منهو مثلي في حيرتي ؟؟

[روحي تحبه]

أستاذتي العزيزة ناعمة الهاشمي ...
عندي سؤال محيرني وااااااااااااااااااااااايد ... وهو شلون نوفق بين تربية أبنائنا وما نهملهم على الخدامات وفي نفس الوقت نهتم بأنفسنا وأزواجنا وعملنا خارج المنزل .....
بالنسبة لي ما أقدر أداوم وعندي طفل صغير ..وين أخليه؟؟؟ والعلاقات الاجتماعية والزيارات أشوفها تتكنسل والسبة الحفاظ على جدول نوم بنتي اللي في الروضة يعني ما في زيارات بعد الساعة 6 ونص المغرب .....وقبلها نادر الناس تتزاور ...إذا بغيت أروح الصالون مثلا لمناسبة صعبة أودي معاي ولدي (عمره 5 شهور) وبيت أهلي بعيييييييييييييد ....
بالنسبة للأنشطة داخل البيت محلولة ممكن تنفذ بالرغم من كثرة المقاطعات بس مثل هالأشياء اللي ذكرتها !!!!!

أنا ما أذكر هالأمثلة باعتباري حالة محددة لكنها مجرد أمثلة لوضع تعاني منه كثيييييييير من الأمهات خاصة بالنسبة للأطفال الصغار جدا ...
يعني والله أحتااااار في كثير من الأحيان شنشوي ؟؟؟ ...أعرف إن الإجابة بتكون في تنظيم الوقت ...لكن الوقت ممكن يكون مناسب لي مو مناسب لغيري (مثلا موعد الزيارات ، أو حضور دورات، أو الذهاب للصالون ، ممارسة هواية ذات توقيت محدد.....الخ) كلها أو بعضها تتعارض مع خطة حياة أم لأطفال صغار جدا .... كيف الحل ؟؟؟؟ أرجو الأستاذة وأرجوكم منوا علي بردودكم وأفكاركم .......كيف يتم التنظيم ؟؟؟؟
وجزيتم عنا الخير

 

[هدأة الغسق]

والله يا أختي لاتشكي لي أبكي لك ..

أنا ما شفت الدنيا إلا لما كبروا .. أصغر واحد عندي صار 6 سنين ورالحمد لله راح المدرسة أخيراً ..

وطبعاً مازالت زياراتي شبه معدومة .. خروجي كله يا في النهار وهم في المدارس يا في الويك إند ..

أنا أصلاً ماعندي شغالة وأحس يومي جري جري لما يكونوا موجودين ما اروق إلا لما يخرجوا أو لما يناموا .

تصدقي أنا ما اشوف لزمة لخروج وصديقات أصلاً ما ألاقي صديقات في نفس عقليتي أحس الناس صاروا فارغين مو

زي زمان .. وصديقاتي اليي زيي كلهم ساكنين بعيد .. الله يقربنا .

ننتظر بقة الآراء .​

 

[نسائيات]

مرحبا بك غاليتي روحي تحبه
ارغب بسؤالك هل تعملين ؟؟؟
يعني ان كنت لا تعملين فاختاري العمل في مؤسسه يكون فيها او قريب منها دار حضانه فهكذا تاخذين الاطفال والخادمه للحضانه لرعايتهم وحتى طفلتك بعد عودتها من المدرسة تذهب للحضانه لغاية انتهاء ساعات عملك
بالنسبة لتنظيم الوقت
ان تركنا الحياة بمشاغلها تسرقنا م انفسنا راح نفوق في يوم من الايام ونشوف انه العمر عدا ونحن في مكانا ما سوينا شيء
فالمطلوب في تنظيم الوقت ان نجعل يوم واحد من ايام الاسبوع خاص بنا وحدنا نترك فيه اطفالنا عن شخص قريب موثوق به ونذهب للصالون لزيارة الاصدقاء او لقضاء وقت ممتع
كما بامكانك اخذ اطفالك معك للسوق فهناك توجد اقسام خاصه بالاطفال ادخليهم فيها و تسوقي براحه
يعني بدل ان نجعل وجود اطفالنا عقبله امامنا للاستمتاع وتنظيم الوقت يجب ان ندخلهم في الجدول ونرى كيف نستمتع معهم
الطفل يوم يحصل اطفال ليلعب معهم ينسى قصة النوم
او نيميها الظهر 3 ساعات يوم تقررين الخروج وراح تسهر بليل

 

[aldana]

الحقيقه سالفتك نفس سالفتي تمام .... ولازلت غير مقتنعه بترك أطفالي وزوجي بدون رعايتي ...

أحتاج في كثير من الأحيان التسجيل في دورات أو نوادي رياضيه ولكنني أتراجع سريعاً ...
أنا عندي شغالتين في البيت ... واحده للأطفال وأخرى للبيت .... صدقيني أنا وجودي في البيت فقط للرعايه والإشراف ... أتابع أطفالي وأهتم بتربيتهم ...وعند عودة زوجي للبيت يكون هو شغلي الشاغل ... وأترك الأطفال للخادمه لحد ما نتغدى وأروح أنام وزوجي ينام في هذي الفتره أيضاً ... وإذا ما نمت جلست على الانترنت فهذا وقت استراحتي الخاص ...

حتى يقوم زوجي اسويله القهوه وأحيانا معه حلا ... وأجلس أسولف معاه لمدة ساعتين ... بعدها هو يخرج لزيارة والدته أغلب الأحيان .

وأنا أعود للأطفال ... وأجهزهم للعشاء والنوم ...
وبعدها ألتفت لنفسي ...ألبس وأتشيك ... وأنظف غرفتي بلمساتي الخاصه ولازم يكون غير تنظيف الخادمه حتى يشعر زوجي بالفرق ..

وأجلس على الإنترنت .... أو أقرأ كتاب يعجبني ..أو أجهز العشاء لزوجي وكل يوم لازم اسوي حركه جديده في العشاء وأتفنن في زينته

يعني ببساطه بيتي ونفسي هم شغلي الشاغل ....ولا عندي وقت للزيارات ولا للتلفونات ...مقصره مع الجميع ... ولا أهتم ...

في الويك اند ... أشيل يدي تماما من الأطفال ....فهم باستلام الخادمه بنسبة 70% وبنسبة 20% باستلام والدهم ... الأربعاء يأخذهم لمنزل والدته
والخميس يتغدى معهم خارج المنزل ويذهب بهم للألعاب ... أما أنا أحيانا أكون معهم وأحيانا أذهب لأي مكان آخر .. وبعد عودتهم


أهتم بزوجي فقط ...ولا أفارقه ... نطلع ونتمشى وننسى كل المسؤوليات ..... ونسهر حتى الصباح ...وأستعد لهذا اليوم بكل شي ممكن يسليه ويغيرلنا جو .

والجمعه أعود لحقائب أطفالي ونراجع دروس الأسبوع كله لمدة ساعتين كاملتين ... وبعدها لا يوجد أي نظام وكل شخص حر بما يريد ... حتى المساء .

وأنوم الأطفال ...ونبدأ نستعد لأسبوع جديد .

هذا نظامي خالي من كل الواجبات الاجتماعيه ....ولا أشعر بأي مضايقه بالعكس ... حياتي جميله ....وأطفالي يتمتعون بصحه نفسيه عاليه ولله الحمد ....ومتفوقين في دراستهم ......وزوجي لم ينقص منه شيئ ويشعر بالإشباع العاطفي ....

ويستحيل أترك بيتي لعبه في يد الشغالات مهما صار ... وحياتي الإجتماعيه ممكن إصلاحها في نهاية الأسبوع أما حياتي الزوجيه من سيصلحها إذا تأزمت ؟

لذلك أنا لا أخرج حتى أتأكد أن جميع من في البيت خارج أمامي ...فلا أنقص من حقوقي ولا من حقوقهم وحياتنا جيده جداً بفضل من الله سبحانه .


فياعزيزتي .... بإمكانك تطوير نفسك من خلال القراءه ...أو الإنترنت .... وإذا كنتي بحاجه للدورات فحاولي قدر الإمكان أن تخرجي لها بعد تخطيط مسبق لكل شي ... فلا تقصر بحق زوجك ...ولا أطفالك ..وحاولي اختيار دورات تناسب جدولكم اليومي ....

بالنسبه للأطفال يكونون مع والدهم فلن تغيبي أكثر من 3 ساعات ... حاولي تعودي أطفالك على النوم في هذي الفتره ...ووالدهم يكون في البيت .

 

[روحي تحبه]

مشكورة وجزى كل خير من تكرمت بالرد في الموضوع ... بس صراحة أكثر اللي اقترحتوه مع كاااااااامل احترامي ما يناسبني .... ولدي عمره 5 شهور يعني مستحيل أحطه في حضانة قبل لا يكمل سنتين أو سنتين ونص (وهذي عن قناعة بنيتها نتيجة دراستي العليا في الطفولة المبكرة ) ... في هذا الوقت يمكن أكون جبت بيبي ثاني وهلم جرا .... بالنسبة للعمل أنا أعمل أخصائية اجتماعية بس مو في مدرسة ..يعني في وزارة ذات نشاط اجتماعي ..بس ما أقدر أداوم وأخلي ولدي عند أهلي لأن بيتهم بعيد وترك عند الخدامة بروحه في البيت مستحييييييييييييييييييييييييييييييل أتركه ، بعدين الأطفال محتاجين للعناية و للتوجيه والتربية خاصة في السنوات الخمس الأولى ...ويحتاجون روتين يومي يمكن يختل مرات بس موكل مرة ..يعني ممكن أأخر نوم بنتي أحيانا بس مو كل يوم ....وإذا نامت من بيكون عندها لما أحب أطلع ؟؟؟؟
بالنسبة للدورات أنا كنت مدمنة دورات تنمية ذاتية وقراءة وقللت منها بشكل كبير وعلاقاتي اقتصرت على المناسبات والتلفون إذا كان لي مزاج ...
وقتي الخاص يكون آخر الليل أقرأ ..أقعد على النت.. أسولف مع زوجي ..أشوف تلفزيون ... ومرة في الأسبوع تقريبا أطلع مع زوجي بروحنا ..أرجع مفرفشة وغيييييييييييييييير
الصالون كنت أروح له مرة بالأسبوع يوم كنت حامل بولدي أسوي شعري سشوار وأحيانا حمام زيت وأودي بنتي معاي .. اللحين في السنة حسنة ...أدري الظروف بتتحسن إن شاء الله لما يكبر ولدي بس بترجع إن شاء الله لما أجيب بيبي ثاني ... والمناسبات نادر ما أحضرها ...
خواتي دلوني أرجوكم ...أبي ترجع لي إرادتي ونفسيتي التواقة للتطوير مثل أول ...كنت دائمة القراءة وحضور الدورات وكنت كاتبة عمود في صحيفة رسمية ولي قرائي ورسامة وخطاطة وأخصائية اجتماعية ناجحة في عملي وطموحة وباحثة متميزة... الحمدلله المواهب ما زالت موجودة بس الطموح اختفى ...كملت دراستي العليا (دبلوم عالي) بطلوع الروح مع كثرة مسؤولياتي قبل ما أييب ولدي ...
أحس إن أولوياتي تغيرت ، وطموحي اختفى، وما عرف شلون أرجع مثل أول .....أو على الأقل قريب منه ...؟؟؟؟؟؟

 

[هدأة الغسق]

بصراحة يا أختي مافي حل ..

انا شخصياً أشوف مالها حل ..

لا تستغربي من كلامي انت شايفة الوضع عندك ..

حتى الآن ما اقدر أخرج واخليهم لوحدهم أبداً .. وزيارات خلاص مافي أبداً أصلاً تعودت إني ماعاد أخرج .. لأنه أكبر ولد عندي 10 سنين

تخيلي من 10 سنين وأنا على هذا الحال .. طبعاً تعودت ..


وما أقدر أكسر روتين أولادي إلا في الضرورات مثلاً عزا ..

لكن غيره ما اقدر انومهم في النهار واخرج بهم في المسا ..

أظن هذه ضريبة الأمومة .

ما عليك إلا تاخدي راحة كم سنة وبعدين ترجعي تعيدي الموال .​

 

[روحي تحبه]

up ..up..up

 

[روحي تحبه]

للرفـــــــــــــــــــــــــــــــــع

 

[سما الجنة]

اي والله مثل ما قالت اختي .. لا تشتكي لي ابكي لك!!!

هذي الامومه ... فترة وتعدي ..كانك تعيشين في دوامه ...اطفال محتاجينك... في كلشي اكل ونوم ولعب ما في غيرك لا شغاله تقدرين تثقين فيها .. ولا احد يمسك الاولاد .. شتسوين ...؟؟؟؟

اختي الي انت فيه من نفسيه وحيره هذا من كثر المشاغل .. ولأنك ما شاء الله عليك واضح انك طموحه كثير ..
نفسك تسوين كلشي في وقت واحد
ترضين نفسك بالطموح والتطور الذاتي والعلم والعمل .. وترضين اطفالم بالرعايه الكامله والاهتمام
وترضين زوجك انك ما تقصرين عنه شي ....
هذا ما تقدرين تسوينه بدون ما تتنازلين ... وفي هذه الفترة ما في مجال لتنازل ... لانك بتتعبين اكثر بتأنيب الضمير خاصة اذا كانتي حريصة على ان يكون كلشي حواليك كامل ومن هم برعايتك مو ناقص عليهم شي...
صدقيني مرت علي سنوات ما اعرف وين باب الشارع والله بدون مبالغه .. كانو عندي اطفال ثلاثه صغار عصبيين وزوجي عصبي جداً وما يبي شي ينقص عليه او حتى يساعد اشوي .وما عندي شغاله ... والله اذا جيت اذكر ذيك الفتره استغرب كيف كنت عايشه ...
نسيت الدنيا برا ايش كانت ... ما اذكر متى كلمت اهلي او خواتي بالتليفون ... متى اخر مرة شفت نور الشمس
زوجي الي اقدر اسويه اني البي طلباته بس حتى بدون ما اقعد معاه بس اركض اركض في كل مكان... وما كان يرحم يبي طلباته مجابه وبس
العلاقات الاجتماعيه تحتاج وقت وجدول منظم .. وظروف متاحه لها ... اذا كنتي ما تقدرين تعتمدين على الشغالات مثلي ما راح ترتاحين الا لما تصير عندك بنت كبيرة تكون موجوده في البيت وتحل محلك..
اصبري اختي فترة وتعدي... وبتتذكين هذي الفترة بعدين وانتي مبسوطة وتضحكين.. اسالي مجرب

 

[helwaya]

لالالالالالالالا كأبتوني جدا جدا جداااااااااا:sadwalk:

حاسة اني شايفة نفسي فيكم مستقبلا .....:shutup: ياللهول

انا طبعا مؤمنة بموضوع تربية جيل جيد ومن هذا الكلام .... ولكن ..... لا أرى نفسي بعدما يكبروا ... أين انا

ام سأرى نفسي فيهم وهكذا هي النهاية :tears:

ستمر حياتي هكذا ولن يذكرني سوى اولادي

!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟

 

[النورس الأبيض]

لالالالالالالالالالالالا يوجد حل يوم اكمل في ذا....... ويوم اقصر في هذا

مستحيل تسوين كل شىء في وقت واحد