشفتيه بس شو الفايدة بيرجع وبيحطها فوق راسك ليش تفتشين وراي وبيكون اكثر حرص نصيحة حاولي دورين على طريقة يكون هو المعترف بخطئه.

ولي عودة فرج الله همك اختي في الله

 

[البلقيسيه]

من رأأى تترك الجوال مكانه وماتغفل عنه لازم تعطى زوجها ثقه وتراقب من بعيد والله يوفقها

 

[أسماء زكي الدين]

ارمي الشريحة هههههههههه وامسحي كل اللي على الجوال وخليه له في الدرج يحتفظ به - طالما بيحب يحتفظ بمتعلقاته ... ولو في يوم فتحه وسألك ليش سويتي كذا وكذا قولي له كنت بانظف البيت لقيت جوالك (.....) فنظفته لك ... لو الرسائل قديمة يبق زوجك صادق وقفلي خاااااااااااااااااالص على الموضوع ولا عاد تشكي فيه لكن املي عينيه وقلبه


ولو جديدة خليه لغاية ما هو يتكلم وبعدين قولي له علشانك حبيبي وعدتني وعيدي عليه كلامه (تذكري وعدي لك بالوفاء و..... ) بهدوووووووووووووووء وحب كأنك بتعمليها معروف فيه ولا تلمحي له لمحة شك ...
قولي له حبيت اساعدك تنساها وامسح المنكر هذا عنك وازيحه بعيد عنك ..

 

[أسماء زكي الدين]

طبعا كلامي لصاحبة الرسالة وليس للدكتورة ... ومهم ألا تفتحي معه الموضوع وتناااسيه تماما وكأنه لم يحدث

 

[الوفيرا]

وأنا نفس رأي البلقيسية رجعي الموبايل مكانة وراقبي من بعيد ويكفي انك لمحتيله,لاتكشفين انك كاشفتنه

 

[(مها)]

انا اقول خليه بالدرج ولا عليك منه بما انك اكتشفتي العلاقه اللي بينهم من غير لايفتضح امر الجوال في السابق
الان خليه مكانه من غير لايدري انك عرفتي وراقبه من خلاله ,,,
والله يهدي زوجك يارب ولا تشوفين عليه شي ان شاء الله ..

 

[فجر الاماني]

حبيبتي رجعي الجوال مكانه ولا تفتحي على نفسك باب انتي في غنى عنه طالما الموضوع ماضي لا تجعليه يأثر على حياتك

 

[MP3]

انا رايي انك تخليه مكانه

 

[أحبه زوجي]

يوووه مشكلة لو بنتفش وراهم راح نلقى الهوايل..

انا ماحب امسك جوال زوجي ولا احب اجلس جنبه وهو جالس على النت عشان اخاف اشوف شي مايسرني

مع اني واثقة فيه .. بس ما ابي اعرض نفسي لموقف انا اكرهه..

وكل الرجال سواسية .. الله يهديهم بس..

 

[الدكتورة نبضة قلب]

هذا رد الاخت صاحبة الموضوع عليكم


أشكر كل الي ردو علي وأعطوني من وقتهم بس أحب أوضّح لكم 3أمور:

أولا: هذا الجوال قديـــــم وبدون شريحة والرسايل قديــــــمة قبل كم سنة يعني ماضي بس زوجي محتفظ فيه ..

ثانياً: زوجي الآن مستقيــــم الحمدلله وترك سوالف الخيانة وحياتنا مستقرة اللهم لك الحمد ،، بس هالجوال أتوقع ماأمداه يتخلص منه لأنه سافر بعد ماانتهت المشكلة على طول ..

ثالثاً: زوجي مستحيـــــــل يفكر يهاوشني عشاني فتحت هالجوال وكشفته وأنا أعرف شخصيته زين ،، الحين هو متفشل مني وشايل هم وش بيقولي !!
وأتوقع إنه بيقولي نسيت !!

الملكات الي قالوا لي امسحي كل شي وردي الجوال مكانه ،،
تبون الصراحة ؟؟!
صعبة علي شوي !!
وأخاف يحتفظ فيه ولايرميه ـ مع إنه مستبعد ـ ثم تعذبني الغيرة ..

طيب لو رميته الحين أو بعته ثم سألني عنه ،، شقول ؟؟

ولو سكت ولافتح الموضوع ،، أسكت ؟؟
​

 

[بيالة شاي]

شوفي انا باقول لك انا لو مكانك شبسوي ....رغم انه يمكن مايكون الحل السليم

بس انا اعتقد ان هذا بيتي وهذي مملكتي وهذا زوجي ولي الحق بالتخلص من مايعكر مزاجي في بيتي ....ومدام اني فتحت معاه الموضوع وحسيت فعلا انه ندمان ...خلاص باخذ الجوال وباتخلص منه خير شر ....واذا

 

[بيالة شاي]

شوفي انا باقول لك انا لو مكانك شبسوي ....رغم انه يمكن مايكون الحل السليم

بس انا اعتقد ان هذا بيتي وهذي مملكتي وهذا زوجي ولي الحق بالتخلص من مايعكر مزاجي في بيتي ....ومدام اني فتحت معاه الموضوع وحسيت فعلا انه ندمان ...خلاص باخذ الجوال وباتخلص منه خير شر ....واذا سأل عنه باقول له (( سويت حملة تنظيف لكل ماهو قديم وممكن يضيق علي في البيت وبس ))...اذا كان هو يراعي مشاعر سيتفهم موقفي ولن يستفسر اكثر ...اما اذا كان الموضوع فعلا يهمه فسيثير مشكله وعندها لي تصرف اخر

اتمنى انك تستخيرين قبل اي فعل تفعليه ...والله يفرج همك وييسر كل امورك

 

[الوفيرا]

عندج حلين اما ترجعينه مكانه وتنتظرين شو بيسوي وهو من حقه تعطينه فرصه يسوي الصح من غير ضغط منج, أو تواجهينه وتسألينة ليش محتفظ فيه؟بس ما أنصح انك تتخلصين منه من نفسج لأن العمل هذا ما فيه أجابه على خوفج,قوليله أنا مايهمني تحتفظ فيه أو تتخلص منه لأن ممكن عشان ترضيني تتخلص منه ولكن يبقى الي في القلب,أنا أقدر أحس بصدق ندمك وبصدق حبك , وسكتي خليه يراجع نفسه ويحس انه لازم يثبت صدقه بمجهود اكثر من جذيه لأن واضح انج بعدج مب حاسة بالراحه والامان والي يبي يفتح صفحه جديدة في حياته لازم يتخلص من كل الشوائب وما تكون هناك امور متعلقه بدون حل واهم شي بين الزوجين

 

[الراهبةالجريئة]

رجعيه مكانه بدون ما تمسحي شي شو الفايدة انك تمسحي عن الجوال اذا هو مش ماسحها من قلبه؟؟؟؟؟؟