من أروع أسباب السلام النفسي

[راجيه الرضا]

كل واحد فينا عنده شخصيتين

شخصية بيظهر بيها ادام الناس

و شخصية مداريها عن الناس

الشخصية المتدارية دى ممكن تلاقيها على اكونت زائف على صفحات التواصل

ممكن تلاقيها فى حياته الخاصة و اوقاته الى محدش يعرف عنها حاجة

ممكن تلاقيها بتطلع غصب عنه فى أوقات معينة و مع ناس معينين

من حق اى انسان انه يكون له اسراره و شخصيته الخاصة و الا يطلع الاخرين عليها

و مش من حق حد انه يتجسس عليه علشان يكتشف حقيقته طالما مش بيؤذى حد

لكن هيفضل هو نفسه تعبان اوى من التناقض الى جواه دا

هيفضل طول عمره تعبان من انه بيرسم نفسه و يحافظ على صورته

و تعبان لما بيتكشف احيانا من المقربين ليه و يتصدموا فيه

من أروع أسباب السلام النفسى ان يبقى الظاهر زى الباطن
ان تكون حقيقتك واحدة بس
ان يكون جواك زى براك

كلنا بنحاول نتجمل و نخفى السوء فينا وبنبذل مجهود نفسى كبير علشان نحافظ على صورتنا

بس مين فينا بيبذل نفس المجهود فى محاولات اصلاح الخفى و تقريبه من الظاهر

هو دا الفلاح بعينه

و هودا روعة ايات القرآن

(قد افلح من زكاها و قد خاب من دساها)

دساها يعنى اخفاها و خباها

#دعاء_راجح