منو بتبتدي معاااي ... فواائد القسط الهندي لتكيس وضعف المبايض

[سكون النجوم]

السلاام عليكم بنات تعبت انه من هالدوره .. قاهرتني قبل الزواج اشزينها تنزل علي شهريااا وعقب الزواج اختربت استغفر الله المهم قريت في النت عن ( القسط الهندي ) انه يفيد واااايد ينظف الرحم وينزل الدوره وفوق هذي ينشط المبايض فقررررررررررررررررت اني استخدمه وصار لي هذي اليوم الثالث وصج احس بتأثيره من بتبدتي معاااااي ونخلي هالموضووع نكتب فيه تجربتنا مع القسط الهندي على فكره اهوه طعمه جد جد وععع وريحته تسبب الترجيع بس اهوه مذكور في الطب النبوي فأكيد اهووه مفيييد وسبحان الله احسن بوايد من الادويه على الاقل اذا مافادج مابيضرج ويقولون انه مفييييد وااااايد لتكيس المبايض وبعد يبعد الحسد والعين حيث انه الجن مايتحملوونه عشان جذيه الوحده اذا خذته وحست بصداع او حساسيه او تعب معناته فيها حسد او عين ولاززم تداوم عليه ماشاء الله واااايد مفيييد حتى حق الريال مفيييد واااايد حريم يقولون انه ريايلهم كان فيهم ضغف وقلة حيوانات منويه وهذيه عالجهم بقدرة الله سبحانه وتعالى سبحان الله الي جعل لكل شي دووااء بناااااااااااااااااات يلاااا خل نشجع بعضنا البعض .. منوووو بتبتدي معااااااااااااااااااااي .... ترفع يدهاااااااا هههه( بنااات حاولت اكبر الخط او انسق الفقره مااعرفت شلون ... وين المربعات الي فوق نعدل الموضووع ... والي تقدر تعدل الموضووع تعدله )

 

[عبره]

حبيبتي حاولي والكل مجتهد نصيب ... داومت عليه برمضان ... وحسيت انه زاد من تنظيم دورتي ... والله يعطيك لين يرضيك

 

[ِضيــآءْ]

هو مفيد مررره لكن انتبهي لطريقة استعمالك له

يؤخذ فقط من خامس الدوره لمدة اسبوعين او عشر ايام ثم توقفينه

ولو ماحصل حمل بحول الله ترجعي الدوره اللي بعدها من خامس يوم لمدة اسبوعين وهكذا ... .

بالتوفيق للجميع
​

 

[لبيه ياقلب]

انا حرمه اعطتنيه مع عسل اكلته لمدة شهرين
وسويت حجامه والحمدلله راح التكيس
بس فيه قليل الحمدلله ياربي

 

[مريم 77]

( القسط الهندي ) مقصود به التمر الهندي ولا شي تاني :30:؟

 

[دلوعة سعوودي]

انا استمريت عليه لمدة اسبوعين ووقفته الحين وبعد الدوره ارجع اكمل بس شوفي يااختي لا تستخدمينه الا بعد ماتطهرين مو خامس يوم اللين تكملين اسبوعين واتركيه والله يعينا على طعمه وريحته :30:

 

[رووحي فدآآآه]

انا ببتدي معاك ان شاء الله انا فيني لخبطه الدوره وتكيس وخمول بالغده اببدا فيه هالليومين ان شاء الله ،، والحجامه متى اسويها متى ثكون وقتها **

 

[سكون النجوم]

عبره ..... مشكوره اختي ع المرور

ضياء ...... بس قالو لي انه يساعد على انه ينزل الدوره ... فقالو لي عادي اخذه قبل لاتنزل لين انزلها وتالي اوقف

لبيه ياقلب .... مبرووك حبيبتي والله يشفينا اجمعين ويرزقنا الذريه الصالحه يارب

مريم 77 ...... لا اهوه شكله مثل الخشب قطع صغار تطحنينه او تاخذينه مطحون لونه بني ... طعمه مر ومب حلو كلشششش بس فوائده وايد

دلووعة السعودية وروحي فداه .... يلااا انا وانتوو خل نبتدي ونجوف النتايج ونذكرها ... وان شاء الله نبشر بعض بالحمل بنفس الشهر يااالله ياكريم

 

[ِضيــآءْ]

ضياء ...... بس قالو لي انه يساعد على انه ينزل الدوره ... فقالو لي عادي اخذه قبل لاتنزل لين انزلها وتالي اوقف

استخدامه قبل الدوره صحيح ينزلها لكن ممكن يسبب نزيف لاسمح الله
او اذا كان في حمل ينزله بدون ماتدرين لأنه مرررره قوي على الأرحام
وخلي ثقتك بربك كبيره لاتقولي مارح يصير حمل لأن عندي مشاكل
واستخدامه بأيام الدوره يوقفها

ربي يكتب لكم الخير والخيره​

 

[بعدك عني انتحار]

انا بجربة معك
والله يعيني علية
بسوي حجامة وبسال الدكتورة متى اخذ القسط الهندي

 

[بسمااات]

طيب ان شاء الله انا معكم
بس وشلون طريقة بالضبط يخلط مع شي ويكون مطحون وكم مره باليوم

وقريت عنه فوائد كثييير
قولولي بالتفصيل عشان اتحمس تو مخلصة الدورة

 

[~رودينا~]

الله يرزقكم ويرزق كل محروم

 

[سكون النجوم]

السلام

سوري انقعطت وماقلت لكم النتيجه


عقب ماستخدمته .. ياتني الدوره تاريخ 26 \ 10

والحمدالله ولاول مره تنزل من دون ماتسبب لي الم فضيع وكان الالم خفيف واقدر اتحمله .. حتى بندول ماكليت

ونزلت مباشره دم احمر .. مو مثل كل مره .. تنزل بني خفيف وتالي تنزل عدل

استمرت 5 ايام وخلصت .. وانه قطعت القسط الهندي من بداية الدوره .. ولين اليوم الخامس رجعت استخدمه بس مو مثل اول وتالي قطعته

وكنت ايام الدوره وبعدها كل يوم اشرب عصير اناناس وبالاضافه على اخر الدوره رحت سويت حجامه

وفي يوم 15 الدوره ... رحت لدكتوره وفحصتني .. وجان تقولي انه التكيس خف عن قبل وانه عندي بويضه حجمها 19 .. حسيت انه تعبي مااراح على الفاضي

وفي يوم 17 الدوره طلع لي الوجه الي يضحك الي في جهاز يقيس التبويض ... ومن يوم 16 الدوره لي اليوم احس بنغزات وشد بمبيضي اليمين والم خفيف والغازات ذبحتني

بس ماحس كل باي اعراض للحمل ( احس اني مب حامل وانه زوجي يمكن عنده مشكله )

حتى زوجي قالي لو ماحملتي هالشهر بروح افحص من الشهر الياي

ورحت امس فحصت دم ( مستعجله شاسوي ههههه )

وطلع سالب

مع انه قالو لي انه لو صار حمل جان الدم بيبينه باليوم الثاني على طول

والله كريم

ويرزقني الحمل الشهر الياي ياااارب

يلا بنات انه قلت شنو صار معاي انتو الحين دوركم

فادكم القسط لو لا ؟؟؟

 

[آه قلبـي]

هلا اختي
ممكن اعرف ايش هو القسط الهندي ومن وين نجيبه
وهل هو متوفر عادي باأي مكان

 

[الغوالي**]

هلا اختي الله يسعدك ويفرح قلبك ياااارب وقلب كل محروم بس لة تتكرمين وتقولين لنااا
مقداره بالزبط الله يشفينااااا ويشفيك ياقلبي

 

[آه قلبـي]

مافي حد رد علينا معقوله !!!
اذا امكن تفصيل اكثر وكيف طريقة استخدامه والكميه ؟؟
ويارب يرزق الجميع كل مايتمنون

 

[سكون النجوم]

اسفه اختي .. صار لي فتره مادخلت المنتدى


المهم


القسط الهندي ... تقدرين تاخذينه من العطار في الديره الي انتي فيها .. أنه من البحرين

وكنت اخذه 5 مرات يوميا .. وبعدين قللت لي 3 مرات وساعات مرتين بس على حسب

ورحت للحجامه وقالت لي يكفي مرتين بس بمقدار ملعقه شاي

ونخلطه مع الماي وتشربينه قبل الاكل

المهم


هالشهر نزلت علي مضبوطه على 25 \ 11 وما ألتمني وااايد

الحمدالله والشكر لك يارب

نزلت اول 26 \10 وهالمره 25 \11

ان شاء الله تكون انتظمت على طول

وادعووولي بناات وان شاء الله الله يرزقنا اجمعين الذرية الصالحه

 

[DeeM*]

الله يرزقك يارب بالحمل السليم المعافى والجميع يارب

بس حبيت اسـألك الدوره كانت تتأخر عليك بالشهور ولا الايام
لانو انا كل 4 شهور او شهرين تجيني الدوره .. مدري ينفع لي ولا لا

 

[محبة الاطفال]

سبحان الله نفس قصتي بالضبط

أنا استخدمته يمكن من اسبوعين وعندي ارتفاع بالغدة كرهت الدوا والله

وقفته وبديت في القسط تأخرت عندي الدورة 4 ايام وكنت أحس بآلام ماقبل الدورة بس خفيفة أخف من كل مرة

وبعدين جتني الدورة الحمد لله على كل حال بس مافيها ألم مثل كل مرة إلا ألم خفيف أتحمله وما أخذت بندول وينزل مني الدم عادي مش مثل كل مرة

والحينه أنتظر بعد الدورة ببدأ فيه مرة ثانية وبكمله لحد موعد الدورة الجاية إذا ماجتني فخير وبركه حامل بإذن الله وإذا جتني بروح أسوي تحليل وأشوف الفرق بالغدة قبل استخدام القسط وبعده وان شاء الله رب العالمين راح يرزقنا الذرية الصالحة يارب

بس عليكم لسورة البقرة يوميا هذي مجربة وبإذن الله راح يتم الحمل

 

[سكون النجوم]

اختي ديم ... لا انه الحمدالله اذا تاخر علي تاخر بالايام قبل الزواج ... ومره وحده بس فحياتي تاخرت 6 شهور لين كنت في الثانوي ... وعقب الزواج تمت تاخر 7 ايام كل مره ومره وحده فشهر رمضان تاخرت اسبوعين .. وتالي بديت استخدم القسط الهندي .. وانتظمت استخدمه شهر 9 لي بداية الدوره الي اهيه 26 - 10 وبعدين ماقدرت استخدمه مريت بظروف و الحمدالله الشهر الي عقبه ياتني مضبوطه 25 - 11



محبة الاطفال ... انه سمعت انه مب زين للحامل ... فالافضل تاخذينه من اليوم الخامس لي موعد الاباضه ...و بعدين توقفينه وهلون



بناااات


بعد موعد التبويض ... حسيت بالم بظهري وتحت بطني ونوع شي يشدني بجهة اليسار ... وحدي تأملت انه حمل .... ورحت عقبها حللت دم بس طلع نقتف ( هههه والله كرهت هالكلمه ) .. قلبي عورني واايد بس الحمدالله والشكر لك يارب ومره كنت اقرا في الاانترنت انه وحده حللت دم قبل الدوره وطلع نقتف وعقب الدوره طلع انها حامل ...الام ظهري يروح ويجي واول مره يصيدني هلون ... موعد الدوره باجر .. ان شاء الله ماجوفها الا عقب 9 شهور يااارب بنات ادعوولي تكفووون الله يرزقنا كلنااا ياااارب وفيه وحده صارت لها نفس القصه بعد ؟ حللت وطلع مافيه وعقب الدوره حللت وطلعت حامل ؟؟؟؟