منو تنصحني

[wafa80]

اتمنى احصل حد ينصحني
ماحب اروح عند اهل زوجي الا فالشديد القوي همه عاداتهم كلش غير وماقدرت اتأقلم معاهم ما اكرههم بس ماقدر اعيش حياتهم لما يجون عندي استانس واجلس معاهم طول الوقت لكن اروح عندهم ماقدر علما انهم يحبوني وانا وايد احبهم بس هم من النوع الي يخدمون نفسهم بنفسهم ماعندهم خدم وانا ماتعودت فأستحي اروح وما اسوي شي كأني ملكه واريد اساعدهم بس ماعرف اشتغل مثلهم فأحس باحراج وهو لما يروح يبات لانه المنطقه وايد بعيده
واتفقت مع زوجي انه زياراتي فالمناسبات ومره فالشهراذا ماعندي ظروف بس هو كل ويكند يروح ولما يروح اتعب نفسيا لانه وايد اشتاقه واتغير عليه احس ما اطيقه بس مجرد مايرجع انسى الغربه الي صارت بس انا تعبت وما اريد يكون همي هو بس ففترة غيابه الهي نفسي باشيا وايد ازور اهلي اطلع مع صحباتي اهتم فنفسي بس نفسيتي تكون باد حتى اكل مااشتهي بس سنتين احس كفايه اريد احصل ع سعادتي من ذاتي مو انتظره يعطيني اهتمام ماعارفه كيف اتصرف وايد اضايقه من هالشي

 

[the tigress]

المثل يقول لجل عين تكرم مدينة

وانتي علشان حبيبك عودي نفسك علي اهله وعلى عاداتهم

بعدين غريبة تقولين ما أعرف اشتغل - ليش انتي مو متزوجة وفاتحة بيت ؟

انا رايي روحي معاه كل ما يروح هذا شي يزيد ارتباطك فيه

واتركي عنك الكسل والدلع

واحمدي ربك ان اهله طيبين ويحبونك غيرك يروحون لاهل ازواجهم وهم يكرهونهم​

 

[بنوته القمر]

كلام الاخت الي مادري ايش اسمها صح حبيبتي وانا بعد ماحب اروح كثير لاهل زوجي وبعض الاحيان اقوله روح انت انا طفشت مابي لان عندهم روتين قاتل ماايتغير ابدا علشان كدا خففت زياراتي عندهم بس علشان زوجي لازم اروح بالعكس حتي هو يفرح ان رحت معاه

 

[منوره حياتي]

انا مع الاخوات بس مو بشكل اسبووعي
اسبوع لك واسبوع لهم وكل ما صرتي بعيدة
ورسميه صار لك هيبه واحترام عندهم..

 

[نــور عـيـونـه]

الله يصلحكِ هذا مو سبب يخليكِ تقطعين اهله و تفضليين الوووحدة على شوفتهم...

وبعدييين ما شاء الله زوجك طييييب و رااضي بتصرررفك الغلط...

و إنتِ ناااسية المثل اللي يقول إن كان حبيبك عسل لا تلحسه كله..

و لاتشوفينه راضي و لا همه لا ياقلبي هذول أهله ومهما كان مااا يرضى عليييهم و أسباابك تراها تافهه و ماهي مشكلة كبيرة..

أدري إنتِ كاتبه الموضوع تبغيين نسااعدك كيف تعتادين على غياب زوجك لكن ياعمري ليش تعملين فجوة بينك وبين زوجك وتزيدين المسافة بينكم..

إنتِ تقولين إنه كل ويك اند يروح لأهله يعني صار روتييين بالنسبه له مع الوووقت ما يهتم بوجودك جنبه بكل خرجااتكم وعادي لو يسافر لوحده بدونك لأنك ما انتي حريصه على قربه..

عموما هذه قناعتك و إنت ِ حرة بقراراتك.. و إذا تبغين نصيحتي استغلي الوقت اللي هو مو فيه و اشتغلي بالبيت اتعلمي و تداااركي نفسك واهتمي بعلاقتك مع اهل زوجك..


​

 

[mesk-nader]

سوري احس مافي سبب مقنع

انت لما اخذت واحد منهم لازم تتعودين على عاداتهم وتقاليدهم لانك خلاص صرتي وحده منهم , وبعدين اذا انت مو قادرة تتأقلمين معهم , مو شرط مرة وحده تتأقلمين هالشيء يبيلك تتعودين عليه وبياخذ فتره معك , مثل الطفل الي لما يتعود ويتدرب عالمشي بياخذ فتره لحد ما يتعلم ويتدرب , عمرك شفتي طفل مشي لحاله كذا فجاه بدون تدريب مسبق , اكيد لا .

اعتقد هذا الرابط بيفيدك كثيير وهو عن اتيكيت الزوجه الذكيه
http://www.niswh.com/vb/showthread.php?t=187240


وكان في موضوع وايد حلو للإستاذه ناعمة عن اتيكيت التعامل مع الزوج وأهله , انا دورة الرابط بس ماحصلته شكلهم يمكن حذفوه .

سوري هذا الي قدرة عليه
​

 

[مصاصه بالفراوله]

شوفي حبيبتي
حيكون فرق كبير لو ان اخذتي ررجال اهله عندهم خدم و شياكه و زي ما تبغي لكن جلستهم تجيب الغم و يكرهوك و تلقيح كلام و قله ادب و زيارة تجيب الغثاء هل احسن ام ناس يحبوك و يتونسو بشوفتك و انتي اخدمي نفسك زي ما تخدمي في بيتك و لا جيبي لك خدامه معاك و عيشي
احمدي ربك اهل الازواج مو كلهم طيببين و نادر لمن يجو كدا
انا عن نفسي احب اروح خميسهم بس اللي متعبني اختلاف الاعمار و الافكار
كلهم اخواته اكبر مني بعمر امي و اولادهم بعمري لكن اجلس باحترامي كلموني كلمتهم ولا اتدخل في الاحد و بس اسمع و امشي
و عايشين مشيها و المركب يمشي​

 

[هيووووونه]

انا اشوف انك لازم تروحين دام يحبونك
ماتشوفين انها صعبه ان زوجك يروح وانتي ماتروحين لهم
اكيد بيقولون انك ماتحبينهم اوماتبين تشوفينهم

 

[wafa80]

اسفه تعبتكم معاي
ومشكوره لكل وحده عطتني رايها
بس انا ببدا ادرس الماستر وبيكون فالويكند
ماقدر اروح دايما
ومااريد امنع زوجي عن هله ولا فكرت حتى اقوله بس بعده عني وايد يأذيني والسموحه